યસ્યૈકાંશાદિત્થમશેષં જગદેત-

ત્પ્રાદુર્ભૂતં યેન પિનદ્ધં પુનરિત્થમ્।

યેન વ્યાપ્તં યેન વિબુદ્ધં સુખદુઃખૈ-
સ્તં સંસારધ્વાન્તવિનાશં હરિમીડે।।2।।

યસ્માદન્યન્નાસ્ત્યપિ નૈવં પરમાર્થં

દૃશ્યાદન્યો નિર્વિષયજ્ઞાનમયત્વાત્।

જ્ઞાતૃજ્ઞાનજ્ઞેયવિહીનોપિ સદા જ્ઞ-
સ્તં સંસારધ્વાન્તવિનાશં હરિમીડે।।4।।

પ્રાણાનાયમ્યોમિતિ ચિત્તં હૃદિ રુધ્વા

નાન્યત્સ્મૃત્વા તત્પુનરત્રૈવ વિલાપ્ય।

ક્ષીણે ચિત્તે ભાદૃશિરસ્મીતિ વિદુર્યં
તં સંસારધ્વાન્તવિનાશં હરિમીડે।।6।।

માત્રાતીતં સ્વાત્મવિકાસાત્મવિબોધં

જ્ઞેયાતીતં જ્ઞાનમયં હૃદ્યુપલભ્ય।

ભાવગ્રાહ્યાનન્દમનન્યં ચ વિદુર્યં
તં સંસારધ્વાન્તવિનાશં હરિમીડે।।8।।

યદ્યદ્વેદ્યં તત્તદહં નેતિ વિહાય

સ્વાત્મજ્યોતિર્જ્ઞાનમાનન્દમવાપ્ય।

તસ્મિન્નસ્મીત્યાત્મવિદો યં વિદુરીશં
તં સંસારધ્વાન્તવિનાશં હરિમીડે।।10।।

સર્વત્રાસ્તે સર્વશરીરી ન ચ સર્વઃ

સર્વં વેત્ત્યેવેહ ન યં વેત્તિ ચ સર્વઃ।

સર્વત્રાન્તર્યામિતયેત્થં યમયન્ય-
સ્તં સંસારધ્વાન્તવિનાશં હરિમીડે।।12।।

સર્વત્રૈકઃ પશ્યતિ જિઘ્રત્યથ ભુઙ્ક્તે

સ્પ્રષ્ટા શ્રોતા બુધ્યતિ ચેત્યાહુરિમં યમ્।

સાક્ષી ચાસ્તે કર્તુષુ પશ્યન્નિતિ ચાન્યે
તં સંસારધ્વાન્તવિનાશં હરિમીડે।।14।।

જાગ્રદ્દૃષ્ટ્વા સ્થૂલપદાર્થાનથ માયાં

દૃષ્ટ્વા સ્વપ્નેથાપિ સુષુપ્તૌ સુખનિદ્રામ્।

ઇત્યાત્માનં વીક્ષ્ય મુદાસ્તે ચ તુરીયે
તં સંસારધ્વાન્તવિનાશં હરિમીડે।।16।।

બ્રહ્મા વિષ્ણૂ રૂદ્રહુતાશૌ રવિચન્દ્રા-

વિન્દ્રો વાયુર્યજ્ઞ ઇતીત્થં પરિકલ્પ્ય।

એકં સન્તં યં બહુધાહુર્મતિભેદા-
ત્તં સંસારધ્વાન્તવિનાશં હરિમીડે।।18।।

કોશાનેતાન્પઞ્ચ રસાદીનતિહાય

બ્રહ્માસ્મીતિ સ્વાત્મનિ નિશ્ચિત્ય દૃશિસ્થમ્।

પિત્રા શિષ્ટો વેદ ભૃગુર્યં યજુરન્તે
તં સંસારધ્વાન્તવિનાશં હરિમીડે।।20।।

સૃષ્ટ્વા સર્વં સ્વાત્મતયૈવેત્થમતર્ક્યં

વ્યાપ્યાથાન્તઃ કૃત્સ્નમિદં સૃષ્ટમશેષમ્।

