नवभिः सप्तभिः षड्भिः सप्तभिश्च तथाष्टभिः।
सप्तभिर्मूलमन्त्रेण कुर्यादङ्गानि षट् क्रमात्।।29.3।।

स्कन्धयोरुभयोर्मध्ये बाहुमूलोपबाहुषु।
प्रकूर्परप्रकोष्ठेषु मणिबन्धतलेषु च।।29.5।।

शिखाललाटदृक्कर्णयुगोष्ठरसनासु च।

सकर्णबाहुहृत्कुक्षिकटिगुह्योरुजानुषु।
जङ्घाचरणयोर्न्यस्येत्पदानि त्रिष्टुभः क्रमात्।।29.7।।

इति विन्यस्तदेहस्तु कुर्याज्जप्यादिकाः क्रियाः।
दीक्षा प्रवर्त्यते पूर्वं यथावद्देशिकोत्तमैः।।29.9।।

यन्त्रं षड्गुणितं कृत्वा दुर्वर्णलसिताश्रकम्।
बहिरष्टदलं पद्मं प्रोक्तलक्षणलक्षितम्।।29.11।।

व्याघ्रसिंहमुखीदुर्गात्रिष्टुभो नव शक्तयः।
तत्रादाय घटं दिव्यक्वाथमूत्रपयोम्भसाम्।।29.13।।

मूर्तीरभ्यर्चयेदग्नेर्जातवेदादिकाः क्रमात्।
पृथिव्यम्ब्वनलेरानप्यात्मनेपदसंयुतान्।।29.15।।

लोकपालांश्च तद्धेतीर्विधिनेति समर्चयेत्।
जागता तापिनी वेदगर्भा दाहनरूपिणी।।29.17।।

मरुद्वेगा रात्रिसंज्ञा तीव्रकोपा यशोवती।
तोयात्मिका तथा नित्या दयावत्यपि हारिणी।।29.19।।

षष्ठी च दण्डिनी तिग्मा दुर्गा गायत्रिसंज्ञका।
निरवद्या विशालाक्षी श्वासोद्वाहा च नादिनी।।29.21।।

त्यक्तदोषा निःसपत्ना चत्वारिंशच्चतुर्युताः।
अभिषिच्य पुनः शिष्यं कुम्भादीन्गुरुराहरेत्।।29.23।।

सर्वजापेषु संज्ञेया गायत्र्या द्विगुणो जपः।
कर्तव्यो वाञ्छितार्थाप्त्यै रक्षायै कार्यसिद्धये।।29.25।।

चत्वारि चत्वारिंशच्च चतुःशतसमन्वितम्।
चतुःसहस्रसंयुक्तं प्रोक्तैरेतैर्हुतक्रिया।।29.27।।

विलोमपाठो वर्णानामस्त्रमाहुर्मनीषिणः।
पादाष्टकमिदं विद्यात्ततोऽष्टाङ्गो मनुः स्वयम्।।29.29।।

आद्याः पञ्चाक्षरपदास्त्रयः सप्ताक्षरः परः।

पञ्चमश्चाथ षष्ठश्च द्वौ तु पादौ ष़डक्षरौ।
पञ्चाक्षरौ तदन्त्यौ च तेषां भावो निगद्यते।।29.31।।

षडूर्मयः पञ्चमं स्यात्षष्ठः षट्कौशिको मतः।
सप्तमश्चाष्टमः पादः शब्दाद्यं वचनादिकम्।।29.33।।

अनुलोमजपेऽङ्गानामपि पाठोऽनुलोमतः।
प्रतिलोमानि तानि स्युः प्रतिलोमविधौ तथा।।29.35।।

प्रतिपत्तिविशेषांश्च तत्र तत्र विचक्षणः।
गुर्वादेशविधानेन प्रविदध्यान्न चान्यथा।।29.37।।

अथ वा पञ्चगव्योत्थचरुणा हुतमुच्यते।
प्रत्यङ्मुखेन कर्तव्यं प्रायो जपहुतादिकम्।।29.39।।

