బాల్యే దుఃఖాతిరేకాన్మలలులితవపుః స్తన్యపానే పిపాసు-

ర్నో శక్తశ్చేన్ద్రియేభ్యో భవ మలజనితా జన్తవో మాం తుదన్తి.

నానారోగాతిదుఃఖాద్రుదితపరవశః శంకరం న స్మరామి
క్షన్తవ్యో మేపరాధః శివ శివ శివ భోః శ్రీమహాదేవ శంభో৷৷2৷৷

వార్ధక్యే చేన్ద్రియాణాం వికలగతిమతశ్చాధిదైవాదితాపైః

ప్రాప్తై రోగైర్వియోగైర్వ్యసనకృశతనోర్జ్ఞప్తిహీనం చ దీనమ్.

మిథ్యామోహాభిలాషైర్భ్రమతి మమ మనో ధూర్జటేర్ధ్యానశూన్యం
క్షన్తవ్యో మేపరాధః శివ శివ శివ భోః శ్రీమహాదేవ శంభో৷৷4৷৷

దుగ్ధైర్మధ్వాజ్యయుక్తైర్దధిగుసహితైః స్నాపితం నైవ లిఙ్గం

నో లిప్తం చన్దనాద్యైః కనకవిరచితైః పూజితం న ప్రసూనైః.

ధూపైః కర్పూరదీపైర్వివిధరసయుతైర్నైవ భక్ష్యోపహారైః
క్షన్తవ్యో మేపరాధః శివ శివ శివ భోః శ్రీమహాదేవ శంభో৷৷6৷৷

ధ్యాత్వా చిత్తే శివాఖ్యం ప్రచురతరధనం నైవ దత్తం ద్విజేభ్యో

హవ్యం తే లక్షసంఖ్యైర్హుతవహవదనే నార్పితం బీజమన్త్రైః.

నో తప్తం గాఙ్గతీరే వ్రతజపనియమై రుద్రజాప్యం న జప్తం
క్షన్తవ్యో మేపరాధః శివ శివ శివ భోః శ్రీమహాదేవ శంభో৷৷8৷৷

స్థిత్వా స్థానే సరోజే ప్రణవమయమరుత్కుమ్భితే సూక్ష్మమార్గే

శాన్తే స్వాన్తే ప్రలీనే ప్రకటితవిభవే దివ్యరూపే శివాఖ్యే.

లిఙ్గాగ్రే బ్రహ్మవాక్యే సకలతనుగతం శంకరం న స్మరామి
క్షన్తవ్యో మేపరాధః శివ శివ శివ భోః శ్రీమహాదేవ శంభో৷৷10৷৷

చన్ద్రోద్భాసితశేఖరే స్మరహరే గఙ్గాధరే శంకరే

సర్పైర్భూషితకణ్ఠకర్ణవివరే నేత్రోత్థవైశ్వానరే.

దన్తిత్వక్కృతసున్దరామ్బరధరే త్రైలోక్యసారే హరే
మోక్షార్థం కురు చిత్త వృత్తిమమలామన్యైస్తు కిం కర్మభిః৷৷12৷৷

పౌరోహిత్యం రజనిచరితం గ్రామణీత్వం నియోగో

మాఠాపత్యం హ్యనృతవచనం సాక్షివాదః పరాన్నమ్.

బ్రహ్మద్వేషః ఖలజనరతిః ప్రాణినాం నిర్దయత్వం
మా భూదేవం మమ పశుపతే జన్మజన్మాన్తరేషు৷৷14৷৷