భాస్వన్మౌక్తికతోరణే మరకతస్తమ్భాయుతాలంకృతే

సౌధే ధూపసువాసితే మణిమయే మాణిక్యదీపాఞ్చితే.

బ్రహ్మేన్ద్రామరయోగిపుంగవగణైర్యుక్తే చ కల్పద్రుమైః
శ్రీమృత్యుంజయ సుస్థిరో భవ విభో మాణిక్యసింహాసనే৷৷3৷৷

సుగన్ధపుష్పప్రకరైః సువాసితై-

ర్వియన్నదీశీతలవారిభిః శుభైః.

త్రిలోకనాథార్తిహరార్ఘ్యమాదరా-
ద్గృహాణ మృత్యుంజయ సర్వవన్దిత৷৷5৷৷

గుడదధిసహితం మధుప్రకీర్ణం

సుఘృతసమన్వితధేనుదుగ్ధయుక్తమ్.

శుభకర మధుపర్కమాహర త్వం
త్రినయన మృత్యుహర త్రిలోకవన్ద్య৷৷7৷৷

జగత్త్రయీఖ్యాత సమస్తతీర్థ-

సమాహృతైః కల్మషహారిభిశ్చ.

స్నానం సుతోయైః సముదాచర త్వం
మృత్యుంజయానన్తగుణాభిరామ৷৷9৷৷

నానాహేమవిచిత్రాణి చీరచీనామ్బరాణి చ.
వివిధాని చ దివ్యాని మృత్యుంజయ సుధారయ ৷৷11৷৷

శ్రీగన్ధం ఘనసారకుఙ్కుమయుతం కస్తూరికాపూరితం

కాలేయేన హిమామ్బునా విరచితం మన్దారసంవాసితమ్.

దివ్యం దేవమనోహరం మణిమయే పాత్రే సమారోపితం
సర్వాఙ్గేషు విలేపయామి సతతం మృత్యుంజయ శ్రీవిభో৷৷13৷৷

చమ్పకపఙ్కజకురవక-

కున్దైః కరవీరమల్లికాకుసుమైః.

విస్తారయ నిజమకుటం
మృత్యుంజయ పుణ్డరీకనయనాప్త৷৷15৷৷

మాణిక్యకేయూరకిరీటహారైః

కాఞ్చీమణిస్థాపితకుణ్డలైశ్చ.

మఞ్జీరముఖ్యాభరణైర్మనోజ్ఞై-
రఙ్గాని మృత్యుంజయ భూషయామి৷৷17৷৷

ముక్తాతపత్రం శశికోటిశుభ్రం

శుభప్రదం కాఞ్చనదణ్డయుక్తమ్.

మాణిక్యసంస్థాపితహేమకుమ్భం
సురేశ మృత్యుంజయ తేర్పయామి৷৷19৷৷

కర్పూరచూర్ణం కపిలాజ్యపూతం

దాస్యామి కాలేయసమన్వితైశ్చ.

సముద్భవం పావనగన్ధధూపితం
మృత్యుంజయాఙ్గం పరికల్పయామి৷৷21৷৷

రాజాన్నం మధురాన్వితం చ మృదులం మాణిక్యపాత్రే స్థితం

హిఙ్గూజీరకసన్మరీచిమిలితైః శాకైరనేకైః శుభైః.

శాకం సమ్యగపూపసూపసహితం సద్యోఘృతేనాప్లుతం
శ్రీమృత్యుంజయ పార్వతీప్రియ విభో సాపోశనం భుజ్యతామ్৷৷23৷৷

శీతలం మధురం స్వచ్ఛం పావనం వాసితం లఘు.
మధ్యే స్వీకురు పానీయం శివ మృత్యుంజయ ప్రభో৷৷25৷৷

కేవలమతిమాధుర్యం

దుగ్ధైః స్నిగ్ధైశ్చ శర్కరామిలితైః.

ఏలామరీచిమిలితం
మృత్యుంజయ దేవ భుఙ్క్ష్వ పరమాన్నమ్৷৷27৷৷

మనోజ్ఞరమ్భావనఖణ్డఖణ్డితా-

న్రుచిప్రదాన్సర్షపజీరకాంశ్చ.

ససౌరభాన్సైన్ధవసేవితాంశ్చ
గృహాణ మృత్యుంజయ లోకవన్ద్య৷৷29৷৷

ఏలాశుణ్ఠీసహీతం

దధ్యన్నం చారుహేమపాత్రస్థమ్.

అమృతప్రతినిధిమాఢ్యం
మృత్యుంజయ భుజ్యతాం త్రిలోకేశ৷৷31৷৷

నాగరరామఠయుక్తం

సులలితజమ్బీరనీరసంపూర్ణమ్.

మథితం సైన్ధవసహితం
పిబ హర మృత్యుంజయ క్రతుధ్వంసిన్৷৷33৷৷

గగనధునీవిమలజలై-

ర్మృత్యుంజయ పద్మరాగపాత్రగతైః.

మృగమదచన్దనపూర్ణం
ప్రక్షాలయ చారు హస్తపదయుగ్మమ్৷৷35৷৷

మౌక్తికచూర్ణసమేతై-

ర్మృగమదఘనసారవాసితైః పూగైః.

పర్ణైః స్వర్ణసమానై-
ర్మృత్యుంజయ తేర్పయామి తామ్బూలమ్৷৷37৷৷

విరిఞ్చిముఖ్యామరబృన్దవన్దితే

సరోజమత్స్యాఙ్కితచక్రచిహ్నితే.

దదామి మృత్యుంజయ పాదపఙ్కజే
ఫణీన్ద్రభూషే పునరర్ఘ్యమీశ్వర৷৷39৷৷

పదే పదే సర్వతమోనికృన్తనం

పదే పదే సర్వశుభప్రదాయకమ్.

ప్రదక్షిణం భక్్తియుతేన చేతసా
కరోమి మృత్యుంజయ రక్ష రక్ష మామ్৷৷41৷৷

సంసారే జనితాపరోగసహితే తాపత్రయాక్రన్దితే

నిత్యం పుత్రకలత్రవిత్తవిలసత్పాశైర్నిబద్ధం దృఢమ్.

గర్వాన్ధం బహుపాపవర్గసహితం కారుణ్యదృష్ట్యా విభో
శ్రీమృత్యుంజయ పార్వతీప్రియ సదా మాం పాహి సర్వేశ్వర৷৷43৷৷

చతుశ్చత్వారింశద్విలసదుపచారైరభిమతై-

ర్మనఃపద్మే భక్త్యా బహిరపి చ పూజాం శుభకరీమ్.

కరోతి ప్రత్యూషే నిశి దివసమధ్యేపి చ పుమా-
న్ప్రయాతి శ్రీమృత్యుంజయపదమనేకాద్భుతపదమ్৷৷45৷৷