ಶಿವಂ ನಿತ್ಯಮೇಕಂ ವಿಭುಂ ತಾರಕಾಖ್ಯಂ

ಸುಖಾಕಾರಮಾಕಾರಶೂನ್ಯಂ ಸುಮಾನ್ಯಮ್.

ಮಹೇಶಂ ಕಲೇಶಂ ಸುರೇಶಂ ಪರೇಶಂ
ನರೇಶಂ ನಿರೀಶಂ ಮಹೀಶಂ ಪ್ರಪದ್ಯೇ৷৷2৷৷

ಮಹಾರತ್ನಪೀಠೇ ಶುಭೇ ಕಲ್ಪಮೂಲೇ

ಸುಖಾಸೀನಮಾದಿತ್ಯಕೋಟಿಪ್ರಕಾಶಮ್.

ಸದಾ ಜಾನಕೀಲಕ್ಷ್ಮಣೋಪೇತಮೇಕಂ
ಸದಾ ರಾಮಚನ್ದ್ರಂ ಭಜೇಹಂ ಭಜೇಹಮ್৷৷4৷৷

ಲಸಞ್ಚನ್ದ್ರಿಕಾಸ್ಮೇರಶೋಣಾಧರಾಭಂ

ಸಮುದ್ಯತ್ಪತಙ್ಗೇನ್ದುಕೋಟಿಪ್ರಕಾಶಮ್.

ನಮದ್ಭಹ್ಮರೂದ್ರಾದಿಕೋಟಿರರತ್ನ-
ಸ್ಫುರತ್ಕಾನ್ತಿನೀರಾಜನಾರಾಧಿತಾಙ್ಘ್ರಿಮ್৷৷6৷৷

ಯದಾ ಮತ್ಸಮೀಪಂ ಕೃತಾನ್ತಃ ಸಮೇತ್ಯ

ಪ್ರಚಣ್ಡಪ್ರಕೋಪೈರ್ಭಟೈರ್ಭೀಷಯೇನ್ಮಾಮ್.

ತದಾವಿಷ್ಕರೋಷಿ ತ್ವದೀಯಂ ಸ್ವರೂಪಂ
ಸದಾಪತ್ಪ್ರಣಾಶಂ ಸಕೋದಣ್ಡಬಾಣಮ್৷৷8৷৷

ಸ್ವಭಕ್ತಾಗ್ರಗಣ್ಯೈಃ ಕಪೀಶೈರ್ಮಹೀಶೈ-

ರನೀಕೈರನೇಕೈಶ್ಚ ರಾಮ ಪ್ರಸೀದ.

ನಮಸ್ತೇ ನಮೋಸ್ತ್ವೀಶ ರಾಮ ಪ್ರಸೀದ
ಪ್ರಶಾಧಿ ಪ್ರಶಾಧಿ ಪ್ರಕಾಶಂ ಪ್ರಭೋ ಮಾಮ್৷৷10৷৷

ನಮಃ ಸಞ್ಚಿದಾನನ್ದರೂಪಾಯ ತಸ್ಮೈ

ನಮೋ ದೇವದೇವಾಯ ರಾಮಾಯ ತುಭ್ಯಮ್.

ನಮೋ ಜಾನಕೀಜೀವಿತೇಶಾಯ ತುಭ್ಯಂ
ನಮಃ ಪುಣ್ಡರೀಕಾಯಾತಾಕ್ಷಾಯ ತುಭ್ಯಮ್৷৷12৷৷

ನಮೋ ವಿಶ್ವಕರ್ತ್ರೇ ನಮೋ ವಿಶ್ವಹರ್ತ್ರೇ

ನಮೋ ವಿಶ್ವಭೋಕ್ತ್ರೇ ನಮೋ ವಿಶ್ವಮಾತ್ರೇ.

