ନମ୍ରାଙ୍ଗାଣାଂ ଭକ୍ତିମତାଂ ଯଃ ପୁରୁଷାର୍ଥା-

ନ୍ଦତ୍ବା କ୍ଷିପ୍ରଂ ହନ୍ତି ଚ ତତ୍ସର୍ବବିପତ୍ତୀଃ|

ପାଦାମ୍ଭୋଜାଧସ୍ତନିତାପସ୍ମୃତିମୀଶଂ
ତଂ ପ୍ରତ୍ଯଞ୍ଚଂ ଦକ୍ଷିଣବକ୍ତ୍ରଂ କଲଯାମି||2||

ଭଦ୍ରାରୂଢଂ ଭଦ୍ରଦମାରାଧଯିତୃ଼ଣାଂ

ଭକ୍ତିଶ୍ରଦ୍ଧାପୂର୍ବକମୀଶଂ ପ୍ରଣମନ୍ତି|

ଆଦିତ୍ଯା ଯଂ ବାଞ୍ଛିତସିଦ୍ଧ୍ଯୈ କରୁଣାବ୍ଧିଂ
ତଂ ପ୍ରତ୍ଯଞ୍ଚଂ ଦକ୍ଷିଣବକ୍ତ୍ରଂ କଲଯାମି||4||

ବକ୍ତ୍ରଂ ଧନ୍ଯାଃ ସଂସୃତିବାର୍ଧେରତିମାତ୍ରା-

ଦ୍ଭୀତାଃ ସନ୍ତଃ ପୂର୍ଣଶଶାଙ୍କଦ୍ଯୁତି ଯସ୍ଯ|

ସେବନ୍ତେଧ୍ଯାସୀନମନନ୍ତଂ ବଟମୂଲଂ
ତଂ ପ୍ରତ୍ଯଞ୍ଚଂ ଦକ୍ଷିଣବକ୍ତ୍ରଂ କଲଯାମି||6||

ଦଧ୍ଯାଜ୍ଯାଦିଦ୍ରବ୍ଯକକର୍ମାଣ୍ଯଖିଲାନି

ତ୍ଯକ୍ତ୍ବା କାଙ୍କ୍ଷାଂ କର୍ମଫଲେଷ୍ବତ୍ର କରୋତି|

ଯଜ୍ଜିଜ୍ଞାସାଂ ରୂପଫଲାର୍ଥୀ କ୍ଷିତିଦେବ-
ସ୍ତଂ ପ୍ରତ୍ଯଞ୍ଚଂ ଦକ୍ଷିଣବକ୍ତ୍ରଂ କଲଯାମି||8||

ଣାନେତ୍ଯେବଂ ଯନ୍ମନୁମଧ୍ଯସ୍ଥିତବର୍ଣା-

ନ୍ଭକ୍ତାଃ କାଲେ ବର୍ଣଗୃହୀତ୍ଯୈ ପ୍ରଜପନ୍ତଃ|

ମୋଦନ୍ତେ ସଂପ୍ରାପ୍ତସମସ୍ତଶ୍ରୁତିତନ୍ତ୍ରା-
ସ୍ତଂ ପ୍ରତ୍ଯଞ୍ଚଂ ଦକ୍ଷିଣବକ୍ତ୍ରଂ କଲଯାମି||10||

ତପ୍ତସ୍ବର୍ଣଚ୍ଛାଯଜଟାଜୂଟକଟାହ-

ପ୍ରୋଦ୍ଯଦ୍ବୀଚୀବଲ୍ଲିବିରାଜତ୍ସୁରସିନ୍ଧୁମ୍|

ନିତ୍ଯଂ ସୂକ୍ଷ୍ମଂ ନିତ୍ଯନିରସ୍ତାଖିଲଦୋଷଂ
ତଂ ପ୍ରତ୍ଯଞ୍ଚଂ ଦକ୍ଷିଣବକ୍ତ୍ରଂ କଲଯାମି||12||

