കുര്വന്നിര്വാണമാര്ഗപ്രഗമപരിലസദ്രൂപ്യസോപാനശങ്കാം

ശക്രാരീണാം പുരാണാം ത്രയവിജയകൃതസ്പഷ്ടരേഖായമാണമ്.

അവ്യാദവ്യാജമുച്ചൈരലികഹിമധരാധിത്യകാന്തസ്ത്രിധോദ്യ-
ജ്ജാഹ്നവ്യാഭം മൃഡാനീകമിതുരുഡുപരുക്പാണ്ഡരം വസ്ത്രിപുണ്ഡ്രമ്৷৷2৷৷

ഭൂത്യൈ ദൃഗ്ഭൂതയോഃ സ്യാദ്യദഹിമഹിമരുഗ്ബിമ്ബയോഃ സ്നിഗ്ധവര്ണോ

ദൈത്യൌഘധ്വംസശംസീ സ്ഫുട ഇവ പരിവേഷാവശേഷോ വിഭാതി.

സര്ഗസ്ഥിത്യന്തവൃത്തിര്മയി സമുപഗതേതീവ നിര്വൃത്തഗര്വം
ശര്വാണീഭര്തുരുച്ചൈര്യുഗലമഥ ദധദ്വിഭ്രമം തദ്ഭ്രുവോര്വഃ৷৷4৷৷

ചണ്ഡീവക്ത്രാര്പണേച്ഛോസ്തദനു ഭഗവതഃ പാണ്ഡുരുക്പാണ്ഡുഗണ്ഡ-

പ്രോദ്യത്കണ്ഡൂം വിനേതും വിതനുത ഇവ യേ രത്നകോണൈര്വിഘൃഷ്ടിമ്.

ചണ്ഡാര്ചിര്മണ്ഡലാഭേ സതതനതജനധ്വാന്തഖണ്ഡാതിശൌണ്ഡേ
ചാണ്ഡീശേ തേ ശ്രിയേ സ്താമധികമവനതാഖണ്ഡലേ കുണ്ഡലേ വഃ৷৷6৷৷

ക്രുധ്യത്യദ്ധാ യയോഃ സ്വാം തനുമതിലസതോര്ബിമ്ബിതാം ലക്ഷയന്തീ

ഭര്ത്രേ സ്പര്ധാതിനിഘ്നാ മുഹുരിതരവധൂശങ്കയാ ശൈലകന്യാ.

യുഷ്മാംസ്തൌ ശശ്വദുച്ചൈരബഹുലദശമീശര്വരീശാതിശുഭ്രാ-
വവ്യാസ്താം ദിവ്യസിന്ധോഃ കമിതുരവനമല്ലോകപാലൌ കപോലൌ৷৷8৷৷

അത്യര്ഥം രാജതേ യാ വദനശശധരാദുദ്ഗലച്ചാരുവാണീ-

പീയൂഷാമ്ഭഃപ്രവാഹപ്രസരപരിലസത്ഫേനബിന്ദ്വാവലീവ.

ദേയാത്സാ ദന്തപങ്ക്തിശ്ിചരമിഹ ദനുദായാദദൌവാരികസ്യ
ദ്യുത്യാ ദീപ്തേന്ദുകുന്ദച്ഛവിരമലതരപ്രോന്നതാഗ്രാ മുദം വഃ৷৷10৷৷

ഭാസാ യസ്യ ത്രിലോകീ ലസതി പരിലസത്ഫേനബിന്ദ്വര്ണവാന്ത-

ര്വ്യാമഗ്നേവാതിഗൌരസ്തുലിതസുരസരിദ്വാരിപൂരപ്രസാരഃ.

പീനാത്മാ ദന്തഭാഭിര്ഭൃശമഹഹഹകാരാതിഭീമഃ സദേഷ്ടാം
പുഷ്ടാം തുഷ്ടിം കൃഷീഷ്ട സ്ഫുടമിഹ ഭവതാമട്ടഹാസോഷ്ടമൂര്തേഃ৷৷12৷৷

ആത്മപ്രേമ്ണോ ഭവാന്യാ സ്വയമിവ രചിതാഃ സാദരം സാംവനന്യാ

മഷ്യാ തിസ്രഃ സുനീലാഞ്ജനനിഭഗരരേഖാഃ സമാഭാന്തി യസ്യാമ്.

