గలన్తీ శంభో త్వచ్చరితసరితః కిల్బిషరజో

దలన్తీ ధీకుల్యాసరణిషు పతన్తీ విజయతామ్.

దిశన్తీ సంసారభ్రమణపరితాపోపశమనం
వసన్తీ మచ్చేతోహ్రదభువి శివానన్దలహరీ৷৷2৷৷

సహస్రం వర్తన్తే జగతి విబుధాః క్షుద్రఫలదా

న మన్యే స్వప్నే వా తదనుసరణం తత్కృతఫలమ్.

హరిబ్రహ్మాదీనామపి నికటభాజామసులభం
చిరం యాచే శంభో శివ తవ పదామ్భోజభజనమ్৷৷4৷৷

ఘటో వా మృత్పిణ్డోప్యణురపి చ ధూమోగ్నిరచలః

పటో వా తన్తుర్వా పరిహరతి కిం ఘోరశమనమ్.

వృథా కణ్ఠక్షోభం వహసి తరసా తర్కవచసా
పదామ్భోజం శంభోర్భజ పరమసౌఖ్యం వ్రజ సుధీః৷৷6৷৷

యథా బుద్ధిః శుక్తౌ రజతమితి కాచాశ్మని మణి-

ర్జలే పైష్టే క్షీరం భవతి మృగతృష్ణాసు సలిలమ్.

తథా దేవభ్రాన్త్యా భజతి భవదన్యం జడజనో
మహాదేవేశం త్వాం మనసి చ న మత్వా పశుపతే৷৷8৷৷

నరత్వం దేవత్వం నగవనమృగత్వం మశకతా

పశుత్వం కీటత్వం భవతు విహగత్వాది జననమ్.

సదా త్వత్పాదాబ్జస్మరణపరమానన్దలహరీ-
విహారాసక్తం చేద్ధృదయమిహ కిం తేన వపుషా৷৷10৷৷

గుహాయాం గేహే వా బహిరపి వనే వాద్రిశిఖరే

జలే వా వహ్నౌ వా వసతు వసతేః కిం వద ఫలమ్.

సదా యస్యైవాన్తఃకరణమపి శంభో తవ పదే
స్థితం చేద్యోగోసౌ స చ పరమయోగీ స చ సుఖీ৷৷12৷৷

ప్రభుస్త్వం దీనానాం ఖలు పరమబన్ధుః పశుపతే

ప్రముఖ్యోహం తేషామపి కిముత బన్ధుత్వమనయోః.

త్వయైవ క్షన్తవ్యాః శివ మదపరాధాశ్చ సకలాః
ప్రయత్నాత్కర్తవ్యం మదవనమియం బన్ధుసరణిః৷৷14৷৷

విరిఞ్చిర్దీర్ఘాయుర్భవతు భవతా తత్పరశిర-

శ్చతుష్కం సంరక్ష్యం స ఖలు భువి దైన్యం లిఖితవాన్.

విచారః కో వా మాం విశద కృపయా పాతి శివ తే
కటాక్షవ్యాపారః స్వయమపి చ దీనావనపరః৷৷16৷৷

త్వమేకో లోకానాం పరమఫలదో దివ్యపదవీం

వహన్తస్త్వన్మూలాం పునరపి భజన్తే హరిముఖాః.

కియద్వా దాక్షిణ్యం తవ శివ మదాశా చ కియతీ
కదా వా మద్రక్షాం వహసి కరుణాపూరితదృశా৷৷18৷৷

సదా మోహాటవ్యాం చరతి యువతీనాం కుచగిరౌ

నటత్యాశాశాఖాస్వటతి ఝటితి స్వైరమభితః.

కపాలిన్ భిక్షో మే హృదయకపిమత్యన్తచపలం
దృఢం భక్త్యా బద్ధ్వా శివ భవదధీనం కురు విభో৷৷20৷৷

ప్రలోభాద్యైరర్థాహరణపరతన్త్రో ధనిగృహే

ప్రవేశోద్యుక్తః సన్భ్రమతి బహుధా తస్కరపతే.