तत्पञ्चकं च प्रत्येकमावृतं पञ्चभिः पृथक्।
प्रत्येकं पञ्चकानां तु षो़डशावृतिरिष्यते।।29.41।।

एतावत्यस्तु जातास्तद्विस्तरं पुनरूहयेत्।
तत्र त्विन्द्रियजाः प्रोक्ता देवतास्तूर्ध्वदृष्टयः।।29.43।।

क्लीबा मुखद्वयोपेता गोचरोत्थाः स्त्रियो मताः।
अधोमुखाश्च तिर्यञ्च इत्युक्तो मूर्तिसंग्रहः।।29.45।।

आरम्भे मानुपाणि स्युर्नक्षत्राण्याभिचारके।
कर्माण्यासुरभानि स्युर्दैवानि स्युस्तथा हृतौ।।29.47।।

नन्दास्वारभ्य रिक्तासु प्रयोज्यात्मनि संहरेत्।

भद्रासु संग्रहं कुर्याज्जयासु च विशेषतः।
आरेणारभ्य मन्देन प्रयोज्यादित्यवारके।।29.49।।

दिनास्त्रं दिनकृद्युक्तं वारग्रहसमन्वितम्।
कृत्तिकादि च कृत्यान्तं कृत्यास्त्रं जातवेदसः।।29.51।।

रक्षानिग्रहकर्मणोरनु पराग्वक्त्राः प्रधानाकृति

प्रख्या मन्त्रविधानविच्च दिशि दिश्येकादशैकादश।

संस्थाप्य क्रमशोऽक्षरोदितरुचीः शक्तीर्जपेद्वा मनुं
सम्यग्वा जुहुयादनुप्रतिगतं सिद्ध्यै समाराधयेत्।।29.53।।

सुसिता पाशाङ्कुशयु

ग्विगलद्वारिप्रवाहसंभिन्ना।

वेतससमिदाहुत्या
मधुरयुजा मङ्क्षु वर्षयेद्दुर्गा।।29.55।।

लवणैस्त्रिमधुरसिक्तै

स्तत्कृतया वा जुहोतु पुत्तल्या।

उडुतरुकाष्ठैर्नक्तं
सप्ताहान्नृपतिमपि वशीकुरुते।।29.57।।

ध्यात्वा धूम्रां मुसल

त्रिशिखकरामस्थिभिश्च तीक्ष्णाक्तैः।

कार्पासानां निम्ब
च्छदमेषघृतैर्हुताच्च विद्वेषः।।29.59।।

शिखिशूलकराग्निनिभा

सर्षपतैलाक्तमत्तबीजैश्च।

मरिचैर्वा राजियुतै
र्होमादहितान्विमोहयेद्दुर्गा।।29.61।।

नक्षत्रवृक्षसमिधो

मरिचानि च तीक्ष्णहिङ्गुशकलानि।

मारणकर्मणि विहिता
न्यरुष्करस्नेहसिक्तानि।।29.63।।

मरिचं क्षौद्रसमेतं

प्रत्यक्पुष्पीपरागसंभिन्नम्।

उष्णाम्भःपरिलुलितं
प्रसेचयेदृक्षवृक्षपुत्तल्याः।।29.65।।

सैव प्रतिकृतिरसकृ

त्प्रतिष्ठितसमीरणा च विशदधिया।

तीक्ष्णस्नेहालिप्ता
विलोमजापेन तापनीयाग्नौ।।29.67।।

प्राक्प्रोक्तान्भूतवर्णान्दश दश युगशो बिन्दुयुक्तान्नमोन्ता

न्योनेर्मध्याश्रमध्येष्वपि पुनरथ संस्थाप्य भूताभवर्णान्।

वर्णैस्तैः साकमग्नेर्मनुमपि कुलिशाद्यैः स्वचिह्नैः समेतं
कुर्यात्कर्माणि सम्यक्पटुविशदमतिः स्तम्भनाद्यानि मन्त्री।।29.69।।

