অক্ষিদোষাদ্যথৈকোপি দ্বযবদ্ভাতি চন্দ্রমাঃ৷
একোপ্যাত্মা তথা ভাতি দ্বযবন্মাযযা মৃষা৷৷1.2৷৷

দ্বিত্বং ভাত্যক্ষিদোষেণ চন্দ্রে স্বে মাযযা জগত্৷
দ্বিত্বং মৃষা যথা চন্দ্রে মৃষা দ্বৈতং তথাত্মনি৷৷1.4৷৷

কার্যভূতো যথাকাশ এক এব ন হি দ্বিধা৷
হেতুভূতস্তথাত্মাযমেক এব বিজানতঃ৷৷1.6৷৷

কারণোপাধিচৈতন্যং কার্যসংস্থাচ্চিতোধিকম্৷
ন ঘটাভ্রান্মৃদাকাশঃ কুত্রচিন্নাধিকো ভবেত্৷৷1.8৷৷

আকাশাদন্য আকাশ আকাশস্য যথা ন হি৷
একত্বাদাত্মনো নান্য আত্মা সিধ্যতি চাত্মনঃ৷৷1.10৷৷

বর্ষোপল ইবাভাতি নীরমেবাভ্রযোগতঃ৷
বর্ষোপলবিনাশেন নীরনাশো যথা ন হি৷৷1.12৷৷

জলাদন্য ইবাভাতি জলোত্থো বুদ্বুদো যথা৷
তথাত্মনঃ পৃথগিব প্রপঞ্চোযমনেকধা৷৷1.14৷৷

অহিনির্ল্বযনীজাতঃ শুচ্যাদির্নাহিমাপ্নুযাত্৷
তথা স্থূলাদিসংভূতঃ শুচ্যাদির্নাপ্নুযাদিমম্৷৷1.16৷৷

অহিনির্ল্বযনীনাশাদহের্নাশো যথা ন হি৷
দেহত্রযবিনাশেন নাত্মনাশস্তথা ভবেত্৷৷1.18৷৷

অযঃকাষ্ঠাদিকং যদ্বদ্বহ্নিবদ্বহ্নিযোগতঃ৷
ভাতি স্থূলাদিকং সর্বমাত্মবত্স্বাত্মযোগতঃ৷৷1.20৷৷

প্রমেযাদিত্রযং সার্থং ভানুনা ঘটকুড্যবত্৷
যেন ভাতি স এবাহং প্রমেযাদিবিলক্ষণঃ৷৷1.22৷৷

পিষ্টাদিগুলসংপর্কাদ্গুলবত্প্রীতিমান্যথা৷
আত্মযোগাত্প্রমেযাদিরাত্মবত্প্রীতিমান্ভবেত্৷৷1.24৷৷

ভূতভৌতিকদেহানাং স্ফূর্তিতা স্বাত্মযোগতঃ৷
বিনাত্মানং কথং তেষাং স্ফূর্তিতা স্যাত্তথা ক্বচিত্৷৷1.26৷৷

নানাবিধত্বং কুম্ভানাং ন যাত্যেব যথা নভঃ৷
নানাবিধত্বং দেহানাং তদ্বদেব নযাম্যহম্৷৷1.28৷৷

উত্তমাদীনি পুষ্পাণি বর্তন্তে সূত্রকে যথা৷
উত্তমাদ্যাস্তথা দেহা বর্তন্তে মযি সর্বদা৷৷1.30৷৷

পুষ্পেষু তেষু নষ্টেষু যদ্বত্সূত্রং ন নশ্যতি৷
তথা দেহেষু নষ্টেষু নৈব নশ্যাম্যহং সদা৷৷1.32৷৷

রজ্জুরন্ধ্রস্থদোষাদি সূর্যভাং ন স্পৃশেদ্যথা৷
তথা ক্ষেত্রস্থদোষাদি সর্বগং মাং ন সংস্পৃশেত্৷৷1.34৷৷

দেহো নাহং প্রদৃশ্যত্বাদ্ভৌতিকত্বান্ন চেন্দ্রিযম্৷
প্রাণো নাহমনেকত্বান্মনো নাহং চলত্বতঃ৷৷1.36৷৷

দেহেন্দ্রিযপ্রাণমনোবুদ্ধ্যজ্ঞানানি ভাসযন্৷
অহংকারং তথা ভামি চৈতেষামভিমানিনম্৷৷1.38৷৷

সুপ্তৌ যথা নির্বিকারস্তথাবস্থাদ্বযেপি চ৷
দ্বযোর্মাত্রাভিযোগেন বিকারীব বিভাম্যহম্৷৷1.40৷৷

