अज्ञानं कारणं साक्षी बोधस्तेषां विभासकः।
बोधाभासो बुद्धिगतः कर्ता स्यात्पुण्यपापयोः।।2।।

जागरस्वप्नयोरेव बोधाभासविडम्बना।
सुप्तौ तु तल्लये बोधः शुद्धो जाड्यं प्रकाशयेत्।।4।।

वह्नितप्तजलं तापयुक्तं देहस्य तापकम्।
चिद्भास्या धीस्तदाभासयुक्तान्यं भासयेत्तथा।।6।।

रूपाच्च गुणदोषाभ्यां विविक्ता केवला चितिः।
सैवानुवर्तते रूपरसादीनां विकल्पने।।8।।

मुक्ताभिरावृतं सूत्रं मुक्तयोर्मध्य ईक्ष्यते।
तथा वृत्तिविकल्पैश्चित्स्पष्टा मध्ये विकल्पयोः।।10।।

एकद्वित्रिक्षणेष्वेवं विकल्पस्य निरोधनम्।
क्रमेणाभ्यस्यतां यत्नाद्ब्रह्मानुभवकाङ्क्षिभिः।।12।।

सविकल्पकचिद्योऽहं ब्रह्मैकं निर्विकल्पकम्।
स्वतःसिद्धा विकल्पास्ते निरोद्धव्याः प्रयत्नतः।।14।।

श्रद्धालुर्ब्रह्मतां स्वस्य चिन्तयेद्बुद्धिवृत्तिभिः।
वाक्यवृत्त्या यथाशक्ति ज्ञात्वाद्धाभ्यस्यतां सदा।।16।।