ഗലന്തീ ശംഭോ ത്വച്ചരിതസരിതഃ കില്ബിഷരജോ

ദലന്തീ ധീകുല്യാസരണിഷു പതന്തീ വിജയതാമ്.

ദിശന്തീ സംസാരഭ്രമണപരിതാപോപശമനം
വസന്തീ മച്ചേതോഹ്രദഭുവി ശിവാനന്ദലഹരീ৷৷2৷৷

സഹസ്രം വര്തന്തേ ജഗതി വിബുധാഃ ക്ഷുദ്രഫലദാ

ന മന്യേ സ്വപ്നേ വാ തദനുസരണം തത്കൃതഫലമ്.

ഹരിബ്രഹ്മാദീനാമപി നികടഭാജാമസുലഭം
ചിരം യാചേ ശംഭോ ശിവ തവ പദാമ്ഭോജഭജനമ്৷৷4৷৷

ഘടോ വാ മൃത്പിണ്ഡോപ്യണുരപി ച ധൂമോഗ്നിരചലഃ

പടോ വാ തന്തുര്വാ പരിഹരതി കിം ഘോരശമനമ്.

വൃഥാ കണ്ഠക്ഷോഭം വഹസി തരസാ തര്കവചസാ
പദാമ്ഭോജം ശംഭോര്ഭജ പരമസൌഖ്യം വ്രജ സുധീഃ৷৷6৷৷

യഥാ ബുദ്ധിഃ ശുക്തൌ രജതമിതി കാചാശ്മനി മണി-

ര്ജലേ പൈഷ്ടേ ക്ഷീരം ഭവതി മൃഗതൃഷ്ണാസു സലിലമ്.

തഥാ ദേവഭ്രാന്ത്യാ ഭജതി ഭവദന്യം ജഡജനോ
മഹാദേവേശം ത്വാം മനസി ച ന മത്വാ പശുപതേ৷৷8৷৷

നരത്വം ദേവത്വം നഗവനമൃഗത്വം മശകതാ

പശുത്വം കീടത്വം ഭവതു വിഹഗത്വാദി ജനനമ്.

സദാ ത്വത്പാദാബ്ജസ്മരണപരമാനന്ദലഹരീ-
വിഹാരാസക്തം ചേദ്ധൃദയമിഹ കിം തേന വപുഷാ৷৷10৷৷

ഗുഹായാം ഗേഹേ വാ ബഹിരപി വനേ വാദ്രിശിഖരേ

ജലേ വാ വഹ്നൌ വാ വസതു വസതേഃ കിം വദ ഫലമ്.

സദാ യസ്യൈവാന്തഃകരണമപി ശംഭോ തവ പദേ
സ്ഥിതം ചേദ്യോഗോസൌ സ ച പരമയോഗീ സ ച സുഖീ৷৷12৷৷

പ്രഭുസ്ത്വം ദീനാനാം ഖലു പരമബന്ധുഃ പശുപതേ

പ്രമുഖ്യോഹം തേഷാമപി കിമുത ബന്ധുത്വമനയോഃ.

ത്വയൈവ ക്ഷന്തവ്യാഃ ശിവ മദപരാധാശ്ച സകലാഃ
പ്രയത്നാത്കര്തവ്യം മദവനമിയം ബന്ധുസരണിഃ৷৷14৷৷

വിരിഞ്ചിര്ദീര്ഘായുര്ഭവതു ഭവതാ തത്പരശിര-

ശ്ചതുഷ്കം സംരക്ഷ്യം സ ഖലു ഭുവി ദൈന്യം ലിഖിതവാന്.

വിചാരഃ കോ വാ മാം വിശദ കൃപയാ പാതി ശിവ തേ
കടാക്ഷവ്യാപാരഃ സ്വയമപി ച ദീനാവനപരഃ৷৷16৷৷

ത്വമേകോ ലോകാനാം പരമഫലദോ ദിവ്യപദവീം

വഹന്തസ്ത്വന്മൂലാം പുനരപി ഭജന്തേ ഹരിമുഖാഃ.

