આહુર્યસ્ય સ્વરૂપં ક્ષણમુખમખિલં સૂરયઃ કાલમેતં

ધ્વાન્તસ્યૈકાન્તમન્તં યદપિ ચ પરમં સર્વધામ્નાં ચ ધામ।

ચક્ત્રં તઞ્ચક્ત્રપાણેર્દિતિજતનુગલદ્રક્તધારાક્તધારં
શશ્વન્નો વિશ્વવન્દ્યં વિતરતુ વિપુલં શર્મ ઘર્માંશુશોભમ્।।2।।

જીમૂતશ્યામભાસા મુહુરપિ ભગવદ્બાહુના મોહયન્તી

યુદ્ધેષૂદ્ધૂયમાના ઝટિતિ તટિદિવાલક્ષ્યતે યસ્ય મૂર્તિઃ।

સોસિસ્ત્રાસાકુલાક્ષત્રિદશરિપુવપુઃશોણિતાસ્વાદતૃપ્તો
નિત્યાનન્દાય ભૂયાન્મધુમથનમનોન્દનો નન્દકો નઃ।।4।।

યો વિશ્વપ્રાણભૂતસ્તનુરપિ ચ હરેર્યાનકેતુસ્વરૂપો

યં સંચિન્ત્યૈવ સદ્યઃ સ્વયમુરગવધૂવર્ગગર્ભાઃ પતન્તિ।

ચઞ્ચઞ્ચણ્ડોરૂતુણ્ડત્રુટિતફણિવસારક્તપઙ્કાઙ્કિતાસ્યં
વન્દે છન્દોમયં તં ખગપતિમમલસ્વર્ણવર્ણં સુપર્ણમ્।।6।।

વાગ્ભૂગૌર્યાદિભેદૈર્વિદુરિહ મુનયો યાં યદીયૈશ્ચ પુંસાં

કારૂણ્યાર્દ્રૈઃ કટાક્ષૈઃ સકૃદપિ પતિતૈઃ સંપદઃ સ્યુઃ સમગ્રઃ।

કુન્દેન્દુસ્વચ્છમન્દસ્મિતમધુરમુખામ્ભોરુહાં સુન્દરાઙ્ગીં
વન્દે વન્દ્યામશેષૈરપિ મુરભિદુરોમન્દિરામિન્દિરાં તામ્।।8।।

યેભ્યોસૂયદ્ભિરુઞ્ચૈઃ સપદિ પદમુરૂ ત્યજ્યતે દૈત્યવર્ગૈ-

ર્યેભ્યો ધર્તું ચ મૂર્ધ્ના સ્પૃહયતિ સતતં સર્વગીર્વાણવર્ગઃ।

નિત્યં નિર્મૂલયેયુર્નિચિતતરમમી ભક્તિનિઘ્નાત્મનાં નઃ
પહ્માક્ષસ્યાઙ્ઘ્રિપદ્મદ્વયતલનિલયાઃ પાંસવઃ પાપપઙ્કમ્।।10।।

યસ્માદાક્ત્રામતો દ્યાં ગરૂડમણિશિલાકેતુદણ્ડાયમાના-

દાશ્ચ્યોતન્તી બભાસે સુરસરિદમલા વૈજયન્તીવ કાન્તા।

ભૂમિષ્ઠો યસ્તથાન્યો ભુવનગૃહબૃહત્સ્તમ્ભશોભાં દધૌ નઃ
પાતામેતૌ પયોજોદરલલિતતલૌ પઙ્કજાક્ષસ્ય પાદૌ।।12।।

યેભ્યો વર્ણશ્ચતુર્થશ્ચરમત ઉદભૂદાદિસર્ગે પ્રજાનાં

સાહસ્રી ચાપિ સંખ્યા પ્રકટમભિહિતા સર્વવેદેષુ યેષામ્।

પ્રાપ્તા વિશ્વંભરા યૈરતિવિતતતનોર્વિશ્વમૂર્તેર્વિરાજો
વિષ્ણોસ્તેભ્યો મહદ્ય્ભઃ સતતમપિ નમોસ્ત્વઙ્ઘ્રિપઙ્કેરૂહેભ્યઃ।।14।।

યસ્યાં દૃષ્ટ્વામલાયાં પ્રતિકૃતિમમરાઃ સંભવન્ત્યાનમન્તઃ

સેન્દ્રાઃ સાન્દ્રીકૃતેર્ષ્યાસ્ત્વપરસુરકુલાશઙ્કયાતઙ્કવન્તઃ।

સા સદ્યઃ સાતિરેકાં સકલસુખકરીં સંપદં સાધયેન્ન-
શ્ચઞ્ચઞ્ચાર્વંશુચક્રા ચરણનલિનયોશ્ચક્રપાણેર્નખાલી।।16।।

