যং বর্ণযিতুং সাক্ষাচ্ছ্রুতিরপি মূকেব মৌনমাচরতি৷
সোস্মাকং মনুজানাং কিং বাচাং গোচরো ভবতি৷৷2৷৷

ক্লৃপ্তৈর্বহুভিরুপাযৈরভ্যাসজ্ঞানভক্ত্যাদ্যৈঃ৷
পুংসো বিনা বিরাগং মুক্তেরধিকারিতা ন স্যাত্৷৷4৷৷

সা চাহংমমতাভ্যাং প্রচ্ছন্না সর্বদেহেষু৷
তত্রাহংতা দেহে মমতা ভার্যাদিবিষযেষু৷৷6৷৷

স্ত্রীপুংসোঃ সংযোগাত্সংপাতে শুক্রশোণিতযোঃ৷
প্রবিশঞ্জীবঃ শনকৈঃ স্বকর্মণা দেহমাধত্তে৷৷8৷৷

দৈবাত্প্রসূতিসমযে শিশুস্তিরশ্চীনতাং যদা যাতি৷
শস্ত্রৈর্বিখংড্য স তদা বহিরিহ নিষ্কাস্যতেতিবলাত্৷৷10৷৷

আধিব্যাধিবিযোগাত্মীযবিপত্কলহদীর্ঘদারিদ্র্যৈঃ৷
জন্মানংতরমপি যঃ ক্লেশঃ কিং শক্যতে বক্তুম্৷৷12৷৷

চরমস্তত্র নৃদেহস্তত্রোজ্জন্মান্বযোত্পত্তিঃ৷
স্বকুলাচারবিচারঃ শ্রুতিপ্রচারশ্চ তত্রাপি৷৷14৷৷

আযুঃক্ষণলবমাত্রং ন লভ্যতে হেমকোটিভিঃ ক্বাপি৷
তচ্চেদ্গচ্ছতি সর্বং মৃষা ততঃ কাধিকা হানিঃ৷৷16৷৷

সততং প্রবাহ্যমানৈর্বৃষভরৈশ্বৈঃ খরৈর্গজৈর্মহিষৈঃ৷
হা কষ্টং ক্ষুত্ক্ষামৈঃ শ্রাংতৈর্নো শক্যতে বক্তুম্৷৷18৷৷

নাসাগ্রাদ্বদনাদ্বা কফং মলং পাযুতো বিসৃজন্৷
স্বযমেবৈতি জুগুপ্সামংতঃ প্রসৃতং চ নো বেত্তি৷৷20৷৷

কেশাবধিনখরাগ্রাদিদমংতঃ পূতিগংধসংপূর্ণম্৷
বহিরপি চাগরুচংদনকর্পূরাদ্যৈর্বিলেপযতি৷৷22৷৷

ক্ষতমুত্পন্নং দেহে যদি ন প্রক্ষাল্যতে ত্রিদিনম্৷
তত্রোত্পতন্তি বহবঃ কৃমযো দুর্গংধসংকীর্ণাঃ৷৷24৷৷

সিংহাসনোপবিষ্টং দৃষ্ট্বা যং মুদমবাপ লোকোযম্৷
তং কালাকৃষ্টতনুং বিলোক্য নেত্রে নিমীলযতি৷৷26৷৷

ক্বাত্মা সচ্চিদ্রূপঃ ক্ব মাংসরুধিরাস্থিনির্মিতো দেহঃ৷
ইতি যো লজ্জতি ধীমানিতরশরীরং স কিং মনুতে৷৷28৷৷

ভার্যা রূপবিহীনা মনসঃ ক্ষোভায জাযতে পুংসাম্৷
অত্যংতং রূপাঢ্যা সা পরপুরুষৈর্বশীক্রিযতে৷৷30৷৷

যং কংচিত্পুরুষবরং স্বভর্তুরতিসুংদরং দৃষ্ট্বা৷
মৃগযতি কিং ন মৃগাক্ষী মনসেব পরস্ত্রিযং পুরুষঃ৷৷32৷৷

বনিতা নিতাংতমজ্ঞা স্বাজ্ঞামুল্লংঘ্য বর্ততে যদি সা৷
শত্রোরপ্যধিকতরা পরাভিলাষিণ্যসৌ কিমুত৷৷34৷৷

