Devotional Hyms - Shiva

||ଶ୍ରୀଃ||

||ଶ୍ରୀଦକ୍ଷିଣାମୂର୍ତ୍ଯଷ୍ଟକମ୍||
ବିଶ୍ବଂ ଦର୍ପଣଦୃଶ୍ଯମାନନଗରୀତୁଲ୍ଯଂ ନିଜାନ୍ତର୍ଗତଂ

ପଶ୍ଯନ୍ନାତ୍ମନି ମାଯଯା ବହିରିବୋଦ୍ଭୂତଂ ଯଥା ନିଦ୍ରଯା|

ଯଃ ସାକ୍ଷାତ୍କୁରୁତେ ପ୍ରବୋଧସମଯେ ସ୍ବାତ୍ମାନମେବାଦ୍ବଯଂ
ତସ୍ମୈ ଶ୍ରୀଗୁରୁମୂର୍ତଯେ ନମ ଇଦଂ ଶ୍ରୀଦକ୍ଷିଣାମୂର୍ତଯେ||1||

ବୀଜସ୍ଯାନ୍ତରିବାଙ୍କୁରୋ ଜଗଦିଦଂ ପ୍ରାଙ୍ନିର୍ବିକଲ୍ପଂ ପୁନ-

ର୍ମାଯାକଲ୍ପିତଦେଶକାଲକଲନାବୈଚିତ୍ର୍ଯଚିତ୍ରୀକୃତମ୍|

ମାଯାବୀବ ବିଜୃମ୍ଭଯତ୍ଯପି ମହାଯୋଗୀବ ଯଃ ସ୍ବେଚ୍ଛଯା
ତସ୍ମୈ ଶ୍ରୀଗୁରୁମୂର୍ତଯେ ନମ ଇଦଂ ଶ୍ରୀଦକ୍ଷିଣାମୂର୍ତଯେ||2||

ଯସ୍ଯୈବ ସ୍ଫୁରଣଂ ସଦାତ୍ମକମସତ୍କଲ୍ପାର୍ଥଗଂ ଭାସତେ

ସାକ୍ଷାତ୍ତତ୍ତ୍ବମସୀତି ବେଦବଚସା ଯୋ ବୋଧଯତ୍ଯାଶ୍ରିତାନ୍|

ଯତ୍ସାକ୍ଷାତ୍କରଣାଦ୍ଭବେନ୍ନ ପୁନରାବୃତ୍ତିର୍ଭବାମ୍ଭୋନିଧୌ
ତସ୍ମୈ ଶ୍ରୀଗୁରୁମୂର୍ତଯେ ନମ ଇଦଂ ଶ୍ରୀଦକ୍ଷିଣାମୂର୍ତଯେ||3||

ନାନାଚ୍ଛିଦ୍ରଘଟୋଦରସ୍ଥିତମହାଦୀପପ୍ରଭାଭାସ୍ବରଂ

ଜ୍ଞାନଂ ଯସ୍ଯ ତୁ ଚକ୍ଷୁରାଦିକରଣଦ୍ବାରା ବହିଃ ସ୍ପନ୍ଦତେ|

ଜାନାମୀତି ତମେବ ଭାନ୍ତମନୁଭାତ୍ଯେତତ୍ସମସ୍ତଂ ଜଗ-
ତ୍ତସ୍ମୈ ଶ୍ରୀଗୁରୁମୂର୍ତଯେ ନମ ଇଦଂ ଶ୍ରୀଦକ୍ଷିଣାମୂର୍ତଯେ||4||

ଦେହଂ ପ୍ରାଣମପୀନ୍ଦ୍ରିଯାଣ୍ଯପି ଚଲାଂ ବୁଦ୍ଧିଂ ଚ ଶୂନ୍ଯଂ ବିଦୁଃ

ସ୍ତ୍ରୀବାଲାନ୍ଧଜଡୋପମାସ୍ତ୍ବହମିତି ଭ୍ରାନ୍ତା ଭୃଶଂ ବାଦିନଃ|

ମାଯାଶକ୍ତିବିଲାସକଲ୍ପିତମହାବ୍ଯାମୋହସଂହାରିଣେ
ତସ୍ମୈ ଶ୍ରୀଗୁରୁମୂର୍ତଯେ ନମ ଇଦଂ ଶ୍ରୀଦକ୍ଷିଣାମୂର୍ତଯେ||5||