കിയദ്വാ ദാക്ഷിണ്യം തവ ശിവ മദാശാ ച കിയതീ
കദാ വാ മദ്രക്ഷാം വഹസി കരുണാപൂരിതദൃശാ৷৷18৷৷

സദാ മോഹാടവ്യാം ചരതി യുവതീനാം കുചഗിരൌ

നടത്യാശാശാഖാസ്വടതി ഝടിതി സ്വൈരമഭിതഃ.

കപാലിന് ഭിക്ഷോ മേ ഹൃദയകപിമത്യന്തചപലം
ദൃഢം ഭക്ത്യാ ബദ്ധ്വാ ശിവ ഭവദധീനം കുരു വിഭോ৷৷20৷৷

പ്രലോഭാദ്യൈരര്ഥാഹരണപരതന്ത്രോ ധനിഗൃഹേ

പ്രവേശോദ്യുക്തഃ സന്ഭ്രമതി ബഹുധാ തസ്കരപതേ.

ഇമം ചേതശ്ചോരം കഥമിഹ സഹേ ശംകര വിഭോ
തവാധീനം കൃത്വാ മയി നിരപരാധേ കുരു കൃപാമ്৷৷22৷৷

കദാ വാ കൈലാസേ കനകമണിസൌധേ സഹ ഗണൈ-

ര്വസഞ്ശംഭോരഗ്രേ സ്ഫുടഘടിതമൂര്ധാഞ്ജലിപുടഃ.

വിഭോ സാമ്ബ സ്വാമിന്പരമശിവ പാഹീതി നിഗദ-
ന്വിധാതൃാം കല്പാന്ക്ഷണമിവ വിനേഷ്യാമി സുഖതഃ৷৷24৷৷

കദാ വാ ത്വാം ദൃഷ്ട്വാ ഗിരിശ തവ ഭവ്യാങ്ഘ്രിയുഗലം

ഗൃഹീത്വാ ഹസ്താഭ്യാം ശിരസി നയനേ വക്ഷസി വഹന്.

സമാശ്ിലഷ്യാഘ്രായ സ്ഫുടജലജഗന്ധാന്പരിമലാ-
നലഭ്യാം ബ്രഹ്മാദ്യൈര്മുദമനുഭവിഷ്യാമി ഹൃദയേ৷৷26৷৷

സാരൂപ്യം തവ പൂജനേ ശിവ മഹാദേവേതി സംകീര്തനേ

സാമീപ്യം ശിവഭക്തിധുര്യജനതാസാംഗത്യസംഭാഷണേ.

സാലോക്യം ച ചരാചരാത്മകതനുധ്യാനേ ഭവാനീപതേ
സായുജ്യം മമ സിദ്ധമത്ര ഭവതി സ്വാമിന്കൃതാര്ഥോസ്മ്യഹമ്৷৷28৷৷

വസ്ത്രോദ്ധൂതവിധൌ സഹസ്രകരതാ പുഷ്പാര്ചനേ വിഷ്ണുതാ

ഗന്ധേ ഗന്ധവഹാത്മതാന്നപചനേ ബര്ഹിര്മുഖാധ്യക്ഷതാ.

പാത്രേ കാഞ്ചനഗര്ഭതാസ്തി മയി ചേദ്ബാലേന്ദുചൂാമണേ
ശുശ്രൂഷാം കരവാണി തേ പശുപതേ സ്വാമിംസ്ത്രിലോകീഗുരോ৷৷30৷৷

ജ്വാലോഗ്രഃ സകലാമരാതിഭയദഃ ക്ഷ്വേലഃ കഥം വാ ത്വയാ

ദൃഷ്ടഃ കിം ച കരേ ധൃതഃ കരതലേ കിം പക്വജമ്ബൂഫലമ്.

ജിഹ്വായാം നിഹിതശ്ച സിദ്ധഘുടികാ വാ കണ്ഠദേശേ ഭൃതഃ
കിം തേ നീലമണിര്വിഭൂഷണമയം ശംഭോ മഹാത്മന്വദ৷৷32৷৷

കിം ബ്രൂമസ്തവ സാഹസം പശുപതേ കസ്യാസ്തി ശംഭോ ഭവ-

ദ്ധൈര്യം ചേദൃശമാത്മനഃ സ്ഥിതിരിയം ചാന്യൈഃ കഥം ലഭ്യതേ.