ఇమం చేతశ్చోరం కథమిహ సహే శంకర విభో
తవాధీనం కృత్వా మయి నిరపరాధే కురు కృపామ్৷৷22৷৷

కదా వా కైలాసే కనకమణిసౌధే సహ గణై-

ర్వసఞ్శంభోరగ్రే స్ఫుటఘటితమూర్ధాఞ్జలిపుటః.

విభో సామ్బ స్వామిన్పరమశివ పాహీతి నిగద-
న్విధాతృాం కల్పాన్క్షణమివ వినేష్యామి సుఖతః৷৷24৷৷

కదా వా త్వాం దృష్ట్వా గిరిశ తవ భవ్యాఙ్ఘ్రియుగలం

గృహీత్వా హస్తాభ్యాం శిరసి నయనే వక్షసి వహన్.

సమాశ్ిలష్యాఘ్రాయ స్ఫుటజలజగన్ధాన్పరిమలా-
నలభ్యాం బ్రహ్మాద్యైర్ముదమనుభవిష్యామి హృదయే৷৷26৷৷

సారూప్యం తవ పూజనే శివ మహాదేవేతి సంకీర్తనే

సామీప్యం శివభక్తిధుర్యజనతాసాంగత్యసంభాషణే.

సాలోక్యం చ చరాచరాత్మకతనుధ్యానే భవానీపతే
సాయుజ్యం మమ సిద్ధమత్ర భవతి స్వామిన్కృతార్థోస్మ్యహమ్৷৷28৷৷

వస్త్రోద్ధూతవిధౌ సహస్రకరతా పుష్పార్చనే విష్ణుతా

గన్ధే గన్ధవహాత్మతాన్నపచనే బర్హిర్ముఖాధ్యక్షతా.

పాత్రే కాఞ్చనగర్భతాస్తి మయి చేద్బాలేన్దుచూామణే
శుశ్రూషాం కరవాణి తే పశుపతే స్వామింస్త్రిలోకీగురో৷৷30৷৷

జ్వాలోగ్రః సకలామరాతిభయదః క్ష్వేలః కథం వా త్వయా

దృష్టః కిం చ కరే ధృతః కరతలే కిం పక్వజమ్బూఫలమ్.

జిహ్వాయాం నిహితశ్చ సిద్ధఘుటికా వా కణ్ఠదేశే భృతః
కిం తే నీలమణిర్విభూషణమయం శంభో మహాత్మన్వద৷৷32৷৷

కిం బ్రూమస్తవ సాహసం పశుపతే కస్యాస్తి శంభో భవ-

ద్ధైర్యం చేదృశమాత్మనః స్థితిరియం చాన్యైః కథం లభ్యతే.

భ్రశ్యద్దేవగణం త్రసన్మునిగణం నశ్యత్ప్రపఞ్చం లయం
పశ్యన్నిర్భయ ఏక ఏవ విహరత్యానన్దసాన్ద్రో భవాన్৷৷34৷৷

భక్తో భక్తిగుణావృతే ముదమృతాపూర్ణే ప్రసన్నే మనః-

కుమ్భే సామ్బ తవాఙ్ఘ్రిపల్లవయుగం సంస్థాప్య సంవిత్ఫలమ్.

సత్త్వం మన్త్రముదీరయన్నిజశరీరాగారశుద్ధిం వహ-
న్పుణ్యాహం ప్రకటీకరోమి రుచిరం కల్యాణమాపాదయన్৷৷36৷৷

ప్రాక్పుణ్యాచలమార్గదర్శితసుధామూర్తిః ప్రసన్నః శివః

సోమః సద్గణసేవితో మృగధరః పూర్ణస్తమోమోచకః.

