Devotional Hyms - Vishnu

।।શ્રીઃ।।

ત્વત્પ્રભુજીવપ્રિયમિચ્છસિ ચેન્નરહરિપૂજાં કુરુ સતતં

પ્રતિબિમ્બાલંકૃતિધૃતિકુશલો બિમ્બાલંકૃતિમાતનુતે।

ચેતોભૃઙ્ગં ભ્રમસિ વૃથા ભવમરુભૂમૌ વિરસાયાં
ભજ ભજ લક્ષ્મીનરસિંહાનઘપદસરસિજમકરન્દમ્।।1।।

શુક્તૌ રજતપ્રતિભા જાતા કટકાદ્યર્થસમર્થા ચે-

દ્યુઃખમયી તે સંસૃતિરેષા નિર્વૃતિદાને નિપુણા સ્યાત્।

ચેતોભૃઙ્ગ ભ્રમસિ વૃથા ભવમરુભૂમૌ વિરસાયાં
ભજ ભજ લક્ષ્મીનરસિહંનઘપદસરસિજમકરન્દમ્।।2।।

આકૃતિસામ્યાચ્છાલ્મલિકુસુમે સ્થલનલિનત્વભ્રમમકરોઃ

ગન્ધરસાવિહ કિમુ વિદ્યેતે વિફલં ભ્રામ્યસિ ભૃશવિરસેસ્મિન્।

ચેતોભૃઙ્ગ ભ્રમસિ વૃથા ભવમરુભૂમૌ વિરસાયાં
ભજ ભજ લક્ષ્મીનરસિંહાનઘપદસરસિજમકરન્દમ્।।3।।

સ્રક્ચન્દનવનિતાદીન્વિષયાન્સુખદાન્મત્વા તત્ર વિહરસે

ગન્ધફલીસદ્ય્શા નનુ તેમી ભોગાનન્તરદુઃખકૃતઃ સ્યુઃ।

ચેતોભૃઙ્ગ ભ્રમસિ વૃથા ભવમરુભૂમૌ વિરસાયાં
ભજ ભજ લક્ષ્મીનરસિંહાનઘપદસરસિજમકરન્દમ્।।4।।

તવ હિતમેકં વચનં વક્ષ્યે શ્રણુ સુખકામો યદિ સતતં

સ્વપ્ને દૃષ્ટં સકલં હિ મૃષા જાગ્રતિ ચ સ્મર તદ્વદિતિ।

ચેતોભૃઙ્ગ ભ્રમસિ વૃથા ભવમરુભૂમૌ વિરસાયાં
ભજ ભજ લક્ષ્મીનરસિંહાનઘપદસરસિજમકરન્દમ્।।5।।


ઇતિ શ્રીમત્પરમહંસપરિવ્રાજકાચાર્યસ્ય

શ્રીગોવિન્દભગવત્પૂજ્યપાદશિષ્યસ્ય

શ્રીમચ્છંકરભગવતઃ કૃતૌ

લક્ષ્મીનૃસિંહપઞ્ચરત્નં સંપૂર્ણમ્।।