मरुतः कपोलबिन्दुक

पञ्चमवर्णाः शहौ तथा व्योम्नः।

मनुषु परेष्वपि मन्त्री
कर्माणि करोतु तत्र संसिद्ध्यै।।29.71।।

सामुद्रे च सहिङ्गुजीरकविषे साध्यर्क्षवृक्षाकृतिं

कृत्वा यो वदनाञ्जले घटकटाहादिश्रिते क्वाथयेत्।

सप्ताहं ज्वलनं जपन्विषतरोर्यष्ट्या शिरस्ताडनं
कुर्वन्सप्तदिनान्तरैर्यमपुरक्रीडापरः स्यादरिः।।29.73।।

आर्द्रांशुकोऽग्निमनुना त्वथ सप्तरात्रं

सिद्धार्थतैललुलितैर्मरिचैर्जुहोतु।

आरभ्य विष्टिदिवसेऽरिनरः प्रलाप
मूर्छान्वितेन विषयीक्रियते ज्वरेण।।29.75।।

आधाय वैश्वानरमादरेण

समर्च्य सम्यङ्मरिचैर्जुहोतु।

तीव्रो ज्वरस्तस्य भवेत्पुनस्त
त्तोये क्षिपेद्वश्यतमः स भूयात्।।29.77।।

कृत्वा स्थण्डिलमङ्गणे भगवतीं न्यासक्रमैरर्चये

द्गन्धाद्यैः पुनरन्धसा च विकिरेन्मन्त्री निशायां बलिम्।

जप्त्वा मन्त्रममुं च रोगसहिताः कृत्यानिकृत्या कृतां
स्तांस्तान्भूतपिशाचवैरिविहितान्दुःखानसौ नाशयेत्।।29.79।।

कुसुमरसलुलितलोणै

र्वारुणवदनो जुहोतु संध्यासु।

मन्त्रार्णसंख्यमग्ने
रैक्येन द्रावयेदरीनचिरात्।।29.81।।

प्राशितसंपातस्य

स्याद्रक्षा सर्वथैव साध्यस्य।

प्राङ्गणमन्दिरयोरपि
निखनेद्द्वारे च शिष्टसंपातम्।।29.83।।

ब्रह्मद्रुमफलकान्ते

मन्त्रितमः सप्तसप्तकोष्ठयुते।

कोणोदराणि हित्वा
मायाबीजं सकर्ममध्यगते।।29.85।।

आज्येनाष्टसहस्रं

फलकोपरि सम्यगात्तसंपातम्।

विप्रतिपत्तिधरायां
निखनेन्नश्यन्त्युपद्रवाः सद्यः।।29.87।।

मध्याष्टाशान्तासु च

कुण्डानामारचय्य नवकमपि।

विधिना निवपेत्क्रमशः
सिंहधनुश्छागयायिनि दिनेशे।।29.89।।

हस्तश्रवणमखासु

प्राजापत्येषु कर्म कुर्वीत।

द्वादशसहस्रसंख्यं
प्रजपेद्गायत्रमपि यथाप्रोक्तम्।।29.91।।

तास्ताश्च देवता अपि

परिपूज्य यथाक्रमेण मन्त्रितमः।

कुर्याद्बलिं दिनग्रह
करणेभ्यो लोकपालराशिभ्यः।।29.93।।

अर्केऽजस्थेऽब्धिगायामपरिमितजलायां समादाय शुद्धाः

संम्यक्संशोषयित्वातपमनु सिकताः शूर्पकोणैर्विशोध्य।

संसिद्धे पञ्चगव्ये सुमतिरथ विनिक्षिप्य ताः कुम्भसंस्था
मन्त्राग्नौ मन्त्रजापी द्विजतरुसमिधा भर्जयेत्कार्यहेतोः।।29.95।।

व्रीहिभिरन्नैः क्षीरैः

समिद्भिरथ दुग्धवीरुधामाज्यैः।

मधुरत्रयमधुरतरै
र्महतीमृद्धिं करोति हुतविधिना।।29.97।।

साहिझषोपलमुदधिं

दहति ह मतिमानयत्नमेतेनः।

एवं प्रोत्थापयति च

मन्त्रेणानेन निशितधीर्मन्त्री।।

पुंसा केन कियद्वा
मन्त्रस्याचक्षतेऽस्य सामर्थ्यम्।।29.99।।