कस्तूरीतिलकाञ्चितेन्दुविलसत्प्रोद्भासिफालस्थलीं

कर्पूरद्रवमिश्रचूर्णखदिरामोदोल्ल सद्वीटिकाम्।

लोलापाङ्गतरङ्गितैरधिकृपासारैर्नतानन्दिनीं
श्रीशैलस्थलवासिनीं भगवतीं श्रीमातरं भावये।।2।।

षट्तारां गणदीपिकां शिवसतीं षड्वैरिवर्गापहां

षट्चक्रान्तरसंस्थितां वरसुधां षड्योगिनीवेष्टिताम्।

षट्चक्राञ्चितपादुकाञ्चितपदां ष़ड्भावगां षोडशीं
श्रीशैलस्थलवासिनीं भगवतीं श्रीमातरं भावये।।4।।

लावण्याधिकभूषिताङ्गलतिकां लाक्षालसद्रागिणीं

सेवायातसमस्तदेववनितां सीमन्तभूषांन्विताम्।

भावोल्लासवशीकृतप्रियतमां भण्डासुरच्छेदिनीं
श्रीशैलस्थलवासिनीं भगवतीं श्रीमातरं भावये।।6।।

कर्पूरागरुकुङ्कुमाङ्कितकुचां कर्पूरवर्णस्थितां

कृष्टोत्कृष्टसुकृष्टकर्मदहनां कामेश्वरीं कामिनीम्।

कामाक्षीं करुणारसार्द्रहृदयां कल्पान्तरस्थायिनीं
श्रीशैलस्थलवासिनीं भगवतीं श्रीमातरं भावये।।8।।