Devotional Hyms - Vishnu

৷৷শ্রীঃ৷৷

লক্ষ্মীভর্তুর্ভুজাগ্রে কৃতবসতি সিতং যস্য রূপং বিশালং

নীলাদ্রেস্তুঙ্গশ্রৃঙ্গস্থিতমিব রজনীনাথবিম্বং বিভাতি৷

পাযান্নঃ পাঞ্চজন্যঃ স দিতিসুতকুলত্রাসনৈঃ পূরযন্স্বৈ-
র্নিধ্বানৈর্নীরদৌঘধ্বনিপরিভবদৈরম্বরং কম্বুরাজঃ৷৷1৷৷

আহুর্যস্য স্বরূপং ক্ষণমুখমখিলং সূরযঃ কালমেতং

ধ্বান্তস্যৈকান্তমন্তং যদপি চ পরমং সর্বধাম্নাং চ ধাম৷

চক্ত্রং তঞ্চক্ত্রপাণের্দিতিজতনুগলদ্রক্তধারাক্তধারং
শশ্বন্নো বিশ্ববন্দ্যং বিতরতু বিপুলং শর্ম ঘর্মাংশুশোভম্৷৷2৷৷

অব্যান্নির্ঘাতঘোরো হরিভুজপবনামর্শনাধ্মাতমূর্তে-

রস্মান্বিস্মেরনেত্রত্রিদশনুতিবচঃসাধুকারৈঃ সুতারঃ৷

সর্বং সংহর্তুমিচ্ছোররিকুলভুবনং স্ফারবিষ্ফারনাদঃ
সংযত্কল্পান্তসিন্ধৌ শরসলিলঘটাবার্মুচঃ কার্মুকস্য৷৷3৷৷

জীমূতশ্যামভাসা মুহুরপি ভগবদ্বাহুনা মোহযন্তী

যুদ্ধেষূদ্ধূযমানা ঝটিতি তটিদিবালক্ষ্যতে যস্য মূর্তিঃ৷

সোসিস্ত্রাসাকুলাক্ষত্রিদশরিপুবপুঃশোণিতাস্বাদতৃপ্তো
নিত্যানন্দায ভূযান্মধুমথনমনোন্দনো নন্দকো নঃ৷৷4৷৷

কম্রাকারা মুরারেঃ করকমলতলেনানুরাগাদ্গৃহীতা

সম্যগ্বৃত্তা স্থিতাগ্রে সপদি ন সহতে দর্শনং যা পরেষাম্৷

রাজন্তী দৈত্যজীবাসবমদুমুদিতা লোহিতালেপনার্দ্রা
কামং দীপ্তাংশুকান্তা প্রদিশতু দযিতেবাস্য কৌমোদকী নঃ৷৷5৷৷

যো বিশ্বপ্রাণভূতস্তনুরপি চ হরের্যানকেতুস্বরূপো

যং সংচিন্ত্যৈব সদ্যঃ স্বযমুরগবধূবর্গগর্ভাঃ পতন্তি৷

চঞ্চঞ্চণ্ডোরূতুণ্ডত্রুটিতফণিবসারক্তপঙ্কাঙ্কিতাস্যং
বন্দে ছন্দোমযং তং খগপতিমমলস্বর্ণবর্ণং সুপর্ণম্৷৷6৷৷

বিষ্ণোর্বিশ্বেশ্বরস্য প্রবরশযনকৃত্সর্বলোকৈকধর্তা

সোনন্তঃ সর্বভূতঃ পৃথুবিমলযশাঃ সর্ববেদৈশ্চ বেদ্যঃ৷

পাতা বিশ্বস্য শশ্বত্সকলসুররিপুধ্বংসনঃ পাপহন্তা
সর্বজ্ঞঃ সর্বসাক্ষী সকলবিষভযাত্পাতু ভোগীশ্বরো নঃ৷৷7৷৷

