যদ্বচ্ছ্রীখণ্ডবৃক্ষপ্রসৃতপরিমলেনাভিতোন্যেপি বৃক্ষাঃ

শশ্বত্সৌগন্ধ্যভাজোপ্যতনুতনুভৃতাং তাপমুন্মূলযন্তি৷

আচার্যাল্লব্ধবোধা অপি বিধিবশতঃ সংনিধৌ সংস্থিতানাং
ত্রেধা তাপং চ পাপং সকরুণহৃদযাঃ স্বোক্তিভিঃ ক্ষালযন্তি৷৷2৷৷

আত্মা চিদ্বিত্সুখাত্মানুভবপরিচিতঃ সর্বদেহাদিযন্তা

সত্যেবং মূঢবুদ্ধির্ভজতি ননু জনোনিত্যদেহাত্মবুদ্ধিম্৷

বাহ্যোস্থিস্নাযুমজ্জাপলরুধিরবসাচর্মমেদোযুগন্ত-
র্বিণ্মূত্রশ্লেষ্মপূর্ণং স্বপরবপুরহো সংবিদিত্বাপি ভূযঃ৷৷4৷৷

কশ্চিত্কীটঃ কথংচিত্পটুমতিরভিতঃ কণ্টকানাং কুটীরং

কুর্বংস্তেনৈব সাকং ব্যবহৃতিবিধযে চেষ্টতে যাবদাযুঃ৷

তদ্বজ্জীবোপি নানাচরিতসমুদিতৈঃ কর্মভিঃ স্থূলদেহং
নির্মাযাত্রৈব তিষ্ঠন্ননুদিনমমুনা সাকমভ্যেতি ভূমৌ৷৷6৷৷

স্বং বালং রোদমানং চিরতরসমযং শান্তিমানেতুমগ্রে

দ্রাক্ষং খার্জূরমাম্রং সুকদলমথবা যোজযত্যম্বিকাস্য৷

তদ্বচ্চেতোতিমূঢং বহুজননভবান্মৌঢ্যসংস্কারযোগা-
দ্বোধোপাযৈরনেকৈরবশমুপনিষদ্বোধযামাস সম্যক্৷৷8৷৷

যস্মাদ্যাবত্প্রিযং স্যাদিহ হি বিষযতস্তাবদস্মিন্প্রিযত্বং

যাবদ্দুঃখং চ যস্মাদ্ভবতি খলু ততস্তাবদেবাপ্রিযত্বম্৷

নৈকস্মিন্সর্বকালেস্ত্যুভযমপি কদাপ্যপ্রিযোপি প্রিযঃ স্যা-
ত্প্রেযানপ্যপ্রিযো বা সততমপি ততঃ প্রেয আত্মাখ্যবস্তু৷৷10৷৷

আত্মাম্ভোধেস্তরঙ্গোস্ম্যহমিতি গমনে ভাবযন্নাসনস্থঃ

সংবিত্সূত্রানুবিদ্ধো মণিরহমিতি বাস্মীন্দ্রিযার্থপ্রতীতৌ৷

দৃষ্টোস্ম্যাত্মাবলোকাদিতি শযনবিধৌ মগ্ন আনন্দসিন্ধা-
বন্তর্নিষ্ঠো মুমুক্ষুঃ স খলু তনুভৃতা যো নযত্যেবমাযুঃ৷৷12৷৷

নৈর্বেদ্যং জ্ঞানগর্ভ দ্বিবিধমভিহিতং তত্র বৈরাগ্যমাদ্যং

প্রাযো দুঃখাবলোকাদ্ভবতি গৃহসুহৃত্পুত্রবিত্তৈষণাদেঃ৷

অন্যজ্জ্ঞানোপদেশাদ্যদুদিতবিষযে বান্তবদ্ধেযতা স্যা-
ত্প্রব্রজ্যাপি দ্বিধা স্যান্নিযমিতমনসা দেহতো গেহতশ্চ৷৷14৷৷

