vyāptaṅ hāṭakavigrahairjalacarairārūḍhadēvavrajaiḥ

pōtairākulitāntaraṅ maṇidharairbhūmīdharairbhūṣitam.

āraktāmṛtasindhumuddhuracaladvīcīcayavyākula-
vyōmānaṅ paricintya saṅtatamahō cētaḥ kṛtārthībhava৷৷2৷৷

jātīcampakapāṭalādisumanaḥsaurabhyasaṅbhāvitaṅ

hrīṅkāradhvanikaṇṭhakōkilakuhūprōllāsicūtadrumam.

āvirbhūtasugandhicandanavanaṅ dṛṣṭipriyaṅ nandanaṅ
cañcaccañcalacañcarīkacaṭulaṅ cētaśicaraṅ cintaya৷৷4৷৷

ramyadvārapurapracāratamasāṅ saṅhārakāriprabha

sphūrjattōraṇabhārahārakamahāvistārahāradyutē.

kṣōṇīmaṇḍalahēmahāravilasatsaṅsārapāraprada
prōdyadbhaktamanōvihāra kanakaprākāra tubhyaṅ namaḥ৷৷6৷৷

kvāpi prōdbhaṭapadmarāgakiraṇavrātēna saṅdhyāyitaṅ

kutrāpi sphuṭavisphuranmarakatadyutyā tamisrāyitam.

madhyālambiviśālamauktikarucā jyōtsnāyitaṅ kutraci-
nmātaḥ śrīmaṇimandiraṅ tava sadā vandāmahē sundaram৷৷8৷৷

maṇisadanasamudyatkāntidhārānuraktē

viyati caramasaṅdhyāśaṅkinō bhānurathyāḥ.

śithilitagatakupyatsūtahuṅkāranādaiḥ
kathamapi maṇigēhāduccakairuccalanti৷৷10৷৷

vidūramuktavāhanairvinamramaulimaṇḍalai-

rnibaddhahastasaṅpuṭaiḥ prayatnasaṅyatēndriyaiḥ.

viriñciviṣṇuśaṅkarādibhirmudā tavāmbikē
pratīkṣyamāṇanirgamō vibhāti ratnamaṇḍapaḥ৷৷12৷৷

pravēśanirgamākulaiḥ svakṛtyaraktamānasai-

rbahiḥsthitāmarāvalīvidhīyamānabhaktibhiḥ.

vicitravastrabhūṣaṇairupētamaṅganājanaiḥ
sadā karōtu maṅgalaṅ mamēha ratnamaṇḍapaḥ৷৷14৷৷

indrādīṅśca digīśvarānsahaparīvārānathō sāyudhā-

nyōṣidrūpadharānsvadikṣu nihitānsaṅcintya hṛtpaṅkajē.

śaṅkhē śrīvasudhārayā vasumatīyuktaṅ ca padmaṅ smara-
nkāmaṅ naumi ratipriyaṅ sahacaraṅ prītyā vasantaṅ bhajē৷৷16৷৷

kastūrikāśyāmalakōmalāṅgīṅ

kādambarīpānamadālasāṅgīm.

vāmastanāliṅgitaratnavīṇāṅ
mātaṅgakanyāṅ manasā smarāmi৷৷18৷৷

pramattavāruṇīrasairvighūrṇamānalōcanāḥ

pracaṇḍadaityasūdanāḥ praviṣṭabhaktamānasāḥ.

upōḍhakajjalacchavicchaṭāvirājivigrahāḥ
kapālaśūladhāriṇīḥ stuvē tvadīyadūtikāḥ৷৷20৷৷

āstīrṇāruṇakambalāsanayutaṅ puṣpōpahārānvitaṅ

dīptānēkamaṇipradīpasubhagaṅ rājadvitānōttamam.

dhūpōdgārisugandhisaṅbhramamiladbhṛṅgāvalīguñjitaṅ
kalyāṇaṅ vitanōtu mē.navarataṅ śrīmaṇḍapābhyantaram৷৷22৷৷

sarvāṅgasthitiramyarūparucirāṅ prātaḥ samabhyutthitāṅ

jṛmbhāmañjumukhāmbujāṅ madhumadavyāghūrṇadakṣitrayām.