ഭ്രശ്യദ്ദേവഗണം ത്രസന്മുനിഗണം നശ്യത്പ്രപഞ്ചം ലയം
പശ്യന്നിര്ഭയ ഏക ഏവ വിഹരത്യാനന്ദസാന്ദ്രോ ഭവാന്৷৷34৷৷

ഭക്തോ ഭക്തിഗുണാവൃതേ മുദമൃതാപൂര്ണേ പ്രസന്നേ മനഃ-

കുമ്ഭേ സാമ്ബ തവാങ്ഘ്രിപല്ലവയുഗം സംസ്ഥാപ്യ സംവിത്ഫലമ്.

സത്ത്വം മന്ത്രമുദീരയന്നിജശരീരാഗാരശുദ്ധിം വഹ-
ന്പുണ്യാഹം പ്രകടീകരോമി രുചിരം കല്യാണമാപാദയന്৷৷36৷৷

പ്രാക്പുണ്യാചലമാര്ഗദര്ശിതസുധാമൂര്തിഃ പ്രസന്നഃ ശിവഃ

സോമഃ സദ്ഗണസേവിതോ മൃഗധരഃ പൂര്ണസ്തമോമോചകഃ.

ചേതഃപുഷ്കരലക്ഷിതോ ഭവതി ചേദാനന്ദപാഥോനിധിഃ
പ്രാഗല്ഭ്യേന വിജൃമ്ഭതേ സുമനസാം വൃത്തിസ്തദാ ജായതേ৷৷38৷৷

ധീയന്ത്രേണ വചോഘടേന കവിതാകുല്യോപകുല്യാക്രമൈ-

രാനീതൈശ്ച സദാശിവസ്യ ചരിതാമ്ഭോരാശിദിവ്യാമൃതൈഃ.

ഹൃത്കേദാരയുതാശ്ച ഭക്തികലമാഃ സാഫല്യമാതന്വതേ
ദുര്ഭിക്ഷാന്മമ സേവകസ്യ ഭഗവന്വിശ്വേശ ഭീതിഃ കുതഃ৷৷40৷৷

ഗാമ്ഭീര്യം പരിഖാപദം ഘനധൃതിഃ പ്രാകാര ഉദ്യദ്ഗുണ-

സ്തോമശ്ചാപ്തബലം ഘനേന്ദ്രിയചയോ ദ്വാരാണി ദേഹേ സ്ഥിതഃ.

വിദ്യാ വസ്തുസമൃദ്ധിരിത്യഖിലസാമഗ്രീസമേതേ സദാ
ദുര്ഗാതിപ്രിയദേവ മാമകമനോദുര്ഗേ നിവാസം കുരു৷৷42৷৷

കരലഗ്നമൃഗഃ കരീന്ദ്രഭങ്ഗോ

ഘനശാര്ദൂലവിഖണ്ഡനോസ്തജന്തുഃ.

ഗിരിശോ വിശദാകൃതിശ്ച ചേതഃ-
കുഹരേ പഞ്ചമുഖോസ്തി മേ കുതോ ഭീഃ৷৷44৷৷

ആകീര്ണേ നഖരാജികാന്തിവിഭവൈരുദ്യത്സുധാവൈഭവൈ-

രാധൌതേപി ച പദ്മരാഗലലിതേ ഹംസവ്രജൈരാശ്രിതേ.

നിത്യം ഭക്തിവധൂഗണൈശ്ച രഹസി സ്വേച്ഛാവിഹാരം കുരു
സ്ഥിത്വാ മാനസരാജഹംസ ഗിരിജാനാഥാങ്ഘ്രിസൌധാന്തരേ৷৷46৷৷

നിത്യാനന്ദരസാലയം സുരമുനിസ്വാന്താമ്ബുജാതാശ്രയം

സ്വച്ഛം സദ്ദ്വിജസേവിതം കലുഷഹൃത്സദ്വാസനാവിഷ്കൃതമ്.