বাগ্ভূগৌর্যাদিভেদৈর্বিদুরিহ মুনযো যাং যদীযৈশ্চ পুংসাং

কারূণ্যার্দ্রৈঃ কটাক্ষৈঃ সকৃদপি পতিতৈঃ সংপদঃ স্যুঃ সমগ্রঃ৷

কুন্দেন্দুস্বচ্ছমন্দস্মিতমধুরমুখাম্ভোরুহাং সুন্দরাঙ্গীং
বন্দে বন্দ্যামশেষৈরপি মুরভিদুরোমন্দিরামিন্দিরাং তাম্৷৷8৷৷

যা সূতে সত্ত্বজালং সকলমপি সদা সংনিধানেন পুংসো

ধত্তে যা তত্ত্বযোগাঞ্চরমচরমিদং ভূতযে ভূতজাতম্৷

ধাত্রীং স্থাত্রীং জনিত্রীং প্রকৃতিমবিকৃতিং বিশ্বশক্তিং বিধাত্রীং
বিষ্ণোর্বিশ্বাত্মনস্তাং বিপুলগুণমযীং প্রাণনাথাং প্রণৌমি৷৷9৷৷

যেভ্যোসূযদ্ভিরুঞ্চৈঃ সপদি পদমুরূ ত্যজ্যতে দৈত্যবর্গৈ-

র্যেভ্যো ধর্তুং চ মূর্ধ্না স্পৃহযতি সততং সর্বগীর্বাণবর্গঃ৷

নিত্যং নির্মূলযেযুর্নিচিততরমমী ভক্তিনিঘ্নাত্মনাং নঃ
পহ্মাক্ষস্যাঙ্ঘ্রিপদ্মদ্বযতলনিলযাঃ পাংসবঃ পাপপঙ্কম্৷৷10৷৷

রেখা লেখাদিবন্দ্যাশ্চরণতলগতাশ্চক্রমত্স্যাদিরুপাঃ

স্নিগ্ধাঃ সূক্ষ্মাঃ সুজাতা মৃদুললিততরক্ষৌমসূত্রাযমাণাঃ৷

দদ্যুর্নো মঙ্গলানি ভ্রমরভরজুষা কোমলেনাব্ধিজাযাঃ
কম্রেণাম্রেড্যমানাঃ কিসলযমৃদুনা পাণিনা চক্ত্রপাণেঃ৷৷11৷৷

যস্মাদাক্ত্রামতো দ্যাং গরূডমণিশিলাকেতুদণ্ডাযমানা-

দাশ্চ্যোতন্তী বভাসে সুরসরিদমলা বৈজযন্তীব কান্তা৷

ভূমিষ্ঠো যস্তথান্যো ভুবনগৃহবৃহত্স্তম্ভশোভাং দধৌ নঃ
পাতামেতৌ পযোজোদরললিততলৌ পঙ্কজাক্ষস্য পাদৌ৷৷12৷৷

আক্ত্রামদ্ভযাং ত্রিলোকীমসুরসুরপতী তত্ক্ষণাদেব নীতৌ

যাভ্যাং বৈরোচনীন্দ্রৌ যুগপদপি বিপত্সংপদোরেকধাম৷

তাভ্যাং তাম্রোদরাভ্যাং মুহুরহমজিতস্যাঞ্চিতাভ্যামুভাভ্যাং
প্রাজ্যৈশ্বর্যপ্রদাভ্যাং প্রণতিমুপগতঃ পাদপঙ্কেরূহাভ্যাম্৷৷13৷৷

যেভ্যো বর্ণশ্চতুর্থশ্চরমত উদভূদাদিসর্গে প্রজানাং

সাহস্রী চাপি সংখ্যা প্রকটমভিহিতা সর্ববেদেষু যেষাম্৷

প্রাপ্তা বিশ্বংভরা যৈরতিবিতততনোর্বিশ্বমূর্তের্বিরাজো
বিষ্ণোস্তেভ্যো মহদ্য্ভঃ সততমপি নমোস্ত্বঙ্ঘ্রিপঙ্কেরূহেভ্যঃ৷৷14৷৷

বিষ্ণোঃ পাদদ্বযাগ্রে বিমলনখমণিভ্রাজিতা রাজতে যা

রাজীবস্যেব রম্যা হিমজলকণিকালংকৃতাগ্রা দলালী৷

অস্মাকং বিস্মযার্হাণ্যখিলজনমনঃপ্রার্থনীযা হি সেযং
দদ্যাদাদ্যানবদ্যা ততিরতিরূচিরা মঙ্গলান্যঙ্গুলীনাম্৷৷15৷৷

