Devotional Hyms - Vishnu

৷৷শ্রীঃ৷৷

মহাযোগপীঠে তটে ভীমরথ্যা

বরং পুণ্ডরীকায দাতুং মুনীন্দ্রৈঃ৷

সমাগত্য তিষ্ঠন্তমানন্দকন্দং
পরব্রহ্মলিঙ্গং ভজে পাণ্ডুরঙ্গম্৷৷1৷৷

তটিদ্বাসসং নীলমেঘাবভাসং

রমামন্দিরং সুন্দরং চিত্প্রকাশম্৷

বরং ত্বিষ্টকাযাং সমন্যস্তপাদং
পরব্রহ্মলিঙ্গং ভজে পাণ্ডুরঙ্গম্৷৷2৷৷

প্রমাণং ভবাব্ধেরিদং মামকানাং

নিতম্বঃ করাভ্যাং ধৃতো যেন তস্মাত্৷

বিধাতুর্বসত্যৈ ধৃতো নাভিকোশঃ
পরব্রহ্মলিঙ্গং ভজে পাণ্ডুরঙ্গম্৷৷3৷৷

স্ফুরত্কৌস্তুভালংকৃতং কণ্ঠদেশে

শ্রিযা জুষ্টকেযূরকং শ্রীনিবাসম্৷

শিবং শন্তমীড্যং বরং লোকপালং
পরব্রহ্মলিঙ্গং ভজে পাণ্ডুরঙ্গম্৷৷4৷৷

শরঞ্চন্দ্রবিম্বাননং চারুহাসং

লসত্কুণ্ডলাক্রান্তগণ্ডস্থলান্তম্৷

জপারাগবিম্বাধরং কঞ্জনেত্রং
পরব্রহ্মলিঙ্গং ভজে পাণ্ডুরঙ্গম্৷৷5৷৷

কিরীটোজ্জ্বলত্সর্বদিক্প্রান্তভাগং

সুরৈরর্চিতং দিব্যরত্নৈরনর্ঘৈঃ৷

ত্রিভঙ্গাকৃতিং বর্হমাল্যাবতংসং
পরব্রহ্মলিঙ্গং ভজে পাণ্ডুরঙ্গম্৷৷6৷৷

বিভুং বেণুনাদং চরন্তং দুরন্তং

স্বযং লীলযা গোপবেষং দধানম্৷

গবাং বৃন্দকানন্দদং চারুহাসং
পরব্রহ্মলিঙ্গং ভজে পাণ্ডুরঙ্গম্৷৷7৷৷

অজং রুক্মিণীপ্রাণসংজীবনং তং

পরং ধাম কৈবল্যমেকং তুরীযম্৷

প্রসন্নং প্রপন্নার্তিহং দেবদেবং
পরব্রহ্মলিঙ্গং ভজে পাণ্ডুরঙ্গম্৷৷8৷৷

স্তবং পাণ্ডুরঙ্গস্য বৈ পুণ্যদং যে

পঠন্ত্যেকচিত্তেন ভক্ত্যা চ নিত্যম্৷

ভবাম্ভোনিধিং তে বিতীর্ত্বান্তকালে
হরেরালযং শাশ্বতং প্রাপ্নুবন্তি৷৷9৷৷


ইতি শ্রীমত্পরমহংসপরিব্রাজকাচার্যস্য

শ্রীগোবিন্দভগবত্পূজ্যপাদশিষ্যস্য

শ্রীমচ্ছংকরভগবতঃ কৃতৌ

পাণ্ডুরঙ্গাষ্টকং সংপূর্ণম্৷৷