সদাশিবোক্তানি সপাদলক্ষ-

লযাবধানানি বসন্তি লোকে৷

নাদানুসংধানসমাধিমেকং
মন্যামহে মান্যতমং লযানাম্৷৷2৷৷

নাদানুসংধান নমোস্তু তুভ্যং

ত্বাং সাধনং তত্ত্বপদস্য জানে৷

ভবত্প্রসাদাত্পবনেন সাকং
বিলীযতে বিষ্ণুপদে মনো মে৷৷4৷৷

ওড্যাণজালন্ধরমূলবন্ধৈ-

রুন্নিদ্রিতাযামুরগাঙ্গনাযাম্৷

প্রত্যঙ্মুখত্বাত্প্রবিশন্সুষুম্নাং
গমাগমৌ মুঞ্চতি গন্ধবাহঃ৷৷6৷৷

বন্ধত্রযাভ্যাসবিপাকজাতাং

বিবর্জিতাং রেচকপূরকাভ্যাম্৷

বিশোষযন্তীং বিষযপ্রবাহং
বিদ্যাং ভজে কেবলকুম্ভরূপাম্৷৷8৷৷

সহস্রশঃ সন্তু হঠেষু কুম্ভাঃ

সংভাব্যতে কেবলকুম্ভ এব৷

কুম্ভোত্তমে যত্র তু রেচপূরৌ
প্রাণস্য ন প্রাকৃতবৈকৃতাখ্যৌ৷৷10৷৷

প্রত্যাহৃতঃ কেবলকুম্ভকেন

প্রবুদ্ধকুণ্ডল্যুপভুক্তশেষঃ৷

প্রাণঃ প্রতীচীনপথেন মন্দং
বিলীযতে বিষ্ণুপদান্তরালে৷৷12৷৷

ন দৃষ্টিলক্ষ্যাণি ন চিত্তবন্ধো

ন দেশকালৌ ন চ বাযুরোধঃ৷

ন ধারণাধ্যানপরিশ্রমো বা
সমেধমানে সতি রাজযোগে৷৷14৷৷

অহংমমত্বাদ্ব্যপহায সর্ব

শ্রীরাজযোগে স্থিরমানসানাম্৷

ন দ্রষ্টৃতা নাস্তি চ দৃশ্যভাবঃ
সা জৃম্ভতে কেবলসংবিদেব৷৷16৷৷

চিত্তেন্দ্রিযাণাং চিরনিগ্রহেণ

শ্বাসপ্রচারে শমিতে যমীন্দ্রাঃ৷

নিবাতদীপা ইব নিশ্চলাঙ্গাঃ
মনোন্মনীমগ্নধিযো ভবন্তি৷৷18৷৷

প্রসহ্য সংকল্পপরংপরাণাং

সংভেদনে সংততসাবধানম্৷

আলম্বনাশাদপচীযমানং
শনৈঃ শনৈঃ শান্তিমুপৈতি চেতঃ৷৷20৷৷

অমী যমীন্দ্রাঃ সহজামনস্কা-

দহংমমত্বে শিথিলাযমানে৷

মনোতিগং মারুতবৃত্তিশূন্যং
গচ্ছন্তি ভাবং গগনাবশেষম্৷৷22৷৷

প্রত্যগ্বিমর্শাতিশযেন পুংসাং

প্রাচীনগন্ধেষু পলাযিতেষু৷

প্রাদুর্ভবেত্কাচিদজাড্যনিদ্রা
প্রপঞ্চচিন্তাং পরিবর্জযন্তী৷৷24৷৷

বিশ্রান্তিমাসাদ্য তুরীযতল্পে

বিশ্বাদ্যবস্থাত্রিতযোপরিস্থে৷

সংবিন্মযীং কামপি সর্বকালং
নিদ্রাং সখে নির্বিশ নির্বিকল্পাম্৷৷26৷৷

সিদ্ধিং তথাবিধমনোবিলযাং সমাধৌ

শ্রীশৈলশ্রৃঙ্গকুহরেষু কদোপলপ্স্যে৷

গাত্রং যদা মম লতাঃ পরিবেষ্টযন্তি
কর্ণে যদা বিরচযন্তি খগাশ্চ নীডান্৷৷28৷৷