Devotional Hyms - Shiva

৷৷ശ്രീഃ৷৷

৷৷ശിവഭുജംഗമ്৷৷
ഗലദ്ദാനഗണ്ഡം മിലദ്ഭൃങ്ഗഷണ്ഡം

ചലച്ചാരുശുണ്ഡം ജഗത്ത്രാണശൌണ്ഡമ്.

കനദ്ദന്തകാണ്ഡം വിപദ്ഭങ്ഗചണ്ഡം
ശിവപ്രേമപിണ്ഡം ഭജേ വക്രതുണ്ഡമ്৷৷1৷৷

അനാദ്യന്തമാദ്യം പരം തത്ത്വമര്ഥം

ചിദാകാരമേകം തുരീയം ത്വമേയമ്.

ഹരിബ്രഹ്മമൃഗ്യം പരബ്രഹ്മരൂപം
മനോവാഗതീതം മഹഃശൈവമീഡേ৷৷2৷৷

സ്വശക്ത്യാദിശക്ത്യന്തസിംഹാസനസ്ഥം

മനോഹാരിസര്വാങ്ഗരത്നോരുഭൂഷമ്.

ജടാഹീന്ദുഗങ്ഗാസ്ഥിശമ്യാകമൌലിം
പരാശക്തിമിത്രം നുമഃ പഞ്ചവക്ത്രമ്৷৷3৷৷

ശിവേശാനതത്പൂരുഷാഘോരവാമാ -

ദിഭിഃ പഞ്ചഭിര്ഹൃന്മുഖൈഃ ഷങ്ഭിരങ്ഗൈഃ.

അനൌപമ്യ ഷട്ത്രിംശതം തത്ത്വവിദ്യാ -
മതീതം പരം ത്വാം കഥം വേത്തി കോ വാ৷৷4৷৷

പ്രവാലപ്രവാഹപ്രഭാശോണമര്ധം

മരുത്വന്മണിശ്രീമഹഃശ്യാമമര്ധമ്.

ഗുണസ്യൂതമേതദ്വപുഃ ശൈവമന്തഃ
സ്മരാമി സ്മരാപത്തിസംപത്തിഹേതോഃ৷৷5৷৷

സ്വസേവാസമായാതദേവാസുരേന്ദ്രാ -

നമന്മൌലിമന്ദാരമാലാഭിഷക്തമ്.

നമസ്യാമി ശംഭോ പദാമ്ഭോരുഹം തേ
ഭവാമ്ഭോധിപോതം ഭവാനീവിഭാവ്യമ്৷৷6৷৷

ജഗന്നാഥ മന്നാഥ ഗൌരീസനാഥ

പ്രപന്നാനുകമ്പിന്വിപന്നാര്തിഹാരിന്.

മഹഃസ്തോമമൂര്തേ സമസ്തൈകബന്ധോ
നമസ്തേ നമസ്തേ പുനസ്തേ നമോസ്തു৷৷7৷৷

വിരൂപാക്ഷ വിശ്വേശ വിശ്വാദിദേവ

ത്രയീമൂല ശംഭോ ശിവ ത്ര്യമ്ബക ത്വമ്.

പ്രസീദ സ്മര ത്രാഹി പശ്യാവമുക്ത്യൈ
ക്ഷമാം പ്രാപ്നുഹി ത്ര്യക്ഷ മാം രക്ഷ മോദാത്৷৷8৷৷

മഹാദേവ ദേവേശ ദേവാദിദേവ

സ്മരാരേ പുരാരേ യമാരേ ഹരേതി.

ബ്രുവാണഃ സ്മരിഷ്യാമി ഭക്ത്യാ ഭവന്തം
തതോ മേ ദയാശീല ദേവ പ്രസീദ৷৷9৷৷

ത്വദന്യഃ ശരണ്യഃ പ്രപന്നസ്യ നേതി

പ്രസീദ സ്മരന്നേവ ഹന്യാസ്തു ദൈന്യമ്.

