Devotional Hyms - Vishnu

।।શ્રીઃ।।

વીતાખિલવિષયેચ્છં

જાતાનન્દાશ્રુપુલકમત્યચ્છમ્।

સીતાપતિદૂતાદ્યં
વાતાત્મજમદ્ય ભાવયે હૃદ્યમ્।।1।।

તરૂણારુણમુખકમલં

કરુણારસપૂરપૂરિતાપાઙ્ગમ્।

સંજીવનમાશાસે
મઞ્જુલમહિમાનમઞ્જનાભાગ્યમ્।।2।।

શમ્બરવૈરિશરાતિગ-

મમ્બુજદલવિપુલલોચનોદારમ્।

કમ્બુગલમનિલદિષ્ટં
બિમ્બજ્વલિતોષ્ઠમેકમવલમ્બે।।3।।

દૂરીકૃતસીતાર્તિઃ

પ્રકટીકૃતરામવૈભવસ્ફૂર્તિઃ।

દારિતદશમુખકીર્તિઃ
પુરતો મમ ભાતુ હનુમતો મૂર્તિઃ।।4।।

વાનરનિકરાધ્યક્ષં

દાનવકુલકુમુદરવિકરસદૃક્ષમ।

દીનજનાવનદીક્ષં
પવનતપઃપાકપુઞ્જમદ્રાક્ષમ્।।5।।

એતત્પવનસુતસ્ય

સ્તોત્રં યઃ પઠતિ પઞ્ચરત્નાખ્યમ।

ચિરમિહ નિખિલાન્ભોગા-
ન્ભુઙ્ક્ત્વા શ્રીરામભક્તિભાગ્ભવતિ।।6।।


ઇતિ શ્રીમત્પરમહંસપરિવ્રાજકાચાર્યસ્ય

શ્રીગોવિન્દભગવત્પૂજ્યપાદશિષ્યસ્ય

શ્રીમચ્છંકરભગવતઃ કૃતૌ

હનુમત્પઞ્ચરત્નં સંપૂર્ણમ્।।