ମତ୍ତୋ ମାରୋ ଯସ୍ଯ ଲଲାଟାକ୍ଷିଭବାଗ୍ନି-

ସ୍ଫୂର୍ଜତ୍କୀଲପ୍ରୋଷିତଭସ୍ମୀକୃତଦେହଃ|

ତଦ୍ଭସ୍ମାସୀଦ୍ଯସ୍ଯ ସୁଜାତଃ ପଟବାସ-
ସ୍ତଂ ପ୍ରତ୍ଯ଼ଞ୍ଚଂ ଦକ୍ଷିଣବକ୍ତ୍ରଂ କଲଯାମି||14||

ମେଧାବୀ ସ୍ଯାଦିନ୍ଦୁବତଂସଂ ଧୃତବୀଣଂ

କର୍ପୂରାଭଂ ପୁସ୍ତକହସ୍ତଂ କମଲାକ୍ଷମ୍|

ଚିତ୍ତେ ଧ୍ଯାଯନ୍ଯସ୍ଯ ବପୁର୍ଦ୍ରାଙ୍ନିମିଷାର୍ଧଂ
ତଂ ପ୍ରତ୍ଯଞ୍ଚଂ ଦକ୍ଷିଣବକ୍ତ୍ରଂ କଲଯାମି||16||

ପ୍ରତ୍ଯାହାରପ୍ରାଣନିରୋଧାଦିସମର୍ଥୈ-

ର୍ଭକ୍ତୈର୍ଦାନ୍ତୈଃ ସଂଯତଚିତ୍ତୈର୍ଯତମାନୈଃ|

ସ୍ବାତ୍ମତ୍ବେନ ଜ୍ଞାଯତ ଏବ ତ୍ବରଯା ଯ-
ସ୍ତଂ ପ୍ରତ୍ଯଞ୍ଚଂ ଦକ୍ଷିଣବକ୍ତ୍ରଂ କଲଯାମି||18||

ପ୍ରଜ୍ଞାମାତ୍ରଂ ପ୍ରାପିତସଂବିନ୍ନିଜଭକ୍ତଂ

ପ୍ରାଣାକ୍ଷାଦେଃ ପ୍ରେରଯିତାରଂ ପ୍ରଣବାର୍ଥମ୍|

ପ୍ରାହୁଃ ପ୍ରାଜ୍ଞା ଯଂ ବିଦିତାନୁଶ୍ରବତତ୍ତ୍ବା-
ସ୍ତଂ ପ୍ରତ୍ଯଞ୍ଚଂ ଦକ୍ଷିଣବକ୍ତ୍ରଂ କଲଯାମି||20||

ଛନ୍ନେବିଦ୍ଯାରୂପପଟେନୈବ ଚ ବିଶ୍ବଂ

ଯତ୍ରାଧ୍ଯସ୍ତଂ ଜୀବପରେଶତ୍ବମପୀଦମ୍|

ଭାନୋର୍ଭାନୁଷ୍ବମ୍ବୁବଦସ୍ତାଖିଲଭେଦଂ
ତଂ ପ୍ରତ୍ଯଞ୍ଚଂ ଦକ୍ଷିଣବକ୍ତ୍ରଂ କଲଯାମି||22||

ହା ହେତ୍ଯେବଂ ବିସ୍ମଯମୀଯୁର୍ମୁନିମୁଖ୍ଯା

ଜ୍ଞାତେ ଯସ୍ମିନ୍ସ୍ବାତ୍ମତଯାନାତ୍ମବିମୋହଃ|

ପ୍ରତ୍ଯଗ୍ଭୂତେ ବ୍ରହ୍ମଣି ଯାତଃ କଥମିତ୍ଥଂ
ତଂ ପ୍ରତ୍ଯଞ୍ଚଂ ଦକ୍ଷିଣବକ୍ତ୍ରଂ କଲଯାମି||24||