বনে বৃক্ষান্পশ্যন্দলভরভরান্নম্রসুশিখান্

ঘনচ্ছাযাচ্ছন্নান্বহুলকলকূজদ্দ্বিজগণান্৷

ভজন্ঘস্রে রাত্রাববনিতলতল্পৈকশযনো
মুনির্ন ব্যামোহং ভজতি গুরুদীক্ষাক্ষততমাঃ৷৷2৷৷

ক্বচিদ্বালৈঃ সার্ধং করতলজতালৈশ্চ হসিতৈঃ

ক্বচিদ্বৈ তারুণ্যাংকিতচতুরনার্যা সহ রমন্৷

ক্বচিদ্বৃদ্ধৈশ্চিংতাং ক্বচিদপি তদন্যৈশ্চ বিলপন্
মুনির্ন ব্যামোহং ভজতি গুরুদীক্ষাক্ষততমাঃ৷৷4৷৷

কদা ধ্যানাভ্যাসৈঃ ক্বচিদপি সপর্যাং বিকসিতৈঃ

সুগংধৈঃ সত্পুষ্পৈঃ ক্বচিদপি দলৈরেব বিলমৈঃ৷

প্রকুর্বন্দেবস্য প্রমুদিতমনাঃ সংস্তুতিপরো
মুনির্ন ব্যামোহং ভজতি গুরুদীক্ষাক্ষততমাঃ৷৷6৷৷

কদা গংগাংভোভিঃ ক্বচিদপি চ কূপোত্থিতজলৈঃ

ক্বচিত্কাসারোত্থৈঃ ক্বচিদপি সদুষ্ণৈশ্চ শিশিরৈঃ৷

ভজন্স্নানৈর্ভূত্যা ক্বচিদপি চ কর্পূরনিভযা
মুনির্ন ব্যামোহং ভজতি গুরুদীক্ষাক্ষততমাঃ৷৷8৷৷

কদাপ্যাশাবাসাঃ ক্বচিদপি চ দিব্যাংবরধরঃ

ক্বচিত্পংচাস্যোত্থাং ত্বচমপি দধানঃ কটিতটে৷

মনস্বী নিঃশংকঃ স্বজনহৃদযানংদজনকো
মুনির্ন ব্যামোহং ভজতি গুরুদীক্ষাক্ষততমাঃ৷৷10৷৷

কদাচিন্মৌনস্থঃ ক্বচিদপি চ বাগ্বাদনিরতঃ

কদাচিত্স্বানংদে হসতি রভসা ত্যক্তবচসা৷

কদাচিল্লোকানাং ব্যবহৃতিসমালোকনপরো
মুনির্ন ব্যামোহং ভজতি গুরুদীক্ষাক্ষততমাঃ৷৷12৷৷

ক্বচিচ্ছৈবৈঃ সার্ধং ক্বচিদপি চ শাক্তৈঃ সহ রমন্

কদা বিষ্ণোর্ভক্তৈঃ ক্বচিদপি চ সৌরৈঃ সহ বসন্৷

কদাচিদ্গাণেশৈর্গতসকলভেদোদ্বযতযা
মুনির্ন ব্যামোহং ভজতি গুরুদীক্ষাক্ষততমাঃ৷৷14৷৷

কদা দ্বৈতং পশ্যন্নখিলমপি সত্যং শিবমযং

মহাবাক্যার্থানামবগতসমভ্যাসবশতঃ৷

গতদ্বৈতাভাবঃ শিবশিবশিবেত্যেব বিলপন্
মুনির্ন ব্যামোহং ভজতি গুরুদীক্ষাক্ষততমাঃ৷৷16৷৷