શ્રીમત્યૌ ચારુવૃત્તે કરપરિમલનાનન્દહૃષ્ટે રમાયાઃ

સૌન્દર્યાઢ્યેન્દ્રનીલોપલરચિતમહાદણ્ડયોઃ કાન્તિચોરે।

સૂરીન્દ્રૈઃ સ્તૂયમાને સુરકુલસુખદે સૂદિતારાતિસંઘે
જઙ્ઘે નારાયણીયે મુહુરપિ જયતામસ્મદંહો હરન્ત્યૌ।।18।।

દેવો ભીતિં વિધાતુઃ સપદિ વિદધતૌ કૈટભાખ્યં મધું ચા-

પ્યારોપ્યારૂઢગર્વાવધિજલધિ યયોરાદિદૈત્યો જઘાન।

વૃત્તાવન્યોન્યતુલ્યૌ ચતુરમુપચયં બિભ્રતાવભ્રનીલા-
વૂરૂ ચારૂ હરેસ્તૌ મુદમતિશયિનીં માનસે નો વિધત્તામ્।।20।।

યસ્યા દામ્ના ત્રિધામ્નો જઘનકલિતયા ભ્રાજતેઙ્ગં યથાબ્ધે-

ર્મધ્યસ્થો મન્દરાદ્રિર્ભુજગપતિમહાભોગસંનદ્ધમધ્યઃ।

કાઞ્ચી સા કાઞ્ચનાભા મણિવરકિરણૈરૂલ્લસદ્ભિઃ પ્રદીપ્તા
કલ્યાં કલ્યાણદાત્રી મમ મતિમનિશં કમ્રરૂપા કરોતુ।।22।।

પાતાલં યસ્ય નાલં વલયમપિ દિશાં પત્રપઙ્ક્તીર્નગેન્દ્રા-

ન્વિદ્વાંસઃ કેસરાલીર્વિદુરિહ વિપુલાં કર્ણિકાં સ્વર્ણશૈલમ્।

ભૂયાદ્ગાયત્સ્વયંભૂમધુકરભવનં ભૂમયં કામદં નો
નાલીકં નાભિપદ્માકરભવમુરૂ તન્નાગશય્યસ્ય શૌરેઃ।।24।।

કાન્ત્યમ્ભઃપૂરપૂર્ણે લસદસિતવલીભઙ્ગભાસ્વત્તરઙ્ગે

ગમ્ભીરાકારનાભીચતુરતરમહાવર્તશોભિન્યુદારે।

ક્ત્રીડત્વાનદ્ધહેમોદરનહનમહાબાડબાગ્નિપ્રભાઢ્યે
કામં દામોદરીયોદરસલિલનિધૌ ચિત્તમત્સ્યશ્ચિરં નઃ।।26।।

સંસ્તીર્ણં કૌસ્તુભાંશુપ્રસરકિસલયૈર્મુગ્ધમુક્તાફલાઢ્યં

શ્રીવત્સોલ્લાસિ ફુલ્લપ્રતિનવવનમાલાઙ્કિ રાજદ્ભુજાન્તમ્।

વક્ષઃ શ્રીવૃક્ષકાન્તં મધુકરનિકરશ્યામલં શાર્ઙ્ગપાણેઃ
સંસારાધ્વશ્રમાર્તૈરુપવનમિવ યત્સેવિતં તત્પ્રપદ્યે।।28।।

સંભૂયામ્ભોધિમધ્યાત્સપદિ સહજયા યઃ શ્રિયા સંનિધત્તે

નીલે નારાયણોરઃસ્થલગગનતલે હારતારોપસેવ્યે।

આશાઃ સર્વાઃ પ્રકાશા વિદધદપિદધઞ્ચાત્મભાસાન્યતેજાં-
સ્યાશ્ર્યર્યસ્યાકરો નો દ્યુમણિરિવ મણિઃ કૌસ્તુભઃ સોસ્તુ ભૂત્યૈ।।30।।

હારસ્યોરૂપ્રભાભિઃ પ્રતિનવવનમાલાંશુભિઃ પ્રાંશુરૂપૈઃ

શ્રીભિશ્ચાપ્યઙ્ગદાનાં કબલિતરુચિ યન્નિષ્કભાભિશ્ચ ભાતિ।

બાહુલ્યેનૈવ બદ્ધાઞ્જલિપુટમજિતસ્યાભિયાચામહે ત-
દ્બન્ધાર્તિં બાધતાં નો બહુવિહતિકરીં બન્ધુરં બાહુમૂલમ્।।32।।

કણ્ઠાકલ્પોદ્ગતૈર્યઃ કનકમયલસત્કુણ્ડલોત્થૈરૂદારૈ-

રૂદ્યોતૈઃ કૌસ્તુભસ્યાપ્યુરૂભિરૂપચિતશ્ચિત્રવર્ણો વિભાતિ।

કણ્ઠાશ્લેષે રમાયાઃ કરવલયપદૈર્મુદ્રિતે ભદ્રરૂપે
વૈકુણ્ઠીયેત્ર કણ્ઠે વસતુ મમ મતિઃ કુણ્ઠભાવં વિહાય।।34।।