সর্বেপি পুত্রভাজস্তন্মুক্তৌ সংসৃতির্ভবতি৷
শ্রবণাদযোপ্যুপাযা মৃষা ভবেযুস্তৃতীযেপি৷৷36৷৷

নানাশরীরকষ্টৈর্ধনব্যযৈঃ সাধ্যতে পুত্রঃ৷
উত্পন্নমাত্রপুত্রে জীবিতচিংতা গরীযসী তস্য৷৷38৷৷

পিতৃমাতৃবংধুঘাতী মনসঃ খেদায জাযতে পুত্রঃ৷
চিংতযতি তাতনিধনং পুত্রো দ্রব্যাদ্যধীশতাহেতোঃ৷৷40৷৷

পুত্রাত্সদ্গতিরিতি চেত্তদপি প্রাযোস্তি যুক্ত্যসহম্৷
ইত্থং শরীরকষ্টৈর্দুঃখং সংপ্রার্থ্যতে মূঢৈঃ৷৷42৷৷

দৈবং যাবদ্বিপুলং যাবত্প্রচুরঃ পরোপকারশ্চ৷
তাবত্সর্বে সুহৃদো ব্যত্যযতঃ শত্রবঃ সর্বে৷৷44৷৷

দুর্ভরজঠরনিমিত্তং সমুপার্জযিতুং প্রবর্ততে চিত্তম্৷
লক্ষাবধি বহুবিত্তং তথাপ্যলভ্যং কপর্দিকামাত্রম্৷৷46৷৷

অন্যাযমর্থভাজং পশ্যতি ভূতোধ্বগামিনং চৌরঃ৷
পিশুনো ব্যসনপ্রাপ্তিং দাযাদানাং গণঃ কলহম্৷৷48৷৷

রাজ্যাংতরাভিগমনাদ্রণভংগান্মংত্রিভৃত্যদোষাদ্বা৷
বিষশস্ত্রগুপ্তঘাতান্মগ্নাশ্চিংতার্ণবে ভূপাঃ৷৷50৷৷

কিমপি দ্বষ্টি সরোষং হ্যাত্মানং শ্লাঘতে কদাচিদপি৷
চিত্তং পিশাচমভবদ্রাক্ষস্যা তৃষ্ণযা ব্যাপ্তম্৷৷52৷৷

তস্মাচ্ছুদ্ধবিরাগো মনোভিলষিতং ত্যজেদর্থম্৷
তদনভিলষিতং কুর্যান্নির্ব্যাপারং ততো ভবতি৷৷54৷৷

ছিদ্রৈর্নবভিরুপেতং জীবো নৌকাপতির্মহানলসঃ৷
ছিদ্রাণামনিরোধাজ্জলপরিপূর্ণং পতত্যধঃ সততম্৷৷56৷৷

পশ্যতি পরস্য যুবতিং সকামমপি তন্মনোরথং কুরুতে৷
জ্ঞাত্বৈব তদপ্রাপ্তিং ব্যর্থং মনুজোতিপাপভাগ্ভবতি৷৷58৷৷

অনৃতং পরাপবাদং রসনা বদতি প্রতিক্ষণং তেন৷
পরহানির্লব্ধিঃ কা ব্যর্থং মনুজোতিপাপভাগ্ভবতি৷৷60৷৷

হেযমুপাদেযং বা প্রবিচার্য সুনিশ্চিতং তস্মাত্৷
অল্পসুখস্য ত্যাগাদনল্পদুঃখং জহাতি সুধীঃ৷৷62৷৷

উরগগ্রস্তার্ধতনুর্ভেকোশ্নাতীহ মক্ষিকাঃ শতশঃ৷
এবং গতাযুরপি সন্বিষযান্সমুপার্জযত্যংধঃ৷৷64৷৷

এবং মনঃ স্বহেতুং বিচারযত্সুস্থিরং ভবেদংতঃ৷
ন বহির্বোদেতি তদা কিং নাত্মত্বং স্বযং যাতি৷৷66৷৷

তদ্বদ্বিষযোদ্রিক্তং তমঃপ্রধানং মনঃ কলুষম্৷
তস্মিন্বিরাগশুষ্কে শনকৈরাবির্ভবেত্সত্ত্বম্৷৷68৷৷

