বিবর্তোপি প্রপঞ্চো মে সত্যবদ্ভাতি সর্বদা৷
ইতি সংশযপাশেন বদ্ধোহং ছিন্দ্ধি সংশযম্৷৷3৷৷

গন্ধমোক্ষাদযঃ সর্বে কৃতাঃ সত্যেদ্বযে ত্বযি৷
ভাতীত্যুক্তে জগত্সর্বং সদ্রূপং ব্রহ্ম তদ্ভবেত্৷৷5৷৷

যথেক্ষুমভিসংব্যাপ্য শর্করা বর্ততে তথা৷
আশ্চর্যব্রহ্মরূপেণ ত্বং ব্যাপ্তোসি জগত্ত্রযম্৷৷7৷৷

ব্রহ্মাদিস্তম্বপর্যন্তাঃ প্রাণিনস্ত্বযি কল্পিতাঃ৷
বুদ্বুদাদিতরঙ্গান্তা বিকারাঃ সাগরে যথা৷৷9৷৷

পিষ্টং ব্যাপ্য গুডং যদ্বন্মাধুর্যং ন হি বাঞ্ছতি৷
পূর্ণানন্দো জগদ্ব্যাপ্য তদানন্দং ন বাঞ্ছতি৷৷11৷৷

বিষং দৃষ্ট্বামৃতং দৃষ্ট্বা বিষং ত্যজতি বুদ্ধিমান্৷
আত্মানমপি দৃষ্ট্বা ত্বং ত্যজানাত্মানমাদরাত্৷৷13৷৷

নিরাকারং জগত্সর্বং নির্মলং সচ্চিদাত্মকম্৷
দ্বৈতাভাবাত্কথং কস্মাদ্ভযং পূর্ণস্য মে বদ৷৷15৷৷

ন হি প্রপঞ্চো ন হি ভূতজাতং

ন চেন্দ্রিযং প্রাণগণো ন দেহঃ৷

ন বুদ্ধিচিত্তং ন মনো ন কর্তা
ব্রহ্মৈব সত্যং পরমাত্মরূপম্৷৷17৷৷

চিদেব দেহস্তু চিদেব লোকা

শ্চিদেব ভূতানি চিদিন্দ্রিযাণি৷

কর্তা চিদন্তঃকরণং চিদেব
চিদেব সত্যং পরমার্থরূপম্৷৷19৷৷

রাজ্যং করোতু বিজ্ঞানী ভিক্ষামটতু নির্ভযঃ৷
দোষৈর্ন লিপ্যতে শুদ্ধঃ পদ্মপত্রমিবাম্ভসা৷৷21৷৷

কাযঃ করোতু কর্মাণি বৃথা বাগুচ্যতামিহ৷
রাজ্যং ধ্যাযতু বা বুদ্ধিঃ পূর্ণস্য মম কা ক্ষতিঃ৷৷23৷৷

আনন্দাম্বুধিমগ্নোসৌ দেহী তত্র ন দৃশ্যতে৷
লবণং জলমধ্যস্থং যথা তত্র লযং গতম্৷৷25৷৷

আত্মানমঞ্জসা বেদ্মি ত্বজ্ঞানং প্রপলাযিতম্৷
কর্তৃত্বমদ্য মে নষ্টং কর্তব্যং বাপি ন ক্বচিত্৷৷27৷৷

আনন্দরূপোহমখণ্ডবোধঃ

পরাত্পরোহং ঘনচিত্প্রকাশঃ৷

মেঘা যথা ব্যোম ন চ স্পৃশন্তি
সংসারদুঃখানি ন মাং স্পৃশন্তি৷৷29৷৷

স্থূলদেহাশ্রিতা এতে স্থূলাদ্ভিন্নস্য মে ন হি৷
লিঙ্গং জডাত্মকং নাহং চিত্স্বরূপোহমদ্বযঃ৷৷31৷৷

