Devotional Hyms - Vishnu

৷৷শ্রীঃ৷৷

বিশুদ্ধং পরং সঞ্চিদানন্দরূপং

গুণাধারমাধারহীনং বরেণ্যম্৷

মহান্তং বিভান্তং গুহান্তং গুণান্তং
সুখান্তং স্বযং ধাম রামং প্রপদ্যে৷৷1৷৷

শিবং নিত্যমেকং বিভুং তারকাখ্যং

সুখাকারমাকারশূন্যং সুমান্যম্৷

মহেশং কলেশং সুরেশং পরেশং
নরেশং নিরীশং মহীশং প্রপদ্যে৷৷2৷৷

যদাবর্ণযত্কর্ণমূলেন্তকালে

শিবো রাম রামেতি রামেতি কাশ্যাম্৷

তদেকং পরং তারকব্রহ্মরূপং
ভজেহং ভজেহং ভজেহং ভজেহম্৷৷3৷৷

মহারত্নপীঠে শুভে কল্পমূলে

সুখাসীনমাদিত্যকোটিপ্রকাশম্৷

সদা জানকীলক্ষ্মণোপেতমেকং
সদা রামচন্দ্রং ভজেহং ভজেহম্৷৷4৷৷

ক্কণদ্রত্নমঞ্জীরপাদারবিন্দং

লসন্মেখলাচারূপীতাম্বরাঢ্যম্৷

মহারত্নহারোল্লসত্কৌস্তুভাঙ্গং
নদঞ্চঞ্চরীমঞ্জরীলোলমালম্৷৷5৷৷

লসঞ্চন্দ্রিকাস্মেরশোণাধরাভং

সমুদ্যত্পতঙ্গেন্দুকোটিপ্রকাশম্৷

নমদ্ভহ্মরূদ্রাদিকোটিররত্ন-
স্ফুরত্কান্তিনীরাজনারাধিতাঙ্ঘ্রিম্৷৷6৷৷

পুরঃ প্রাঞ্জলীনাঞ্জনেযাদিভক্তা-

ন্স্বচিন্মুদ্রযা ভদ্রযা বোধযন্তম্৷

ভজেহং ভজেহং সদা রামচন্দ্রং
ত্বদন্যং ন মন্যে ন মন্যে ন মন্যে৷৷7৷৷

যদা মত্সমীপং কৃতান্তঃ সমেত্য

প্রচণ্ডপ্রকোপৈর্ভটৈর্ভীষযেন্মাম্৷

তদাবিষ্করোষি ত্বদীযং স্বরূপং
সদাপত্প্রণাশং সকোদণ্ডবাণম্৷৷8৷৷

নিজে মানসে মন্দিরে সংনিধেহি

প্রসীদ প্রসীদ প্রভো রামচন্দ্র৷

সসৌমিত্রিণা কৈকযীনন্দনেন
স্বশক্ত্যানুভক্ত্যা চ সংসেব্যমান৷৷9৷৷

স্বভক্তাগ্রগণ্যৈঃ কপীশৈর্মহীশৈ-

রনীকৈরনেকৈশ্চ রাম প্রসীদ৷

নমস্তে নমোস্ত্বীশ রাম প্রসীদ
প্রশাধি প্রশাধি প্রকাশং প্রভো মাম্৷৷10৷৷

ত্বমেবাসি দৈবং পরং মে যদেকং

সুজৈতন্যমেতত্ত্বদন্যং ন মন্যে৷

যতোভূদমেযং বিযদ্বাযুতেজো-
জলোর্ব্যাদিকার্যং চরং চাচরং চ৷৷11৷৷

নমঃ সঞ্চিদানন্দরূপায তস্মৈ

নমো দেবদেবায রামায তুভ্যম্৷

নমো জানকীজীবিতেশায তুভ্যং
নমঃ পুণ্ডরীকাযাতাক্ষায তুভ্যম্৷৷12৷৷

নমো ভক্তিযুক্তানুরক্তায তুভ্যং

নমঃ পুণ্যপুঞ্জৈকলভ্যায তুভ্যম্৷

নমো বেদবেদ্যায চাদ্যায পুংসে
নমঃ সুন্দরাযেন্দিরাবল্লভায৷৷13৷৷

নমো বিশ্বকর্ত্রে নমো বিশ্বহর্ত্রে

নমো বিশ্বভোক্ত্রে নমো বিশ্বমাত্রে৷

নমো বিশ্বনেত্রে নমো বিশ্বজেত্রে
নমো বিশ্বপিত্রে নমো বিশ্বমাত্রে৷৷14৷৷

নমস্তে নমস্তে সমস্তপ্রপঞ্চ-

প্রভোগপ্রযোগপ্রমাণপ্রবীণ৷

মদীযং মনস্ত্বত্পদদ্বন্দ্বসেবাং