তিষ্ঠন্গেহে গৃহেশোপ্যতিথিরিব নিজং ধাম গন্তুং চিকীর্ষু-

র্দেহস্থং দুঃখসৌখ্যং ন ভজতি সহসা নির্মমত্বাভিমানঃ৷

আযাত্রাযাস্যতীদং জলদপটলবদ্যাতৃ যাস্যত্যবশ্যং
দেহাদ্যং সর্বমেবং প্রবিদিতবিশযো যশ্চ তিষ্ঠত্যযত্নঃ৷৷16৷৷

কামো বুদ্ধাবুদেতি প্রথমমিহ মনস্যুদ্দিশত্যর্থজাতং

তদ্গৃহ্ণাতীন্দ্রিযাস্যৈস্তদনধিগমতঃ ক্রোধ আবির্ভবেচ্চ৷

প্রাপ্তাবর্থস্য সংরক্ষণমতিরুদিতো লোভ এতত্ত্রযং স্যা-
ত্সর্বেষাং পাতহেতুস্তদিহ মতিমতা ত্যাজ্যমধ্যাত্মযোগাত্৷৷18৷৷

অন্নং দেবাতিথিভ্যোর্পিতমমৃতমিদং চান্যথা মোঘমন্নং

যশ্চাত্মার্থং বিধত্তে তদিহ নিগদিতং মৃত্যুরূপং হি তস্য৷

লোকেসৌ কেবলাঘো ভবতি তনুভৃতাং কেবলাদী চ যঃ স্যা-
ত্ত্যক্ত্বা প্রাণাগ্নিহোত্রং বিধিবদনুদিনং যোশ্নুতে সোপি মর্ত্যঃ৷৷20৷৷

স্বাজ্ঞানজ্ঞানহেতূ জগদুদযলযৌ সর্বসাধারণৌ স্তো

জীবেষ্বাস্বর্ণগর্ভং শ্রুতয ইতি জগুর্হূযতে স্বপ্রবোধে৷

বিশ্বং ব্রহ্মণ্যবোধে জগতি পুনরিদং হূযতে ব্রহ্ম যদ্ব-
চ্ছুক্তো রৌপ্যং চ রৌপ্যেধিকরণমথবা হূযতেন্যোন্যমোহাত্৷৷22৷৷

বন্ধো জন্মাত্যযাত্মা যদি ন পুনরভূত্তর্হি মোক্ষোপি নাসী-

দ্যদ্বদ্রাত্রির্দিনং বা ন ভবতি তরণৌ কিং তু দৃগ্দোষ এষঃ৷

অপ্রাণং শুদ্ধমেকং সমভবদথ তন্মাযযা কর্তৃসংজ্ঞং
তস্মাদন্যচ্চ নাসীত্পরিবৃতমজযা জীবভূতং তদেব৷৷24৷৷

চত্বারোস্যাঃ কপর্দা যুবতিরথ ভবেন্নূতনা নিত্যমেষা

মাযা বা পেশলা স্যাদঘটনঘটনাপাটবং যাতি যস্মাত্৷

স্যাদারম্ভে ঘৃতাস্যা শ্রুতিভববযুনান্যেবমাচ্ছাদযন্তী
তস্যামেতৌ সুপর্ণাবিব পরপুরুষৌ তিষ্ঠতোর্থপ্রতীত্যা৷৷26৷৷

নাযাতি প্রত্যগাত্মা প্রজননসমযে নৈব যাত্যন্তকালে

যত্সোখণ্ডোস্তি লৈঙ্গং মন ইহ বিশতি প্রব্রজত্যূর্ধ্বমর্বাক্৷

তত্কার্শ্যং স্থূলতাং বা ন ভজতি বপুষঃ কিংতু সংস্কারজাতে
তেজোমাত্রা গৃহীত্বা ব্রজতি পুনরিহাযাতি তৈস্তৈঃ সহৈব৷৷28৷৷

