యస్య ప్రాహుః స్వరూపం సకలదివిషదాం సారసర్వస్వయోగం

యస్యేషుః శార్ఙ్గధన్వా సమజని జగతాం రక్షణే జాగరూకః.

మౌర్వీ దర్వీకరాణామపి చ పరిబృఢః పూస్త్రయీ సా చ లక్ష్యం
సోవ్యాదవ్యాజమస్మానశివభిదనిశం నాకినాం శ్రీపినాకః৷৷2৷৷

కాలారాతేః కరాగ్రే కృతవసతిరురఃశాణశాతో రిపూణాం

కాలే కాలే కులాద్రిప్రవరతనయయా కల్పితస్నేహలేపః.

పాయాన్నః పావకార్చిఃప్రసరసఖముఖః పాపహన్తా నితాన్తం
శూలః శ్రీపాదసేవాభజనరసజుషాం పాలనైకాన్తశీలః৷৷4৷৷

కణ్ఠప్రాన్తావసజ్జత్కనకమయమహాఘణ్టికాఘోరఘోషైః

కణ్ఠారావైరకుణ్ఠైరపి భరితజగచ్చక్రవాలాన్తరాలః.

చణ్డః ప్రోద్దణ్డశ్రృఙ్గః కకుదకబలితోత్తుఙ్గకైలాసశ్రృఙ్గః
కణ్ఠేకాలస్య వాహః శమయతు శమలం శాశ్వతః శాక్వరేన్ద్రః৷৷6৷৷

యః పుణ్యైర్దేవతానాం సమజని శివయోః శ్లాఘ్యవీర్యైకమత్యా-

ద్యన్నామ్ని శ్రూయమాణే దితిజభటఘటా భీతిభారం భజన్తే.

భూయాత్సోయం విభూత్యై నిశితశరశిఖాపాటితక్రౌఞ్చశైలః
సంసారాగాధకూపోదరపతితసముత్తారకస్తారకారిః৷৷8৷৷

అమ్భోజాభ్యాం చ రమ్భారథచరణలతాద్వన్ద్వకుమ్భీన్ద్రకుమ్భై-

ర్బిమ్బేనేన్దోశ్చ కమ్బోరుపరి విలసతా విద్రుమేణోత్పలాభ్యామ్.

అమ్భోదేనాపి సంభావితముపజనితాడమ్బరం శమ్బరారేః
శంభోః సంభోగయోగ్యం కిమపి ధనమిదం సంభవేత్సంపదే నః৷৷10৷৷

నృత్తారమ్భేషు హస్తాహతమురజధిమిద్ధికృతైరత్యుదారై-

శ్ిచత్తానన్దం విధత్తే సదసి భగవతః సంతతం యః స నన్దీ.

చణ్డీశాద్యాస్తథాన్యే చతురగుణగణప్రీణితస్వామిసత్కా-
రోత్కర్షోద్యత్ప్రసాదాః ప్రమథపరిబృఢాః పాన్తు సంతోషిణో నః৷৷12৷৷

స్తమ్భైర్జమ్భారిరత్నప్రవరవిరచితైః సంభృతోపాన్తభాగం

శుమ్భత్సోపానమార్గం శుచిమణినిచయైర్గుమ్భితానల్పశిల్పమ్.

కుమ్భైః సంపూర్ణశోభం శిరసి సుఘటితైః శాతకుమ్భైరపఙ్కైః
శంభోః సంభావనీయం సకలమునిజనైః స్వస్తిదం స్యాత్సదో నః৷৷14৷৷

ఆసీనస్యాధిపీఠం త్రిజగదధిపతేరఙ్ఘ్రిపీఠానుషక్తౌ

పాథోజాభోగభాజౌ పరిమృదులతలోల్లాసిపద్మాదిరేఖౌ.

పాతాం పాదావుభౌ తౌ నమదమరకిరీటోల్లసచ్చారుహీర-
శ్రేణీశోణాయమానోన్నతనఖదశకోద్భాసమానౌ సమానౌ৷৷16৷৷

అఙ్గే శృఙ్గారయోనేః సపది శలభతాం నేత్రవహ్నౌ ప్రయాతే

శత్రోరుద్ధృత్య తస్మాదిషుధియుగమధో న్యస్తమగ్రే కిమేతత్.

శఙ్కామిత్థం నతానామమరపరిషదామన్తరఙ్కూరయత్త-
త్సంఘాతం చారు జఙ్ఘాయుగమఖిలపతేరంహసాం సంహరేన్నః৷৷18৷৷

ఆముక్తానర్ఘరత్నప్రకరకరపరిష్వక్తకల్యాణకాఞ్చీ-

దామ్నా బద్ధేన దుగ్ధద్యుతినిచయముషా చీనపట్టామ్బరేణ.