নগনগরদুর্গদুর্গমসরিতঃ পরিতঃ পরিভ্রমচ্চেতঃ৷
যদি নো লভতে বিষযং বিষযংত্রিতমিব খিন্নমাযাতি৷৷70৷৷

ইহ বা পূর্বভবে বা স্বকর্মণৈবার্জিতং ফলং যদ্যত্৷
শুভমশুভং বা তত্তদ্ভোগোপ্যপ্রার্থিতো ভবতি৷৷72৷৷

নিদ্রাবসরে যত্সুখমেতত্কিং বিষযজং যস্মাত্৷
ন হি চেংদ্রিযপ্রদেশাবস্থানং চেতসো নিদ্রা৷৷74৷৷

সর্বেংদ্রিযাবরোধাদুদ্যোগশতৈরনির্গমং বীক্ষ্য৷
শাংতং তিষ্ঠতি চেতো নিরুদ্যমত্বং তদা যাতি৷৷76৷৷

বৈরাগ্যপ্রকরণং৷
পরগৃহগৃহিণীপুত্রদ্রবিণানামাগমে বিনাশে বা৷
কথিতৌ হর্ষবিষাদৌ কিংবা স্যাতাং ক্ষণং স্থাতুঃ৷৷78৷৷

মমতাভিমানশূন্যো বিষযেষু পরাঙ্মুখঃ পুরুষঃ৷
তিষ্ঠন্নপি নিজসদনে ন বাধ্যতে কর্মভিঃ ক্বাপি৷৷80৷৷

তরবঃ পত্রফলাঢ্যাঃ সুগংধশীতানিলাঃ পরিতঃ৷
কলকূজিতবরবিহগাঃ সরিতো মিত্রাণি কিং ন স্যুঃ৷৷82৷৷

দ্রব্যং পল্লবতশ্চ্যুতং যদি ভবেত্ক্বাপি প্রমাদাত্তদা

শোকাযাথ তদর্পিতং শ্রুতবতে তোষায চ শ্রেযসে৷

স্বাতংত্র্যাদ্বিষযাঃ প্রযান্তি যদমী শোকায তে স্যুশ্চিরং
সংত্যক্তাঃ স্বযমেব চেত্সুখমযং নিঃশ্রেযসং তন্বতে৷৷84৷৷

আত্মসিদ্ধিপ্রকরণম্৷
উত্পন্নেপি বিরাগে বিনা প্রবোধং সুখং ন স্যাত্৷
স ভবেদ্গুরূপদেশাত্তস্মাদ্গুরুমাশ্রযেত্প্রথমম্৷৷86৷৷

ত্রেধা প্রতীতিরুক্তা শাস্ত্রাদ্গুরুতস্তথাত্মনস্তত্র৷
শাস্ত্রপ্রতীতিরাদৌ যদ্বন্মধুরো গুডোস্তীতি৷৷88৷৷

রসগংধরূপশব্দস্পর্শো অন্যে পদার্থাশ্চ৷
কস্মাদনুভূযন্তে নো দেহান্নেংদ্রিযগ্রামাত্৷৷90৷৷

মনসো যদি বা বিষযস্তদ্যুগপত্কিং ন জানাতি৷
তস্য পরাধীনত্বাদ্যতঃ প্রমাদস্য কস্ত্রাতা৷৷92৷৷

তেজোংশেন পৃথক্পদার্থনিবহজ্ঞানং হি যজ্জাযতে

তদ্রংধ্রৈঃ কলশেন বা কিমু মৃদো ভাংডেন তৈলেন বা৷

কিং সূত্রেণ ন চৈতদস্তি রুচিরং প্রত্যক্ষবাধাদতো
দীপজ্যোতিরিহৈকমেব শরণং দেহে তথাত্মা স্থিতঃ৷৷94৷৷

দ্বেধৈব ভাতি তস্মাত্পতিশ্চ পত্নী চ তৌ ভবেতাং বৈ৷
তস্মাদযমাকাশস্ত্রিধৈব পরিপূর্যতে সততম্৷৷96৷৷