একো নিষ্কম্প আত্মা প্রচলতি মনসা ধাবমানেন তস্মিং-

স্তিষ্ঠন্নগ্রেথ পশ্চান্ন হি তমনুগতং জানতে চক্ষুরাদ্যাঃ৷

যদ্বত্পাথস্তরঙ্গৈঃ প্রচলতি পরিতো ধাবমানৈস্তদন্তঃ
প্রাক্পশ্চাদস্তি তেষাং পবনসমুদিতৈস্তৈঃ প্রশান্তৈর্যথাবত্৷৷30৷৷

নাসীত্পূর্বং ন পশ্চাদতনুদিনকরাচ্ছাদকো বারিবাহো

দৃশ্যঃ কিং ত্বন্তরাসৌ স্থগযতি স দৃশং পশ্যতো নার্কবিম্বম্৷

নো চেদেবং বিনার্কং জলধরপটলং ভাসতে তর্হি কস্মা-
ত্তদ্বদ্বিশ্বং পিধত্তে দৃশমথ ন পরং ভাসকং চালকং স্বম্৷৷32৷৷

স্বপ্নাবস্থানুভূতং শুভমথ বিষমং তন্মৃষা জাগরে স্যা-

জ্জাগ্রত্যাং স্থূলদেহব্যবহৃতিবিষযং তন্মৃষা স্বাপকালে৷

ইত্থং মিথ্যাত্বসিদ্ধাবনিশমুভযথা সজ্জতে তত্র মূঢঃ
সত্যে তদ্ভাসকেস্মিন্নিহ হি কুত ইদং তন্ন বিদ্মো বযং হি৷৷34৷৷

স্বাপ্নস্ত্রীসঙ্গসৌখ্যাদপি ভৃশমসতো যা চ রেতশ্চ্যুতিঃ স্যা-

ত্সা দৃশ্যা তদ্বদেতত্স্ফুরতি জগদসত্কারণং সত্যকল্পম্৷

স্বপ্নে সত্যঃ পুমান্স্যাদ্যুবতিরিহ মৃষৈবানযোঃ সংযুতিশ্চ
প্রাতঃ শুক্রেণ বস্ত্রোপহতিরিতি যতঃ কল্পনামূলমেতত্৷৷36৷৷

স্বপ্নে মন্ত্রোপদেশঃ শ্রবণপরিচিতঃ সত্য এষ প্রবোধে

স্বাপ্নাদেব প্রসাদাদভিলষিতফলং সত্যতাং প্রাতরেতি৷

সত্যপ্রাপ্তিস্ত্বসত্যাদপি ভবতি তথা কিং চ তত্স্বপ্রকাশং
যেনেদং ভাতি সর্বং চরমচরমথোচ্চাবচং দৃশ্যজাতম্৷৷38৷৷

নোকস্মাদার্দ্রমেধঃ স্পৃশতি চ দহনঃ কিং তু শুষ্কং নিদাঘা-

দার্দ্রং চেতোনুবন্ধৈঃ কৃতসুকৃতমপি স্বোক্তকর্মপ্রজার্থৈঃ৷

তদ্বজ্জ্ঞানাগ্নিরেতত্স্পৃশতি ন সহসা কিং তু বৈরাগ্যশুষ্কং
তস্মাচ্ছুদ্ধো বিরাগঃ প্রথমমভিহিতস্তেন বিজ্ঞানসিদ্ধিঃ৷৷40৷৷

জীবন্মুক্তির্মুমুক্ষোঃ প্রথমমথ ততো মুক্তিরাত্যন্তিকী চ

তেভ্যাসজ্ঞানযোগাদ্গুরুচরণকৃপাপাঙ্গসঙ্গেন লব্ধাত্৷

অভ্যাসোপি দ্বিধা স্যাদধিকরণবশাদ্দৈহিকো মানসশ্চ
শারীরস্ত্বাসনাদ্যো হ্যুপরতিরপরো জ্ঞানযোগঃ পুরোক্তঃ৷৷42৷৷