যস্যাং দৃষ্ট্বামলাযাং প্রতিকৃতিমমরাঃ সংভবন্ত্যানমন্তঃ

সেন্দ্রাঃ সান্দ্রীকৃতের্ষ্যাস্ত্বপরসুরকুলাশঙ্কযাতঙ্কবন্তঃ৷

সা সদ্যঃ সাতিরেকাং সকলসুখকরীং সংপদং সাধযেন্ন-
শ্চঞ্চঞ্চার্বংশুচক্রা চরণনলিনযোশ্চক্রপাণের্নখালী৷৷16৷৷

পাদাম্ভোজন্মসেবাসমবনতসুরব্রাতভাস্বত্কিরীট-

প্রত্যুপ্তোঞ্চাবচাশ্মপ্রবরকরগণৈশ্চিত্রিতং যদ্বিভাতি৷

নম্রাঙ্গানাং হরের্নো হরিদুপলমহাকূর্মসৌন্দর্যহারি-
চ্ছাযং শ্রেযঃপ্রদাযি প্রপদযুগমিদং প্রাপযেত্পাপমন্তম্৷৷17৷৷

শ্রীমত্যৌ চারুবৃত্তে করপরিমলনানন্দহৃষ্টে রমাযাঃ

সৌন্দর্যাঢ্যেন্দ্রনীলোপলরচিতমহাদণ্ডযোঃ কান্তিচোরে৷

সূরীন্দ্রৈঃ স্তূযমানে সুরকুলসুখদে সূদিতারাতিসংঘে
জঙ্ঘে নারাযণীযে মুহুরপি জযতামস্মদংহো হরন্ত্যৌ৷৷18৷৷

সম্যক্সাহ্যং বিধাতুং সমমিব সততং জঙ্ঘযোঃ খিন্নযোর্যে

ভারীভূতোরূদণ্ডদ্বযভরণকৃতোত্তম্ভভাবং ভজেতে৷

চিত্তাদর্শং নিধাতুং মহিতমিব সতাং তে সমুদ্গাযমানে
বৃত্তাকারে বিধত্তাং হৃদি মুদমজিতর্যানিশং জানুনী নঃ৷৷19৷৷

দেবো ভীতিং বিধাতুঃ সপদি বিদধতৌ কৈটভাখ্যং মধুং চা-

প্যারোপ্যারূঢগর্বাবধিজলধি যযোরাদিদৈত্যো জঘান৷

বৃত্তাবন্যোন্যতুল্যৌ চতুরমুপচযং বিভ্রতাবভ্রনীলা-
বূরূ চারূ হরেস্তৌ মুদমতিশযিনীং মানসে নো বিধত্তাম্৷৷20৷৷

পীতেন দ্যোততে যঞ্চতুরপরিহিতেনাম্বরেণাত্যুদারং

জাতালংকারযোগং জলমিব জলধের্বাডবাগ্নিপ্রভাভিঃ৷

এতত্পাতিত্যদান্নো জঘনমতিঘনাদেনসো মাননীযং
সাতত্যেনৈব চেতোবিষযমবতরত্পাতু পীতাম্বরস্য৷৷21৷৷

যস্যা দাম্না ত্রিধাম্নো জঘনকলিতযা ভ্রাজতেঙ্গং যথাব্ধে-

র্মধ্যস্থো মন্দরাদ্রির্ভুজগপতিমহাভোগসংনদ্ধমধ্যঃ৷

কাঞ্চী সা কাঞ্চনাভা মণিবরকিরণৈরূল্লসদ্ভিঃ প্রদীপ্তা
কল্যাং কল্যাণদাত্রী মম মতিমনিশং কম্ররূপা করোতু৷৷22৷৷