చేతఃపుష్కరలక్షితో భవతి చేదానన్దపాథోనిధిః
ప్రాగల్భ్యేన విజృమ్భతే సుమనసాం వృత్తిస్తదా జాయతే৷৷38৷৷

ధీయన్త్రేణ వచోఘటేన కవితాకుల్యోపకుల్యాక్రమై-

రానీతైశ్చ సదాశివస్య చరితామ్భోరాశిదివ్యామృతైః.

హృత్కేదారయుతాశ్చ భక్తికలమాః సాఫల్యమాతన్వతే
దుర్భిక్షాన్మమ సేవకస్య భగవన్విశ్వేశ భీతిః కుతః৷৷40৷৷

గామ్భీర్యం పరిఖాపదం ఘనధృతిః ప్రాకార ఉద్యద్గుణ-

స్తోమశ్చాప్తబలం ఘనేన్ద్రియచయో ద్వారాణి దేహే స్థితః.

విద్యా వస్తుసమృద్ధిరిత్యఖిలసామగ్రీసమేతే సదా
దుర్గాతిప్రియదేవ మామకమనోదుర్గే నివాసం కురు৷৷42৷৷

కరలగ్నమృగః కరీన్ద్రభఙ్గో

ఘనశార్దూలవిఖణ్డనోస్తజన్తుః.

గిరిశో విశదాకృతిశ్చ చేతః-
కుహరే పఞ్చముఖోస్తి మే కుతో భీః৷৷44৷৷

ఆకీర్ణే నఖరాజికాన్తివిభవైరుద్యత్సుధావైభవై-

రాధౌతేపి చ పద్మరాగలలితే హంసవ్రజైరాశ్రితే.

నిత్యం భక్తివధూగణైశ్చ రహసి స్వేచ్ఛావిహారం కురు
స్థిత్వా మానసరాజహంస గిరిజానాథాఙ్ఘ్రిసౌధాన్తరే৷৷46৷৷

నిత్యానన్దరసాలయం సురమునిస్వాన్తామ్బుజాతాశ్రయం

స్వచ్ఛం సద్ద్విజసేవితం కలుషహృత్సద్వాసనావిష్కృతమ్.

శుంభుధ్యానసరోవరం వ్రజ మనోహంసావతంస స్థిరం
కిం క్షుద్రాశ్రయపల్వలభ్రమణసంజాతశ్రమం ప్రాప్స్యసి৷৷48৷৷

సంధ్యారమ్భవిజృమ్భితం శ్రుతిశిరఃస్థానాన్తరాధిష్ఠితం

సప్రేమభ్రమరాభిరామమసకృత్సద్వాసనాశోభితమ్.

భోగీన్ద్రాభరణం సమస్తసుమనఃపూజ్యం గుణావిష్కృతం
సేవే శ్రీగిరిమల్లికార్జునమహాలిఙ్గం శివాలిఙ్గితమ్৷৷50৷৷

కారుణ్యామృతవర్షిణం ఘనవిపద్గ్రీష్మచ్ఛిదాకర్మఠం

విద్యాసస్యఫలోదయాయ సుమనఃసంసేవ్యమిచ్ఛాకృతిమ్.

నృత్యద్భక్తమయూరమద్రినిలయం చఞ్చజ్జటామణ్డలం
శంభో వాఞ్ఛతి నీలకంధర సదా త్వాం మే మనశ్చాతకః৷৷52৷৷

సంధ్యా ఘర్మదినాత్యయో హరికరాఘాతప్రభూతానక-

ధ్వానో వారిదగర్జితం దివిషదాం దృష్టిచ్ఛటా చఞ్చలా.

భక్తానాం పరితోషబాష్పవితతిర్వృష్టిర్మయూరీ శివా
యస్మిన్నుజ్జ్వలతాణ్డవం విజయతే తం నీలకణ్ఠం భజే৷৷54৷৷

నిత్యాయ త్రిగుణాత్మనే పురజితే కాత్యాయనీశ్రేయసే

సత్యాయాదికుటుమ్బినే మునిమనఃప్రత్యక్షచిన్మూర్తయే.