প্রাপশ্যদ্বিশ্বমাত্মেত্যযমিহ পুরুষঃ শোকমোহাদ্যতীতঃ

শুক্রং ব্রহ্মাধ্যগচ্ছত্স খলু সকলবিত্সর্বসিদ্ধ্যাস্পদং হি৷

বিস্মৃত্য স্থূলসূক্ষ্মপ্রভৃতিবপুরসৌ সর্বসংকল্পশূন্যো
জীবন্মুক্তস্তুরীযং পদমধিগতবান্পুণ্যপাপৈর্বিহীনঃ৷৷44৷৷

প্রাযোকামোস্তকামো নিরতিশযসুখাযাত্মকামস্তদাসৌ

তত্প্রাপ্তাবাপ্তকামঃ স্থিতচরমদশস্তস্য দেহাবসানে৷

প্রাণা নৈবোত্ক্রমন্তি ক্রমবিরতিমিতাঃ স্বস্বহেতৌ তদানীং
ক্বাযং জীবো বিলীনো লবণমিব জলেখণ্ড আত্মৈব পশ্চাত্৷৷46৷৷

ক্ষীরান্তর্যদ্বদাজ্যং মধুরিমবিদিতং তত্পৃথগ্ভূতমস্মা-

দ্ভূতেষু ব্রহ্ম তদ্বদ্ব্যবহৃতিবিদিতং শ্রান্তবিশ্রান্তিবীজম্৷

যং লব্ধ্বা লাভমন্যং তৃণমিব মনুতে যত্র নোদেতি ভীতিঃ
সান্দ্রানন্দং যদন্তঃ স্ফুরতি তদমৃতং বিদ্ধ্যতো হ্যন্যদার্তম্৷৷48৷৷

রূপং রূপং প্রতীদং প্রতিফলনবশাত্প্রাতিরূপ্যং প্রপেদে

হ্যেকো দ্রষ্টা দ্বিতীযো ভবতি চ সলিলে সর্বতোনন্তরূপঃ৷

ইন্দ্রো মাযাভিরাস্তে শ্রুতিরিতি বদতি ব্যাপকং ব্রহ্ম তস্মা-
জ্জীবত্বং যাত্যকস্মাদতিবিমলতরে বিম্বিতং বুদ্ধ্যুপাধৌ৷৷50৷৷

একো ভানুস্তদস্থঃ প্রতিফলনবশাদ্যস্ত্বনেকোদকান্ত-

র্নানাত্বং যাত্যুপাধিস্থিতিগতিসমতাং চাপি তদ্বত্পরাত্মা৷

ভূতেষূচ্চাবচেষু প্রতিফলিত ইবাভাতি তাবত্স্বভাবা-
বচ্ছিন্নো যঃ পরং তু স্ফুটমনুপহতো ভাতি তাবত্স্বভাবৈঃ৷৷52৷৷

পূর্ণাত্মানাত্মভেদাত্িত্রবিধমিহ পরং বুদ্ধ্যবচ্ছিন্নমন্য-

ত্তত্রৈবাভাসমাত্রং গগনমিব জলে ত্রিপ্রকারং বিভাতি৷

অম্ভোবচ্ছিন্নমস্মিন্প্রতিফলিতমতঃ পাথসোন্তর্বহিশ্চ
পূর্ণাবচ্ছিন্নযোগে ব্রজতি লযমবিদ্যা স্বকার্যৈঃ সহৈব৷৷54৷৷

তত্সত্যং যত্িত্রকালেষ্বনুপহতমদঃ প্রাণদিগ্ব্যোমমুখ্যং

যস্মিন্বিশ্রান্তমাস্তে তদিহ নিগদিতং ব্রহ্ম সত্যস্য সত্যম্৷

নাস্ত্যন্যত্কিংচ যদ্বত্পরমধিকমতো নাম সত্যস্য সত্যং
সচ্চ ত্যচ্চেতি মূর্তাদ্যুপহিতমবরং সত্যমস্যাপি সত্যম্৷৷56৷৷

