অবিরোধিতযা কর্ম নাবিদ্যাং বিনিবর্তযেত্৷
বিদ্যাবিদ্যাং নিহন্ত্যেব তেজস্তিমিরসংঘবত্৷৷3৷৷

অজ্ঞানকলুষং জীবং জ্ঞানাভ্যাসাদ্বিনির্মলম্৷
কৃত্বা জ্ঞানং স্বযং নশ্যেজ্জলং কতকরেণুবত্৷৷5৷৷

তাবত্সত্যং জগদ্ভাতি শুক্তিকারজতং যথা৷
যাবন্ন জ্ঞাযতে ব্রহ্ম সর্বাধিষ্ঠানমদ্বযম্৷৷7৷৷

সচ্চিদাত্মন্যনুস্যূতে নিত্যে বিষ্ণৌ প্রকল্পিতাঃ৷
ব্যক্তযো বিবিধাঃ সর্বা হাটকে কটকাদিবত্৷৷9৷৷

নানোপাধিবশাদেব জাতিনামাশ্রমাদযঃ৷
আত্মন্যারোপিতাস্তোযে রসবর্ণাদিভেদবত্৷৷11৷৷

পঞ্চপ্রাণমনোবুদ্ধিদশেন্দ্রিযসমন্বিতম্৷
অপঞ্চীকৃতভূতোত্থং সূক্ষ্মাঙ্গং ভোগসাধনম্৷৷13৷৷

পঞ্চকোশাদিযোগেন তত্তন্ময ইব স্থিতঃ৷
শুদ্ধাত্মা নীলবস্ত্রাদিযোগেন স্ফটিকো যথা৷৷15৷৷

সদা সর্বগতোপ্যাত্মা ন সর্বত্রাবভাসতে৷
বুদ্ধাবেবাবভাসেত স্বচ্ছেষু প্রতিবিম্ববত্৷৷17৷৷

ব্যাপৃতেষ্বিন্দ্রিযেষ্বাত্মা ব্যাপারীবাবিবেকিনাম্৷
দৃশ্যতেভ্রেষু ধাবত্সু ধাবন্নিব যথা শশী৷৷19৷৷

দেহেন্দ্রিযগুণান্কর্মাণ্যমলে সচ্চিদাত্মনি৷
অধ্যস্যন্ত্যবিবেকেন গগনে নীলতাদিবত্৷৷21৷৷

রাগেচ্ছাসুখদুঃখাদি বুদ্ধৌ সত্যাং প্রবর্ততে৷
সুষুপ্তৌ নাস্তি তন্নাশে তস্মাদ্বুদ্ধেস্তু নাত্মনঃ৷৷23৷৷

আত্মনঃ সচ্চিদংশশ্চ বুদ্ধের্বৃত্তিরিতি দ্বযম্৷
সংযোজ্য চাবিবেকেন জানামীতি প্রবর্ততে৷৷25৷৷

রজ্জুসর্পবদাত্মানং জীবং জ্ঞাত্বা ভযং বহেত্৷
নাহং জীবঃ পরাত্মেতি জ্ঞাতশ্চেন্নির্ভযো ভবেত্৷৷27৷৷

স্ববোধে নান্যবোধেচ্ছা বোধরূপতযাত্মনঃ৷
ন দীপস্যান্যদীপেচ্ছা যথা স্বাত্মপ্রকাশনে৷৷29৷৷

আবিদ্যকং শরীরাদি দৃশ্যং বুদ্বুদবত্ক্ষরম্৷
এতদ্বিলক্ষণং বিদ্যাদহং ব্রহ্মেতি নির্মলম্৷৷31৷৷

অমনস্ত্বান্ন মে দুঃখরাগদ্বেষভযাদযঃ৷
অপ্রাণো হ্যমনাঃ শুভ্র ইত্যাদিশ্রুতিশাসনাত্৷৷33৷৷