ശുംഭുധ്യാനസരോവരം വ്രജ മനോഹംസാവതംസ സ്ഥിരം
കിം ക്ഷുദ്രാശ്രയപല്വലഭ്രമണസംജാതശ്രമം പ്രാപ്സ്യസി৷৷48৷৷

സംധ്യാരമ്ഭവിജൃമ്ഭിതം ശ്രുതിശിരഃസ്ഥാനാന്തരാധിഷ്ഠിതം

സപ്രേമഭ്രമരാഭിരാമമസകൃത്സദ്വാസനാശോഭിതമ്.

ഭോഗീന്ദ്രാഭരണം സമസ്തസുമനഃപൂജ്യം ഗുണാവിഷ്കൃതം
സേവേ ശ്രീഗിരിമല്ലികാര്ജുനമഹാലിങ്ഗം ശിവാലിങ്ഗിതമ്৷৷50৷৷

കാരുണ്യാമൃതവര്ഷിണം ഘനവിപദ്ഗ്രീഷ്മച്ഛിദാകര്മഠം

വിദ്യാസസ്യഫലോദയായ സുമനഃസംസേവ്യമിച്ഛാകൃതിമ്.

നൃത്യദ്ഭക്തമയൂരമദ്രിനിലയം ചഞ്ചജ്ജടാമണ്ഡലം
ശംഭോ വാഞ്ഛതി നീലകംധര സദാ ത്വാം മേ മനശ്ചാതകഃ৷৷52৷৷

സംധ്യാ ഘര്മദിനാത്യയോ ഹരികരാഘാതപ്രഭൂതാനക-

ധ്വാനോ വാരിദഗര്ജിതം ദിവിഷദാം ദൃഷ്ടിച്ഛടാ ചഞ്ചലാ.

ഭക്താനാം പരിതോഷബാഷ്പവിതതിര്വൃഷ്ടിര്മയൂരീ ശിവാ
യസ്മിന്നുജ്ജ്വലതാണ്ഡവം വിജയതേ തം നീലകണ്ഠം ഭജേ৷৷54৷৷

നിത്യായ ത്രിഗുണാത്മനേ പുരജിതേ കാത്യായനീശ്രേയസേ

സത്യായാദികുടുമ്ബിനേ മുനിമനഃപ്രത്യക്ഷചിന്മൂര്തയേ.

മായാസൃഷ്ടജഗത്ത്രയായ സകലാമ്നായാന്തസംചാരിണേ
സായംതാണ്ഡവസംഭ്രമായ ജടിനേ സേയം നതിഃ ശംഭവേ৷৷56৷৷

ഏകോ വാരിജബാന്ധവഃ ക്ഷിതിനഭോവ്യാപ്തം തമോമണ്ഡലം

ഭിത്ത്വാ ലോചനഗോചരോപി ഭവതി ത്വം കോടിസൂര്യപ്രഭഃ.

വേദ്യഃ കിം ന ഭവസ്യഹോ ഘനതരം കീദൃഗ്ഭവേന്മത്തമ-
സ്തത്സര്വം വ്യപനീയ മേ പശുപതേ സാക്ഷാത്പ്രസന്നോ ഭവ৷৷58৷৷

രോധസ്തോയഹൃതഃ ശ്രമേണ പഥികശ്ഛായാം തരോര്വൃഷ്ടിതോ

ഭീതഃ സ്വസ്ഥഗൃഹം ഗൃഹസ്ഥമതിഥിര്ദീനഃ പ്രഭും ധാര്മികമ്.

ദീപം സംതമസാകുലശ്ച ശിഖിനം ശീതാവൃതസ്ത്വം തഥാ
ചേതഃ സര്വഭയാപഹം വ്രജ സുഖം ശംഭോഃ പദാമ്ഭോരുഹമ്৷৷60৷৷

ആനന്ദാശ്രുഭിരാതനോതി പുലകം നൈര്മല്യതശ്ഛാദനം

വാചാശങ്ഖമുഖേ സ്ഥിതൈശ്ച ജഠരാപൂര്തിം ചരിത്രാമൃതൈഃ.

