Devotional Hyms - Vishnu

৷৷শ্রীঃ৷৷

বীতাখিলবিষযেচ্ছং

জাতানন্দাশ্রুপুলকমত্যচ্ছম্৷

সীতাপতিদূতাদ্যং
বাতাত্মজমদ্য ভাবযে হৃদ্যম্৷৷1৷৷

তরূণারুণমুখকমলং

করুণারসপূরপূরিতাপাঙ্গম্৷

সংজীবনমাশাসে
মঞ্জুলমহিমানমঞ্জনাভাগ্যম্৷৷2৷৷

শম্বরবৈরিশরাতিগ-

মম্বুজদলবিপুললোচনোদারম্৷

কম্বুগলমনিলদিষ্টং
বিম্বজ্বলিতোষ্ঠমেকমবলম্বে৷৷3৷৷

দূরীকৃতসীতার্তিঃ

প্রকটীকৃতরামবৈভবস্ফূর্তিঃ৷

দারিতদশমুখকীর্তিঃ
পুরতো মম ভাতু হনুমতো মূর্তিঃ৷৷4৷৷

বানরনিকরাধ্যক্ষং

দানবকুলকুমুদরবিকরসদৃক্ষম৷

দীনজনাবনদীক্ষং
পবনতপঃপাকপুঞ্জমদ্রাক্ষম্৷৷5৷৷

এতত্পবনসুতস্য

স্তোত্রং যঃ পঠতি পঞ্চরত্নাখ্যম৷

চিরমিহ নিখিলান্ভোগা-
ন্ভুঙ্ক্ত্বা শ্রীরামভক্তিভাগ্ভবতি৷৷6৷৷


ইতি শ্রীমত্পরমহংসপরিব্রাজকাচার্যস্য

শ্রীগোবিন্দভগবত্পূজ্যপাদশিষ্যস্য

শ্রীমচ্ছংকরভগবতঃ কৃতৌ

হনুমত্পঞ্চরত্নং সংপূর্ণম্৷৷