ফালেন ভ্রাম্যমাণেন ভ্রমতীব যথা মহী৷
অগোপ্যাত্মা বিমূঢেন চলতীব প্রদৃশ্যতে৷৷1.42৷৷

নিদ্রাদেহজদুঃখাদি জাগ্রদ্দেহং ন সংস্পৃশেত্৷
জাগ্রদ্দেহজদুঃখাদিস্তথাত্মানং ন সংস্পৃশেত্৷৷1.44৷৷

তথাযমাত্মবদ্ভাতি জাগ্রদ্দেহস্তু জাগরাত্৷
জাগ্রদ্দেহবিনাশেন নাত্মা নশ্যতি কর্হিচিত্৷৷1.46৷৷

স্বপ্নভোগে যথৈবেচ্ছা প্রবুদ্ধস্য ন বিদ্যতে৷
অসত্স্বর্গাদিকে ভোগে নৈবেচ্ছা জ্ঞানিনস্তথা৷৷1.48৷৷

জ্ঞস্য নাস্ত্যেব সংসারো যদ্বদজ্ঞস্য কর্মিণঃ৷
জানতো নৈব ভীর্যদ্বদ্রজ্জুসর্পমজানতঃ৷৷1.50৷৷

তোযাশ্রযেষু সর্বেষু ভানুরেকোপ্যনেকবত্৷
একোপ্যাত্মা তথা ভাতি সর্বক্ষেত্রেষ্বনেকবত্৷৷1.52৷৷

বিম্বং বিনা যথা নীরে প্রতিবিম্বো ভবেত্কথম্৷
বিনাত্মানং তথা বুদ্ধৌ চিদাভাসো ভবেত্কথম্৷৷1.54৷৷

জলে শৈত্যাদিকং যদ্বজ্জলভানুং ন সংস্পৃশেত্৷
বুদ্ধেঃ কর্মাদিকং তদ্বচ্চিদাভাসং ন সংস্পৃশেত্৷৷1.56৷৷

শরাবস্থোদকে নষ্টে তত্স্থো ভানুর্বিনষ্টবত্৷
বুদ্ধের্লযে তথা সুপ্তৌ নষ্টবত্প্রতিভাত্যযম্৷৷1.58৷৷

মেঘাবভাসকো ভানুর্মেঘচ্ছন্নোবভাসতে৷
মোহাবভাসকস্তদ্বন্মোহচ্ছন্নো বিভাত্যংযম্৷৷1.60৷৷

সর্বপ্রকাশকো ভানুঃ প্রকাশ্যের্নৈব দূষ্যতে৷
সর্বপ্রকাশকো হ্যাত্মা সর্বৈস্তদ্বন্ন দূষ্যতে৷৷1.62৷৷

মুকুরস্থস্য নাশেন মুখনাশো ভবেত্কথম্৷
বুদ্ধিস্থাভাসনাশেন নাশো নৈবাত্মনঃ ক্বচিত্৷৷1.64৷৷

ঈশজীবাত্মবদ্ভাতি যথৈকমপি তাম্রকম্৷
একোপ্যাত্মা তথৈবাযমীশজীবাদিবন্মৃষা৷৷1.66৷৷

অধ্যস্তো রজ্জুসর্পোযং সত্যবদ্রজ্জুসত্তযা৷
তথা জগদিদং ভাতি সত্যবত্স্বাত্মসত্তযা৷৷1.68৷৷

স্ফটিকে রক্ততা যদ্বদুপাধের্নীলতাম্বরে৷
যথা জগদিদং ভাতি তথা সত্যমিবাদ্বযে৷৷1.70৷৷

জীবেশ্বরাদিভাবেন ভেদং পশ্যতি মূঢধীঃ৷
নির্ভেদে নির্বিশেষেস্মিন্কথং ভেদো ভবেদ্ধ্রুবম্৷৷1.72৷৷

শিব এব সদা জীবো জীব এব সদা শিবঃ৷
বেত্ত্যৈক্যমনযোর্যস্তু স আত্মজ্ঞো ন চেতরঃ৷৷1.74৷৷

নীরাত্ক্ষীরং পৃথক্কৃত্য হংসো ভবতি নান্যথা৷
স্থূলাদেঃ স্বং পৃথক্কৃত্য মুক্তো ভবতি নান্যথা৷৷1.76৷৷

অধ্যস্তচোরজঃ স্থাণোর্বিকারঃ স্যান্ন হি ক্বচিত্৷
নাত্মনো নির্বিকারস্য বিকারো বিশ্বজস্তথা৷৷1.78৷৷

গুণবৃত্তিত্রযং ভাতি পরস্পরবিলক্ষণম্৷
সত্যাত্মলক্ষণে যস্মিন্স এবাহং নিরংশকঃ৷৷1.80৷৷

জাগ্রদাদিত্রযং যস্মিন্প্রত্যগাত্মনি সত্যবত্৷
স এবাহং পরং ব্রহ্ম জাগ্রদাদিবিলক্ষণঃ৷৷1.82৷৷