രുദ്രാക്ഷൈര്ഭസിതേന ദേവ വപുഷോ രക്ഷാം ഭവദ്ഭാവനാ-
പര്യങ്കേ വിനിവേശ്യ ഭക്തിജനനീ ഭക്താര്ഭകം രക്ഷതി৷৷62৷৷

വക്ഷസ്താഡനമന്തകസ്യ കഠിനാപസ്മാരസംമര്ദനം

ഭൂഭൃത്പര്യടനം നമത്സുരശിരഃകോടീരസംഘര്ഷണമ്.

കര്മേദം മൃദുലസ്യ താവകപദദ്വന്ദ്വസ്യ കിം വോചിതം
മച്ചേതോമണിപാദുകാവിഹരണം ശംഭോ സദാങ്ഗീകുരു৷৷64৷৷

ക്രീഡാര്ഥം സൃജസി പ്രപഞ്ചമഖിലം ക്ത്രീഡാമൃഗാസ്തേ ജനാ

യത്കര്മാചരിതം മയാ ച ഭവതഃ പ്രീത്യൈ ഭവത്യേവ തത്.

ശംഭോ സ്വസ്യ കുതൂഹലസ്യ കരണം മച്ചേഷ്ടിതം നിശ്ിചതം
തസ്മാന്മാമകരക്ഷണം പശുപതേ കര്തവ്യമേവ ത്വയാ৷৷66৷৷

അമിതമുദമൃതം മുഹുര്ദുഹന്തീം

വിമലഭവത്പദഗോഷ്ഠമാവസന്തീമ്.

സദയ പശുപതേ സുപുണ്യപാകാം
മമ പരിപാലയ ഭക്തിധേനുമേകാമ്৷৷68৷৷

അരഹസി രഹസി സ്വതന്ത്രബുദ്ധ്യാ

വരിവസിതും സുലഭഃ പ്രസന്നമൂര്തിഃ.

അഗണിതഫലദായകഃ പ്രഭുര്മേ
ജഗദധികോ ഹൃദി രാജശേഖരോസ്തി৷৷70৷৷

ധ്യാനാഞ്ജനേന സമവേക്ഷ്യ തമഃപ്രദേശം

ഭിത്ത്വാ മഹാബലിഭിരീശ്വരനാമമന്ത്രൈഃ.

ദിവ്യാശ്രിതം ഭുജഗഭൂഷണമുദ്വഹന്തി
യേ പാദപദ്മമിഹ തേ ശിവ തേ കൃതാര്ഥാഃ৷৷72৷৷

ആശാപാശക്ലേശദുര്വാസനാദി-

ഭേദോദ്യുക്തൈര്ദിവ്യഗന്ധൈരമന്ദൈഃ.

ആശാശാടീകസ്യ പാദാരവിന്ദം
ചേതഃപേടീം വാസിതാം മേ തനോതു৷৷74৷৷

ഭക്തിര്മഹേശപദപുഷ്കരമാവസന്തീ

കാദമ്ബിനീവ കുരുതേ പരിതോഷവര്ഷമ്.

സംപൂരിതോ ഭവതി യസ്യ മനസ്തടാക-
സ്തജ്ജന്മസസ്യമഖിലം സഫലം ച നാന്യത്৷৷76৷৷

സദുപചാരവിധിഷ്വനുബോധിതാം

സവിനയാം സുഹൃദം സമുപാശ്രിതാമ്.

മമ സമുദ്ധര ബുദ്ധിമിമാം പ്രഭോ
വരഗുണേന നവോഢവധൂമിവ৷৷78৷৷

ഏഷ്യത്യേഷ ജനിം മനോസ്യ കഠിനം തസ്മിന്നടാനീതി മ-

ദ്രക്ഷായൈ ഗിരിസീമ്നി കോമലപദന്യാസഃ പുരാഭ്യാസിതഃ.