চিরমানংদানুভবাত্সুষুপ্তিরিব কাপ্যবস্থাভূত্৷
পরমাত্মনস্তু তস্মাত্স্বপ্নবদেবোত্থিতা মাযা৷৷98৷৷

মাযা তাবদদৃশ্যা দৃশ্যং কার্যং কথং জনযেত্৷
তংতুভিরদৃশ্যরূপৈঃ পরোত্র দৃশ্যঃ কথং ভবতি৷৷100৷৷

স্বপ্নে পুরুষঃ সত্যো যোষিদসত্যা তযোর্যুতিশ্চ মৃষা৷
শুক্রদ্রাবঃ সত্যস্তদ্বত্প্রকৃতেপি সংভবতি৷৷102৷৷

রজনীবাতিদুরংতা ন লক্ষ্যতেত্র স্বভাবোস্যাঃ৷
সৌদামিনীব নশ্যতি মুনিভিঃ সংপ্রেক্ষ্যমাণৈব৷৷104৷৷

ঘটমঠকুড্যৈরাবৃতমাকাশং তত্তদাহ্বযং ভবতি৷
তদ্বদবিদ্যাবৃতমিহ চৈতন্যং জীব ইত্যুক্তঃ৷৷106৷৷

দিনকরকিরণোত্পন্নৈর্মেঘৈরাচ্ছাদ্যতে যথা সূর্যঃ৷
ন খলু দীনস্য দিনত্বং তৈর্বিকৃতৈঃ সাংদ্রসংঘাতৈঃ৷৷108৷৷

লিংগদেহাদিনিরূপণপ্রকরণম্৷
স্থূলশরীরস্যাংতর্লিংগশরীরং চ তস্যাংতঃ৷
কারণমস্যাপ্যংতস্ততো মহাকারণং তুর্যম্৷৷110৷৷

সূক্ষ্মাণি মহাভূতান্যসবঃ পংচেংদ্রিযাণি পংচৈব৷
ষোডশমংতঃকরণং তত্সংঘাতো হি লিংগতনুঃ৷৷112৷৷

তত্সারভূতবুদ্ধৌ যত্প্রতিফলিতং তু শুদ্ধচৈতন্যম্৷
জীবঃ স উক্ত আদ্যৈর্যোহমিতি স্ফূর্তিকৃদ্বপুষি৷৷114৷৷

নন্বর্কপ্রতিবিংবঃ সলিলাদিষু যঃ স চাবভাসযতি৷
কিমিতরপদার্থনিবহং প্রতিবিংবোপ্যাত্মনস্তদ্বত্৷৷116৷৷

চিত্প্রতিবিংবস্তদ্বদ্বুদ্ধিষু যো জীবতাং প্রাপ্তঃ৷
নেত্রাদীংদ্রিযমার্গৈর্বহিরর্থান্সোবভাসযতি৷৷118৷৷

যেষাং স ভবত্যাত্মা যোন্যামথ দেবতামুপাস্তে যঃ৷
অহমন্যোসাবন্যশ্চেত্থং যো বেদ পশুবত্সঃ৷৷120৷৷

ঋজু বক্রং বা কাষ্ঠং হুতাশদগ্ধং সদগ্নিতাং যাতি৷
তত্কিং হস্তগ্রাহ্যং ঋজুবক্রাকারসত্ত্বেপি৷৷122৷৷

প্রতিফলতি ভানুরেকোনেকশরাবোদকেষু যথা৷
তদ্বদসৌ পরমাত্মা হ্যেকোনেকেষু দেহেষু৷৷124৷৷

স্বব্যাপারং কুরুতে যথৈকসবিতুঃ প্রকাশেন৷
তদ্বচ্চরাচরমিদং হ্যেকাত্মসত্তযা চলতি৷৷126৷৷

একো হি সূত্রধারঃ কাষ্ঠপ্রকৃতীরনেকশো যুগপত্৷
স্তংমাগ্রপট্টিকাযাং নর্তযতীহ প্রগূঢতযা৷৷128৷৷

এবং পৃথক্স্বভাবং পৃথগাকারং পৃথগ্বত্তি৷
জগদুচ্চাবচমুচ্চৈরেকৈনৈবাত্মনা চলতি৷৷130৷৷

মানুষমতংগমহিষশ্বসূকরাদিষ্বনুস্যূতম্৷
যঃ পশ্যতি জগদীশং স এব ভুংক্তেদ্বযানংদম্৷৷132৷৷

