কেযূরাদ্যৈর্ভূষিতো বা ততঃ কিং

কৌশেযাদ্যৈরাবৃতো বা ততঃ কিম্৷

তৃপ্তো মৃষ্টান্নাদিনা বা ততঃ কিং
যেন স্বাত্মা নৈব সাক্ষাত্কৃতোভূত্৷৷1.2৷৷

স্নাতস্তীর্থে জহ্নুজাদৌ ততঃ কিং

দানং দত্তং দ্ব্যষ্টসংখ্যং ততঃ কিম্৷

জপ্তা মন্ত্রাঃ কোটিশো বা ততঃ কিং
যেন স্বাত্মা নৈব সাক্ষাত্কৃতোভূত্৷৷1.4৷৷

অন্নৈর্বিপ্রাস্তর্পিতা বা ততঃ কিং

যজ্ঞৈর্দেবাস্তোষিতা বা ততঃ কিম্৷

কীর্ত্যা ব্যাপ্তাঃ সর্বলোকাস্ততঃ কিং
যেন স্বাত্মা নৈব সাক্ষাত্কৃতোভূত্৷৷1.6৷৷

যুদ্ধে শত্রুর্নির্জিতো বা ততঃ কিং

ভূযো মিত্রৈঃ পূরিতো বা ততঃ কিম্৷

যোগৈঃ প্রাপ্তাঃ সিদ্ধযো বা ততঃ কিং
যেন স্বাত্মা নৈব সাক্ষাত্কৃতোভূত্৷৷1.8৷৷

ক্ষ্বেলঃ পীতো দুগ্ধবদ্বা ততঃ কিং

বহ্নির্জগ্ধো লাজবদ্বা ততঃ কিম্৷

প্রাপ্তশ্চারঃ পক্ষিবত্খে ততঃ কিং
যেন স্বাত্মা নৈব সাক্ষাত্কৃতোভূত্৷৷1.10৷৷

ভূপেন্দ্রত্বং প্রাপ্তমুর্ব্যাং ততঃ কিং

দেবেন্দ্রত্বং সংভৃতং বা ততঃ কিম্৷

মুণ্ডীন্দ্রত্বং চোপলব্ধং ততঃ কিং
যেন স্বাত্মা নৈব সাক্ষাত্কৃতোভূত্৷৷1.12৷৷

কামাতঙ্কঃ খণ্ডিতো বা ততঃ কিং

কোপাবেশঃ কুণ্ঠিতো বা ততঃ কিম্৷

লোভাশ্লেষো বর্জিতো বা ততঃ কিং
যেন স্বাত্মা নৈব সাক্ষাত্কৃতোভূত্৷৷1.14৷৷

ধাতুর্লোকঃ সাধিতো বা ততঃ কিং

বিষ্ণোর্লোকো বীক্ষিতো বা ততঃ কিম্৷

শংভোর্লোকঃ শাসিতো বা ততঃ কিং
যেন স্বাত্মা নৈব সাক্ষাত্কৃতোভূত্৷৷1.16৷৷