যত্রাকাশাবকাশঃ কলযতি চ কলামাত্রতা যত্র কালো

যত্রৈবাশাবসানং বৃহদিহ হি বিরাট্ পূর্বমর্বাগিবাস্তে৷

সূত্রং যত্রাবিরাসীন্মহদপি মহতস্তদ্ধি পূর্ণাচ্চ পূর্ণং
সংপূর্ণাদর্ণবাদেরপি ভবতি যথা পূর্ণমেকার্ণবাম্ভঃ৷৷58৷৷

ভূতেষ্বাত্মানমাত্মন্যনুগতমখিলং ভূতজাতং প্রপশ্যে-

ত্প্রাযঃ পাথস্তরঙ্গান্বযবদথ চিরং সর্বমাত্মৈব পশ্যেত্৷

একং ব্রহ্মাদ্বিতীযং শ্রুতিশিরসি মতং নেহ নানাস্তি কিং চি-
ন্মৃত্যোরাপ্নোতি মৃত্যুং স ইহ জগদিদং যস্তু নানেব পশ্যেত্৷৷60৷৷

যাবান্পিণ্ডো গুডস্য স্ফুরতি মধুরিমৈবাস্তি সর্বোপি তাবা-

ন্যাবান্কর্পূরপিণ্ডঃ পরিণমতি সদামোদ এবাত্র তাবান্৷

বিশ্বং যাবদ্বিভাতি দ্রুমনগনগরারামচৈত্যাভিরামং
তাবচ্চৈতন্যমেকং প্রবিকসতি যতোন্তে তদাত্মাবশেষম্৷৷62৷৷

দৃষ্টঃ সাক্ষাদিদানীমিহ খলু জগতামীশ্বরঃ সংবিদাত্মা

বিজ্ঞাতঃ স্থাণুরেকো গগনবদভিতঃ সর্বভূতান্তরাত্মা৷

দৃষ্টং ব্রহ্মাতিরিক্তং সকলমিদমসদ্রূপমাভাসমাত্রং
শুদ্ধং ব্রহ্মাহমস্মীত্যবিরতমধুনাত্রৈব তিষ্ঠেদনীহঃ৷৷64৷৷

সর্বে নন্দন্তি জীবা অধিগতযশসা গৃহ্ণতা চক্ষুরাদী-

নন্তঃ সর্বোপকর্ত্রা বহিরপি চ সুষুপ্তৌ যথা তুল্যসংস্থাঃ৷

এতেষাং কিল্বিষস্পৃগ্জঠরভৃতিকৃতে যো বহির্বৃত্তিরাস্তে
ত্বক্চক্ষুঃশ্রোত্রনাসারসনবশমিতো যাতি শোকং চ মোহম্৷৷66৷৷

পক্ষাবভ্যস্য পক্ষী জনযতি মরুতং তেন যাত্যুচ্চদেশং

লব্ধ্বা বাযুং মহান্তং শ্রমমপনযতি স্বীযপক্ষৌ প্রসার্য৷

দুঃসংকল্পৈর্বিকল্পৈর্বিষযমনু কদর্থীকৃতং চিত্তমেত-
ত্খিন্নং বিশ্রামহেতোঃ স্বপিতি চিরমহো হস্তপাদান্প্রসার্য৷৷68৷৷

অল্পানল্পপ্রপঞ্চপ্রলয উপরতিশ্চেন্দ্রিযাণাং সুখাপ্তি-

র্জীবন্মুক্তৌ সুষুপ্তৌ ত্রিতযমপি সমং কিং তু তত্রাস্তি ভেদঃ৷

প্রাক্সংস্কারাত্প্রসুপ্তঃ পুনরপি চ পরাবৃত্তিমেতি প্রবুদ্ধো
নশ্যত্সংস্কারজাতো ন স কিল পুনরাবর্ততে যশ্চ মুক্তঃ৷৷70৷৷

যত্রানন্দাশ্চ মোদাঃ প্রমুদ ইতি মুদশ্চাসতে সর্ব এতে

যত্রাপ্তাঃ সর্বকামাঃ স্যুরখিলবিরমাত্কেবলীভাব আস্তে৷

মাং তত্রানন্দসান্দ্রে কৃধি চিরমমৃতং সোমপীযূষপূর্ণাং
ধারামিন্দ্রায দেহীত্যপি নিগমগিরো ভ্রূযুগান্তর্গতায৷৷72৷৷

