অপরোক্ষানুভূতির্বৈ প্রোচ্যতে মোক্ষসিদ্ধযে৷
সদ্ভিরেষা প্রযত্নেন বীক্ষণীযা মুহুর্মুহুঃ৷৷2৷৷

ব্রহ্মাদিস্থাবরান্তেষু বৈরাগ্যং বিষযেষ্বনু৷
যথৈব কাকবিষ্ঠাযাং বৈরাগ্যং তদ্ধি নির্মলম্৷৷4৷৷

সদৈব বাসনাত্যাগঃ শমোযমিতি শব্দিতঃ৷
নিগ্রহো বাহ্যবৃত্তীনাং দম ইত্যভিধীযতে৷৷6৷৷

নিগমাচার্যবাক্যেষু ভক্তিঃ শ্রদ্ধেতি বিশ্রুতা৷
চিত্তৈকাগ্র্যং তু সল্লক্ষ্যে সমাধানমিতি স্মৃতম্৷৷8৷৷

উক্তসাধনযুক্তেন বিচারঃ পুরুষেণ হি৷
কর্তব্যো জ্ঞানসিদ্ধ্যর্থমাত্মনঃ শুভমিচ্ছতা৷৷10৷৷

কোহং কথমিদং জাতং কো বা কর্তাস্য বিদ্যতে৷
উপাদানং কিমস্তীহ বিচারঃ সোযমীদৃশঃ৷৷12৷৷

অজ্ঞানপ্রভবং সর্বং জ্ঞানেন প্রবিলীযতে৷
সংকল্পো বিবিধঃ কর্তা বিচারঃ সোযমীদৃশঃ৷৷14৷৷

অহমেকোপি সূক্ষ্মশ্চ জ্ঞাতা সাক্ষী সদব্যযঃ৷
তদহং নাত্র সংদেহো বিচারঃ সোযমীদৃশঃ৷৷16৷৷

আত্মা নিযামকশ্চান্তর্দেহো নিযম্যবাহ্যকঃ৷
তযোরৈক্যং প্রপশ্যন্তি কিমজ্ঞানমতঃ পরম্৷৷18৷৷

আত্মা প্রকাশকঃ স্বচ্ছো দেহস্তামস উচ্যতে৷
তযোরৈক্যং প্রপশ্যন্তি কিমজ্ঞানমতঃ পরম্৷৷20৷৷

আত্মনস্তত্প্রকাশত্বং যত্পদার্থাবভাসনম্৷
নাগ্ন্যাদিদীপ্তিবদ্দীপ্তির্ভবত্যান্ধ্যং যতো নিশি৷৷22৷৷

ব্রহ্মৈবাহং সমঃ শান্তঃ সচ্চিদানন্দলক্ষণঃ৷
নাহং দেহো হ্যসদ্রূপো জ্ঞানমিত্যুচ্যতে বুধৈঃ৷৷24৷৷

নিরামযো নিরাভাসো নির্বিকল্পোহমাততঃ৷
নাহং দেহো হ্যসদ্রূপো জ্ঞানমিত্যুচ্যতে বুধৈঃ৷৷26৷৷

নির্মলো নিশ্চলোনন্তঃ শুদ্ধোহমজরোমরঃ৷
নাহং দেহো হ্যসদ্রূপো জ্ঞানমিত্যুচ্যতে বুধৈঃ৷৷28৷৷

স্বাত্মানং শ্রৃণু মূর্খ ত্বং শ্রুত্যা যুক্ত্যা চ পূরুষম্৷
দেহাতীতং সদাকারং সুদুর্দর্শং ভবাদৃশাম্৷৷30৷৷

অহং দ্রষ্টৃতযা সিদ্ধো দেহো দৃশ্যতযা স্থিতঃ৷
মমাযমিতি নির্দেশাত্কথং স্যাদ্দেহকঃ পুমান্৷৷32৷৷

যস্মাত্পরমিতি শ্রুত্যা তযা পুরুষলক্ষণম্৷
বিনির্ণীতং বিশুদ্ধেন কথং স্যাদ্দেহকঃ পুমান্৷৷34৷৷

অসঙ্গঃ পুরুষঃ প্রোক্তো বৃহদারণ্যকেপি চ৷
অনন্তমলসংসৃষ্টঃ কথং স্যাদ্দেহকঃ পুমান্৷৷36৷৷