উন্নম্রং কম্রমুঞ্চৈরূপচিতমুদভূদ্যত্র পত্রৈর্বিচিত্রৈঃ

পূর্বং গীর্বাণপূজ্যং কমলজমধুপস্যাস্পদং তত্পযোজম্৷

যস্মিন্নীলাশ্মনীলৈস্তরলরুচিজলৈঃ পূরিতে কেলিবুদ্ধযা
নালীকাক্ষস্য নাভীসরসি বসতু নশ্চিত্তহংসশ্চিরায৷৷23৷৷

পাতালং যস্য নালং বলযমপি দিশাং পত্রপঙ্ক্তীর্নগেন্দ্রা-

ন্বিদ্বাংসঃ কেসরালীর্বিদুরিহ বিপুলাং কর্ণিকাং স্বর্ণশৈলম্৷

ভূযাদ্গাযত্স্বযংভূমধুকরভবনং ভূমযং কামদং নো
নালীকং নাভিপদ্মাকরভবমুরূ তন্নাগশয্যস্য শৌরেঃ৷৷24৷৷

আদৌ কল্পস্য যস্মাত্প্রভতি বিততং বিশ্বমেতদ্বিকল্পৈঃ

কল্পান্তে যস্য চান্তঃ প্রবিশতি সকলং স্থাবরং জঙ্গমং চ৷

অত্যন্তাচিন্ত্যমূর্তেশ্চিরতরমজিতস্যান্তরিক্ষস্বরূপে
তস্মিন্নস্মাকমন্তঃকরণমতিমুদা ক্ত্রীডতাত্ক্রোডভাগে৷৷25৷৷

কান্ত্যম্ভঃপূরপূর্ণে লসদসিতবলীভঙ্গভাস্বত্তরঙ্গে

গম্ভীরাকারনাভীচতুরতরমহাবর্তশোভিন্যুদারে৷

ক্ত্রীডত্বানদ্ধহেমোদরনহনমহাবাডবাগ্নিপ্রভাঢ্যে
কামং দামোদরীযোদরসলিলনিধৌ চিত্তমত্স্যশ্চিরং নঃ৷৷26৷৷

নাভীনালীকমূলাদধিকপরিমলোন্মোহিতানামলীনাং

মালা নীলেব যান্তী স্ফুরতি রূচিমতী বক্ত্রপদ্মোন্মুখী যা৷

রম্যা সা রোমরাজির্মাহিতরূচিকরী মধ্যভাগস্য বিষ্ণো-
শ্চিত্তস্থা মা বিরংসীঞ্চিরতরমুচিতাং সাধযন্তী শ্রীযং নঃ৷৷27৷৷

সংস্তীর্ণং কৌস্তুভাংশুপ্রসরকিসলযৈর্মুগ্ধমুক্তাফলাঢ্যং

শ্রীবত্সোল্লাসি ফুল্লপ্রতিনববনমালাঙ্কি রাজদ্ভুজান্তম্৷

বক্ষঃ শ্রীবৃক্ষকান্তং মধুকরনিকরশ্যামলং শার্ঙ্গপাণেঃ
সংসারাধ্বশ্রমার্তৈরুপবনমিব যত্সেবিতং তত্প্রপদ্যে৷৷28৷৷

কান্তং বক্ষো নিতানতং বিদধদিব গলং কালিমা কালশত্রো-

রিন্দোর্বিম্বং যথাঙ্কো মধুপ ইব তরোর্মঞ্জরীং রাজতে যঃ৷

শ্রীমান্নিত্যং বিধেযাদবিরলমিলিতঃ কৌস্তুভশ্রীপ্রতানৈঃ
শ্রীবত্সঃ শ্রীপতেঃ স শ্রিয ইব দযিতো বত্স উঞ্চৈঃশ্রিযং নঃ৷৷29৷৷

সংভূযাম্ভোধিমধ্যাত্সপদি সহজযা যঃ শ্রিযা সংনিধত্তে

নীলে নারাযণোরঃস্থলগগনতলে হারতারোপসেব্যে৷

আশাঃ সর্বাঃ প্রকাশা বিদধদপিদধঞ্চাত্মভাসান্যতেজাং-
স্যাশ্র্যর্যস্যাকরো নো দ্যুমণিরিব মণিঃ কৌস্তুভঃ সোস্তু ভূত্যৈ৷৷30৷৷

