Preliminary Texts

৷৷শ্রীঃ৷৷
৷৷মাযাপঞ্চকম্৷৷
নিরুপমনিত্যনিরংশকেপ্যখণ্ডে

মযি চিতি সর্ববিকল্পনাদিশূন্যে৷

ঘটযতি জগদীশজীবভেদং
ত্বঘটিতঘটনাপটীযসী মাযা৷৷1৷৷

শ্রুতিশতনিগমান্তশোধকান-

প্যহহ ধনাদিনিদর্শনেন সদ্যঃ৷

কলুষযতি চতুষ্পদাদ্যভিন্না-
নঘটিতঘটনাপটীযসী মাযা৷৷2৷৷

সুখচিদখণ্ডবিবোধমদ্বিতীযং

বিযদনলাদিবিনির্মিতে নিযোজ্য৷

ভ্রমযতি ভবসাগরে নিতান্তং
ত্বঘটিতঘটনাপটীযসী মাযা৷৷3৷৷

অপগতগুণবর্ণজাতিভেদে

সুখচিতি বিপ্রবিডাদ্যহংকৃতিং চ৷

স্ফুটযতি সুতদারগেহমোহং
ত্বঘটিতঘটনাপটীযসী মাযা৷৷4৷৷

বিধিহরিহরবিভেদমপ্যখণ্ডে

বত বিরচয্য বুধানপি প্রকামম্৷

ভ্রমযতি হরিহরভেদভাবা-
নঘটিতঘটনাপটীযসী মযা৷৷5৷৷


ইতি শ্রীমত্পরমহংসপরিব্রাজকাচার্যস্য

শ্রীগোবিন্দভগবত্পূজ্যপাদশিষ্যস্য

শ্রীমচ্ছংকরভগবতঃ কৃতৌ

মাযাপঞ্চকং সংপূর্ণম্৷৷