ന ചേത്തേ ഭവേദ്ഭക്തവാത്സല്യഹാനി-
സ്തതോ മേ ദയാലോ സദാ സംനിധേഹി৷৷10৷৷

അയം ദാനകാലസ്ത്വഹം ദാനപാത്രം

ഭവാനേവ ദാതാ ത്വദന്യം ന യാചേ.

ഭവദ്ഭക്തിമേവ സ്ഥിരാം ദേഹി മഹ്യം
കൃപാശീല ശംഭോ കൃതാര്ഥോസ്മി തസ്മാത്৷৷11৷৷

പശും വേത്സി ചേന്മാം തമേവാധിരൂഢഃ

കലങ്കീതി വാ മൂര്ധ്നി ധത്സേ തമേവ.

ദ്വിജിഹ്വഃ പുനഃ സോപി തേ കണ്ഠഭൂഷാ
ത്വദങ്ഗീകൃതാഃ ശര്വ സര്വേപി ധന്യാഃ৷৷12৷৷

ന ശക്നോമി കര്തും പരദ്രോഹലേശം

കഥം പ്രീയസേ ത്വം ന ജാനേ ഗിരീശ.

തഥാഹി പ്രസന്നോസി കസ്യാപി കാന്താ-
സുതദ്രോഹിണോ വാ പിതൃദ്രോഹിണോ വാ৷৷13৷৷

സ്തുതിം ധ്യാനമര്ചാം യഥാവദ്വിധാതും

ഭജന്നപ്യജാനന്മഹേശാവലമ്ബേ.

ത്രസന്തം സുതം ത്രാതുമഗ്രേ മൃകണ്ഡോ-
ര്യമപ്രാണനിര്വാപണം ത്വത്പദാബ്ജമ്৷৷14৷৷

ശിരോദൃഷ്ടിഹൃദ്രോഗശൂലപ്രമേഹ-

ജ്വരാര്ശോജരായക്ഷ്മഹിക്കാവിഷാര്താന്.

ത്വമാദ്യോ ഭിഷഗ്ഭേഷജം ഭസ്മ ശംഭോ
ത്വമുല്ലാഘയാസ്മാന്വപുര്ലാഘവായ৷৷15৷৷

ദരിദ്രോസ്മ്യഭദ്രോസ്മി ഭഗ്നോസ്മി ദൂയേ

വിഷണ്ണോസ്മി സന്നോസ്മി ഖിന്നോസ്മി ചാഹമ്.

ഭവാന്പ്രാണിനാമന്തരാത്മാസി ശംഭോ
മമാധിം ന വേത്സി പ്രഭോ രക്ഷ മാം ത്വമ്৷৷16৷৷

ത്വദക്ഷ്ണോഃ കടാക്ഷഃ പതേത്ത്ര്യക്ഷ യത്ര

ക്ഷണം ക്ഷ്മാ ച ലക്ഷ്മീഃ സ്വയം തം വൃണാതേ.

കിരീടസ്ഫുരച്ചാമരച്ഛത്രമാലാ-
കലാചീഗജക്ഷൌമഭൂഷാവിശേഷൈഃ৷৷17৷৷

ഭവാന്യൈ ഭവായാപി മാത്രേ ച പിത്രേ

മൃഡാന്യൈ മൃഡായാപ്യഘഘ്ന്യൈ മഖഘ്നേ.

ശിവാങ്ഗ്യൈ ശിവാങ്ഗായ കുര്മഃ ശിവായൈ
ശിവായാമ്ബികായൈ നമസ്ത്ര്യമ്ബകായ৷৷18৷৷

ഭവദ്ഗൌരവം മല്ലഘുത്വം വിദിത്വാ

പ്രഭോ രക്ഷ കാരുണ്യദൃഷ്ട്യാനുഗം മാമ്.

ശിവാത്മാനുഭാവസ്തുതാവക്ഷമോം
സ്വശക്ത്യാ കൃതം മേപരാധം ക്ഷമസ്വ৷৷19৷৷

യദാ കര്ണരന്ധ്രം വ്രജേത്കാലവാഹ-

ദ്വിഷത്കണ്ഠഘണ്ടാഘണാത്കാരനാദഃ.