మాయాసృష్టజగత్త్రయాయ సకలామ్నాయాన్తసంచారిణే
సాయంతాణ్డవసంభ్రమాయ జటినే సేయం నతిః శంభవే৷৷56৷৷

ఏకో వారిజబాన్ధవః క్షితినభోవ్యాప్తం తమోమణ్డలం

భిత్త్వా లోచనగోచరోపి భవతి త్వం కోటిసూర్యప్రభః.

వేద్యః కిం న భవస్యహో ఘనతరం కీదృగ్భవేన్మత్తమ-
స్తత్సర్వం వ్యపనీయ మే పశుపతే సాక్షాత్ప్రసన్నో భవ৷৷58৷৷

రోధస్తోయహృతః శ్రమేణ పథికశ్ఛాయాం తరోర్వృష్టితో

భీతః స్వస్థగృహం గృహస్థమతిథిర్దీనః ప్రభుం ధార్మికమ్.

దీపం సంతమసాకులశ్చ శిఖినం శీతావృతస్త్వం తథా
చేతః సర్వభయాపహం వ్రజ సుఖం శంభోః పదామ్భోరుహమ్৷৷60৷৷

ఆనన్దాశ్రుభిరాతనోతి పులకం నైర్మల్యతశ్ఛాదనం

వాచాశఙ్ఖముఖే స్థితైశ్చ జఠరాపూర్తిం చరిత్రామృతైః.

రుద్రాక్షైర్భసితేన దేవ వపుషో రక్షాం భవద్భావనా-
పర్యఙ్కే వినివేశ్య భక్తిజననీ భక్తార్భకం రక్షతి৷৷62৷৷

వక్షస్తాడనమన్తకస్య కఠినాపస్మారసంమర్దనం

భూభృత్పర్యటనం నమత్సురశిరఃకోటీరసంఘర్షణమ్.

కర్మేదం మృదులస్య తావకపదద్వన్ద్వస్య కిం వోచితం
మచ్చేతోమణిపాదుకావిహరణం శంభో సదాఙ్గీకురు৷৷64৷৷

క్రీడార్థం సృజసి ప్రపఞ్చమఖిలం క్త్రీడామృగాస్తే జనా

యత్కర్మాచరితం మయా చ భవతః ప్రీత్యై భవత్యేవ తత్.

శంభో స్వస్య కుతూహలస్య కరణం మచ్చేష్టితం నిశ్ిచతం
తస్మాన్మామకరక్షణం పశుపతే కర్తవ్యమేవ త్వయా৷৷66৷৷

అమితముదమృతం ముహుర్దుహన్తీం

విమలభవత్పదగోష్ఠమావసన్తీమ్.

సదయ పశుపతే సుపుణ్యపాకాం
మమ పరిపాలయ భక్తిధేనుమేకామ్৷৷68৷৷

అరహసి రహసి స్వతన్త్రబుద్ధ్యా

వరివసితుం సులభః ప్రసన్నమూర్తిః.

అగణితఫలదాయకః ప్రభుర్మే
జగదధికో హృది రాజశేఖరోస్తి৷৷70৷৷

ధ్యానాఞ్జనేన సమవేక్ష్య తమఃప్రదేశం

భిత్త్వా మహాబలిభిరీశ్వరనామమన్త్రైః.

దివ్యాశ్రితం భుజగభూషణముద్వహన్తి
యే పాదపద్మమిహ తే శివ తే కృతార్థాః৷৷72৷৷

ఆశాపాశక్లేశదుర్వాసనాది-

భేదోద్యుక్తైర్దివ్యగన్ధైరమన్దైః.

ఆశాశాటీకస్య పాదారవిన్దం
చేతఃపేటీం వాసితాం మే తనోతు৷৷74৷৷

భక్తిర్మహేశపదపుష్కరమావసన్తీ

కాదమ్బినీవ కురుతే పరితోషవర్షమ్.