লোহে হুতভুগ্ব্যাপ্তে লোহাংতরতাড্যমানেপি৷
তস্যাংতর্গতবহ্নেঃ কিং স্যান্নির্ঘাতজং দুঃখম্৷৷134৷৷

তনুসংবংধাজ্জাতৈঃ সুখদুঃখৈর্লিপ্যতে নাত্মা৷
ব্রূতে শ্রুতিরপি ভূযোনশ্নন্নন্যোভিচাকশীত্যাদি৷৷136৷৷

গেহাংতে দৈববশাত্কস্মিংশ্চিত্সমুদিতে বিপন্নে বা৷
দীপস্তুষ্যত্যথবা খিদ্যতি কিং তদ্বদাত্মাপি৷৷138৷৷

চক্ষুদ্বারৈব স্যাত্পরাত্মনা ভানমেতেষাম্৷
যদ্বা তেপি পদার্থা ন জ্ঞাযন্তেথ কেবলালোকাত্৷৷140৷৷

সত্যাত্মন্যপি কিং নো জ্ঞানং তচ্চেংদ্রিযাংতরেণ স্যাত্৷
অংধে দৃক্প্রতিবংধে করসংবংধে পদার্থভানং হি৷৷142৷৷

নাদানুসংধানম্৷
যাবত্ক্ষণং ক্ষণার্ধং স্বরূপপরিচিংতনং ক্রিযতে৷
তাবদ্দক্ষিণকর্ণে ত্বনাহতঃ শ্রূযতে শব্দঃ৷৷144৷৷

ভেরীমৃদংগশংখাদ্যাহতনাদে মনঃ ক্ষণং রমতে৷
কিং পুনরনাহতেস্মিন্মধুমধুরেখংডিতে স্বচ্ছে৷৷146৷৷

নাদাভ্যংতর্বর্তি জ্যোতির্যদ্বর্ততে হি চিরম্৷
তত্র মনো লীনং চেন্ন পুনঃ সংসারবংধায৷৷148৷৷

মনোলযঃ৷
সংসারতাপতপ্তং নানাযোনিভ্রমাত্পরিশ্রাংতম্৷
লব্ধ্বা পরমানংদং ন চলতি চেতঃ কদা ক্বাপি৷৷150৷৷

চিরতরমাত্মানুভবাদাত্মাকারং প্রজাযতে চেতঃ৷
সরিদিব সাগরযাতা সমুদ্রাভাবং প্রযাত্যুচ্চৈঃ৷৷152৷৷

দৃষ্টৌ দ্রষ্টরি দৃশ্যে যদনুস্যূতং চ ভানমাত্রং স্যাত্৷
তত্রোপক্ষীণং চেচ্চিত্তং তন্মূর্ছিতং ভবতি৷৷154৷৷

একস্মিন্দৃঙমাত্রে ত্রেধা দ্রষ্টাদিকং হি সমুদেতি৷
ত্রিবিধে তস্মিংল্লীনে দৃঙ্মাত্রং শিষ্যতে পশ্চাত্৷৷156৷৷

প্রবোধঃ৷
মাধুর্যং গুডপিংডে যত্তত্তস্যাংশকেণুমাত্রেপি৷
এবং ন পৃথগ্ভাবো গুডত্বমধুরত্বযোরস্তি৷৷158৷৷

যদ্ভাবানুভবঃ স্যান্নিদ্রাদৌ জাগরস্যাংতে৷
অংতঃ স চেত্স্থিরঃ স্যাল্লভতে হি তদাদ্বযানংদম্৷৷160৷৷

খরতরকরৈঃ প্রদীপ্তেভ্যুদিতে চৈতন্যতিগ্মাংশৌ৷
স্ফুরতি মৃষৈব সমংতাদনেকবিধজীবমৃগতৃষ্ণা৷৷162৷৷

বাহ্যাভ্যংতরপূর্ণঃ পরমানংদার্ণবে নিমগ্নো যঃ৷
চিরমাপ্লুত ইব কলশো মহাহ্রদে জহ্নুতনযাযাঃ৷৷164৷৷