যা বাযাবানুকূল্যাত্সরতি মণিরূচা ভাসমানা সমানা

সাকং সাকম্পমংসে বসিত বিদধতী বাসুভদ্রং সুভদ্রম্৷

সারং সারঙ্গসংঘৈর্মুখরিতকুসুমা মেচকান্তা চ কান্তা
মালা মালালিতাস্মান্ন বিরমতু সুখৈর্যোজযন্তী জযন্তী৷৷31৷৷

হারস্যোরূপ্রভাভিঃ প্রতিনববনমালাংশুভিঃ প্রাংশুরূপৈঃ

শ্রীভিশ্চাপ্যঙ্গদানাং কবলিতরুচি যন্নিষ্কভাভিশ্চ ভাতি৷

বাহুল্যেনৈব বদ্ধাঞ্জলিপুটমজিতস্যাভিযাচামহে ত-
দ্বন্ধার্তিং বাধতাং নো বহুবিহতিকরীং বন্ধুরং বাহুমূলম্৷৷32৷৷

বিশ্বত্রাণৈংকদীক্ষাস্তদনুগুণগুণক্ষত্রনির্মাণদক্ষাঃ

কর্তারো দুর্নিরূপস্ফুটগুণযশসাং কর্মণামদ্ভুতানাম্৷

শার্ঙ্গং বাণং কৃপাণং ফলকমরিগদে পদ্মশঙ্খৌ সহস্রং
বিভ্রাণাঃ শস্ত্রজালং মম দধতু হরের্বাহবো মোহহানিম্৷৷33৷৷

কণ্ঠাকল্পোদ্গতৈর্যঃ কনকমযলসত্কুণ্ডলোত্থৈরূদারৈ-

রূদ্যোতৈঃ কৌস্তুভস্যাপ্যুরূভিরূপচিতশ্চিত্রবর্ণো বিভাতি৷

কণ্ঠাশ্লেষে রমাযাঃ করবলযপদৈর্মুদ্রিতে ভদ্ররূপে
বৈকুণ্ঠীযেত্র কণ্ঠে বসতু মম মতিঃ কুণ্ঠভাবং বিহায৷৷34৷৷

পদ্মানন্দপ্রদাতা পরিলসদরুণশ্রীপরীতাগ্রভাগঃ

কালে কালে চ কম্বুপ্রবরশশধরাপূরণে যঃ প্রবীণঃ৷

বক্ত্রাকাশান্তরস্থস্তিরযতি নিতরাং দন্ততারৌঘশোভাং
শ্রীভর্তুর্দন্তবাসোদ্যুমণিরঘতমোনাশনাযাস্ত্বসৌ নঃ৷৷35৷৷

নিত্যং স্নেহাতিরেকান্নিজকমিতুরলং বিপ্রযোগাক্ষমা যা

বক্ত্রেন্দোরন্তরালে কৃতবসতিরিবাভাতি নক্ষত্ররাজিঃ৷

লক্ষ্মীকান্তস্য কান্তাকৃতিরতিবিলসন্মুগ্ধমুক্ত্তাবলিশ্রী-
র্দন্তালী সংততং সা নতিনুতিনিরতানক্ষতান্রক্ষতান্নঃ৷৷36৷৷

ব্রহ্মন্ব্রহ্মণ্যজিহ্মাং মতিমপি কুরুষে দেব সংভাবযে ত্বাং

শংভো শক্ত্র ত্রিলোকীমবসি কিমমরৈর্নারদাদ্যাঃ সুখং বঃ৷

ইত্থং সেবাবনম্রং সুরমুনিনিকরং বীক্ষ্য বিষ্ণোঃ প্রসন্ন-
স্যাস্যেন্দোরস্রবন্তী বরবচনসুধাহ্লাদযেংন্মানসং নঃ৷৷37৷৷

কর্ণস্থস্বর্ণকম্রোজ্জ্বলমকরমহাকুণ্ডলপ্রোতদীপ্য-

ন্মাণিক্যশ্রীপ্রতানৈঃ পরিমিলিতমলিশ্যামলং কোমলং যত্৷

প্রোদ্যত্সূর্যাশুরাজন্মরকতমুকুরাকারচোরং মুরারে-
র্গাঢামাগামিনীং নঃ শমযতু বিপদং গণ্ডযোর্মণ্ডলং তত্৷৷38৷৷