অহমাকাশবত্সর্বং বহিরন্তর্গতোচ্যুতঃ৷
সদা সর্বসমঃ সিদ্ধো নিঃসঙ্গো নির্মলোচলঃ৷৷35৷৷

এবং নিরন্তরকৃতা ব্রহ্মৈবাস্মীতি বাসনা৷
হরত্যবিদ্যাবিক্ষেপান্রোগানিব রসাযনম্৷৷37৷৷

আত্মন্যেবাখিলং দৃশ্যং প্রবিলাপ্য ধিযা সুধীঃ৷
ভাবযেদেকমাত্মানং নির্মলাকাশবত্সদা৷৷39৷৷

জ্ঞাতৃজ্ঞানজ্ঞেযভেদঃ পরে নাত্মনি বিদ্যতে৷
চিদানন্দৈকরূপত্বাদ্দীপ্যতে স্বযমেব হি৷৷41৷৷

অরুণেনেব বোধেন পূর্বং সংতমসে হৃতে৷
তত আবির্ভবেদাত্মা স্বযমেবাংশুমানিব৷৷43৷৷

স্থাণৌ পুরুষবদ্ভ্রান্ত্যা কৃতা ব্রহ্মণি জীবতা৷
জীবস্য তাত্ত্বিকে রূপে তস্মিন্দৃষ্টে নিবর্ততে৷৷45৷৷

সম্যগ্বিজ্ঞানবান্যোগী স্বাত্মন্যেবাখিলং স্থিতম্৷
একং চ সর্বমাত্মানমীক্ষতে জ্ঞানচক্ষুষা৷৷47৷৷

জীবন্মুক্তস্তু তদ্বিদ্বান্পূর্বোপাধিগুণাংস্ত্যজেত্৷
স সচ্চিদাদিধর্মত্বং ভেজে ভ্রমরকীটবত্৷৷49৷৷

বাহ্যানিত্যসুখাসক্তিং হিত্বাত্মসুখনির্বৃতঃ৷
ঘটস্থদীপবচ্ছশ্বদন্তরেব প্রকাশতে৷৷51৷৷

উপাধিবিলযাদ্বিষ্ণৌ নির্বিশেষং বিশেন্মুনিঃ৷
জলে জলং বিযদ্ব্যোম্নি তেজস্তেজসি বা যথা৷৷53৷৷

যদ্দৃষ্ট্বা নাপরং দৃশ্যং যদ্ভূত্বা ন পুনর্ভবঃ৷
যজ্জ্ঞাত্বা নাপরং জ্ঞেযং তদ্ব্রহ্মেত্যবধারযেত্৷৷55৷৷

অতদ্ব্যাবৃত্তিরূপেণ বেদান্তৈর্লক্ষ্যতেব্যযম্৷
অখণ্ডানন্দমেকং যত্তদ্ব্রহ্মেত্যবধারযেত্৷৷57৷৷

তদ্যুক্তমখিলং বস্তু ব্যবহারশ্চিদন্বিতঃ৷
তস্মাত্সর্বগতং ব্রহ্ম ক্ষীরে সর্পিরিবাখিলে৷৷59৷৷

যদ্ভাসা ভাস্যতের্কাদি ভাস্যৈর্যত্তু ন ভাস্যতে৷
যেন সর্বমিদং ভাতি তদ্ব্রহ্মেত্যবধারযেত্৷৷61৷৷

জগদ্বিলক্ষণং ব্রহ্ম ব্রহ্মণোন্যন্ন কিংচন৷
ব্রহ্মান্যদ্ভাতি চেন্মিথ্যা যথা মরুমরীচিকা৷৷63৷৷

সর্বগং সচ্চিদানন্দং জ্ঞানচক্ষুর্নিরীক্ষতে৷
অজ্ঞানচক্ষুর্নেক্ষেত ভাস্বন্তং ভানুমন্ধবত্৷৷65৷৷

হৃদাকাশোদিতো হ্যাত্মা

বোধভানুস্তমোপহৃত্৷

সর্বব্যাপী সর্বধারী
ভাতি ভাসযতেখিলম্৷৷67৷৷