Devotional Hyms - Shiva

৷৷ശ്രീഃ৷৷

৷৷ഉമാമഹേശ്വരസ്തോത്രമ്৷৷
നമഃ ശിവാഭ്യാം നവയൌവനാഭ്യാം

പരസ്പരാശ്ിലഷ്ടവപുര്ധരാഭ്യാം

നഗേന്ദ്രകന്യാവൃഷകേതനാഭ്യാം
നമോ നമഃ ശംകരപാര്വതീഭ്യാമ്৷৷1৷৷

നമഃ ശിവാഭ്യാം സരസോത്സവാഭ്യാം

നമസ്കൃതാഭീഷ്ടവരപ്രദാഭ്യാമ്.

നാരായണേനാര്ചിതപാദുകാഭ്യാം
നമോ നമഃ ശംകരപാര്വതീഭ്യാമ്৷৷2৷৷

നമഃ ശിവാഭ്യാം വൃഷവാഹനാഭ്യാം

വിരിഞ്ചിവിഷ്ണ്വിന്ദ്രസുപൂജിതാഭ്യാമ്.

വിഭൂതിപാടീരവിലേപനാഭ്യാം
നമോ നമഃ ശംകരപാര്വതീഭ്യാമ്৷৷3৷৷

നമഃ ശിവാഭ്യാം ജഗദീശ്വരാഭ്യാം

ജഗത്പതിഭ്യാം ജയവിഗ്രഹാഭ്യാമ്

ജമ്ഭാരിമുഖ്യൈരഭിവന്ദിതാഭ്യാം
നമോ നമഃ ശംകരപാര്വതീഭ്യാമ്৷৷4৷৷

നമഃ ശിവാഭ്യാം പരമൌഷധാഭ്യാം

പഞ്ചാക്ഷരീപഞ്ജരരഞ്ജിതാഭ്യാമ്.

പ്രപഞ്ചസൃഷ്ടിസ്ഥിതിസംഹൃതാഭ്യാം
നമോ നമഃ ശംകരപാര്വതീഭ്യാമ്৷৷5৷৷

നമഃ ശിവാഭ്യാമതിസുന്ദരാഭ്യാ-

മത്യന്തമാസക്തഹൃദമ്ബുജാഭ്യാമ്.

അശേഷലോകൈകഹിതംകരാഭ്യാം
നമോ നമഃ ശംകരപാര്വതീഭ്യാമ്৷৷6৷৷

നമഃ ശിവാഭ്യാം കലിനാശനാഭ്യാം

കങ്കാലകല്യാണവപുര്ധരാഭ്യാമ്.

കൈലാസശൈലസ്ഥിതദേവതാഭ്യാം
നമോ നമഃ ശംകരപാര്വതീഭ്യാമ്৷৷7৷৷

നമഃ ശിവാഭ്യാമശുഭാപഹാഭ്യാ-

മശേഷലോകൈകവിശേഷിതാഭ്യാമ്.

അകുണ്ഠിതാഭ്യാം സ്മൃതിസംഭൃതാഭ്യാം
നമോ നമഃ ശംകരപാര്വതീഭ്യാമ്৷৷8৷৷

നമഃ ശിവാഭ്യാം രഥവാഹനാഭ്യാം

രവീന്ദുവൈശ്വാനരലോചനാഭ്യാമ്.

രാകാശശാങ്കാഭമുഖാമ്ബുജാഭ്യാം
നമോഃ നമഃ ശംകരപാര്വതീഭ്യാമ്৷৷9৷৷

നമഃ ശിവാഭ്യാം ജടിലംധരാഭ്യാം

ജരാമൃതിഭ്യാം ച വിവര്ജിതാഭ്യാമ്.

ജനാര്ദനാബ്ജോദ്ഭവപൂജിതാഭ്യാം
നമോ നമഃ ശംകരപാര്വതീഭ്യാമ്৷৷10৷৷

നമഃ ശിവാഭ്യാം വിഷമേക്ഷണാഭ്യാം

ബില്വച്ഛദാമല്ലികദാമഭൃദ്ഭ്യാ(?)മ്.

ശോഭാവതീശാന്തവതീശ്വരാഭ്യാം
നമോ നമഃ ശംകരപാര്വതീഭ്യാമ്৷৷11৷৷

നമഃ ശിവാഭ്യാം പശുപാലകാഭ്യാം

ജഗത്ത്രയീരക്ഷണബദ്ധഹൃദ്ഭ്യാമ്.

സമസ്തദേവാസുരപൂജിതാഭ്യാം
നമോ നമഃ ശംകരപാര്വതീഭ്യാമ്৷৷12৷৷

സ്തോത്രം ത്രിസംധ്യം ശിവപാര്വതീഭ്യാം

ഭക്ത്യാ പഠേദ്ദ്വാശകം നരോ യഃ.

സ സര്വസൌഭാഗ്യഫലാനി ഭുങ്ക്തേ
ശതായുരന്തേ ശിവലോകമേതി৷৷13৷৷


ഇതി ശ്രീമത്പരമഹംസപരിവ്രാജകാചാര്യസ്യ

ശ്രീഗോവിന്ദഭഗവത്പൂജ്യപാദശിഷ്യസ്യ

ശ്രീമച്ഛംകരഭഗവതഃ കൃതൌ

ഉമാമഹേശ്വരസ്തോത്രം സംപൂര്ണമ്৷৷