କୁର୍ବନ୍ନିର୍ବାଣମାର୍ଗପ୍ରଗମପରିଲସଦ୍ରୂପ୍ଯସୋପାନଶଙ୍କାଂ

ଶକ୍ରାରୀଣାଂ ପୁରାଣାଂ ତ୍ରଯବିଜଯକୃତସ୍ପଷ୍ଟରେଖାଯମାଣମ୍|

ଅବ୍ଯାଦବ୍ଯାଜମୁଚ୍ଚୈରଲିକହିମଧରାଧିତ୍ଯକାନ୍ତସ୍ତ୍ରିଧୋଦ୍ଯ-
ଜ୍ଜାହ୍ନବ୍ଯାଭଂ ମୃଡାନୀକମିତୁରୁଡୁପରୁକ୍ପାଣ୍ଡରଂ ବସ୍ତ୍ରିପୁଣ୍ଡ୍ରମ୍||2||

ଭୂତ୍ଯୈ ଦୃଗ୍ଭୂତଯୋଃ ସ୍ଯାଦ୍ଯଦହିମହିମରୁଗ୍ବିମ୍ବଯୋଃ ସ୍ନିଗ୍ଧବର୍ଣୋ

ଦୈତ୍ଯୌଘଧ୍ବଂସଶଂସୀ ସ୍ଫୁଟ ଇବ ପରିବେଷାବଶେଷୋ ବିଭାତି|

ସର୍ଗସ୍ଥିତ୍ଯନ୍ତବୃତ୍ତିର୍ମଯି ସମୁପଗତେତୀବ ନିର୍ବୃତ୍ତଗର୍ବଂ
ଶର୍ବାଣୀଭର୍ତୁରୁଚ୍ଚୈର୍ଯୁଗଲମଥ ଦଧଦ୍ବିଭ୍ରମଂ ତଦ୍ଭ୍ରୁବୋର୍ବଃ||4||

ଚଣ୍ଡୀବକ୍ତ୍ରାର୍ପଣେଚ୍ଛୋସ୍ତଦନୁ ଭଗବତଃ ପାଣ୍ଡୁରୁକ୍ପାଣ୍ଡୁଗଣ୍ଡ-

ପ୍ରୋଦ୍ଯତ୍କଣ୍ଡୂଂ ବିନେତୁଂ ବିତନୁତ ଇବ ଯେ ରତ୍ନକୋଣୈର୍ବିଘୃଷ୍ଟିମ୍|

ଚଣ୍ଡାର୍ଚିର୍ମଣ୍ଡଲାଭେ ସତତନତଜନଧ୍ବାନ୍ତଖଣ୍ଡାତିଶୌଣ୍ଡେ
ଚାଣ୍ଡୀଶେ ତେ ଶ୍ରିଯେ ସ୍ତାମଧିକମବନତାଖଣ୍ଡଲେ କୁଣ୍ଡଲେ ବଃ||6||

କ୍ରୁଧ୍ଯତ୍ଯଦ୍ଧା ଯଯୋଃ ସ୍ବାଂ ତନୁମତିଲସତୋର୍ବିମ୍ବିତାଂ ଲକ୍ଷଯନ୍ତୀ

ଭର୍ତ୍ରେ ସ୍ପର୍ଧାତିନିଘ୍ନା ମୁହୁରିତରବଧୂଶଙ୍କଯା ଶୈଲକନ୍ଯା|

ଯୁଷ୍ମାଂସ୍ତୌ ଶଶ୍ବଦୁଚ୍ଚୈରବହୁଲଦଶମୀଶର୍ବରୀଶାତିଶୁଭ୍ରା-
ବବ୍ଯାସ୍ତାଂ ଦିବ୍ଯସିନ୍ଧୋଃ କମିତୁରବନମଲ୍ଲୋକପାଲୌ କପୋଲୌ||8||