ആകല്പാനല്പഭാസാ ഭൃശരുചിരതരാ കമ്ബുകല്പാമ്ബികായാഃ
പത്യുഃ സാത്യന്തമന്തര്വിലസതു സതതം മന്ഥരാ കംധരാ വഃ৷৷14৷৷

പ്രൌഢപ്രേമാകുലായാ ദൃഢതരപരിരമ്ഭേഷു പര്വേന്ദുമുഖ്യാഃ

പാര്വത്യാശ്ചാരുചാമീകരവലയപദൈരങ്കിതം കാന്തിശാലി.

രങ്ഗന്നാഗാങ്ഗദാഢ്യം സതതമവിഹിതം കര്മ നിര്മൂലയേത്ത-
ദ്ദോര്മൂലം നിര്മലം യദ്ധൃദി ദുരിതമപാസ്യാര്ജിതം ധൂര്ജടേര്വഃ৷৷16৷৷

വക്ഷോ ദക്ഷദ്വിഷോലം സ്മരഭരവിനമദ്ദക്ഷജാക്ഷീണവക്ഷോ-

ജാന്തര്നിക്ഷിപ്തശുമ്ഭന്മലയജമിലിതോദ്ഭാസി ഭസ്മോക്ഷിതം യത്.

ക്ഷിപ്രം തദ്രൂക്ഷചക്ഷുഃശ്രുതിഗണഫണരത്നൌഘഭാഭീക്ഷ്ണശോഭം
യുഷ്മാകം ശശ്വദേനഃ സ്ഫടികമണിശിലാമണ്ഡലാഭം ക്ഷിണോതു৷৷18৷৷

വൈയാഘ്രീ യത്ര കൃത്തിഃ സ്ഫുരതി ഹിമഗിരേര്വിസ്തൃതോപത്യകാന്തഃ

സാന്ദ്രാവശ്യായമിശ്രാ പരിത ഇവ വൃതാ നീലജീമൂതമാലാ.

ആബദ്ധാഹീന്ദ്രകാഞ്ചീഗുണമതിപൃഥുലം ശൈലജാക്രീഡഭൂമി-
സ്തദ്വോ നിഃശ്രേയസേ സ്യാജ്ജഘനമതിഘനം ബാലശീതാംശുമൌലേഃ৷৷20৷৷

ആനന്ദായേന്ദുകാന്തോപലരചിതസമുദ്ഗായിതേ യേ മുനീനാം

ചിത്താദര്ശം നിധാതും വിദധതി ചരണേ താണ്ഡവാകുഞ്ചനാനി.

കാഞ്ചീഭോഗീന്ദ്രമൂര്ധ്നാം പ്രതിമുഹുരുപധാനായമാനേ ക്ഷണം തേ
കാന്തേ സ്താമന്തകാരേര്ദ്യുതിവിജിതസുധാഭാനുനീ ജാനുനീ വഃ৷৷22৷৷

അസ്തോകസ്തോമശസ്ത്രൈരപചിതിമമലാം ഭൂരിഭാവോപഹാരൈഃ

കുര്വദ്ഭിഃ സര്വദോച്ചൈഃ സതതമഭിവൃതൌ ബ്രഹ്മവിദ്ദേവലാദ്യൈഃ.

സമ്യക്സംപൂജ്യമാനാവിഹ ഹൃദി സരസീവാനിശം യുഷ്മദീയേ
ശര്വസ്യ ക്രീഡതാം തൌ പ്രപദവരബൃഹത്കച്ഛപാവച്ഛഭാസൌ৷৷24৷৷

പ്രഹ്വപ്രാചീനബര്ഹിഃപ്രമുഖസുരവരപ്രസ്ഫുരന്മൌലിസക്ത-

ജ്യായോരത്നോത്കരോസ്രൈരവിരതമമലാ ഭൂരിനീരാജിതാ യാ.

പ്രോദഗ്രാഗ്രാ പ്രദേയാത്തതിരിവ രുചിരാ താരകാണാം നിതാന്തം
നീലഗ്രീവസ്യ പാദാമ്ബുരുഹവിലസിതാ സാ നഖാലീ സുഖം വഃ৷৷26৷৷

യേഷാം രാഗാദിദോഷാക്ഷതമതി യതയോ യാന്തി മുക്തിം പ്രസാദാ-

ദ്യേ വാ നമ്രാത്മമൂര്തിദ്യുസദൃഷിപരിഷന്മൂര്ധ്നി ശേഷായമാണാഃ.

ശ്രീകണ്ഠസ്യാരുണോദ്യച്ചരണസരസിജപ്രോത്ഥിതാസ്തേ ഭാവാഖ്യാ-
ത്പാരാവാരാച്ചിരം വോ ദുരിതഹതികൃതസ്താരയേയുഃ പരാഗാഃ৷৷28৷৷