sēvāyātasamastasaṅnidhisakhīḥ saṅmānayantīṅ dṛśā
saṅpaśyanparadēvatāṅ paramahō manyē kṛtārthaṅ januḥ৷৷24৷৷

pādyaṅ tē parikalpayāmi padayōrarghyaṅ tathā hastayōḥ

saudhībhirmadhuparkamamba madhuraṅ dhārābhirāsvādaya.

tōyēnācamanaṅ vidhēhi śucinā gāṅgēna matkalpitaṅ
sāṣṭāṅgaṅ praṇipātamīśadayitē dṛṣṭyā kṛtārthī kuru৷৷26৷৷

nidhēhi maṇipādukōpari padāmbujaṅ majjanā-

layaṅ vraja śanaiḥ sakhīkṛtakarāmbujālambanam.

mahēśi karuṇānidhē tava dṛgantapātōtsukā-
nvilōkaya manāgamūnubhayasaṅsthitāndaivatān৷৷28৷৷

kanakakalaśajālasphāṭikasnānapīṭhā-

dyupakaraṇaviśālaṅ gandhamattālimālam.

sphuradaruṇavitānaṅ mañjugandharvagānaṅ
paramaśivamahēlē majjanāgāramēhi৷৷30৷৷

tatra sphāṭikapīṭhamētya śanakairuttāritālaṅkṛti-

rnīcairujjhitakañcukōparihitāraktōttarīyāmbarā.

vēṇībandhamapāsya kaṅkatikayā kēśaprasādaṅ manā-
kkurvāṇā paradēvatā bhagavatī cittē mama dyōtatām৷৷32৷৷

kṛtaparikarabandhāstuṅgapīnastanāḍhyā

maṇinivahanibaddhā hēmakumbhīrdadhānāḥ.

surabhisalilaniryadgandhalubdhālimālāḥ
savinayamupatasthuḥ sarvataḥ snānadāsyaḥ৷৷34৷৷

pratyaṅgaṅ parimārjayāmi śucinā vastrēṇa saṅprōñchanaṅ

kurvē kēśakalāpamāyatataraṅ dhūpōttamairdhūpitam.

ālībṛndavinirmitāṅ yavanikāmāsthāpya ratnaprabhaṅ
bhaktatrāṇaparē mahēśagṛhiṇi snānāmbaraṅ mucyatām৷৷36৷৷

vilulitacikurēṇa cchāditāṅsapradēśē

maṇinikaravirājatpādukānyastapādē.

sulalitamavalambya drāksakhīmaṅsadēśē
giriśagṛhiṇi bhūṣāmaṇṭapāya prayāhi৷৷38৷৷

snigdhaṅ kaṅkatikāmukhēna śanakaiḥ saṅśōdhya kēśōtkaraṅ

sīmantaṅ viracayya cārū vimalaṅ sindūrarēkhānvitam.

muktābhirgrathitālakāṅ maṇicitaiḥ sauvarṇasūtraiḥ sphuṭaṅ
prāntē mauktikagucchakōpalatikāṅ grathnāmi vēṇīmimām৷৷40৷৷

tvāmāśrayadbhiḥ kabarītamisrai-

rbandīkṛtaṅ drāgiva bhānubimbam.

maṛḍāni cūḍāmaṇimādadhānaṅ
vandāmahē tāvakamuttamāṅgam৷৷42৷৷

mīnāmbhōruhakhañjarīṭasuṣamāvistāravismārakē

kurvāṇē kila kāmavairimanasaḥ kaṅdarpabāṇaprabhām.

mādhvīpānamadāruṇē.ticapalē dīrghē dṛgambhōruhē
dēvi svarṇaśalākayōrjitamidaṅ divyāñjanaṅ dīyatām৷৷44৷৷

uḍukṛtaparivēṣaspardhayā śītabhānō-

riva viracitadēhadvandvamādityabimbam.

aruṇamaṇisamudyatprāntavibhrājimuktaṅ
śravasi parinidhēhi svarṇatāṭaṅkayugmam৷৷46৷৷

nānādēśasamutthitairmaṇigaṇaprōdyatprabhāmaṇḍala-

vyāptairābharaṇairvirājitagalāṅ muktācchaṭālaṅkṛtām.

madhyasthāruṇaratnakāntirucirāṅ prāntasthamuktāphala-
vrātāmamba catuṣkikāṅ paraśivē vakṣaḥsthalē sthāpaya৷৷48৷৷

karasarasijanālē visphuratkāntijālē

vilasadamalaśōbhē cañcadīśākṣilōbhē.

