विशुद्धं शिवं शान्तमाद्यन्तशून्यं

जगज्जीवनं ज्योतिरानन्दरूपम्।

अदिग्देशकालव्यवच्छेदनीयं
त्रयी वक्ति यं वेद तस्मै नमस्तै।।2।।

समानोदितानेकसूर्येन्दुकोटि

प्रभापूरतुल्यद्युतिं दुर्निरीक्षम्।

न शीतं न चोष्णं सुवर्णावदात
प्रसन्नं सदानन्दसंवित्स्वरूपम्।।4।।

लसत्कुण्डलामृष्टगण्डस्थलान्तं

जपारागचोराधरं चारुहासम्।

अलिव्याकुलामोदिमन्दारमालं
महोरस्फुरत्कौस्तुभोदारहारम्।।6।।

स्वभक्तेषु संदर्शिताकारमेवं

सदा भावयन्संनिरूद्धेन्द्रियाश्वः।

दुरापं नरो याति संसारपारं
परस्मै परेभ्योऽपि तस्मै नमस्ते।।8।।

शरीरं कलत्रं सुतं बन्धुवर्गं

वयस्यं धनं सह्म भृत्यं भुवं च।

समस्तं परित्यज्य हा कष्टमेको
गमिष्यामि दुःखेन दूरं किलाहम्।।10।।

कफव्याहतोष्णोल्बणश्वासवेग

व्यथाविष्फुरत्सर्वमर्मास्थिबन्धाम्।

विचिन्त्याहमन्त्यामसंख्यामवस्थां
बिभेमि प्रभो किं करोमि प्रसीद।।12।।