ನಮೋ ವಿಶ್ವನೇತ್ರೇ ನಮೋ ವಿಶ್ವಜೇತ್ರೇ
ನಮೋ ವಿಶ್ವಪಿತ್ರೇ ನಮೋ ವಿಶ್ವಮಾತ್ರೇ৷৷14৷৷

ಶಿಲಾಪಿ ತ್ವದಙ್ಘ್ರಿಕ್ಷಮಾಸಙ್ಗಿರೇಣು-

ಪ್ರಸಾದಾದ್ಧಿ ಚೈತನ್ಯಮಾಧತ್ತ ರಾಮ.

ನರಸ್ತ್ವತ್ಪದದ್ವನ್ದ್ವಸೇವಾವಿಧಾನಾ-
ತ್ಸುಚೈತನ್ಯಮೇತೀತಿ ಕಿಂ ಚಿತ್ರಮತ್ರ৷৷16৷৷

ಸ ಪುಣ್ಯಃ ಸ ಗಣ್ಯಃ ಶರಣ್ಯೋ ಮಮಾಯಂ

ನರೋ ವೇದ ಯೋ ದೇವಚೂಡಾಮಣಿಂ ತ್ವಾಮ್.

ಸದಾಕಾರಮೇಕಂ ಚಿದಾನನ್ದರೂಪಂ
ಮನೋವಾಗಗಮ್ಯಂ ಪರಂ ಧಾಮ ರಾಮ৷৷18৷৷

ದಶಗ್ರೀವಮುಗ್ರಂ ಸಪುತ್ರಂ ಸಮಿತ್ರಂ

ಸರಿದ್ದುರ್ಗಮಧ್ಯಸ್ಥರಕ್ಷೋಗಣೇಶಮ್.

ಭವನ್ತಂ ವಿನಾ ರಾಮ ವೀರೋ ನರೋ ವಾ-
ಸುರೋ ವಾಮರೋ ವಾ ಜಯೇತ್ಕಸ್ತ್ರಿಲೋಕ್ಯಾಮ್৷৷20৷৷

ಸದಾ ರಾಮ ರಾಮೇತಿ ರಾಮಾಮೃತಂ ತೇ

ಸದಾರಾಮಮಾನನ್ದನಿಷ್ಯನ್ದಕನ್ದಮ್.

ಪಿಬನ್ನನ್ವಹಂ ನನ್ವಹಂ ನೈವ ಮೃತ್ಯೋ-
ರ್ಬಿಭೇಮಿ ಪ್ರಸಾದಾದಸಾದಾತ್ತವೈವ৷৷22৷৷

ಅವೀರಾಸನಸ್ಥೈರಚಿನ್ಮುದ್ರಿಕಾಢ್ಯೈ-

ರಭಕ್ತಾಞ್ಜನೇಯಾದಿತತ್ತ್ವಪ್ರಕಾಶೈಃ.

ಅಮನ್ದಾರಮೂಲೈರಮನ್ದಾರಮಾಲೈ-
ರರಾಮಾಭಿಧೇಯೈರಲಂ ದೈವತೈರ್ನಃ৷৷24৷৷

ಹರೇ ರಾಮ ಸೀತಾಪತೇ ರಾವಣಾರೇ

ಖರಾರೇ ಮುರಾರೇಸುರಾರೇ ಪರೇತಿ.

ಲಪನ್ತಂ ನಯನ್ತಂ ಸದಾಕಾಲಮೇವಂ
ಸಮಾಲೋಕಯಾಲೋಕಯಾಶೇಷಬನ್ಧೋ৷৷26৷৷

ಪ್ರಸೀದ ಪ್ರಸೀದ ಪ್ರಚಣ್ಡಪ್ರತಾಪ

ಪ್ರಸೀದ ಪ್ರಸೀದ ಪ್ರಚಣ್ಡಾರಿಕಾಲ.

ಪ್ರಸೀದ ಪ್ರಸೀದ ಪ್ರಪನ್ನಾನುಕಮ್ಪಿನ್
ಪ್ರಸೀದ ಪ್ರಸೀದ ಪ್ರಭೋ ರಾಮಚನ್ದ್ರ৷৷28৷৷