નિત્યં સ્નેહાતિરેકાન્નિજકમિતુરલં વિપ્રયોગાક્ષમા યા

વક્ત્રેન્દોરન્તરાલે કૃતવસતિરિવાભાતિ નક્ષત્રરાજિઃ।

લક્ષ્મીકાન્તસ્ય કાન્તાકૃતિરતિવિલસન્મુગ્ધમુક્ત્તાવલિશ્રી-
ર્દન્તાલી સંતતં સા નતિનુતિનિરતાનક્ષતાન્રક્ષતાન્નઃ।।36।।

કર્ણસ્થસ્વર્ણકમ્રોજ્જ્વલમકરમહાકુણ્ડલપ્રોતદીપ્ય-

ન્માણિક્યશ્રીપ્રતાનૈઃ પરિમિલિતમલિશ્યામલં કોમલં યત્।

પ્રોદ્યત્સૂર્યાશુરાજન્મરકતમુકુરાકારચોરં મુરારે-
ર્ગાઢામાગામિનીં નઃ શમયતુ વિપદં ગણ્ડયોર્મણ્ડલં તત્।।38।।

દિક્કાલૌ વેદયન્તૌ જગતિ મુહુરિમૌ સંચરન્તૌ રવીન્દૂ

ત્રૈલોક્યાલોકદીપાવભિદધતિ યયોરેવ રૂપં મુનીન્દ્રાઃ।

અસ્માનબ્જપ્રભે તે પ્રચુરતરકૃપાનિર્ભરં પ્રેક્ષમાણે
પાતામાતામ્રશુક્લાસિતરૂચિરૂચિરે પદ્મનેત્રસ્ય નેત્રે।।40।।

લક્ષ્માકારાલકાલિસ્ફુરદલિકશશાઙ્કાર્ધસંદર્શસીલ-

ન્નેત્રામ્ભોજપ્રબોધોત્સુકનિભૃતતરાલીનભૃઙ્ગચ્છટાભે।

લક્ષ્મીનાથસ્ય લક્ષ્યીકૃતવિબુધગણાપાઙ્ગબાણાસનાર્ધ-
ચ્છાયે નો ભૂરિભૂતિપ્રસવકુશલતે ભ્રૂલતે પાલયેતામ્।।42।।

પીઠીભૂતાલકાન્તં કૃતમકુટમહાદેવલિઙ્ગપ્રતિષ્ઠે

લાલાટે નાટ્યરઙ્ગે વિકટતરતટે કૈટભારેશ્ચિરાય।

પ્રોદ્ધાટ્યૈવાત્મતન્દ્રીપ્રકટપટકુટીં પ્રસ્ફુરન્તી સ્ફુટાઙ્ગં
પટ્વીયં ભાવનાખ્યાં ચટુલમતિનટી નાટિકાં નાટયેન્નઃ।।44।।

સુપ્તકારાઃ પ્રસુપ્તે ભગવતિ વિબુધૈરપ્યદૃષ્ટસ્વરૂપા

વ્યાપ્તવ્યોમાન્તરાલાસ્તરલમણિરુચા રઞ્જિતાઃ સ્પષ્ટભાસઃ।

દેહચ્છાયોદ્ગમાભા રિપુવપુરગરૂપ્લોષરોષાગ્નિધૂમ્યાઃ
કેશાઃ કેશિદ્વિષો નો વિદધતુ વિપુલક્લેશપાશપ્રણાશમ્।।46।।

ભ્રાન્ત્વા ભ્રાન્ત્વા યદન્તસ્ત્રિભુવનગુરુરપ્યબ્દકોટીરનેકાઃ

ગન્તું નાન્તં સમર્થો ભ્રમર ઇવ પુનર્નાભિનાલીકનાલાત્।

ઉન્મજ્જન્નૂર્જિતશ્રીસ્ત્રિભુવનમપરં નિર્મમે તત્સદૃક્ષં
દેહામ્ભોધિઃ સ દેયાન્નિરવધિરમૃતં દૈત્યવિદ્વેષિણો નઃ।।48।।

યસ્માદ્વાચો નિવૃત્તાઃ સમમપિ મનસા લક્ષણામીક્ષમાણાઃ

સ્વાર્થાલાભાત્પરાર્થવ્યપગમકથનશ્લાઘિનો વેદવાદાઃ।

નિત્યાનન્દં સ્વસંવિન્નિરવધિવિમલસ્વાન્તસંક્ત્રાન્તબિમ્બ-
ચ્છાયાપત્યાપિ નિત્યં સુખયતિ યમિનો યત્તદવ્યાન્મહો નઃ।।50।।