অহমেব পরং ব্রহ্ম নিশ্চিতং চিত্ত চিন্ত্যতাম্৷
চিদ্রূপত্বাদসঙ্গত্বাদবাধ্যত্বাত্প্রযত্নতঃ৷৷2৷৷

সর্বোপাধিবিনির্মুক্তং চৈতন্যং চ নিরন্তরম্৷
তদ্ব্রহ্মাহমিতি জ্ঞাত্বা কথং বর্ণাশ্রমী ভবেত্৷৷4৷৷

অন্যোসাবহমন্যোস্মীত্যুপাস্তে যোন্যদেবতাম্৷
ন স বেদ নরো ব্রহ্ম স দেবানাং যথা পশুঃ৷৷6৷৷

আত্মানং সততং ব্রহ্ম সংভাব্য বিহরন্তি যে৷
ন তেষাং দুষ্কৃতং কিংচিদ্দুষ্কৃতোত্থা ন চাপদঃ৷৷8৷৷

তন্মহাপাতকং হন্তি তমঃ সূর্যোদযো যথা৷
অজ্ঞানাদ্ব্রহ্মণো জাতমাকাশং বুদ্বুদোপমম্৷৷10৷৷

পৃথিব্যপ্সু পযো বহ্নৌ বহ্নির্বাযৌ নভস্যসৌ৷
নভোপ্যব্যাকৃতে তচ্চ শুদ্ধে শুদ্ধোস্ম্যহং হরিঃ৷৷12৷৷

অচ্যুতোহমনন্তোহং গোবিন্দোহমহং হরিঃ৷
আনন্দোহমশেষোহমজোহমমৃতোস্ম্যহম্৷৷14৷৷

অকর্তাহমভোক্তাহমসঙ্গঃ পরমেশ্বরঃ৷
সদা মত্সংনিধানেন চেষ্টতে সর্বমিন্দ্রিযম্৷৷16৷৷

ব্রহ্মৈবাহং ন সংসারী মুক্তোহমিতি ভাবযেত্৷
অশক্নুবন্ভাবযিতুং বাক্যমেতত্সদাভ্যসেত্৷৷18৷৷

ধ্যানযোগেন মাসৈকাদ্ব্রহ্মহত্ত্যাং ব্যপোহতি৷
সংবত্সরং সদাভ্যাসাত্সিদ্ধ্যষ্টকমবাপ্নুযাত্৷৷20৷৷

ন মনোহং ন বুদ্ধিশ্চ নৈব চিত্তমহংকৃতিঃ৷
নাহং পৃথ্বী ন সলিলং ন চ বহ্নিস্তথানিলঃ৷৷22৷৷

সদা সাক্ষিস্বরূপত্বাচ্ছিব এবাস্মি কেবলঃ৷
ময্যেব সকলং জাতং মযি সর্বং প্রতিষ্ঠিতম্৷৷24৷৷

আনন্দঃ সত্যবোধোহমিতি ব্রহ্মানুচিন্তনম্৷
অযং প্রপঞ্চো মিথ্যৈব সত্যং ব্রহ্মাহমব্যযম্৷৷26৷৷

নাহং দেহো ন মে দেহঃ কেবলোহং সনাতনঃ৷
একমেবাদ্বিতীযং বৈ ব্রহ্মণো নেহ কিংচন৷৷28৷৷