সর্ববেদান্তসিদ্ধান্তৈর্গ্রথিতং নির্মলং শিবম্৷
সদাচারং প্রবক্ষ্যামি যোগিনাং জ্ঞানসিদ্ধযে৷৷2৷৷

অন্বযব্যতিরেকাভ্যাং জাগ্রত্স্বপ্নসুষুপ্তিষু৷
যদেকং কেবলং জ্ঞানং তদেবাস্মি পরং বৃহত্৷৷4৷৷

অত্যন্তমলিনো দেহো দেহী চাত্যন্তনির্মলঃ৷
অসঙ্গোহমিতি জ্ঞাত্বা শৌচমেতত্প্রচক্ষতে৷৷6৷৷

অথাঘমর্ষণং কুর্যাত্প্রাণাপাননিরোধতঃ৷
মনঃ পূর্ণে সমাধায মগ্নকুম্ভো যথার্ণবে৷৷8৷৷

সর্বত্র প্রাণিনাং দেহে জপো ভবতি সর্বদা৷
হংসঃ সোহমিতি জ্ঞাত্বা সর্ববন্ধৈর্বিমুচ্যতে৷৷10৷৷

আত্মনি স্বপ্রকাশাগ্নৌ চিত্তমেকাহুতিং ক্ষিপেত্৷
অগ্নিহোত্রী স বিজ্ঞেযশ্চেতরা নামধারকাঃ৷৷12৷৷

মৌনং স্বাধ্যযনং ধ্যানং ধ্যেযং ব্রহ্মানুচিন্তনম্৷
জ্ঞানেনেতি তযোঃ সম্যঙ্নিষেধাত্তত্ত্বদর্শনম্৷৷14৷৷

দেহাভ্যাসো হি সংন্যাসো নৈব কাষাযবাসসা৷
নাহং দেহোহমাত্মেতি নিশ্চযো ন্যাসলক্ষণম্৷৷16৷৷

বেদান্তশ্রবণং কুর্যান্মননং চোপপত্তিভিঃ৷
যোগেনাভ্যসনং নিত্যং ততো দর্শনমাত্মনঃ৷৷18৷৷

আত্মানাত্মবিবেকেন জ্ঞানং ভবতি নিশ্চলম্৷
গুরুণা বোধিতঃ শিষ্যঃ শব্দব্রহ্মাতিবর্ততে৷৷20৷৷

বিশুদ্ধং কেবলং জ্ঞানং নির্বিশেষং নিরঞ্জনম্৷
যদেকং পরমানন্দং তত্ত্বমস্যদ্বযং পরম্৷৷22৷৷

স্থূলবৈরাজযোরৈক্যং সূক্ষ্মহৈরণ্যগর্ভযোঃ৷
অজ্ঞানমাযযোরৈক্যং প্রত্যগ্বিজ্ঞানপূর্ণযোঃ৷৷24৷৷

তার্কিকাণাং তু জীবেশৌ বাচ্যাবেতৌ বিদুর্বুধাঃ৷
লক্ষ্যৌ চ সাংখ্যযোগাভ্যাং বেদান্তৈরৈক্যতা তযোঃ৷৷26৷৷

কর্মশাস্ত্রে কুতো জ্ঞানং তর্কে নৈবাস্তি নিশ্চযঃ৷
সাংখ্যযোগৌ ভিদাপন্নৌ শাব্দিকাঃ শব্দতত্পরাঃ৷৷28৷৷

অহং মমেত্যযং বন্ধো মমাহং নেতি মুক্ততা৷
বন্ধমোক্ষৌ গুণৈর্ভাতি গুণাঃ প্রকৃতিসংভবাঃ৷৷30৷৷

সংকল্পসাক্ষি যজ্জ্ঞানং সর্বলোকৈকজীবনম্৷
তদেবাস্মীতি যো বেদ স মুক্তো নাত্র সংশযঃ৷৷32৷৷

অর্থাকারা ভবেদ্বৃত্তিঃ ফলেনার্থঃ প্রকাশতে৷
অর্থজ্ঞানং বিজানাতি স এবার্থঃ প্রকাশতে৷৷34৷৷

চিত্তং চৈতন্যমাত্রেণ সংযোগাচ্চেতনা ভবেত্৷
অর্থাদর্থান্তরে বৃত্তির্গন্তুং চলতি চান্তরে৷৷36৷৷

তকারো বিষযাধ্যাসো জপারাগো যথা মণৌ৷
জ্ঞেযবস্তু পরিত্যাগাজ্জ্ঞানং তিষ্ঠতি কেবলম্৷৷38৷৷

অজ্ঞানং ভ্রম ইত্যাহুর্বিজ্ঞানং পরমং পদম্৷
অজ্ঞানং চান্যথাজ্ঞানং মাযামেতাং বদন্তি তে৷৷40৷৷

অহংতা গর্জনং তত্র ধারাসারা হি বৃত্তযঃ৷
মহামোহান্ধকারেস্মিন্দেবো বর্ষতি লীলযা৷৷42৷৷

একমেবাদ্বযং ব্রহ্ম নেহ নানাস্তি কিংচন৷
ক্ষেত্রক্ষেত্রজ্ঞযোর্জ্ঞানং তজ্জ্ঞানং জ্ঞানমুচ্যতে৷৷44৷৷

আত্মনো ব্রহ্মণঃ সম্যগুপাধিদ্বযবর্জিতম্৷
ত্বমর্থবিষযং জ্ঞানং বিজ্ঞানং তত্পদাশ্রযম্৷৷46৷৷

অজ্ঞানং চান্যতা লোকে বিজ্ঞানং তন্মযং জগত্৷
অন্বযব্যতিরেকাভ্যাং সর্বত্রৈকং প্রপশ্যতি৷৷48৷৷

জ্ঞানবিজ্ঞাননিষ্ঠোযং তত্সদ্ব্রহ্মণি চার্পণম্৷
ভোক্তা সত্ত্বগুণঃ শুদ্ধো ভোগানাং সাধনং রজঃ৷৷50৷৷

সর্বং ব্রহ্মেতি যো বেদ ব্রহ্মচারী স উচ্যতে৷
গৃহস্থো গুণমধ্যস্থঃ শরীরং গৃহমুচ্যতে৷৷52৷৷

হর্ষামর্ষবিনির্মুক্তো বানপ্রস্থঃ স উচ্যতে৷
স গৃহী যো গৃহাতীতঃ শরীরং গৃহমুচ্যতে৷৷54৷৷