বিধাতুং প্রবৃত্তং সুচৈতন্যসিদ্ধযৈ৷৷15৷৷

শিলাপি ত্বদঙ্ঘ্রিক্ষমাসঙ্গিরেণু-

প্রসাদাদ্ধি চৈতন্যমাধত্ত রাম৷

নরস্ত্বত্পদদ্বন্দ্বসেবাবিধানা-
ত্সুচৈতন্যমেতীতি কিং চিত্রমত্র৷৷16৷৷

পবিত্রং চরিত্রং বিচিত্রং ত্বদীযং

নরা যে স্মরন্ত্যন্বহং রামচন্দ্র৷

ভবন্তং ভবান্তং ভরন্তং ভজন্তো
লভন্তে কৃতান্তং ন পশ্যন্ত্যতোন্তে৷৷17৷৷

স পুণ্যঃ স গণ্যঃ শরণ্যো মমাযং

নরো বেদ যো দেবচূডামণিং ত্বাম্৷

সদাকারমেকং চিদানন্দরূপং
মনোবাগগম্যং পরং ধাম রাম৷৷18৷৷

প্রচণ্ডপ্রতাপপ্রভাবাভিভূত-

প্রভূতারিবীর প্রভো রামচন্দ্র৷

বলং তে কথং বর্ণ্যতেতীব বাল্যে
যতোখণ্ডি চণ্ডীশকোদণ্ডদণ্ডম্৷৷19৷৷

দশগ্রীবমুগ্রং সপুত্রং সমিত্রং

সরিদ্দুর্গমধ্যস্থরক্ষোগণেশম্৷

ভবন্তং বিনা রাম বীরো নরো বা-
সুরো বামরো বা জযেত্কস্ত্রিলোক্যাম্৷৷20৷৷

সদা রাম রামেতি রামামৃতং তে

সদারামমানন্দনিষ্যন্দকন্দম্৷

পিবন্তং নমন্তং সুদন্তং হসন্তং
হনূমন্তমন্তর্ভজে তং নিতান্তম্৷৷21৷৷

সদা রাম রামেতি রামামৃতং তে

সদারামমানন্দনিষ্যন্দকন্দম্৷

পিবন্নন্বহং নন্বহং নৈব মৃত্যো-
র্বিভেমি প্রসাদাদসাদাত্তবৈব৷৷22৷৷

অসীতাসমেতৈরকোদণ্ডভূষৈ-

রসৌমিত্রিবন্দ্যৈরচণ্ডপ্রতাপৈঃ৷

অলঙ্কেশকালৈরসুগ্রীবমিত্রৈ-
ররামাভিধেযৈরলং দৈবতৈর্নঃ৷৷23৷৷

অবীরাসনস্থৈরচিন্মুদ্রিকাঢ্যৈ-

রভক্তাঞ্জনেযাদিতত্ত্বপ্রকাশৈঃ৷

অমন্দারমূলৈরমন্দারমালৈ-
ররামাভিধেযৈরলং দৈবতৈর্নঃ৷৷24৷৷

অসিন্ধুপ্রকোপৈরবন্দ্যপ্রতাপৈ-

রবন্ধুপ্রযাণৈরমন্দস্মিতাঢ্যৈঃ৷

অদণ্ডপ্রবাসৈরখণ্ডপ্রবোধৈ-
ররামাভিধেযৈরলং দৈবতৈর্নঃ৷৷25৷৷

হরে রাম সীতাপতে রাবণারে

খরারে মুরারেসুরারে পরেতি৷

লপন্তং নযন্তং সদাকালমেবং
সমালোকযালোকযাশেষবন্ধো৷৷26৷৷

নমস্তে সুমিত্রাসুপুত্রাভিবন্দ্য

নমস্তে সদা কৈকযীনন্দনেড্য৷

নমস্তে সদা বানরাধীশবন্দ্য
নমস্তে নমস্তে সদা রামচন্দ্র৷৷27৷৷

প্রসীদ প্রসীদ প্রচণ্ডপ্রতাপ

প্রসীদ প্রসীদ প্রচণ্ডারিকাল৷

প্রসীদ প্রসীদ প্রপন্নানুকম্পিন্
প্রসীদ প্রসীদ প্রভো রামচন্দ্র৷৷28৷৷

ভুজঙ্গপ্রযাতং পরং বেদসারং

মুদা রামচন্দ্রস্য ভক্ত্যা চ নিত্যম্৷

পঠন্সন্ততং চিংন্তযন্স্বান্তরঙ্গে
স এব স্বযং রামচন্দ্রঃ স ধন্যঃ৷৷29৷৷


ইতি শ্রীমত্পরমহংসপরিব্রাজকাচার্যস্য

শ্রীগোবিন্দভগবত্পূজ্যপাদশিষ্যস্য

শ্রীমচ্ছংকরভগবতঃ কৃতৌ

শ্রীরামভুজঙ্গপ্রযাতস্তোত্রম্

সংপূর্ণম্৷৷