দ্বিধাভক্তিঃ৷
চিত্তে সত্ত্বোত্পত্তৌ তডিদিব বোধোদযো ভবতি৷
তর্হ্যেব স স্থিরঃ স্যাদ্যদি চিত্তং শুদ্ধিমুপযাতি৷৷166৷৷

যদ্বত্সমলাদর্শে সুচিরং ভস্মাদিনা শুদ্ধে৷
প্রতিফলতি বক্ত্রমুচ্চৈঃ শুদ্ধে চিত্তে ততা জ্ঞানম্৷৷168৷৷

ইত্যুপনিষত্তযোর্বা দ্বৌ ভক্তৌ ভগবদুপদিষ্টৌ৷
ক্লেশাদক্লেশাদ্বা মুক্তিঃ স্যাদেতযোর্মধ্যে৷৷170৷৷

স্বাশ্রমধর্মাচরণং কৃষ্ণপ্রতিমার্চনোত্সবো নিত্যম্৷
বিবিধোপচারকরণৈর্হরিদাসৈঃ সংগমঃ শশ্বত্৷৷172৷৷

গ্রাম্যকথাসূদ্বেগঃ সুতীর্থগমনেষু তাত্পর্যম্৷
যদুপতিকথাবিযোগে ব্যর্থং গতমাযুরিতি চিংতা৷৷174৷৷

স্মৃতিসত্পুরাণবাক্যৈর্যথাশ্রুতাযাং হরের্মূর্তৌ৷
মানসপূজাভ্যাসো বিজননিবাসেপি তাত্পর্যম্৷৷176৷৷

প্রমিতযদৃচ্ছালাভে সংতুষ্টির্দারপুত্রাদৌ৷
মমতাশূন্যত্বমতো নিরহংকারত্বমক্রোধঃ৷৷178৷৷

নিদ্রাহারবিহারেষ্বনাদরঃ সংগরাহিত্যম্৷
বচনে চানবকাশঃ কৃষ্ণস্মরণেন শাশ্বতী শাংতিঃ৷৷180৷৷

তস্মিন্ননুভবতি মনঃ প্রগৃহ্যমাণং পরাত্মসুখম্৷
স্থিরতাং যাতে তস্মিন্যাতি মদোন্মত্তদংতিদশাম্৷৷182৷৷

ধ্যানবিধিঃ৷
যমুনাতটনিকটস্থিতবৃংদাবনকাননে মহারম্যে৷
কল্পদ্রুমতলভূমৌ চরণং চরণোপরি স্থাপ্য৷৷184৷৷

আকর্ণপূর্ণনেত্রং কুংডলযুগমংডিতশ্রবণম্৷
মংদস্মিতমুখকমলং সুকৌস্তুভোদারমণিহারম্৷৷186৷৷

গুংজারবালিকলিতং গুংজাপুংজান্বিতে শিরসি৷
ভুংজানং সহ গোপৈঃ কুংজাংতরবর্তিনং হরিং স্মরত৷৷188৷৷

সুরভীকৃতদিগ্বলযং সুরভিশতৈরাবৃতং সদা পরিতঃ৷
সুরভীতিক্ষপণমহাসুরভীমং যাদবং নমত৷৷190৷৷

পুণ্যতমামতিসুরসাং মনোভিরামাং হরেঃ কথাং ত্যক্ত্বা৷
শ্রোতুং শ্রবণদ্বংদ্বং গ্রাম্যং কথমাদরং ভবতি৷৷192৷৷

সগুণনির্গুণযোরৈক্যম্৷
শ্রুতিভির্মহাপুরাণৈঃ সগুণগুণাতীতযোরৈক্যম্৷
যত্প্রোক্তং গূঢতযা তদহং বক্ষ্যেতিবিশদার্থম্৷৷194৷৷

ননু সগুণো দৃশ্যতনুস্তথৈকদেশাধিবাসশ্চ৷
স কথং ভবেত্পরাত্মা প্রাকৃতবদ্রাগরোষযুতঃ৷৷196৷৷

যদ্বিশ্বরূপদর্শনসমযে পার্থায দত্তবান্ভগবান্৷
দিব্যং চক্ষুস্তস্মাদদৃশ্যতা যুজ্যতে নৃহরৌ৷৷198৷৷