প্রোক্তোপি কর্মকাণ্ডেন হ্যাত্মা দেহাদ্বিলক্ষণঃ৷
নিত্যশ্চ তত্ফলং ভুঙ্ক্তে দেহপাতাদনন্তরম্৷৷38৷৷

এবং দেহদ্বযাদন্য আত্মা পুরুষ ঈশ্বরঃ৷
সর্বাত্মা সর্বরূপশ্চ সর্বাতীতোহমব্যযঃ৷৷40৷৷

ইত্যাত্মদেহভেদেন দেহাত্মত্বং নিবারিতম্৷
ইদানীং দেহভেদস্য হ্যসত্ত্বং স্ফুটমুচ্যতে৷৷42৷৷

রজ্জ্বজ্ঞানাত্ক্ষণেনৈব যদ্বদ্রজ্জুর্হি সর্পিণী৷
ভাতি তদ্বচ্চিতিঃ সাক্ষাদ্বিশ্বাকারেণ কেবলা৷৷44৷৷

ব্যাপ্যব্যাপকতা মিথ্যা সর্বমাত্মেতি শাসনাত্৷
ইতি জ্ঞাতে পরে তত্ত্বে ভেদস্যাবসরঃ কুতঃ৷৷46৷৷

দোষোপি বিহিতঃ শ্রুত্যা মৃত্যোর্মৃত্যুং স গচ্ছতি৷
ইহ পশ্যতি নানাত্বং মাযযা বঞ্চিতো নরঃ৷৷48৷৷

ব্রহ্মৈব সর্বনামানি রূপাণি বিবিধানি চ৷
কর্মাণ্যপি সমগ্রাণি বিভর্তীতি শ্রুতির্জগৌ৷৷50৷৷

স্বল্পমপ্যন্তরং কৃত্বা জীবাত্মপরমাত্মনোঃ৷
যোবতিষ্ঠতি মূঢাত্মা ভযং তস্যাভিভাষিতম্৷৷52৷৷

যস্মিন্সর্বাণি ভূতানি হ্যাত্মত্বেন বিজানতঃ৷
ন বৈ তস্য ভবেন্মোহো ন চ শোকোদ্বিতীযতঃ৷৷54৷৷

অনুভূতোপ্যযং লোকো ব্যবহারক্ষমোপি সন্৷
অসদ্রূপো যথা স্বপ্ন উত্তরক্ষণবাধতঃ৷৷56৷৷

ত্রযমেবং ভবেন্মিথ্যা গুণত্রযবিনির্মিতম্৷
অস্য দ্রষ্টা গুণাতীতো নিত্যো হ্যেকশ্চিদাত্মকঃ৷৷58৷৷

যথা মৃদি ঘটো নাম কনকে কুণ্ডলাভিধা৷
শুক্তৌ হি রজতখ্যাতির্জীবশব্দস্তথা পরে৷৷60৷৷

যথৈব শূন্যে বেতালো গন্ধর্বাণাং পুরং যথা৷
যথাকাশে দ্বিচন্দ্রত্বং তদ্বত্সত্যে জগত্স্থিতিঃ৷৷62৷৷

ঘটনাম্না যথা পৃথ্বী পটনাম্না হি তন্তবঃ৷
জগন্নাম্না চিদাভাতি জ্ঞেযং তত্তদভাবতঃ৷৷64৷৷

কার্যকারণতা নিত্যমাস্তে ঘটমৃদোর্যথা৷
তথৈব শ্রুতিযুক্তিভ্যাং প্রপঞ্চব্রহ্মণোরিহ৷৷66৷৷

সদৈবাত্মা বিশুদ্ধোপি হ্যশুদ্ধো ভাতি বৈ সদা৷
যথৈব দ্বিবিধা রজ্জুর্জ্ঞানিনোজ্ঞানিনোনিশম্৷৷68৷৷

সর্পত্বেন যথা রজ্জূ রজতত্বেন শুক্তিকা৷
বিনির্ণীতা বিমূঢেন দেহত্বেন তথাত্মতা৷৷70৷৷