ଅତ୍ଯର୍ଥଂ ରାଜତେ ଯା ବଦନଶଶଧରାଦୁଦ୍ଗଲଚ୍ଚାରୁବାଣୀ-

ପୀଯୂଷାମ୍ଭଃପ୍ରବାହପ୍ରସରପରିଲସତ୍ଫେନବିନ୍ଦ୍ବାବଲୀବ|

ଦେଯାତ୍ସା ଦନ୍ତପଙ୍କ୍ତିଶ୍ିଚରମିହ ଦନୁଦାଯାଦଦୌବାରିକସ୍ଯ
ଦ୍ଯୁତ୍ଯା ଦୀପ୍ତେନ୍ଦୁକୁନ୍ଦଚ୍ଛବିରମଲତରପ୍ରୋନ୍ନତାଗ୍ରା ମୁଦଂ ବଃ||10||

ଭାସା ଯସ୍ଯ ତ୍ରିଲୋକୀ ଲସତି ପରିଲସତ୍ଫେନବିନ୍ଦ୍ବର୍ଣବାନ୍ତ-

ର୍ବ୍ଯାମଗ୍ନେବାତିଗୌରସ୍ତୁଲିତସୁରସରିଦ୍ବାରିପୂରପ୍ରସାରଃ|

ପୀନାତ୍ମା ଦନ୍ତଭାଭିର୍ଭୃଶମହହହକାରାତିଭୀମଃ ସଦେଷ୍ଟାଂ
ପୁଷ୍ଟାଂ ତୁଷ୍ଟିଂ କୃଷୀଷ୍ଟ ସ୍ଫୁଟମିହ ଭବତାମଟ୍ଟହାସୋଷ୍ଟମୂର୍ତେଃ||12||

ଆତ୍ମପ୍ରେମ୍ଣୋ ଭବାନ୍ଯା ସ୍ବଯମିବ ରଚିତାଃ ସାଦରଂ ସାଂବନନ୍ଯା

ମଷ୍ଯା ତିସ୍ରଃ ସୁନୀଲାଞ୍ଜନନିଭଗରରେଖାଃ ସମାଭାନ୍ତି ଯସ୍ଯାମ୍|

ଆକଲ୍ପାନଲ୍ପଭାସା ଭୃଶରୁଚିରତରା କମ୍ବୁକଲ୍ପାମ୍ବିକାଯାଃ
ପତ୍ଯୁଃ ସାତ୍ଯନ୍ତମନ୍ତର୍ବିଲସତୁ ସତତଂ ମନ୍ଥରା କଂଧରା ବଃ||14||

ପ୍ରୌଢପ୍ରେମାକୁଲାଯା ଦୃଢତରପରିରମ୍ଭେଷୁ ପର୍ବେନ୍ଦୁମୁଖ୍ଯାଃ

ପାର୍ବତ୍ଯାଶ୍ଚାରୁଚାମୀକରବଲଯପଦୈରଙ୍କିତଂ କାନ୍ତିଶାଲି|

ରଙ୍ଗନ୍ନାଗାଙ୍ଗଦାଢ୍ଯଂ ସତତମବିହିତଂ କର୍ମ ନିର୍ମୂଲଯେତ୍ତ-
ଦ୍ଦୋର୍ମୂଲଂ ନିର୍ମଲଂ ଯଦ୍ଧୃଦି ଦୁରିତମପାସ୍ଯାର୍ଜିତଂ ଧୂର୍ଜଟେର୍ବଃ||16||

ବକ୍ଷୋ ଦକ୍ଷଦ୍ବିଷୋଲଂ ସ୍ମରଭରବିନମଦ୍ଦକ୍ଷଜାକ୍ଷୀଣବକ୍ଷୋ-

ଜାନ୍ତର୍ନିକ୍ଷିପ୍ତଶୁମ୍ଭନ୍ମଲଯଜମିଲିତୋଦ୍ଭାସି ଭସ୍ମୋକ୍ଷିତଂ ଯତ୍|

କ୍ଷିପ୍ରଂ ତଦ୍ରୂକ୍ଷଚକ୍ଷୁଃଶ୍ରୁତିଗଣଫଣରତ୍ନୌଘଭାଭୀକ୍ଷ୍ଣଶୋଭଂ
ଯୁଷ୍ମାକଂ ଶଶ୍ବଦେନଃ ସ୍ଫଟିକମଣିଶିଲାମଣ୍ଡଲାଭଂ କ୍ଷିଣୋତୁ||18||