సంవీతే శైలకన్యాసుచరితపరిపాకాయమాణే నితమ్బే
నిత్యం నర్నర్తు చిత్తం మమ నిఖిలజగత్స్వామినః సోమమౌలేః৷৷20৷৷

నాభీచక్రాలవాలాన్నవనవసుషమాదోహదశ్రీపరీతా-

దుద్గచ్ఛన్తీ పురస్తాదుదరపథమతిక్రమ్య వక్షః ప్రయాన్తీ.

శ్యామా కామాగమార్థప్రకథనలిపివద్భాసతే యా నికామం
సా మా సోమార్ధమౌలేః సుఖయతు సతతం రోమవల్లీమతల్లీ৷৷22৷৷

వామాఙ్కే విస్ఫురన్త్యా కరతలవిలసచ్చారురక్తోత్పలాయాః

కాన్తాయా వామవక్షోరుహభరశిఖరోన్మర్దనవ్యగ్రమేకమ్.

అన్యాంస్త్రీనప్యుదారాన్వరపరశుమృగాలంకృతానిన్దుమౌలే-
ర్బాహూనాబద్ధహేమాఙ్గదమణికటకానన్తరాలోకయామః৷৷24৷৷

హృద్యైరద్రీన్ద్రకన్యామృదుదశనపదైర్ముద్రితో విద్రుమశ్రీ-

రుద్ద్యోతన్త్యా నితాన్తం ధవలధవలయా మిశ్రితో దన్తకాన్త్యా.

ముక్తామాణిక్యజాలవ్యతికరసదృశా తేజసా భాసమానః
సద్యోజాతస్య దద్యాదధరమణిరసౌ సంపదాం సంచయం నః৷৷26৷৷

అత్యన్తం భాసమానే రుచిరతరరుచాం సంగమాత్సన్మణీనా-

ముద్యచ్చణ్డాంశుధామప్రసరనిరసనస్పష్టదృష్టాపదానే.

భూయాస్తాం భూతయే నః కరివరజయినః కర్ణపాశావలమ్బే
భక్తాలీభాలసజ్జజ్జనిమరణలిపేః కుణ్డలే కుణ్డలే తే৷৷28৷৷

వామం వామాఙ్కగాయా వదనసరసిజే వ్యావలద్వల్లభాయా

వ్యానమ్రేష్వన్యదన్యత్పునరలికభవం వీతనిఃశేషరౌక్ష్యమ్.

భూయో భూయోపి మోదాన్నిపతదతిదయాశీతలం చూతబాణే
దక్షారేరీక్షణానాం త్రయమపహరతాదాశు తాపత్రయం నః৷৷30.

స్వామిన్గఙ్గామివాఙ్గీకురు తవ శిరసా మామపీత్యర్థయన్తీం

ధన్యాం కన్యాం ఖరాంశోః శిరసి వహతి కిం న్వేష కారుణ్యశాలీ.

ఇత్థం శఙ్కాం జనానాం జనయదతిఘనం కైశికం కాలమేఘ-
చ్ఛాయం భూయాదుదారం త్రిపురవిజయినః శ్రేయసే భూయసే నః৷৷32৷৷

వక్రాకారః కలఙ్కీ జడతనురహమప్యఙ్ఘ్రిసేవానుభావా-

దుత్తంసత్వం ప్రయాతః సులభతరఘృణాస్యన్దినశ్చన్ద్రమౌలేః.

తత్సేవన్తాం జనౌఘాః శివమితి నిజయావస్థయైవ బ్రువాణం
వన్దే దేవస్య శంభోర్ముకుటసుఘటితం ముగ్ధపీయూషభానుమ్৷৷34৷৷

దివ్యాకల్పోజ్జ్వలానాం శివగిరిసుతయోః పాశ్ర్వయోరాశ్రితానాం

రుద్రాణీసత్సఖీనాం మదతరలకటాక్షాఞ్చలైరఞ్చితానామ్.

ఉద్వేల్లద్బాహువల్లీవిలసనసమయే చామరాన్దోలనీనా-
ముద్భూతః కఙ్కణాలీవలయకలకలో వారయేదాపదో నః৷৷36৷৷

స్థానప్రాప్త్యా స్వరాణాం కిమపి విశదతాం వ్యఞ్జయన్మఞ్జువీణా-

స్వానావచ్ఛిన్నతాలక్రమమమృతమివాస్వాద్యమానం శివాభ్యామ్.

నానారాగాతిహృద్యం నవరసమధురస్తోత్రజాతానువిద్ధం
గానం వీణామహర్షేః కలమతిలలితం కర్ణపూరాయతాం నః৷৷38৷৷

దేవేభ్యో దానవేభ్యః పితృమునిపరిషత్సిద్ధవిద్యాధరేభ్యః

సాధ్యేభ్యశ్చారణేభ్యో మనుజపశుపతజ్జాతికీటాదికేభ్యః.

శ్రీకైలాసప్రరూఢాస్తృణవిటపిముఖాశ్చాపి యే సన్తి తేభ్యః
సర్వేభ్యో నిర్విచారం నతిముపరచయే శర్వపాదాశ్రయేభ్యః৷৷40৷৷