বক্ত্রাম্ভোজে লসন্তং মুহুরধরমণিং পক্কবিম্বাভিরামং

দৃষ্ট্বা দ্রষ্টুং শুকস্য স্ফুটমবতরতস্তুণ্ডদণ্ডাযতে যঃ৷

ঘোণঃ শোণীকৃতাত্মা শ্রবণযুগলসত্কুণ্ডলোস্রৈর্মুরারেঃ
প্রাণাখ্যস্যানিলস্য প্রসরণসরণিঃ প্রাণদানাথ নঃ স্যাত্৷৷39৷৷

দিক্কালৌ বেদযন্তৌ জগতি মুহুরিমৌ সংচরন্তৌ রবীন্দূ

ত্রৈলোক্যালোকদীপাবভিদধতি যযোরেব রূপং মুনীন্দ্রাঃ৷

অস্মানব্জপ্রভে তে প্রচুরতরকৃপানির্ভরং প্রেক্ষমাণে
পাতামাতাম্রশুক্লাসিতরূচিরূচিরে পদ্মনেত্রস্য নেত্রে৷৷40৷৷

পাতাত্পাতালপাতাত্পতগপতিগতের্ভ্রূযুগং ভুগ্নমমধ্যং

যেনেষঞ্চালিতেন স্বপদনিযমিতাঃ সাসুরা দেবসংধাঃ৷

নৃত্যল্লাটরঙ্গে রজনিকরতনোরর্ধখণ্ডাবদাতে
কালব্যালদ্বযং বা বিলসতি সমযা বালিকামাতরং নঃ৷৷41৷৷

লক্ষ্মাকারালকালিস্ফুরদলিকশশাঙ্কার্ধসংদর্শসীল-

ন্নেত্রাম্ভোজপ্রবোধোত্সুকনিভৃততরালীনভৃঙ্গচ্ছটাভে৷

লক্ষ্মীনাথস্য লক্ষ্যীকৃতবিবুধগণাপাঙ্গবাণাসনার্ধ-
চ্ছাযে নো ভূরিভূতিপ্রসবকুশলতে ভ্রূলতে পালযেতাম্৷৷42৷৷

রূক্ষস্মারেক্ষুচাপচ্যুতশরনিকরক্ষীণলক্ষ্মীকটাক্ষ-

প্রোত্ফুল্লত্পদ্মমালাবিলসিতমহিতস্ফাটিকৈশানলিঙ্গম্৷

ভূযাদ্ভূযো বিভূত্যৈ মম ভুবনপতের্ভ্রূলতাদ্বন্দ্বমধ্যা-
দুত্থং তত্পুণ্ড্রমূর্ধ্বং জনিমরণতমঃখণ্ডনং মণ্ডনং চ৷৷43৷৷

পীঠীভূতালকান্তং কৃতমকুটমহাদেবলিঙ্গপ্রতিষ্ঠে

লালাটে নাট্যরঙ্গে বিকটতরতটে কৈটভারেশ্চিরায৷

প্রোদ্ধাট্যৈবাত্মতন্দ্রীপ্রকটপটকুটীং প্রস্ফুরন্তী স্ফুটাঙ্গং
পট্বীযং ভাবনাখ্যাং চটুলমতিনটী নাটিকাং নাটযেন্নঃ৷৷44৷৷

মালালীবালিধাম্নঃ কুবলযকলিতা শ্রীপতেঃ কুন্তলালী

কালিন্দ্যারূহ্য মূর্ধ্নো গলতি হরশিরঃস্বর্ধুনীস্পর্ধযা নু৷

রাহুর্বা যাতি বক্ত্রং সকলশশিকলাভ্রান্তিলোলান্তরাত্মা
লোকৈরালোক্যতে যা প্রদিশতু সততং সাখিলং মঙ্গলং নঃ৷৷45৷৷