কনকং কুণ্ডলত্বেন তরঙ্গত্বেন বৈ জলম্৷
বিনির্ণীতা বিমূঢেন দেহত্বেন তথাত্মতা৷৷72৷৷

গৃহত্বেনৈব কাষ্ঠানি খঙ্গত্বেনৈব লোহতা৷
বিনির্ণীতা বিমূঢেন দেহত্বেন তথাত্মতা৷৷74৷৷

পোতেন গচ্ছতঃ পুংসঃ সর্বং ভাতীব চঞ্চলম্৷
তদ্বদাত্মনি দেহত্বং পশ্যত্যজ্ঞানযোগতঃ৷৷76৷৷

চক্ষুর্ভ্যাং ভ্রমশীলাভ্যাং সর্বং ভাতি ভ্রমাত্মকম্৷
তদ্বদাত্মনি দেহত্বং পশ্যত্যজ্ঞানযোগতঃ৷৷78৷৷

মহত্ত্বে সর্ববস্তূনামণুত্বং হ্যতিদূরতঃ৷
তদ্বদাত্মনি দেহত্বং পশ্যত্যজ্ঞানযোগতঃ৷৷80৷৷

কাচভূমৌ জলত্বং বা জলভূমৌ হি কাচতা৷
তদ্বদাত্মনি দেহত্বং পশ্যত্যজ্ঞানযোগতঃ৷৷82৷৷

অভ্রেষু সত্সু ধাবত্সু ধাবন্নিব যথা শশী৷
তদ্বদাত্মনি দেহত্বং পশ্যত্যজ্ঞানযোগতঃ৷৷84৷৷

যথা শশী জলে ভাতি চঞ্চলত্বেন কস্যচিত্৷
তদ্বদাত্মনি দেহত্বং পশ্যত্যজ্ঞানযোগতঃ৷৷86৷৷

সর্বমাত্মতযা জ্ঞাতং জগত্স্থাবরজঙ্গমম্৷
অভাবাত্সর্বভাবানাং দেহানাং চাত্মতা কুতঃ৷৷88৷৷

উত্পন্নেপ্যাত্মবিজ্ঞানে প্রারব্ধং নৈব মুঞ্চতি৷
ইতি যচ্ছ্রূযতে শাস্ত্রাত্তন্নিরাক্রিযতেধুনা৷৷90৷৷

কর্ম জন্মান্তরকৃতং প্রারব্ধমিতি কীর্তিতম্৷
তত্তু জন্মান্তরাভাবাত্পুংসো নৈবাস্তি কর্হিচিত্৷৷92৷৷

উপাদানং প্রপঞ্চস্য মৃদ্ভাণ্ডস্যেব কথ্যতে৷
অজ্ঞানং চৈব বেদান্তৈস্তস্মিন্নষ্টে ক্ব বিশ্বতা৷৷94৷৷

রজ্জুরূপে পরিজ্ঞাতে সর্পভ্রান্তির্ন তিষ্ঠতি৷
অধিষ্ঠানে তথা জ্ঞাতে প্রপঞ্চঃ শূন্যতাং ব্রজেত্৷৷96৷৷

ক্ষীযন্তে চাস্য কর্মাণি তস্মিন্দৃষ্টে পরাবরে৷
বহুত্বং তন্নিষেধার্থং শ্রুত্যা গীতং চ বৈ স্ফুটম্৷৷98৷৷

ত্রিপঞ্চাঙ্গান্যথো বক্ষ্যে পূর্বোক্তস্যৈব সিদ্ধযে৷
তৈশ্চ সর্বৈঃ সদা কার্যং নিদিধ্যাসনমেব তু৷৷100৷৷

যমো হি নিযমস্ত্যাগো মৌনং দেশশ্চ কালতঃ৷
আসনং মূলবন্ধশ্চ দেহসাম্যং চ দৃক্স্থিতিঃ৷৷102৷৷

সর্বং ব্রহ্মেতি বিজ্ঞানাদিন্দ্রিযগ্রামসংযমঃ৷
যমোযমিতি সংপ্রোক্তোভ্যসনীযো মুহুর্মুহুঃ৷৷104৷৷

ত্যাগঃ প্রপঞ্চরূপস্য চিদাত্মত্বাবলোকনাত্৷
ত্যাগো হি মহতাং পূজ্যঃ সদ্যো মোক্ষমযো যতঃ৷৷106৷৷