অনাদ্যজ্ঞানমেবাত্র কারণং দেহমুচ্যতে৷
নাহং কারণদেহোপি স্বপ্রকাশো নিরঞ্জনঃ৷৷33৷৷

জীবাদ্ভিন্নঃ পরেশোস্তি পরেশত্বং কুতস্তব৷
ইত্যজ্ঞজনসংবাদো বিচারঃ ক্রিযতেধুনা৷৷35৷৷

অধিষ্ঠানং ন জীবঃ স্যাত্প্রত্যেকং নির্বিকারতঃ৷
অবস্তুত্বাচ্চিদাভাসো নাস্তি তস্য চ জীবতা৷৷37৷৷

মাযাভাসো বিশুদ্ধাত্মা ত্রযমেতন্মহেশ্বরঃ৷
মাযাভাসোপ্যবস্তুত্বাত্প্রত্যেকং নেশ্বরো ভবেত্৷৷39৷৷

তস্মাদেতত্ত্রযং মিথ্যা তদর্থো নেশ্বরো ভবেত্৷
ইতি জীবেশ্বরৌ ভাতঃ স্বাজ্ঞানান্ন হি বস্তুতঃ৷৷41৷৷

মাযাতত্কার্যবিলযে নেশ্বরত্বং চ জীবতা৷
ততঃ শুদ্ধচিদেবাহং চিদ্ব্যোমনিরুপাধিতঃ৷৷43৷৷

পূর্ণমদ্বযমখণ্ডচেতনং

বিশ্বভেদকলনাদিবর্জিতম্৷

অদ্বিতীযপরসংবিদংশকং
তত্সদাহমিতি মৌনমাশ্রযে৷৷45৷৷

উলূকস্য যথা ভানাবন্ধকারঃ প্রতীযতে৷
স্বপ্রকাশে পরানন্দে তমো মূঢস্য ভাসতে৷৷47৷৷

যথামৃতং বিষাদ্ভিন্নং বিষদোষৈর্ন লিপ্যতে৷
ন স্পৃশামি জডাদ্ভিন্নো জডদোষান্প্রকাশযন্৷৷49৷৷

চিদ্রূপত্বান্ন মে জাড্যং সত্যত্বান্নানৃতং মম৷
আনন্দত্বান্ন মে দুঃখমজ্ঞানাদ্ভাতি তত্ত্রযম্৷৷51৷৷

ভানৌ তমঃপ্রকাশত্বান্নাঙ্গীকুর্বন্তি সজ্জনাঃ৷
তমস্তত্কার্যসাক্ষীতি ভ্রান্তবুদ্ধিরহো মযি৷৷53৷৷

জলবিন্দুভিরাকাশং ন সিক্তং ন চ শুধ্যতি৷
তথা গঙ্গাজলেনাযং ন শুদ্ধো নিত্যশুদ্ধতঃ৷৷55৷৷

স্থাণৌ প্রকল্পিতশ্চোরঃ স স্থাণুত্বং ন বাধতে৷
স্বস্মিন্কল্পিতজীবশ্চ স্বং বাধিতুমশক্যতে৷৷57৷৷

বুদ্ধেঃ পূর্ণবিকাসোযং জাগরঃ পরিকীর্ত্যতে৷
বিকারাদিবিহীনত্বাজ্জাগরো মে ন বিদ্যতে৷৷59৷৷

পরিপূর্ণস্য নিত্যস্য শুদ্ধস্য জ্যোতিষো মম৷
আগন্তুকমলাভাবাত্কিং স্নানেন প্রযোজনম্৷৷61৷৷

প্রাণসংচারসংশোষাত্পিপাসা জাযতে খলু৷
শোষণানর্হচিদ্রূপে ময্যেষা জাযতে কথম্৷৷63৷৷

শরীরস্থিতিশৈথিল্যং শ্বেতলোমসমন্বিতম্৷
জরা ভবতি সা নাস্তি নিরংশে মযি সর্বগে৷৷65৷৷

মূঢবুদ্ধিপরিব্যাপ্তং দুঃখানামালযং সদা৷
বাল্যং কোপনশীলান্তং ন মে সুখজলাম্বুধেঃ৷৷67৷৷