Devotional Hyms - Shiva

৷৷ശ്രീഃ৷৷

৷৷ശ്രീദക്ഷിണാമൂര്ത്യഷ്ടകമ്৷৷
വിശ്വം ദര്പണദൃശ്യമാനനഗരീതുല്യം നിജാന്തര്ഗതം

പശ്യന്നാത്മനി മായയാ ബഹിരിവോദ്ഭൂതം യഥാ നിദ്രയാ.

യഃ സാക്ഷാത്കുരുതേ പ്രബോധസമയേ സ്വാത്മാനമേവാദ്വയം
തസ്മൈ ശ്രീഗുരുമൂര്തയേ നമ ഇദം ശ്രീദക്ഷിണാമൂര്തയേ৷৷1৷৷

ബീജസ്യാന്തരിവാങ്കുരോ ജഗദിദം പ്രാങ്നിര്വികല്പം പുന-

ര്മായാകല്പിതദേശകാലകലനാവൈചിത്ര്യചിത്രീകൃതമ്.

മായാവീവ വിജൃമ്ഭയത്യപി മഹായോഗീവ യഃ സ്വേച്ഛയാ
തസ്മൈ ശ്രീഗുരുമൂര്തയേ നമ ഇദം ശ്രീദക്ഷിണാമൂര്തയേ৷৷2৷৷

യസ്യൈവ സ്ഫുരണം സദാത്മകമസത്കല്പാര്ഥഗം ഭാസതേ

സാക്ഷാത്തത്ത്വമസീതി വേദവചസാ യോ ബോധയത്യാശ്രിതാന്.

യത്സാക്ഷാത്കരണാദ്ഭവേന്ന പുനരാവൃത്തിര്ഭവാമ്ഭോനിധൌ
തസ്മൈ ശ്രീഗുരുമൂര്തയേ നമ ഇദം ശ്രീദക്ഷിണാമൂര്തയേ৷৷3৷৷

നാനാച്ഛിദ്രഘടോദരസ്ഥിതമഹാദീപപ്രഭാഭാസ്വരം

ജ്ഞാനം യസ്യ തു ചക്ഷുരാദികരണദ്വാരാ ബഹിഃ സ്പന്ദതേ.

ജാനാമീതി തമേവ ഭാന്തമനുഭാത്യേതത്സമസ്തം ജഗ-
ത്തസ്മൈ ശ്രീഗുരുമൂര്തയേ നമ ഇദം ശ്രീദക്ഷിണാമൂര്തയേ৷৷4৷৷

ദേഹം പ്രാണമപീന്ദ്രിയാണ്യപി ചലാം ബുദ്ധിം ച ശൂന്യം വിദുഃ

സ്ത്രീബാലാന്ധജഡോപമാസ്ത്വഹമിതി ഭ്രാന്താ ഭൃശം വാദിനഃ.

മായാശക്തിവിലാസകല്പിതമഹാവ്യാമോഹസംഹാരിണേ
തസ്മൈ ശ്രീഗുരുമൂര്തയേ നമ ഇദം ശ്രീദക്ഷിണാമൂര്തയേ৷৷5৷৷

രാഹുഗ്രസ്തദിവാകരേന്ദുസദൃശോ മായാസമാച്ഛാദനാ-

ത്സന്മാത്രഃ കരണോപസംഹരണതോ യോഭൂത്സുഷുപ്തഃ പുമാന്.

പ്രാഗസ്വാപ്സമിതി പ്രബോധസമയേ യഃ പ്രത്യഭിജ്ഞായതേ
തസ്മൈ ശ്രീഗുരുമൂര്തയേ നമ ഇദം ശ്രീദക്ഷിണാമൂര്തയേ৷৷6৷৷

ബാല്യാദിഷ്വപി ജാഗ്രദാദിഷു തഥാ സര്വാസ്വവസ്ഥാസ്വപി

വ്യാവൃത്താസ്വനുവര്തമാനമഹമിത്യന്തഃ സ്ഫുരന്തം സദാ.

സ്വാത്മാനം പ്രകടീകരോതി ഭജതാം യോ മുദ്രയാ ഭദ്രയാ
തസ്മൈ ശ്രീഗുരുമൂര്തയേ നമ ഇദം ശ്രീദക്ഷിണാമൂര്തയേ৷৷7৷৷

വിശ്വം പശ്യതി കാര്യകാരണതയാ സ്വസ്വാമിസംബന്ധതഃ

ശിഷ്യാചാര്യതയാ തഥൈവ പിതൃപുത്രാദ്യാത്മനാ ഭേദതഃ.

സ്വപ്നേ ജാഗ്രതി വാ യ ഏഷ പുരുഷോ മായാപരിഭ്രാമിത-
സ്തസ്മൈ ശ്രീഗുരുമൂര്തയേ നമ ഇദം ശ്രീദക്ഷിണാമൂര്തയേ৷৷8৷৷

ഭൂരമ്ഭാംസ്യനലോനിലോമ്ബരമഹര്നാഥോ ഹിമാംശുഃ പുമാ-

നിത്യാഭാതി ചരാചരാത്മകമിദം യസ്യൈവ മൂര്ത്യഷ്ടകമ്.

നാന്യത്കിംചന വിദ്യതേ വിമൃശതാം യസ്മാത്പരസ്മാദ്വിഭോ-
സ്തസ്മൈ ശ്രീഗുരുമൂര്തയേ നമ ഇദം ശ്രീദക്ഷിണാമൂര്തയേ৷৷9৷৷

സര്വാത്മത്വമിതി സ്ഫുടീകൃതമിദം യസ്മാദമുഷ്മിംസ്തവേ

തേനാസ്യ ശ്രവണാത്തദര്ഥമനനാദ്ധ്യായാനാച്ച സംകീര്തനാത്.

സര്വാത്മത്വമഹാവിഭൂതിസഹിതം സ്യാദീശ്വരത്വം സ്വതഃ
സിധ്യേത്തത്പുനരഷ്ടധാ പരിണതം ചൈശ്വര്യമവ്യാഹതമ്৷৷10৷৷


ഇതി ശ്രീമത്പരമഹംസപരിവ്രാജകാചാര്യസ്യ

ശ്രീഗോവിന്ദഭഗവത്പൂജ്യപാദശിഷ്യസ്യ

ശ്രീമച്ഛംകരഭഗവതഃ കൃതൌ

ശ്രീദക്ഷിണാമൂര്ത്യഷ്ടകമ് സംപൂര്ണമ്৷৷