দযালুং গুরুং ব্রহ্মনিষ্ঠং প্রশান্তং

সমারাধ্য মত্যা বিচার্য স্বরূপম্৷

যদাপ্নোতি তত্ত্বং নিদিধ্যাস্য বিদ্বা-
ন্পরং ব্রহ্ম নিত্যং তদেবাহমস্মি৷৷2৷৷

যদজ্ঞানতো ভাতি বিশ্বং সমস্তং

বিনষ্টং চ সদ্যো যদাত্মপ্রবোধে৷

মনোবাগতীতং বিশুদ্ধং বিমুক্তং
পরং ব্রহ্ম নিত্যং তদেবাহমস্মি৷৷4৷৷

যদানন্দলেশৈঃ সমানন্দি বিশ্বং

যদাভাতি সত্ত্বে তদাভাতি সর্বম্৷

যদালোকনে রূপমন্যত্সমস্তং
পরং ব্রহ্ম নিত্যং তদেবাহমস্মি৷৷6৷৷

যদানন্দসিন্ধৌ নিমগ্নঃ পুমান্স্যা-

দবিদ্যাবিলাসঃ সমস্তপ্রপঞ্চঃ৷

তদা নঃ স্ফুরত্যদ্ভুতং যন্নিমিত্তং
পরং ব্রহ্ম নিত্যং তদেবাহমস্মি৷৷8৷৷