വൃഷാധീശമാരുഹ്യ ദേവൌപവാഹ്യം
തദാ വത്സ മാ ഭീരിതി പ്രീണയ ത്വമ്৷৷20৷৷

യദാ ദാരുണാഭാഷണാ ഭീഷണാ മേ

ഭവിഷ്യന്ത്യുപാന്തേ കൃതാന്തസ്യ ദൂതാഃ.

തദാ മന്മനസ്ത്വത്പദാമ്ഭോരുഹസ്ഥം
കഥം നിശ്ചലം സ്യാന്നമസ്തേസ്തു ശംഭോ৷৷21৷৷

യദാ ദുര്നിവാരവ്യഥോഹം ശയാനോ

ലുഠന്നിഃശ്വസന്നിഃസൃതാവ്യക്തവാണിഃ.

തദാ ജഹ്നുകന്യാജലാലംകൃതം തേ
ജടാമണ്ഡലം മന്മനോമന്ദിരം സ്യാത്৷৷22৷৷

യദാ പുത്രമിത്രാദയോ മത്സകാശേ

രുദന്ത്യസ്യ ഹാ കീദൃശീയം ദശേതി.

തദാ ദേവദേവേശ ഗൌരീശ ശംഭോ
നമസ്തേ ശിവായേത്യജസ്രം ബ്രവാണി৷৷23৷৷

യദാ പശ്യതാം മാമസൌ വേത്തി നാസ്മാ-

നയം ശ്വാസ ഏവേതി വാചോ ഭവേയുഃ.

തദാ ഭൂതിഭൂഷം ഭുജംഗാവനദ്ധം
പുരാരേ ഭവന്തം സ്ഫുടം ഭാവയേയമ്৷৷24৷৷

യദാ യാതനാദേഹസംദേഹവാഹീ

ഭവേദാത്മദേഹേ ന മോഹോ മഹാന്മേ.

തദാ കാശശീതാംശുസംകാശമീശ
സ്മരാരേ വപുസ്തേ നമസ്തേ സ്മരാണി৷৷25৷৷

യദാപാരമച്ഛായമസ്ഥാനമദ്ഭി-

ര്ജനൈര്വാ വിഹീനം ഗമിഷ്യാമി മാര്ഗമ്.

തദാ തം നിരുന്ധന്കൃതാന്തസ്യ മാര്ഗം
മഹാദേവ മഹ്യം മനോജ്ഞം പ്രയച്ഛ৷৷26৷৷

യദാ രൌരവാദി സ്മരന്നേവ ഭീത്യാ

വ്രജാമ്യത്ര മോഹം മഹാദേവ ഘോരമ്.

തദാ മാമഹോ നാഥ കസ്താരയിഷ്യ-
ത്യനാഥം പരാധീനമര്ധേന്ദുമൌലേ৷৷27৷৷

യദാ ശ്വേതപത്രായതാലങ്ഘ്യശക്തേഃ

കൃതാന്താദ്ഭയം ഭക്തവാത്സല്യഭാവാത്.

തദാ പാഹി മാം പാര്വതീവല്ലഭാന്യം
ന പശ്യാമി പാതാരമേതാദൃശം മേ৷৷28৷৷

ഇദാനീമിദാനീം മൃതി ഭവിത്രീ-

ത്യഹോ സംതതം ചിന്തയാ പീഡിതോസ്മി.

കഥം നാമ മാ ഭൂന്മൃതൌ ഭീതിരേഷാ
നമസ്തേ ഗതീനാം ഗതേ നീലകണ്ഠ৷৷29৷৷

അമര്യാദമേവാഹമാബാലവൃദ്ധം

ഹരന്തം കൃതാന്തം സമീക്ഷ്യാസ്മി ഭീതഃ.

മൃതൌ താവകാങഘ്ര്യബ്ജദിവ്യപ്രസാദാ-
ദ്ഭവാനീപതേ നിര്ഭയോഹം ഭവാനി৷৷30৷৷

ജരാജന്മഗര്ഭാധിവാസാദിദുഃഖാ-

ന്യസഹ്യാനി ജഹ്യാം ജഗന്നാഥ ദേവ.