সুপ্তকারাঃ প্রসুপ্তে ভগবতি বিবুধৈরপ্যদৃষ্টস্বরূপা

ব্যাপ্তব্যোমান্তরালাস্তরলমণিরুচা রঞ্জিতাঃ স্পষ্টভাসঃ৷

দেহচ্ছাযোদ্গমাভা রিপুবপুরগরূপ্লোষরোষাগ্নিধূম্যাঃ
কেশাঃ কেশিদ্বিষো নো বিদধতু বিপুলক্লেশপাশপ্রণাশম্৷৷46৷৷

যত্র প্রত্যুপ্তরত্নপ্রবরপরিলসদ্ভূরিরোচিষ্প্রতান-

স্ফূর্ত্যাং মূর্তির্মুরারের্দ্যুমণিশতচিতব্যোমবদ্দুর্নিরীক্ষ্যা৷

কুর্বত্পারেপযোধি জ্বলদকৃশশিখাভাস্বদৌর্বাগ্নিশঙ্কাং
শশ্বন্নঃ শর্ম দিশ্যাত্কলিকলুষতমঃপাটনং তত্কিরীটম্৷৷47৷৷

ভ্রান্ত্বা ভ্রান্ত্বা যদন্তস্ত্রিভুবনগুরুরপ্যব্দকোটীরনেকাঃ

গন্তুং নান্তং সমর্থো ভ্রমর ইব পুনর্নাভিনালীকনালাত্৷

উন্মজ্জন্নূর্জিতশ্রীস্ত্রিভুবনমপরং নির্মমে তত্সদৃক্ষং
দেহাম্ভোধিঃ স দেযান্নিরবধিরমৃতং দৈত্যবিদ্বেষিণো নঃ৷৷48৷৷

মত্স্যঃ কূর্মো বরাহো নরহরিণপতির্বামনো জামদগ্ন্যঃ

কাকুত্স্থঃ কংসঘাতী মনসিজবিজযী যশ্চ কল্কির্ভবিষ্যন্৷

বিষ্ণোরংশাবতারা ভুবনহিতকরা ধর্মসংস্থাপনার্থাঃ
পাযাসুর্মাং ত এতে গুরুতরকরুণাভারখিন্নাশযা যে৷৷49৷৷

যস্মাদ্বাচো নিবৃত্তাঃ সমমপি মনসা লক্ষণামীক্ষমাণাঃ

স্বার্থালাভাত্পরার্থব্যপগমকথনশ্লাঘিনো বেদবাদাঃ৷

নিত্যানন্দং স্বসংবিন্নিরবধিবিমলস্বান্তসংক্ত্রান্তবিম্ব-
চ্ছাযাপত্যাপি নিত্যং সুখযতি যমিনো যত্তদব্যান্মহো নঃ৷৷50৷৷

আপাদাদা চ শীর্ষাদ্বপুরিদমনঘং বৈষ্ণবং যঃ স্বচিত্তে

ধত্তে নিত্যং নিরস্তাখিলকলিকলুষে সংততান্তঃপ্রমোদম্৷

জুহ্বজ্জিহ্বাকৃশানৌ হরিচরিতহবিঃস্তোত্রমত্রানুপাঠৈ-
স্তত্পাদাম্ভোরুহাভ্যাং সততমপি নমস্কুর্মহে নির্মলাভ্যাম্৷৷51৷৷

মোদাত্পাদাদিকেশস্তুতিমিতিরচিতাং কীর্তযিত্বা ত্রিধাম্নঃ

পাদাব্জদ্বন্দ্বসেবাসমযনতমতির্মস্তকেনানমেদ্যঃ৷

উন্মুচ্যৈবাত্মনৈনোনিচযকবচকং পঞ্চতামেত্য ভানো-
র্বিম্বান্তর্গোচরং স প্রবিশতি পরমানন্দমাত্মস্বরূপম্৷৷52৷৷


ইতি শ্রীমত্পরমহংসপরিব্রাজকাচার্যস্য

শ্রীগোবিন্দভগবত্পূজ্যপাদশিষ্যস্য

শ্রীমচ্ছংকরভগবতঃ কৃতৌ

বিষ্ণুপাদাদিকেশান্তস্তেত্রং

সংপূর্ণম্৷৷