നോ ചേദ്ദിവ്യഗൃഹാന്തരേഷു സുമനസ്തല്പേഷു വേദ്യാദിഷു
പ്രായഃ സത്സു ശിലാതലേഷു നടനം ശംഭോ കിമര്ഥം തവ৷৷80৷৷

ബാണത്വം വൃഷഭത്വമര്ധവപുഷാ ഭാര്യാത്വമാര്യാപതേ

ഘോണിത്വം സഖിതാ മൃദങ്ഗവഹതാ ചേത്യാദി രൂപം ദധൌ.

ത്വത്പാദേ നയനാര്പണം ച കൃതവാംസ്ത്വദ്ദേഹഭാഗോ ഹരിഃ
പൂജ്യാത്പൂജ്യതരഃ സ ഏവ ഹി ന ചേത്കോ വാ തദന്യോധികഃ৷৷82৷৷

ശിവ തവ പരിചര്യാസംനിധാനായ ഗൌര്യാ

ഭവ മമ ഗുണധുര്യാം ബുദ്ധികന്യാം പ്രദാസ്യേ.

സകലഭുവനബന്ധോ സച്ചിദാനന്ദസിന്ധോ
സദയ ഹൃദയഗേഹേ സര്വദാ സംവസ ത്വമ്৷৷84৷৷

പൂജാദ്രവ്യസമൃദ്ധയോ വിരചിതാഃ പൂജാം കഥം കുര്മഹേ

പക്ഷിത്വം ന ച വാ കിടിത്വമപി ന പ്രാപ്തം മയാ ദുര്ലഭമ്.

ജാനേ മസ്തകമങ്ഘ്രിപല്ലവമുമാജാനേ ന തേഹം വിഭോ
ന ജ്ഞാതം ഹി പിതാമഹേന ഹരിണാ തത്ത്വേന തദ്രൂപിണാ৷৷86৷৷

യദാ കൃതാമ്ഭോനിധിസേതുബന്ധനഃ

കരസ്ഥലാധഃകൃതപര്വതാധിപഃ.

ഭവാനി തേ ലങ്ഘിതപദ്മസംഭവ-
സ്തദാ ശിവാര്ചാസ്തവഭാവനക്ഷമഃ৷৷88৷৷

വചസാ ചരിതം വദാമി ശംഭോ-

രഹമുദ്യോഗവിധാസു തേപ്രസക്തഃ.

മനസാകൃതിമീശ്വരസ്യ സേവേ
ശിരസാ ചൈവ സദാശിവം നമാമി৷৷90৷৷

ദൂരീകൃതാനി ദുരിതാനി ദുരക്ഷരാണി

ദൌര്ഭാഗ്യദുഃഖദുരഹംകൃതിദുര്വചാംസി.

സാരം ത്വദീയചരിതം നിതരാം പിബന്തം
ഗൌരീശ മാമിഹ സമുദ്ധര സത്കടാക്ഷൈഃ৷৷92৷৷

സാ രസനാ തേ നയനേ

താവേവ കരൌ സ ഏവ കൃതകൃത്യഃ.

യാ യേ യൌ യോ ഭര്ഗം
വദതീക്ഷേതേ സദാര്ചതഃ സ്മരതി৷৷94৷৷

ധൈര്യാങ്കുശേന നിഭൃതം

രഭസാദാകൃഷ്യ ഭക്തിശ്രൃങ്ഖലയാ.

പുരഹര ചരണാലാനേ
ഹൃദയമദേഭം ബധാന ചിദ്യന്ത്രൈഃ৷৷96৷৷

സര്വാലംകാരയുക്താം സരലപദയുതാം സാധുവൃത്താം സുവര്ണാം

സദ്ഭിഃ സംസ്തൂയമാനാം സരസഗുണയുതാം ലക്ഷിതാം ലക്ഷണാഢ്യാമ്.

ഉദ്യദ്ഭൂഷാവിശേഷാമുപഗതവിനയാം ദ്യോതമാനാര്ഥരേഖാം
കല്യാണീം ദേവ ഗൌരീപ്രിയ മമ കവിതാകന്യകാം ത്വം ഗൃഹാണ৷৷98৷৷