चक्रस्थेऽचपले चराचरजगन्नाथे जगत्पूजिते

आर्तालीवरदे नताभयकरे वक्षोजभारान्विते।

विद्ये वेदकलापमौलिविदिते विद्युल्लताविग्रहे
मातः पूर्णसुधारसार्द्रहृदये मां पाहि मीनाम्बिके।।2।।

ब्रह्मेशाच्युतगीयमानचरिते प्रेतासनान्तस्थिते

पाशोदङ्कुशचापबाणकलिते बालेन्दुचूडाञ्चिते।

बाले बालकुरङ्गलोलनयने बालार्ककोट्युज्ज्वले
मुद्राराधितदैवते मुनिसुते मां पाहि मीनाम्बिके।।4।।

नादे नारदतुम्बुराद्यविनुते नादान्तनादात्मिके

नित्ये नीललतात्मिके निरुपमे नीवारशूकोपमे।

कान्ते कामकले कदम्बनिलये कामेश्वराङ्कस्थिते
मद्विद्ये मदभीष्टकल्पलतिके मां पाहि मीनाम्बिके।।6।।