vividhamaṇimayūkhōdbhāsitaṅ dēvi durgē
kanakakaṭakayugmaṅ bāhuyugmē nidhēhi৷৷50৷৷

vitatanijamayūkhairnirmitāmindranīlai-

rvijitakamalanālālīnamattālimālām.

maṇigaṇakhacitābhyāṅ kaṅkaṇābhyāmupētāṅ
kalaya valayarājīṅ hastamūlē mahēśi৷৷52৷৷

ālavālamiva puṣpadhanvanā

bālavidrumalatāsu nirmitam.

aṅgulīṣu vinidhīyatāṅ śanai-
raṅgulīyakamidaṅ madarpitam৷৷54৷৷

vyālambamānavaramauktikagucchaśōbhi

vibhrājihāṭakapuṭadvayarōcamānam.

hēmnā vinirmitamanēkamaṇiprabandhaṅ
nīvīnibandhanaguṇaṅ vinivēdayāmi৷৷56৷৷

nibaddhaśitipaṭṭakapravaragucchasaṅśōbhitāṅ

kalakvaṇitamañjulāṅ giriśacittasaṅmōhanīm.

amandamaṇimaṇḍalīvimalakāntikimmīritāṅ
nidhēhi padapaṅkajē kanakaghuṅghurūmambikē৷৷58৷৷

padāmbujamupāsituṅ parigatēna śītāṅśunā

kṛtāṅ tanuparamparāmiva dināntarāgāruṇām.

mahēśi navayāvakadravabharēṇa śōṇīkṛtāṅ
namāmi nakhamaṇḍalīṅ caraṇapaṅkajasthāṅ tava৷৷60৷৷

gṛhāṇa paramāmṛtaṅ kanakapātrasaṅsthāpitaṅ

samarpaya mukhāmbujē vimalavīṭikāmambikē.

vilōkaya mukhāmbujaṅ mukuramaṇḍalē nirmalē
nidhēhi maṇipādukōpari padāmbujaṅ sundari৷৷62৷৷

calantyāmambāyāṅ pracalati samastē parijanē

savēgaṅ saṅyātē kanakalatikālaṅkṛtibharē.

samantāduttālasphuritapadasaṅpātajanitai-
rjhaṇatkāraistārairjhaṇajhaṇitamāsīnmaṇigṛham৷৷64৷৷

vēdhāḥ pādatalē patayayamasau viṣṇurnamatyagrataḥ

śaṅbhurdēhi dṛgañcalaṅ surapatiṅ dūrasthamālōkaya.

ityēvaṅ paricārikābhiruditē saṅmānanāṅ kurvatī
dṛgdvandvēna yathōcitaṅ bhagavatī bhūyādvibhūtyai mama৷৷66৷৷

agrē kēcana pāśrvayōḥ katipayē pṛṣṭhē parē prasthitā

ākāśē samavasthitāḥ katipayē dikṣu sthitāścāparē.

saṅmardaṅ śanakairapāsya puratō daṇḍapraṇāmānmuhuḥ
kurvāṇāḥ katicitsurā girisutē dṛkpātamicchanti tē৷৷68৷৷

kasmaicitsucirādupāsitamahāmantraughasiddhiṅ kramā-

dēkasmai bhavaniḥspṛhāya paramānandasvarūpāṅ gatim.

anyasmai viṣayānuraktamanasē dīnāya duḥkhāpahaṅ
dravyaṅ dvārasamāśritāya dadatīṅ vandāmahē sundarīm৷৷70৷৷

tava dahanasadṛkṣairīkṣaṇairēva cakṣu-

rnikhilapaśujanānāṅ bhīṣayadbhīṣaṇāsyam.

kṛtavasati parēśaprēyasi dvāri nityaṅ
śarabhamithunamuccairbhaktiyuktō natō.smi৷৷72৷৷

svasthānasthitadēvatāgaṇavṛtē bindau mudā sthāpitaṅ

nānāratnavirājihēmavilasatkānticchaṭādurdinam.

cañcatkausumatūlikāsanayutaṅ kāmēśvarādhiṣṭhitaṅ
nityānandanidānamamba satataṅ vandē ca siṅhāsanam৷৷74৷৷

karpūrādikavastujātamakhilaṅ sauvarṇabhṛṅgārakaṅ

tāmbūlasya karaṇḍakaṅ maṇimayaṅ cailāñcalaṅ darpaṇam.

