મૂઢ જહીહિ ધનાગમતૃષ્ણાં

કુરુ સદ્વુદ્ધિં મનસિ વિતૃષ્ણામ્।

યલ્લભસે નિજકર્મોપાત્તં
વિત્તં તેન વિનોદય ચિત્તમ્।।2।।

નલિનીદલગતજલમતિતરલં

તદ્વજ્જીવિતમતિશયચપલમ્।

વિદ્ધિ વ્યાધ્યભિમાનગ્રસ્તં
લોકં શોકહતં ચ સમસ્તમ્।।4।।

યાવત્પવનો નિવસતિ દેહે

તાવત્પૃચ્છતિ કુશલં ગેહે।

ગતવતિ વાયૌ દેહાપાયે
ભાર્યા બિભ્યતિ તસ્મિન્કાયે।।6।।

કા તે કાન્તા કસ્તે પુત્રઃ

સંસારોયમતીવ વિચિત્રઃ।

કસ્ય ત્વં કઃ કુત આયાત
સ્તત્ત્વં ચિન્તય યદિદં ભ્રાન્તઃ।।8।।

વયસિ ગતે કઃ કામવિકારઃ

શુષ્કે નીરે કઃ કાસારઃ।

ક્ષીણે વિત્તે કઃ પરિવારો
જ્ઞાતે તત્ત્વે કઃ સંસારઃ।।10।।

દિનયામિન્યૌ સાયં પ્રાતઃ

શિશિરવસન્તૌ પુનરાયાતઃ।

કાલઃ ક્ત્રીડતિ ગચ્છત્યાયુ-
સ્તદપિ ન મુઞ્ચત્યાશાવાયુઃ।।12।।

જટિલી મુણ્ડી લુઞ્ચિતકેશઃ

કાષાયામ્બરબહુકૃતવેષઃ।

પશ્યન્નપિ ચ ન પશ્યતિ મૂઢો
હ્યુદરનિમિત્તં બહુકૃતવેષઃ।।14।।

અગ્રે વહ્નિઃ પૃષ્ઠે ભાનૂ

રાત્રૌ ચુબુકસમર્પિતજાનુઃ।

કરતલભિક્ષસ્તરુતલવાસ-
સ્તદપિ ન મુંચત્યાશાપાશઃ।।16।।

સુરમન્દિરતરુમૂલનિવાસઃ

શય્યા ભૂતલમજિનં વાસઃ।

સર્વપરિગ્રહભોગત્યાગઃ
કસ્ય સુખં ન કરોતિ વિરાગઃ।।18।।

ભગવદ્ગીતા કિંચિદધીતા

ગઙ્ગાજલલવકણિકા પીતા।

સકૃદપિ યેન મુરારિસમર્ચા
ક્રિયતે તસ્ય યમેન ન ચર્ચા।।20।।

રથ્યાકર્પટવિરચિતકન્થઃ

પુણ્યાપુણ્યવિવર્જિતપન્થઃ।

યોગી યોગનિયોજિતચિત્તો
રમતે બાલોન્મત્તવદેવ।।22।।

ત્વયિ મયિ ચાન્યત્રૈકો વિષ્ણુ-

ર્વ્યર્થં કુપ્યસિ મય્યસહિષ્ણુઃ।

સર્વસ્મિન્નપિ પશ્યાત્માનં
સર્વત્રોત્સૃજ ભેદાજ્ઞાનમ્।।24।।

કામં ક્ત્રોધં લોભં મોહં

ત્યક્ત્વાત્માનં ભાવય કોહમ્।

આત્મજ્ઞાનવિહીના મૂઢા-
સ્તે પચ્યન્તે નરકનિગૂઢાઃ।।26।।

સુખતઃ ક્ત્રિયતે રામાભોગઃ

પશ્ચાદ્ધન્ત શરીરે રોગઃ।

યદ્યપિ લોકે મરણં શરણં
તદપિ ન મુઞ્ચતિ પાપાચરણમ્।।28।।

પ્રાણાયામં પ્રત્યાહારં

નિત્યાનિત્યવિવેકવિચારમ્।

જાપ્યસમેતસમાધિવિધાનં
કુર્વવધાનં મહદવધાનમ્।।30।।