যদ্বত্সৌখ্যং রতান্তে নিমিষমিহ মনস্যেকতানে রসে স্যা-

ত্স্থৈর্যং যাবত্সুষুপ্তৌ সুখমনতিশযং তাবদেবাথ মুক্তৌ৷

নিত্যানন্দঃ প্রশান্তে হৃদি তদিহ সুখস্থৈর্যযোঃ সাহচর্যং
নিত্যানন্দস্য মাত্রা বিষযসুখমিদং যুজ্যতে তেন বক্তুম্৷৷74৷৷

স্বপ্নে ভোগঃ সুখাদের্ভবতি ননু কুতঃ সাধনে মূর্ছমানে

স্বাপ্নং দেহান্তরং তদ্ব্যবহৃতিকুশলং নব্যমুত্পদ্যতে চেত্৷

তত্সামগ্র্যা অভাবাত্কুত ইদমুদিতং তদ্ধি সাংকল্পিকং চে-
ত্তত্কিং স্বাপ্নে রতান্তে বপুষি নিপতিতে দৃশ্যতে শুক্রমোক্ষঃ৷৷76৷৷

সংধৌ জাগ্রত্সুষুপ্ত্যোরনুভববিদিতা স্বাপ্ন্যবস্থা দ্বিতীযা

তত্রাত্মজ্যোতিরাস্তে পুরুষ ইহ সমাকৃষ্য সর্বেন্দ্রিযাণি৷

সংবেষ্য স্থূলদেহং সমুচিতশযনে স্বীযভাসান্তরাত্মা
পশ্যন্সংস্কাররূপানভিমতবিষযান্যাতি কুত্রাপি তদ্বত্৷৷78৷৷

মাতঙ্গব্যাঘ্রদস্যুদ্বিষদুরগকপীন্কুত্রচিত্প্রেযসীভিঃ

ক্রীডন্নাস্তে হসন্বা বিহরতি কুহচিন্মৃষ্টমশ্নাতি চান্নম্৷

ম্লেচ্ছত্বং প্রাপ্তবানস্ম্যহমিতি কুহচিচ্ছঙ্কিতঃ স্বীযলোকা-
দাস্তে ব্যাঘ্রাদিভীত্যা প্রচলতি কুহচিদ্রোদিতি গ্রস্যমানঃ৷৷80৷৷

মাযাধ্যাসাশ্রযেণ প্রবিততমখিলং যন্মযা তেন মত্স্থা-

ন্যেতান্যেতেষু নাহং যদপি হি রজতং ভাতি শুক্তৌ ন রৌপ্যে৷

শুক্ত্যংশস্তেন ভূতান্যপি মযি ন বসন্তীতি বিষ্বগ্বিনেতা
প্রাহাস্মাদ্দৃশ্যজাতং সকলমপি মৃষৈবেন্দ্রজালোপমেযম্৷৷82৷৷

বৃক্ষচ্ছেদে কুঠারঃ প্রভবতি যদপি প্রাণিনোদ্যস্তথাপি

প্রাযোন্নং তৃপ্তিহেতুস্তদপি নিগদিতং কারণং ভোক্তৃযত্নঃ৷

প্রাচীনং কর্ম তদ্বদ্বিষমসমফলপ্রাপ্তিহেতুস্তথাপি
স্বাতন্ত্র্যং নশ্বরেস্মিন্ন হি খলু ঘটতে প্রেরকোস্যান্তরাত্মা৷৷84৷৷

যঃ প্রৈত্যাত্মানভিজ্ঞঃ শ্রুতিবিদপি তথাকর্মকৃত্কর্মণোস্য

নাশঃ স্যাদল্পভোগাত্পুনরবতরণে দুঃখভোগো মহীযান্৷

আত্মাভিজ্ঞস্য লিপ্সোরপি ভবতি মহাঞ্শাশ্বতঃ সিদ্ধিভোগো
হ্যাত্মা তস্মাদুপাস্যঃ খলু তদধিগমে সর্বসৌখ্যান্যলিপ্সোঃ৷৷86৷৷