যদ্যপি সাকারোযং তথৈকদেশী বিভাতি যদুনাথঃ৷
সর্বগতঃ সর্বাত্মা তথাপ্যযং সচ্চিদানংদঃ৷৷200৷৷

অথবা কৃষ্ণাকারাং স্বচমূং দুর্যোধনোপশ্যত্৷
তস্মাদ্ব্যাপক আত্মা ভগবান্হরিরীশ্বরঃ কৃষ্ণঃ৷৷202৷৷

তস্মান্ন কোপি শত্রুর্নো মিত্রং নাপ্যুদাসীনঃ৷
নৃহরিঃ সন্মার্গস্থঃ সফলঃ শাখীয যদুনাথঃ৷৷204৷৷

নন্বাত্মনঃ সকাশাদুত্পন্না জীবসংততিশ্চেযম্৷
জগতঃ প্রিযতর আত্মা তত্প্রকৃতে নৈব সংভবতি৷৷206৷৷

অগ্নের্যথা স্ফুলিংগাঃ ক্ষুদ্রাস্তু ব্যুচ্চরন্তীতি৷
শ্রুত্যর্থং দর্শযিতুং স্বতনোরতনোত্স জীবসংদোহম্৷৷208৷৷

বত্সং নিরীক্ষ্য দূরাদ্গাবঃ স্নেহেন সংভ্রাংতাঃ৷
তদভিমুখং ধাবন্ত্যঃ প্রযযুর্গোপৈশ্চ দুর্বারাঃ৷৷210৷৷

গোপা অপি নিজবালাঞ্জগৃহুর্মূর্ধানমাঘ্রায৷
ইত্থমলৌকিকলাভস্তেষাং তত্র ক্ষণং ববৃধে৷৷212৷৷

প্রেযঃ পুত্রাদ্বিত্তাত্প্রেযোন্যস্মাচ্চ সর্বস্মাত্৷
অংতরতরং যদাত্মেত্যুপনিষদঃ সত্যতাভিহিতা৷৷214৷৷

বধিরাংধপংগুমূকা দীর্ঘাঃ খর্বাঃ সরূপাশ্চ৷
সর্বে বিধিনা দৃষ্টাঃ সবত্সগোপাশ্চতুর্ভুজাস্তেন৷৷216৷৷

আত্মা তাবদভোক্তা তথৈব ননু বাসুদেবশ্চেত্৷
নানাকৈতবযত্নৈঃ পররমণীভিঃ কথং রমতে৷৷218৷৷

গচ্ছন্ত্যস্তিষ্ঠন্ত্যো গৃহকৃত্যপরাশ্চ ভুংজানাঃ৷
কৃষ্ণং বিনান্যবিষযং সমক্ষমপি জাতু নাবিংদন্৷৷220৷৷

কাপি চ কৃষ্ণাযন্তী কস্যাশ্চিত্পূতনাযন্ত্যাঃ৷
অপিবত্স্তনমিতি সাক্ষাদ্ব্যাসো নারাযণঃ প্রাহ৷৷222৷৷

পরমার্থতো বিচারে গুডতন্মধুরত্বদৃষ্টাংতাত্৷
নশ্বরমপি নরদেহং পরমাত্মাকারতাং যাতি৷৷224৷৷

মৃদ্ভক্ষণেন কুপিতাং বিকসিতবদনাং স্বমাতরং বক্ত্রে৷
বিশ্বমদর্শযদখিলং কিং পুনরথ বিশ্বরূপোসৌ৷৷226৷৷

অনযত্পৃথুতরশকটং নিজনিকটং বা কৃতাপরাধমপি৷
কংঠাশ্লেষবিশেষাদবধীদ্বাল্যেসুরং কৃষ্ণঃ৷৷228৷৷

নিত্যং ত্রিদশদ্বেষী যেন চ মৃত্যোর্বশীকৃতঃ কেশী৷
কাকঃ কোপি বরাকো বকোপ্যশোকং গতো লোকম্৷৷230৷৷

পীত্বারণ্যহুতাশনমসহ্যতত্তেজসো হেতোঃ৷
দগ্ধান্মুগ্ধানখিলাঞ্জুগোপ গোপান্কৃপাসিংধুঃ৷৷232৷৷