বাচো যস্মান্নিবর্তন্তে তদ্বক্তুং কেন শক্যতে৷
প্রপঞ্চো যদি বক্তব্যঃ সোপি শব্দবিবর্জিতঃ৷৷108৷৷

আদাবন্তে চ মধ্যে চ জনো যস্মিন্ন বিদ্যতে৷
যেনেদং সততং ব্যাপ্তং স দেশো বিজনঃ স্মৃতঃ৷৷110৷৷

সুখেনৈব ভবেদ্যস্মিন্নজস্রং ব্রহ্মচিন্তনম্৷
আসনং তদ্বিজানীযান্নেতরত্সুখনাশনম্৷৷112৷৷

যন্মূলং সর্বভূতানাং যন্মূলং চিত্তবন্ধনম্৷
মূলবন্ধঃ সদা সেব্যো যোগোসৌ রাজযোগিনাম্৷৷114৷৷

দৃষ্টিং জ্ঞানমযীং কৃত্বা পশ্যেদ্ব্রহ্মমযং জগত্৷
সা দৃষ্টিঃ পরমোদারা ন নাসাগ্রাবলোকনী৷৷116৷৷

চিত্তাদিসর্বভাবেষু ব্রহ্মত্বেনৈব ভাবনাত্৷
নিরোধঃ সর্ববৃত্তীনাং প্রাণাযামঃ স উচ্যতে৷৷118৷৷

ততস্তদ্বৃত্তিনৈশ্চল্যং কুম্ভকঃ প্রাণসংযমঃ৷
অযং চাপি প্রবুদ্ধানামজ্ঞানাং ঘ্রাণপীডনম্৷৷120৷৷

যত্র যত্র মনো যাতি ব্রহ্মণস্তত্র দর্শনাত্৷
মনসো ধারণাযৈব ধারণা সা পরা মতা৷৷122৷৷

নির্বিকারতযা বৃত্ত্যা ব্রহ্মাকারতযা পুনঃ৷
বৃত্তিবিস্মরণং সম্যক্সমাধির্জ্ঞানসংজ্ঞকঃ৷৷124৷৷

ততঃ সাধননির্মুক্তঃ সিদ্ধো ভবতি যোগিরাট্৷
তত্স্বরূপং ন চৈকস্য বিষযো মনসো গিরাম্৷৷126৷৷

লযস্তমশ্চ বিক্ষেপো রসাস্বাদশ্চ শূন্যতা৷
এবং যদ্বিঘ্নবাহুল্যং ত্যাজ্যং ব্রহ্মবিদা শনৈঃ৷৷128৷৷

যে হি বৃত্তিং জহত্যেনাং ব্রহ্মাখ্যাং পাবনীং পরাম্৷
বৃথৈব তে তু জীবন্তি পশুভিশ্চ সমা নরাঃ৷৷130৷৷

যেষাং বৃত্তিঃ সমাবৃদ্ধা পরিপক্বা চ সা পুনঃ৷
তে বৈ সদ্ব্রহ্মতাং প্রাপ্তা নেতরে শব্দবাদিনঃ৷৷132৷৷

নিমেষার্ধং ন তিষ্ঠন্তি বৃত্তিং ব্রহ্মমযীং বিনা৷
যথা তিষ্ঠন্তি ব্রহ্মাদ্যাঃ সনকাদ্যাঃ শুকাদযঃ৷৷134৷৷

অথ শুদ্ধং ভবেদ্বস্তু যদ্বৈ বাচামগোচরঃ৷
দ্রষ্টব্যং মৃদ্ধটেনৈব দৃষ্টান্তেন পুনঃ পুনঃ৷৷136৷৷

কারণং ব্যতিরেকেণ পুমানাদৌ বিলোকযেত্৷
অন্বযেন পুনস্তদ্ধি কার্যে নিত্যং প্রপশ্যতি৷৷138৷৷

ভাবিতং তীব্রবেগেণ বস্তু যন্নিশ্চযাত্মনা৷
পুমাংস্তদ্ধি ভবেচ্ছীঘ্রং জ্ঞেযং ভ্রমরকীটবত্৷৷140৷৷

দৃশ্যং হ্যদৃশ্যতাং নীত্বা ব্রহ্মাকারেণ চিন্তযেত্৷
বিদ্বান্নিত্যসুখে তিষ্ঠেদ্ধিযা চিদ্রসপূর্ণযা৷৷142৷৷