Devotional Hyms - Vishnu

।।શ્રીઃ।।

અચ્યુતં કેશવં રામનારાયણં

કૃષ્ણદામોદરં વાસુદેવં હરિમ્।

શ્રીધરં માધવં ગોપિકાવલ્લભં
જાનકીનાયકં રામચન્દ્રં ભજે।।1।।

અચ્યુતં કેશવં સત્યભામાધવં

માધવં શ્રીધરં રાધિકારાધિતમ્।

ઇન્દિરામન્દિરં ચેતસા સુન્દરં
દેવકીનન્દનં નન્દજં સંદધે।।2।।

વિષ્ણવે જિષ્ણવે શઙ્ખિને ચક્રિણે

રુક્મણીરાગિણે જાનકીજાનયે।

વલ્લવીવલ્લભાયાર્ચિતાયાત્મને
કંસવિધ્વંસિને વંશિને તે નમઃ।।3।।

કૃષ્ણ ગોવન્દિ હે રામ નારાયણ

શ્રીપતે વાસુદેવાજિત શ્રીનિધે।

અચ્યુતાનન્ત હે માધવાધોક્ષજ
દ્વારકાનાયક દ્રૌપદીરક્ષક।।4।।

રાક્ષસક્ષોભિતઃ સીતયા શોભિતો

દણ્ડકારણ્યભૂપુણ્યતાકારણમ્।

લક્ષ્મણેનાન્વિતો વાનરૈઃ સેવિતો
ગસ્ત્યસંપૂજિતો રાઘવઃ પાતુ મામ્।।5।।

ધેનુકારિષ્ટહાનિષ્ટકૃદ્વેષિણાં

કેશિહા કંસહૃદ્વંશિકાવાદકઃ।

પૂતનાકોપકઃ સૂરજાખેલનો
બાલગોપાલકઃ પાતુ માં સર્વદા।।6।।

વિદ્યુદુદ્યોતવત્પ્રસ્ફુરદ્વાસસં

પ્રાવૃડમ્ભોદવત્પ્રોલ્લસદ્વિગ્રહમ્।

વન્યયા માલયા શોભિતોરઃસ્થલં
લોહિતાઙઘ્રિદ્વયં વારિજાક્ષં ભજે।।7।।

કુ઼ઞ્ચિતૈઃ કુન્તલૈર્ભ્રાજમાનાનનં

રત્નમૌલિં લસત્કુણ્ડલં ગણ્ડયોઃ।

હારકેયૂરકં કઙ્કણપ્રોજ્જ્વલં
કિંકિણીમઞ્જુલં શ્યામલં તં ભજે।।8।।

અચ્યુતસ્યાષ્ટકં યઃ પઠેદિષ્ટદં

પ્રેમતઃ પ્રત્યહં પૂરુષઃ સસ્પૃહમ્।

વૃત્તતઃ સુન્દરં વેદ્યવિશ્વંભરં
તસ્ય વશ્યો હરિર્જાયતે સત્વરમ્।।9।।


ઇતિ શ્રીમત્પરમહંસપરિવ્રજકાચાર્યસ્ય

શ્રીગોવિન્દભગવત્પૂજ્યપાદશિષ્યસ્ય

શ્રીમચ્છંકરભગવતઃ કૃતૌ

અચ્યુતાષ્ટકં સંપૂર્ણમ્।।