বাসোলোভাকলিতং ধাবদ্রচকং শিলাতলৈর্হত্বা৷
বিস্মৃত্য তদপরাধং বিকুংঠবাসোর্পিতস্তস্মৈ৷৷234৷৷

নিহতঃ পপাত হরিণা হরিচরণাগ্রেণ কুবলযাপীডঃ৷
তুংগোন্মত্তমতংগঃ পতগংবদ্দীপকস্যাগ্রে৷৷236৷৷

দেহকৃতাদপরাধাদ্বৈকুংঠোত্কংঠিতাংতরাত্মানম্৷
যদুবরকুলাবতংসঃ কংসং বিধ্বংসযামাস৷৷238৷৷

মীনাদিভিরবতারৈর্নিহতাঃ সুরবিদ্বিষো বহবঃ৷
নীতাস্তে নিজরূপং তত্র চ মোক্ষস্য কা বার্তা৷৷240৷৷

ব্রহ্মাংডানি বহূনি পংকজভবান্প্রত্যংডমত্যদ্ভুতা-

ন্গোপান্বত্সযুতানদর্শযদজং বিষ্ণূনশেষাংশ্চ যঃ৷

শংভুর্যচ্চরণোদকং স্বশিরসা ধত্তে চ মূর্তিত্রযা-
ত্কৃষ্ণো বৈ পৃথগস্তি কোপ্যবিকৃতঃ সচ্চিন্মযো নীলিমা৷৷242৷৷

মাযাহস্তের্পযিত্বা ভরণকৃতিকৃতে মোহমূলোদ্ভবং মাং

মাতঃ কৃষ্ণাভিধানে চিরসমযমুদাসীনভাবং গতাসি৷

কারুণ্যৈকাধিবাসে সকৃদপি বদনং নেক্ষসে ত্বং মদীযং
তত্সর্বজ্ঞে ন কর্তুং প্রভবসি ভবতী কিং নু মূলস্য শাংতিম৷৷244৷৷

লোকাধীশে ত্বযীশে কিমিতি ভবভবা বেদনা স্বাশ্রিতানাং

সংকোচঃ পংকজানাং কিমিহ সমুদিতে মংডলে চংডরশমেঃ৷

ভোগঃ পূর্বার্জিতানাং ভবতি ভুবি নৃণাং কর্মণাং চেদবশ্যং
তন্মে দৃষ্টৈর্নৃপুষ্টৈর্ননু দনুজনৃপৈরূর্জিতং নির্জিতং তে৷৷246৷৷

চেতশ্চংচলতাং বিহায পুরতঃ সংধায কোটিদ্বযং

তত্রৈকত্র নিধেহি সর্ববিষযানন্যত্র চ শ্রীপতিম্৷

বিশ্রাংতির্হিতমপ্যহো ক্ব নু তযোর্মধ্যে তদালোচ্যতাং
যুক্ত্যা বানুভবেন যত্র পরমানংদশ্চ তত্সেব্যতাম্৷৷248৷৷

কাম্যোপাসনযার্থযন্ত্যনুদিনং কিংচিত্ফলং সেপ্সিতং

কিংচিত্স্বর্গমথাপবর্গমপরৈর্যোগাদিযজ্ঞাদিভিঃ৷

অস্মাকং যদুনংদনাংঘ্রিযুগলধ্যানাবধানার্থিনাং
কিং লোকেন দমেন কিং নৃপতিনা স্বর্গাপবর্গৈশ্চ কিম্৷৷250৷৷

অযমুত্তমোযমধমো জাত্যা রূপেণ সংপদা বযসা৷
শ্লাঘ্যোশ্লাঘ্যো বেত্থং ন বেত্তি ভগবাননুগ্রহাবসরে৷৷252৷৷

যদ্যপি সর্বত্র সমস্তথাপি নৃহরিস্তথাপ্যেতে৷
ভক্তাঃ পরমানংদে রমন্তি সদযাবলোকেন৷৷254৷৷

যদ্যপি গগনং শূন্যং তথাপি জলদামৃতাংশুরূপেণ৷
চাতকচকোরনাম্নোর্দৃঢভাবাত্পূরযত্যাশাম্৷৷256৷৷