సంపూరితో భవతి యస్య మనస్తటాక-
స్తజ్జన్మసస్యమఖిలం సఫలం చ నాన్యత్৷৷76৷৷

సదుపచారవిధిష్వనుబోధితాం

సవినయాం సుహృదం సముపాశ్రితామ్.

మమ సముద్ధర బుద్ధిమిమాం ప్రభో
వరగుణేన నవోఢవధూమివ৷৷78৷৷

ఏష్యత్యేష జనిం మనోస్య కఠినం తస్మిన్నటానీతి మ-

ద్రక్షాయై గిరిసీమ్ని కోమలపదన్యాసః పురాభ్యాసితః.

నో చేద్దివ్యగృహాన్తరేషు సుమనస్తల్పేషు వేద్యాదిషు
ప్రాయః సత్సు శిలాతలేషు నటనం శంభో కిమర్థం తవ৷৷80৷৷

బాణత్వం వృషభత్వమర్ధవపుషా భార్యాత్వమార్యాపతే

ఘోణిత్వం సఖితా మృదఙ్గవహతా చేత్యాది రూపం దధౌ.

త్వత్పాదే నయనార్పణం చ కృతవాంస్త్వద్దేహభాగో హరిః
పూజ్యాత్పూజ్యతరః స ఏవ హి న చేత్కో వా తదన్యోధికః৷৷82৷৷

శివ తవ పరిచర్యాసంనిధానాయ గౌర్యా

భవ మమ గుణధుర్యాం బుద్ధికన్యాం ప్రదాస్యే.

సకలభువనబన్ధో సచ్చిదానన్దసిన్ధో
సదయ హృదయగేహే సర్వదా సంవస త్వమ్৷৷84৷৷

పూజాద్రవ్యసమృద్ధయో విరచితాః పూజాం కథం కుర్మహే

పక్షిత్వం న చ వా కిటిత్వమపి న ప్రాప్తం మయా దుర్లభమ్.

జానే మస్తకమఙ్ఘ్రిపల్లవముమాజానే న తేహం విభో
న జ్ఞాతం హి పితామహేన హరిణా తత్త్వేన తద్రూపిణా৷৷86৷৷

యదా కృతామ్భోనిధిసేతుబన్ధనః

కరస్థలాధఃకృతపర్వతాధిపః.

భవాని తే లఙ్ఘితపద్మసంభవ-
స్తదా శివార్చాస్తవభావనక్షమః৷৷88৷৷

వచసా చరితం వదామి శంభో-

రహముద్యోగవిధాసు తేప్రసక్తః.

మనసాకృతిమీశ్వరస్య సేవే
శిరసా చైవ సదాశివం నమామి৷৷90৷৷

దూరీకృతాని దురితాని దురక్షరాణి

దౌర్భాగ్యదుఃఖదురహంకృతిదుర్వచాంసి.

సారం త్వదీయచరితం నితరాం పిబన్తం
గౌరీశ మామిహ సముద్ధర సత్కటాక్షైః৷৷92৷৷

సా రసనా తే నయనే

తావేవ కరౌ స ఏవ కృతకృత్యః.

యా యే యౌ యో భర్గం
వదతీక్షేతే సదార్చతః స్మరతి৷৷94৷৷

ధైర్యాఙ్కుశేన నిభృతం

రభసాదాకృష్య భక్తిశ్రృఙ్ఖలయా.

పురహర చరణాలానే
హృదయమదేభం బధాన చిద్యన్త్రైః৷৷96৷৷

సర్వాలంకారయుక్తాం సరలపదయుతాం సాధువృత్తాం సువర్ణాం

సద్భిః సంస్తూయమానాం సరసగుణయుతాం లక్షితాం లక్షణాఢ్యామ్.

ఉద్యద్భూషావిశేషాముపగతవినయాం ద్యోతమానార్థరేఖాం
కల్యాణీం దేవ గౌరీప్రియ మమ కవితాకన్యకాం త్వం గృహాణ৷৷98৷৷