দ্বৈতং ময্যখিলং সমুত্থিতমিদং মিথ্যা মনঃকল্পিতং

তোযং তোযবিবর্জিতে মরুতলে ভ্রান্ত্যৈব সিদ্ধং ন হি৷

যদ্যেবং খলু দৃশ্যমেতদখিলং নাহং ন বা তন্মম
প্রৌঢানন্দচিদেকসন্মযবপুঃ শুদ্ধোস্ম্যখণ্ডোস্ম্যহম্৷৷2৷৷

নাহং খাদিরপি স্ফুটং মরুতলভ্রাজত্পযঃসাম্যত-

স্তেভ্যো নিত্যবিলক্ষণোখিলদৃশিঃ সৌরপ্রকাশো যথা৷

দৃশ্যৈঃ সঙ্গবিবর্জিতো গগনবত্সংপূর্ণরূপোস্ম্যহং
বস্তুস্থিত্যনুরোধতস্ত্বহমিদং বীচ্যাদি সিন্ধুর্যথা৷৷4৷৷

মত্তোন্যন্ন হি কিংচিদস্তি যদি চিদ্ভাস্যং ততস্তন্মৃষা

গুঞ্জাবহ্নিবদেব সর্বকলনাধিষ্ঠানভূতোস্ম্যহম্৷

সর্বস্যাপি দৃগস্ম্যহং সমরসঃ শান্তোস্ম্যপাপোস্ম্যহং
পূর্ণোস্মি দ্বযবর্জিতোস্মি বিপুলাকাশোস্মি নিত্যোস্ম্যহম্৷৷6৷৷

নিত্যস্ফূর্তিমযোস্মি নির্মলসদাকাশোস্মি শান্তোস্ম্যহং

নিত্যানন্দমযোস্মি নির্গতমহামোহান্ধকারোস্ম্যহম্৷

বিজ্ঞাতং পরমার্থতত্ত্বমখিলং নৈজং নিরস্তাশুভং
মুক্তপ্রাপ্যমপাস্তভেদকলনাকৈবল্যসংজ্ঞোস্ম্যহম্৷৷8৷৷

গংতব্যং কিমিহাস্তি সর্বপরিপূর্ণস্যাপ্যখণ্ডাকৃতেঃ

কর্তব্যং কিমিহাস্তি নিষ্ক্রিযতনোর্মোক্ষৈকরূপস্য মে৷

নির্দ্বৈতস্য ন হেযমন্যদপি বা নো বাপ্যুপেযান্তরং
শান্তোদ্যাস্মি বিমুক্ততোযবিমলো মেঘো যথা নির্মলঃ৷৷10৷৷

শ্রোতব্যং চ কিমস্তি পূর্ণসুদৃশো মিথ্যাপরোক্ষস্য মে

মন্তব্যং চ ন মেস্তি কিঞ্চিদপি বা নিঃসংশযজ্যোতিষঃ৷

ধ্যাতৃধ্যেযবিভেদহানিবপুষো ন ধ্যেযমস্ত্যেব মে
সর্বাত্মৈকমহারসস্য সততং নো বা সমাধির্মম৷৷12৷৷

বস্তুস্থিত্যনুরোধতস্ত্বহমহো কশ্চিত্পদার্থো ন চা-

প্যেবং কোপি বিভামি সংততদৃশী বাঙ্মানসাগোচরঃ৷

নিষ্পাপোস্ম্যভযোস্ম্যহং বিগতদুঃশঙ্কাকলঙ্কোস্ম্যহং
সংশান্তানুপমানশীতলমহঃপ্রৌঢপ্রকাশোস্ম্যহম্৷৷14৷৷

সত্তাচিত্সুখরূপমস্তি সততং নাহং চ ন ত্বং মৃষা

নেদং বাপি জগত্প্রদৃষ্টমখিলং নাস্তীতি জানীহি ভো৷

যত্প্রোক্তং করুণাবশাত্ত্বযি মযা তত্সত্যমেতত্স্ফুটং
শ্রদ্ধত্স্বানঘ শুদ্ধবুদ্ধিরসি চেন্মাত্রাস্তু তে সংশযঃ৷৷16৷৷