ରାହୁଗ୍ରସ୍ତଦିବାକରେନ୍ଦୁସଦୃଶୋ ମାଯାସମାଚ୍ଛାଦନା-

ତ୍ସନ୍ମାତ୍ରଃ କରଣୋପସଂହରଣତୋ ଯୋଭୂତ୍ସୁଷୁପ୍ତଃ ପୁମାନ୍|

ପ୍ରାଗସ୍ବାପ୍ସମିତି ପ୍ରବୋଧସମଯେ ଯଃ ପ୍ରତ୍ଯଭିଜ୍ଞାଯତେ
ତସ୍ମୈ ଶ୍ରୀଗୁରୁମୂର୍ତଯେ ନମ ଇଦଂ ଶ୍ରୀଦକ୍ଷିଣାମୂର୍ତଯେ||6||

ବାଲ୍ଯାଦିଷ୍ବପି ଜାଗ୍ରଦାଦିଷୁ ତଥା ସର୍ବାସ୍ବବସ୍ଥାସ୍ବପି

ବ୍ଯାବୃତ୍ତାସ୍ବନୁବର୍ତମାନମହମିତ୍ଯନ୍ତଃ ସ୍ଫୁରନ୍ତଂ ସଦା|

ସ୍ବାତ୍ମାନଂ ପ୍ରକଟୀକରୋତି ଭଜତାଂ ଯୋ ମୁଦ୍ରଯା ଭଦ୍ରଯା
ତସ୍ମୈ ଶ୍ରୀଗୁରୁମୂର୍ତଯେ ନମ ଇଦଂ ଶ୍ରୀଦକ୍ଷିଣାମୂର୍ତଯେ||7||

ବିଶ୍ବଂ ପଶ୍ଯତି କାର୍ଯକାରଣତଯା ସ୍ବସ୍ବାମିସଂବନ୍ଧତଃ

ଶିଷ୍ଯାଚାର୍ଯତଯା ତଥୈବ ପିତୃପୁତ୍ରାଦ୍ଯାତ୍ମନା ଭେଦତଃ|

ସ୍ବପ୍ନେ ଜାଗ୍ରତି ବା ଯ ଏଷ ପୁରୁଷୋ ମାଯାପରିଭ୍ରାମିତ-
ସ୍ତସ୍ମୈ ଶ୍ରୀଗୁରୁମୂର୍ତଯେ ନମ ଇଦଂ ଶ୍ରୀଦକ୍ଷିଣାମୂର୍ତଯେ||8||

ଭୂରମ୍ଭାଂସ୍ଯନଲୋନିଲୋମ୍ବରମହର୍ନାଥୋ ହିମାଂଶୁଃ ପୁମା-

ନିତ୍ଯାଭାତି ଚରାଚରାତ୍ମକମିଦଂ ଯସ୍ଯୈବ ମୂର୍ତ୍ଯଷ୍ଟକମ୍|

ନାନ୍ଯତ୍କିଂଚନ ବିଦ୍ଯତେ ବିମୃଶତାଂ ଯସ୍ମାତ୍ପରସ୍ମାଦ୍ବିଭୋ-
ସ୍ତସ୍ମୈ ଶ୍ରୀଗୁରୁମୂର୍ତଯେ ନମ ଇଦଂ ଶ୍ରୀଦକ୍ଷିଣାମୂର୍ତଯେ||9||

ସର୍ବାତ୍ମତ୍ବମିତି ସ୍ଫୁଟୀକୃତମିଦଂ ଯସ୍ମାଦମୁଷ୍ମିଂସ୍ତବେ

ତେନାସ୍ଯ ଶ୍ରବଣାତ୍ତଦର୍ଥମନନାଦ୍ଧ୍ଯାଯାନାଚ୍ଚ ସଂକୀର୍ତନାତ୍|

ସର୍ବାତ୍ମତ୍ବମହାବିଭୂତିସହିତଂ ସ୍ଯାଦୀଶ୍ବରତ୍ବଂ ସ୍ବତଃ
ସିଧ୍ଯେତ୍ତତ୍ପୁନରଷ୍ଟଧା ପରିଣତଂ ଚୈଶ୍ବର୍ଯମବ୍ଯାହତମ୍||10||


ଇତି ଶ୍ରୀମତ୍ପରମହଂସପରିବ୍ରାଜକାଚାର୍ଯସ୍ଯ

ଶ୍ରୀଗୋବିନ୍ଦଭଗବତ୍ପୂଜ୍ଯପାଦଶିଷ୍ଯସ୍ଯ

ଶ୍ରୀମଚ୍ଛଂକରଭଗବତଃ କୃତୌ

ଶ୍ରୀଦକ୍ଷିଣାମୂର୍ତ୍ଯଷ୍ଟକମ୍ ସଂପୂର୍ଣମ୍||