સઞ્ચ ત્યઞ્ચાભૂત્પરમાત્મા સ ય એક-
સ્તં સંસારધ્વાન્તવિનાશં હરિમીડે।।22।।

શ્રદ્ધાભક્તિધ્યાનશમાદ્યૈર્યતમાનૈ-

ર્જ્ઞાતું શક્યો દેવ ઇહૈવાશુ ય ઈશઃ।

દુર્વિજ્ઞેયો જન્મશતૈશ્ચાપિ વિના તૈ-
સ્તં સંસારધ્વાન્તવિનાશં હરિમીડે।।24।।

દૃષ્ટ્વા ગીતાસ્વક્ષરતત્ત્વં વિધિનાજં

ભક્ત્યા ગુર્વ્યા લભ્ય હૃદિસ્થં દૃશિમાત્રમ્।

ધ્યાત્વા તસ્મિન્નસ્મ્યહમિત્યત્ર વિદુર્યં
તં સંસારધ્વાન્તવિનાશં હરિમીડે।।26।।

યુક્ત્યાલોડ્ય વ્યાસવચાંસ્યત્ર હિ લભ્યઃ

ક્ષેત્રક્ષેત્રજ્ઞાન્તરવિદ્ભિઃ પુરુષાખ્યઃ।

યોહં સોસૌ સોસ્મ્યહમેવેતિ વિદુર્યં
તં સંસારધ્વાન્તવિનાશં હરિમીડે।।28।।

દ્વન્દ્વૈકત્વં યઞ્ચ મધુબ્રાહ્મણવાક્યૈઃ

કૃત્વા શક્રોપાસનમાસાદ્ય વિભૂત્યા।

યોસ્રૌ સોહં સોસ્મ્યહમેવેતિ વિદુર્યં
તં સંસારધ્વાન્તવિનાશં હરિમીડે।।30।।

વિજ્ઞાનાંશો યસ્ય સતઃ શક્ત્યધિરૂઢો

બુદ્ધિર્બુધ્યત્યત્ર બહિર્બોધ્યપદાર્થાન્।

નૈવાન્તઃસ્થં બુધ્યતિ યં બોધયિતારં
તં સંસારધ્વાન્તવિનાશં હરિમીડે।।32।।

કો હ્યેવાન્યાદાત્મનિ ન સ્યાદયમેષ

હ્યેવાનન્દઃ પ્રાણિતિ ચાપાનિતિ ચેતિ।

ઇત્યસ્તિત્વં વક્ત્યુપપત્ત્યા શ્રુતિરેષા
તં સંસારધ્વાન્તવિનાશં હરિમીડે।।34।।

નાહં પ્રાણો નૈવ શરીરં ન મનોહં

નાહં બુદ્ધિર્નાહમહંકારધિયૌ ચ।

યોત્ર જ્ઞાંશઃ સોસ્મ્યહમેવેતિ વિદુર્યં
તં સંસારધ્વાન્તવિનાશં હરિમીડે।।36।।

મૂર્તામૂર્તે પૂર્વમહોહ્યાથ સમાધૌ

દૃશ્યં સર્વં નેતિ ચ નેતીતિ વિહાય।

ચૈતન્યાંશે સ્વાત્મનિ સન્તં ચ વિદુર્યં
તં સંસારધ્વાન્તવિનાશં હરિમીડે।।38।।

તાવત્સર્વં સત્યમિવાભાતિ યદેત-

દ્યાવત્સોસ્મીત્યાત્મનિ યો જ્ઞો ન હિ દૃષ્ટઃ।

દૃષ્ટે યસ્મિન્સર્વમસત્યં ભવતીદં
તં સંસારધ્વાન્તવિનાશં હરિમીડે।।40।।

યં વિજ્ઞાનજ્યોતિષમાદ્યં સુવિભાન્તં

હૃદ્યર્કેન્દ્વગ્ન્યોકસમીડ્યં તટિદાભમ્।

ભક્ત્યારાધ્યેહૈવ વિશન્ત્યાત્મનિ સન્તં
તં સંસારધ્વાન્તવિનાશં હરિમીડે।।42।।