ବୈଯାଘ୍ରୀ ଯତ୍ର କୃତ୍ତିଃ ସ୍ଫୁରତି ହିମଗିରେର୍ବିସ୍ତୃତୋପତ୍ଯକାନ୍ତଃ

ସାନ୍ଦ୍ରାବଶ୍ଯାଯମିଶ୍ରା ପରିତ ଇବ ବୃତା ନୀଲଜୀମୂତମାଲା|

ଆବଦ୍ଧାହୀନ୍ଦ୍ରକାଞ୍ଚୀଗୁଣମତିପୃଥୁଲଂ ଶୈଲଜାକ୍ରୀଡଭୂମି-
ସ୍ତଦ୍ବୋ ନିଃଶ୍ରେଯସେ ସ୍ଯାଜ୍ଜଘନମତିଘନଂ ବାଲଶୀତାଂଶୁମୌଲେଃ||20||

ଆନନ୍ଦାଯେନ୍ଦୁକାନ୍ତୋପଲରଚିତସମୁଦ୍ଗାଯିତେ ଯେ ମୁନୀନାଂ

ଚିତ୍ତାଦର୍ଶଂ ନିଧାତୁଂ ବିଦଧତି ଚରଣେ ତାଣ୍ଡବାକୁଞ୍ଚନାନି|

କାଞ୍ଚୀଭୋଗୀନ୍ଦ୍ରମୂର୍ଧ୍ନାଂ ପ୍ରତିମୁହୁରୁପଧାନାଯମାନେ କ୍ଷଣଂ ତେ
କାନ୍ତେ ସ୍ତାମନ୍ତକାରେର୍ଦ୍ଯୁତିବିଜିତସୁଧାଭାନୁନୀ ଜାନୁନୀ ବଃ||22||

ଅସ୍ତୋକସ୍ତୋମଶସ୍ତ୍ରୈରପଚିତିମମଲାଂ ଭୂରିଭାବୋପହାରୈଃ

କୁର୍ବଦ୍ଭିଃ ସର୍ବଦୋଚ୍ଚୈଃ ସତତମଭିବୃତୌ ବ୍ରହ୍ମବିଦ୍ଦେବଲାଦ୍ଯୈଃ|

ସମ୍ଯକ୍ସଂପୂଜ୍ଯମାନାବିହ ହୃଦି ସରସୀବାନିଶଂ ଯୁଷ୍ମଦୀଯେ
ଶର୍ବସ୍ଯ କ୍ରୀଡତାଂ ତୌ ପ୍ରପଦବରବୃହତ୍କଚ୍ଛପାବଚ୍ଛଭାସୌ||24||

ପ୍ରହ୍ବପ୍ରାଚୀନବର୍ହିଃପ୍ରମୁଖସୁରବରପ୍ରସ୍ଫୁରନ୍ମୌଲିସକ୍ତ-

ଜ୍ଯାଯୋରତ୍ନୋତ୍କରୋସ୍ରୈରବିରତମମଲା ଭୂରିନୀରାଜିତା ଯା|

ପ୍ରୋଦଗ୍ରାଗ୍ରା ପ୍ରଦେଯାତ୍ତତିରିବ ରୁଚିରା ତାରକାଣାଂ ନିତାନ୍ତଂ
ନୀଲଗ୍ରୀବସ୍ଯ ପାଦାମ୍ବୁରୁହବିଲସିତା ସା ନଖାଲୀ ସୁଖଂ ବଃ||26||

ଯେଷାଂ ରାଗାଦିଦୋଷାକ୍ଷତମତି ଯତଯୋ ଯାନ୍ତି ମୁକ୍ତିଂ ପ୍ରସାଦା-

ଦ୍ଯେ ବା ନମ୍ରାତ୍ମମୂର୍ତିଦ୍ଯୁସଦୃଷିପରିଷନ୍ମୂର୍ଧ୍ନି ଶେଷାଯମାଣାଃ|

ଶ୍ରୀକଣ୍ଠସ୍ଯାରୁଣୋଦ୍ଯଚ୍ଚରଣସରସିଜପ୍ରୋତ୍ଥିତାସ୍ତେ ଭାବାଖ୍ଯା-
ତ୍ପାରାବାରାଚ୍ଚିରଂ ବୋ ଦୁରିତହତିକୃତସ୍ତାରଯେଯୁଃ ପରାଗାଃ||28||