Devotional Hyms - Vishnu

।।શ્રીઃ।।

ચિદંશં વિભું નિર્મલં નિર્વિકલ્પં

નિરીહં નિરાગારમોંકારગમ્યમ્।

ગુણાતીતમવ્યક્તમેકં તુરીયં
પરં બ્રહ્મ યં વેદ તસ્મૈ નમસ્તે।।1।।

વિશુદ્ધં શિવં શાન્તમાદ્યન્તશૂન્યં

જગજ્જીવનં જ્યોતિરાનન્દરૂપમ્।

અદિગ્દેશકાલવ્યવચ્છેદનીયં
ત્રયી વક્તિ યં વેદ તસ્મૈ નમસ્તૈ।।2।।

મહાયોગપીઠે પરિભ્રાજમાને

ધરણ્યદિતત્ત્વાત્મકે શક્તિયુક્તે।

ગુણાહસ્કરે વહ્નિબિમ્બાર્ધમધ્યે
સમાસીનમોંકર્ણિકેષ્ટાક્ષરાબ્જે।।3।।

સમાનોદિતાનેકસૂર્યેન્દુકોટિ-

પ્રભાપૂરતુલ્યદ્યુતિં દુર્નિરીક્ષમ્।

ન શીતં ન ચોષ્ણં સુવર્ણાવદાત-
પ્રસન્નં સદાનન્દસંવિત્સ્વરૂપમ્।।4।।

સુનાસાપુટં સુન્દરભ્રૂલલાટં

કિરીટોચિતાકુઞ્ચિતસ્નિગ્ધકેશમ્।

સ્ફુરત્પુણ્ડરીકાભિરામાયતાક્ષં
સમુત્ફુલ્લરત્નપ્રસૂનાવતંસમ્।।5।।

લસત્કુણ્ડલામૃષ્ટગણ્ડસ્થલાન્તં

જપારાગચોરાધરં ચારુહાસમ્।

અલિવ્યાકુલામોદિમન્દારમાલં
મહોરસ્ફુરત્કૌસ્તુભોદારહારમ્।।6।।

સુરત્નાઙ્ગદૈરન્વિતં બાહુદણ્ડૈ-

શ્ચતુર્ભિશ્ચલત્કઙ્કણાલંકૃતાગ્રૈઃ।

ઉદારોદરાલંકૃતં પીતવસ્રં
પદદ્વન્દ્વનિર્ધૂપહ્માભિરામમ્ ।।7।।

સ્વભક્તેષુ સંદર્શિતાકારમેવં

સદા ભાવયન્સંનિરૂદ્ધેન્દ્રિયાશ્વઃ।

દુરાપં નરો યાતિ સંસારપારં
પરસ્મૈ પરેભ્યોપિ તસ્મૈ નમસ્તે।।8।।

શ્રિયા શાતકુમ્ભદ્યુતિસ્નિધકાન્ત્યા

ધરણ્યા ચ દૂર્વાદલશ્યામલાઙ્ગયા।

કલત્રદ્વયેનામુના તોષિતાય
ત્રિલોકીગૃહસ્થાય વિષ્ણો નમસ્તે।।9।।

શરીરં કલત્રં સુતં બન્ધુવર્ગં

વયસ્યં ધનં સહ્મ ભૃત્યં ભુવં ચ।

સમસ્તં પરિત્યજ્ય હા કષ્ટમેકો
ગમિષ્યામિ દુઃખેન દૂરં કિલાહમ્।।10।।

જરેયં પિશાચીવ હા જીવિતો મે

વસામત્તિ રક્તં ચ માંસં બલં ચ।

અહો દેવ સીદામિ દીનાનુકમ્પિ-
ન્કિમદ્યાપિ હન્ત ત્વયોદાસિતવ્યમ્।।11।।

કફવ્યાહતોષ્ણોલ્બણશ્વાસવેગ-

વ્યથાવિષ્ફુરત્સર્વમર્માસ્થિબન્ધામ્।

વિચિન્ત્યાહમન્ત્યામસંખ્યામવસ્થાં
બિભેમિ પ્રભો કિં કરોમિ પ્રસીદ।।12।।

લપન્નચ્યુતાનન્ત ગોવિન્દ વિષ્ણો

મુરારે હરે નાથ નારાયણેતિ।

યથાનુસ્મરિષ્યામિ ભક્ત્યા ભવન્તં
તથા મે દયાશીલ દેવ પ્રસીદ।।13।।

ભુજંગપ્રયાતં પઠેદ્યસ્તુ ભક્ત્યા

સમાધાય ચિત્તે ભવન્તં મુરારે।

સ મોહં વિહાયાશુ યુષ્મત્પ્રસાદા-
ત્સમાશ્રિત્ય યોગં વ્રજત્યચ્યુતં ત્વામ્।।14।।


ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિન્દભગ-઼

વત્પૂજ્યપાદશિષ્યસ્ય શ્રીમચ્છંકરભગવતઃ કૃતૌ

શ્રીવિષ્ણુભુજંગપ્રયાતસ્તોત્રં સંપૂર્ણમ્।।