প্রাণেনাম্ভাংসি ভূযঃ পিবতি পুনরসাবন্নমশ্নাতি তত্র

তত্পাকং জাঠরোগ্নিস্তদুপহিতবলো দ্রাক্ছনৈর্বা করোতি৷

ব্যানঃ সর্বাঙ্গনাডীষ্বথ নযতি রসং প্রাণসংতর্পণার্থং
নিঃসারং পূতিগন্ধং ত্যজতি বহিরযং দেহতোপানসংজ্ঞঃ৷৷88৷৷

যং ভান্তং চিদ্ঘনৈকং ক্ষিতিজলপবনাদিত্যচন্দ্রাদযো যে

ভাসা তস্যৈব চানু প্রবিরলগতযো ভান্তি তস্মিন্বসন্তি৷

বিদ্যুত্পুঞ্জোগ্নিসংঘোপ্যুডুগণবিততির্ভাসযেত্কিং পরেশং
জ্যোতিঃ শান্তং হ্যনন্তং কবিমজমমরং শাশ্বতং জন্মশূন্যম্৷৷90৷৷

নো দেহো নেন্দ্রিযাণি ক্ষরমতিচপলং নো মনো নৈব বুদ্ধিঃ

প্রাণো নৈবাহমস্মীত্যখিলজডমিদং বস্তুজাতং কথং স্যাম্৷

নাহংকারো ন দারা গৃহসুতসুজনক্ষেত্রবিত্তাদি দূরং
সাক্ষী চিত্প্রত্যগাত্মা নিখিলজগদধিষ্ঠানভূতঃ শিবোহম্৷৷92৷৷

রজ্জ্বজ্ঞানাদ্ভুজঙ্গস্তদুপরি সহসা ভাতি মন্দান্ধকারে

স্বাত্মাজ্ঞানাত্তথাসৌ ভৃশমসুখমভূদাত্মনো জীবভাবঃ৷

আপ্তোক্ত্যাহিভ্রমান্তে স চ খলু বিদিতা রজ্জুরেকা তথাহং
কূটস্থো নৈব জীবো নিজগুরুবচসা সাক্ষিভূতঃ শিবোহম্৷৷94৷৷

কংচিত্কালং স্থিতঃ কৌ পুনরিহ ভজতে নৈব দেহাদিসংঘং

যাবত্প্রারব্ধভোগং কথমপি স সুখং চেষ্টতেসঙ্গবুদ্ধ্যা৷

নির্দ্বন্দ্বো নিত্যশুদ্ধো বিগলিতমমতাহংকৃতির্নিত্যতৃপ্তো
ব্রহ্মানন্দস্বরূপঃ স্থিরমতিরচলো নির্গতাশেষমোহঃ৷৷96৷৷

বিশ্বং নেতি প্রমাণাদ্বিগলিতজগদাকারভানস্ত্যজেদ্বৈ

পীত্বা যদ্বত্ফলাম্ভস্ত্যজতি চ সুতরাং তত্ফলং সৌরভাঢ্যম্৷

সম্যক্সচ্চিদ্ঘনৈকামৃতসুখকবলাস্বাদপূর্ণো হৃদাসৌ
জ্ঞাত্বা নিঃসারমেবং জগদখিলমিদং স্বপ্রভঃ শান্তচিত্তঃ৷৷98৷৷

আদৌ মধ্যে তথান্তে জনিমৃতিফলদং কর্মমূলং বিশালং

জ্ঞাত্বা সংসারবৃক্ষং ভ্রমমদমুদিতাশোকতানেকপত্রম্৷

কামক্রোধাদিশাখং সুতপশুবনিতাকন্যকাপক্ষিসংঘং
ছিত্বাসঙ্গাসিনৈনং পটুমতিরভিতশ্চিন্তযেদ্বাসুদেবম্৷৷100৷৷