ഭവന്തം വിനാ മേ ഗതിര്നൈവ ശംഭോ
ദയാലോ ന ജാഗര്തി കിം വാ ദയാ തേ৷৷31৷৷

ശിവായേതി ശബ്ദോ നമഃപൂര്വ ഏഷ

സ്മരന്മുക്തികൃന്മൃത്യുഹാ തത്ത്വവാചീ.

മഹേശാന മാ ഗാന്മനസ്തോ വചസ്തഃ
സദാ മഹ്യമേതത്പ്രദാനം പ്രയച്ഛ৷৷32৷৷

ത്വമപ്യമ്ബ മാം പശ്യ ശീതാംശുമൌലി-

പ്രിയേ ഭേഷജം ത്വം ഭവവ്യാധിശാന്തൌ.

ബഹുക്ലേശഭാജം പദാമ്ഭോജപോതേ
ഭവാബ്ധൌ നിമഗ്നം നയസ്വാദ്യ പാരമ്৷৷33৷৷

അനുദ്യല്ലലാടാക്ഷിവഹ്നിപ്രരോഹൈ-

രവാമസ്ഫുരച്ചാരുവാമോരുശോഭൈഃ.

അനങ്ഗഭ്രമദ്ഭോഗിഭൂഷാവിശേഷൈ-
രചന്ദ്രാര്ധചൂഡൈരലം ദൈവതൈര്നഃ৷৷34৷৷

അകണ്ഠേകലങ്കാദനങ്ഗേഭുജങ്ഗാ-

ദപാണൌകപാലാദഫാലേനലാക്ഷാത്.

അമൌളൌശശാങ്കാദവാമേകലത്രാ-
ദഹം ദേവമന്യം ന മന്യേ ന മന്യേ৷৷35৷৷

മഹാദേവ ശംഭോ ഗിരീശ ത്രിശൂലിം-

സ്ത്വയീദം സമസ്തം വിഭാതീതി യസ്മാത്.

ശിവാദന്യഥാ ദൈവതം നാഭിജാനേ
ശിവോഹം ശിവോഹം ശിവോഹം ശിവോഹമ്৷৷36৷৷

യതോജായതേദം പ്രപഞ്ചം വിചിത്രം

സ്ഥിതിം യാതി യസ്മിന്യദേകാന്തമന്തേ.

സ കര്മാദിഹീനഃ സ്വയംജ്യോതിരാത്മാ
ശിവോഹം ശിവോഹം ശിവോഹം ശിവോഹമ്৷৷37৷৷

കിരീടേ നിശേശോ ലലാടേ ഹുതാശോ

ഭുജേ ഭോഗിരാജോ ഗലേ കാലിമാ ച.

തനൌ കാമിനീ യസ്യ തത്തുല്യദേവം
ന ജാനേ ന ജാനേ ന ജാനേ ന ജാനേ৷৷38৷৷

അനേന സ്തവേനാദരാദമ്ബികേശം

പരാം ഭക്തിമാസാദ്യ യം യേ നമന്തി.

മൃതൌ നിര്ഭയാസ്തേ ജനാസ്തം ഭജന്തേ
ഹൃദമ്ഭോജമധ്യേ സദാസീനമീശമ്৷৷39৷৷

ഭുജംഗപ്രിയാകല്പ ശംഭോ മയൈവം

ഭുജംഗപ്രയാതേന വൃത്തേന ക്ലൃപ്തമ്.

നരഃ സ്തോത്രമേതത്പഠിത്വോരുഭക്ത്യാ
സുപുത്രായുരാരോഗ്യമൈശ്വര്യമേതി৷৷40৷৷


ഇതി ശ്രീമത്പരമഹംസപരിവ്രാജകാചാര്യസ്യ

ശ്രീഗോവിന്ദഭഗവത്പൂജ്യപാദശിഷ്യസ്യ

ശ്രീമച്ഛംകരഭഗവതഃ കൃതൌ

ശിവഭുജംഗം സംപൂര്ണമ്৷৷