अहमेव परं ब्रह्म निश्चितं चित्त चिन्त्यताम्।
चिद्रूपत्वादसङ्गत्वादबाध्यत्वात्प्रयत्नतः।।2।।

सर्वोपाधिविनिर्मुक्तं चैतन्यं च निरन्तरम्।
तद्ब्रह्माहमिति ज्ञात्वा कथं वर्णाश्रमी भवेत्।।4।।

अन्योऽसावहमन्योऽस्मीत्युपास्ते योऽन्यदेवताम्।
न स वेद नरो ब्रह्म स देवानां यथा पशुः।।6।।

आत्मानं सततं ब्रह्म संभाव्य विहरन्ति ये।
न तेषां दुष्कृतं किंचिद्दुष्कृतोत्था न चापदः।।8।।

तन्महापातकं हन्ति तमः सूर्योदयो यथा।
अज्ञानाद्ब्रह्मणो जातमाकाशं बुद्बुदोपमम्।।10।।

पृथिव्यप्सु पयो वह्नौ वह्निर्वायौ नभस्यसौ।
नभोऽप्यव्याकृते तच्च शुद्धे शुद्धोऽस्म्यहं हरिः।।12।।

अच्युतोऽहमनन्तोऽहं गोविन्दोऽहमहं हरिः।
आनन्दोऽहमशेषोऽहमजोऽहममृतोऽस्म्यहम्।।14।।

अकर्ताहमभोक्ताहमसङ्गः परमेश्वरः।
सदा मत्संनिधानेन चेष्टते सर्वमिन्द्रियम्।।16।।

ब्रह्मैवाहं न संसारी मुक्तोऽहमिति भावयेत्।
अशक्नुवन्भावयितुं वाक्यमेतत्सदाभ्यसेत्।।18।।

ध्यानयोगेन मासैकाद्ब्रह्महत्त्यां व्यपोहति।
संवत्सरं सदाभ्यासात्सिद्ध्यष्टकमवाप्नुयात्।।20।।

न मनोऽहं न बुद्धिश्च नैव चित्तमहंकृतिः।
नाहं पृथ्वी न सलिलं न च वह्निस्तथानिलः।।22।।

सदा साक्षिस्वरूपत्वाच्छिव एवास्मि केवलः।
मय्येव सकलं जातं मयि सर्वं प्रतिष्ठितम्।।24।।

आनन्दः सत्यबोधोऽहमिति ब्रह्मानुचिन्तनम्।
अयं प्रपञ्चो मिथ्यैव सत्यं ब्रह्माहमव्ययम्।।26।।

नाहं देहो न मे देहः केवलोऽहं सनातनः।
एकमेवाद्वितीयं वै ब्रह्मणो नेह किंचन।।28।।