Devotional Hyms - Vishnu

৷৷শ্রীঃ৷৷

সত্যং জ্ঞানমনন্তং নিত্যমনাকাশং পরমাকাশং

গোষ্ঠপ্রাঙ্গণরিঙ্খণলোলমনাযাসং পরমাযাসম্৷

মাযাকল্পিতনানাকারমনাকারং ভুবনাকারং
ক্ষ্মামানাথমনাথং প্রণমত গোবিন্দং পরমানন্দম্৷৷1৷৷

মৃত্ত্নামত্সীহেতি যশোদাতাডনশৈশবসংত্রাসং

ব্যাদিতবক্ত্রালোকিতলোকালোকচতুর্দশলোকালিম্৷

লোকত্রযপুরমূলস্তম্ভং লোকালোকমনালোকং
লোকেশং পরমেশং প্রণমত গোবিন্দং পরমানন্দম্৷৷2৷৷

ত্রৈবিষ্টপরিপুবীরঘ্নং ক্ষিতিভারঘ্নং ভবরোগঘ্নং

কৈবল্যং নবনীতাহারমনাহারং ভুবনাহারম্৷

বৈমল্যস্ফুটচেতোবৃত্তিবিশেষভাসমনাভাসং
শৈবং কেবলশান্তং প্রণমত গোবিন্দং পরমানন্দম্৷৷3৷৷

গোপালং প্রভুলীলাবিগ্রহগোপালং কুলগোপালং

গোপীখেলনগোবর্ধনধৃতিলীলালালিতগোপালম্৷

গোভির্নিগদিতগোবিন্দস্ফুটনামানং বহুনামানং
গোধীগোচরদূরং প্রণমত গোবিন্দং পরমানন্দম্৷৷4৷৷

গোপীমণ্ডলগোষ্ঠীভেদং ভেদাবস্থমভেদাভং

শশ্বদ্গোখুরনির্ধূতোদ্গতধূলীধূসরসৌভাগ্যম্৷

শ্রদ্ধাভক্তিগৃহীতানন্দমচিন্ত্যং চিন্তিতসদ্ভাবং
চিন্তামণিমহিমানং প্রণমত গোবিন্দং পরমানন্দম্৷৷5৷৷

স্নানব্যাকুলযোষিদ্বস্ত্রমুপাদাযাগমুপারূঢং

ব্যাদিত্সন্তীরথ দিগ্বস্ত্রা দাতুমুপাকর্ষন্তং তাঃ৷

নির্ধূতদ্বযশোকবিমোহং বুদ্ধং বুদ্ধেরন্তঃস্থং
সত্তামাত্রশরীরং প্রণমত গোবিন্দং পরমানন্দম্৷৷6৷৷

কান্তং কারণকারণমাদিমনাদিং কালঘনাভাসং

কালিন্দীগতকালিযশিরসি সুনৃত্যন্তং মুহুরত্যন্তম্৷

কালং কালকলাতীতং কলিতাশেষং কলিদোষঘ্নং
কালত্রযগতিহেতুং প্রণমত গোবিন্দং পরমানন্দম্৷৷7৷৷

বৃন্দাবনভুবি বৃন্দারকগণবৃন্দারাধিতবন্দ্যাযা

কুন্দাভামলমন্দস্মেরসুধানন্দং সুমহানন্দম্৷

বন্দ্যাশেষমহামুনিমানসবন্দ্যানন্দপদদ্বন্দ্বং
নন্দ্যাশেষগুণাব্ধিং প্রণমত গোবিন্দং পরমানন্দম্৷৷8৷৷

গোবিন্দাষ্টকমেতদধীতে গোবিন্দার্পিচেতা যো

গোবিন্দাচ্যুত মাধব বিষ্ণো গোকুলনাযক কৃষ্ণেতি৷

গোবিন্দাঙ্ঘ্রিসরোজধ্যানসুধাজলধৌতসমস্তাঘো
গোবিন্দং পরমানন্দামমৃতমন্তস্থং স তমভ্যেতি৷৷9৷৷


ইতি শ্রীমত্পরমহংসপরিব্রাজকাচার্যস্য

শ্রীগোবিন্দভগবত্পূজ্যপাদশিষ্যস্য

শ্রীমচ্ছংকরভগবতঃ কৃতৌ

গোবিন্দাষ্টকং সংপূর্ণম্৷৷