যস্য প্রসাদাদহমেব বিষ্ণু-

র্ময্যেব সর্বং পরিকল্পিতং চ৷

ইত্থং বিজানামি সদাত্মরূপং
তস্যাঙ্ঘ্রিপদ্মং প্রণতোস্মি নিত্যম্৷৷2৷৷

অনাযাসেন যেনাস্মান্মুচ্যেয ভববন্ধনাত্৷
তন্মে সংক্ষিপ্য ভগবন্কেবলং কৃপযা বদ৷৷4৷৷

তত্ত্বমস্যাদিবাক্যোত্থং যজ্জীবপরমাত্মনোঃ৷
তাদাত্ম্যবিষযং জ্ঞানং তদিদং মুক্তিসাধনম্৷৷6৷৷

অত্র ব্রূমঃ সমাধানং কোন্যো জীবস্ত্বমেব হি৷
যস্ত্বং পৃচ্ছসি মাং কোহং ব্রহ্মৈবাসি ন সংশযঃ৷৷8৷৷

সত্যমাহ ভবানত্র বিগানং নৈব বিদ্যতে৷
হেতুঃ পদার্থবোধো হি বাক্যার্থাবগতেরিহ৷৷10৷৷

সত্যানন্দস্বরূপং ধীসাক্ষিণং জ্ঞানবিগ্রহম্৷
চিন্তযাত্মতযা নিত্যং ত্যক্ত্বা দেহাদিগাং ধিযম্৷৷12৷৷

অনাত্মা যদি পিণ্ডোযমুক্তহেতুবলান্মতঃ৷
করামলকবত্সাক্ষাদাত্মানং প্রতিপাদয৷৷14৷৷

এবমিন্দ্রিযদৃঙ্ নাহমিন্দ্রিযাণীতি নিশ্চিনু৷
মনো বুদ্ধিস্তথা প্রাণো নাহমিত্যবধারয৷৷16৷৷

দেহেন্দ্রিযাদযো ভাবা হানাদিব্যাপৃতিক্ষমাঃ৷
যস্য সংনিধিমাত্রেণ সোহমিত্যবধারয৷৷18৷৷

অজডাত্মবদাভান্তি যত্সাংনিধ্যাজ্জডা অপি৷
দেহেন্দ্রিযমনঃপ্রাণাঃ সোহমিত্যবধারয৷৷20৷৷

স্বপ্নজাগরিতে সুপ্তি ভাবাভাবৌ ধিযাং তথা৷
যো বেত্ত্যবিক্রিযঃ সাক্ষাত্সোহমিত্যবধারয৷৷22৷৷

পুত্রবিত্তাদযো ভাবা যস্য শেষতযা প্রিযাঃ৷
দ্রষ্টা সর্বপ্রিযতমঃ সোহমিত্যবধারয৷৷24৷৷

যঃ সাক্ষিলক্ষণো বোধস্ত্বংপদার্থঃ স উচ্যতে৷
সাক্ষিত্বমপি বোদ্ধৃত্বমবিকারিতযাত্মনঃ৷৷26৷৷

ত্বমর্থমেবং নিশ্চিত্য তদর্থং চিন্তযেত্পুনঃ৷
অতদ্ব্যাবৃত্তিরূপেণ সাক্ষাদ্বিধিমুখেন চ৷৷28৷৷

নিরস্তাতিশযানন্দঃ সত্যঃ প্রজ্ঞানবিগ্রহঃ৷
সত্তাস্বলক্ষণঃ পূর্ণঃ পরমাত্মেতি গীযতে৷৷30৷৷

যজ্জ্ঞানাত্সর্ববিজ্ঞানং শ্রুতিষু প্রতিপাদিতম্৷
মৃদাদ্যনেকদৃষ্টান্তৈস্তদ্ব্রহ্মেত্যবধারয৷৷32৷৷

বিজিজ্ঞাস্যতযা যচ্চ বেদান্তেষু মুমুক্ষুভিঃ৷
সমর্থ্যতেতিযত্নেন তদ্ব্রহ্মেত্যবধারয৷৷34৷৷

কর্মণাং ফলদাতৃত্বং যস্যৈব শ্রূযতে শ্রুতৌ৷
জীবানাং হেতুকর্তৃত্বং তদ্ব্রহ্মেত্যবধারয৷৷36৷৷

সংসর্গো বা বিশিষ্টো বা বাক্যার্থো নাত্র সংমতঃ৷
অখণ্ডৈকরসত্বেন বাক্যার্থো বিদুষাং মতঃ৷৷38৷৷

ইত্থমন্যোন্যতাদাত্ম্যপ্রতিপত্তির্যদা ভবেত্৷
অব্রহ্মত্বং ত্বমর্থস্য ব্যাবর্তেত তদৈব হি৷৷40৷৷

তত্ত্বমস্যাদিবাক্যং চ তাদাত্ম্যপ্রতিপাদনে৷
লক্ষ্যৌ তত্ত্বংপদার্থৌ দ্বাবুপাদায প্রবর্ততে৷৷42৷৷

আলম্বনতযা ভাতি যোস্মত্প্রত্যযশব্দযোঃ৷
অন্তঃকরণসংভিন্নবোধঃ স ত্বংপদাভিধঃ৷৷44৷৷

প্রত্যক্পরোক্ষতৈকস্য সদ্বিতীযত্বপূর্ণতা৷
বিরুধ্যতে যতস্তস্মাল্লক্ষণা সংপ্রবর্ততে৷৷46৷৷

তত্ত্বমস্যাদিবাক্যেষু লক্ষণা ভাগলক্ষণা৷
সোযমিত্যাদিবাক্যস্থপদযোরিব নাপরা৷৷48৷৷

শ্রুত্যাচার্যপ্রসাদেন দৃঢো বোধো যদা ভবেত্৷
নিরস্তাশেষসংসারনিদানঃ পুরুষস্তদা৷৷50৷৷

প্রারব্ধকর্মবেগেণ জীবন্মুক্তো যদা ভবেত্৷
কিঞ্চিত্কালমনারব্ধকর্মবন্ধস্য সংক্ষযে৷৷52৷৷