visphūrjanmaṇipādukē ca dadhatīḥ siṅhāsanasyābhita-
stiṣṭhantīḥ paricārikāstava sadā vandāmahē sundari৷৷76৷৷

prāntasphuradvimalamauktikagucchajālaṅ

cañcanmahāmaṇivicitritahēmadaṇḍam.

udyatsahasrakaramaṇḍalacāru hēma-
cchatraṅ mahēśamahilē vinivēśayāmi৷৷78৷৷

saṅtuṣṭāṅ paramāmṛtēna vilasatkāmēśvarāṅkasthitāṅ

puṣpaughairabhipūjitāṅ bhagavatīṅ tvāṅ vandamānā mudā.

sphūrjattāvakadēharaśmikalanāprāptasvarūpābhidāḥ
śrīcakrāvaraṇasthitāḥ savinayaṅ vandāmahē dēvatāḥ৷৷80

tripurāsudhārṇavāsana-

mārabhya tripuramālinī yāvat.

āvaraṇāṣṭakasaṅsthita-
māsanaṣaṭkaṅ namāmi paramēśi৷৷82৷৷

uḍyānajālaṅdharakāmarūpa-

pīṭhānimānpūrṇagiriprasaktān.

trikōṇadakṣāgrimasavyabhāga-
madhyasthitānsiddhikarānnamāmi৷৷84৷৷

tārānāthakalāpravēśanigamavyājādgatāsuprathaṅ

trailōkyē tithiṣu pravartitakalākāṣṭhādikālakramam.

ratnālaṅkṛticitravastralalitaṅ kāmēśvarīpūrvakaṅ
nityāṣōḍaśakaṅ namāmi lasitaṅ cakrātmanōrantarē৷৷86৷৷

hṛdayamatha śiraḥ śikhākhilādyē

kavacamathō nayanatrayaṅ ca dēvi.

munijanaparicintitaṅ tathāstraṅ
sphuratu sadā hṛdayē ṣaḍaṅgamētat৷৷88৷৷

sarvāśāparipūrakē vasudaladvandvēna vibhrājitē

visphūrjantripurēśvarīnivasatau cakrē sthitā nityaśaḥ.

kāmākarṣaṇikādayō maṇigaṇabhrājiṣṇudivyāmbarā
yōginyaḥ pradiśantu kāṅkṣitaphalaṅ vikhyātaguptābhidhāḥ৷৷90৷৷

lasadyugadṛśārakē sphurati sarvasaubhāgyadē

śubhābharaṇabhūṣitatripuravāsinīmandirē.

sthitā dadhatu maṅgalaṅ subhagasarvasaṅkṣōbhiṇī-
mukhāḥ sakalasiddhayō viditasaṅpradāyābhidhāḥ৷৷92৷৷

antaḥśōbhidaśārakē.tilalitē sarvādirakṣākarē

mālinyā tripurādyayā viracitāvāsē sthitaṅ nityaśaḥ.

nānāratnavibhūṣaṇaṅ maṇigaṇabhrājiṣṇu divyāmbaraṅ
sarvajñādikaśaktibṛndamaniśaṅ vandē nigarbhābhidham৷৷94৷৷

cūtāśōkavikāsikētakarajaḥ prōdbhāsinīlāmbuja-

prasphūrjannavamallikāsamuditaiḥ puṣpaiḥ śarāninarmitān.

ramyaṅ puṣpaśarāsanaṅ sulalitaṅ pāśaṅ tathā cāṅkuśaṅ
vandē tāvakamāyudhaṅ paraśivē cakrāntarālē sthitam৷৷96৷৷

sarvānandamayē samastajagatāmākāṅkṣitē baindavē

bhairavyā tripurādyayā viracitāvāsē sthitā sundarī.

ānandōllasitēkṣaṇā maṇigaṇabhrājiṣṇubhūṣāmbarā
visphūrjadvadanā parāpararahaḥ sā pātu māṅ yōginī৷৷98৷৷

vairamuddhatamapāsya śaṅbhunā

mastakē vinihitaṅ kalācchalāt.

gandhalubdhamadhupāśritaṅ sadā
kētakīkusumamarpayāmi tē৷৷100৷৷

agarubahaladhūpājasrasaurabhyaramyāṅ

marakatamaṇirājīrājihārisnabhām.

diśi vidiśi visarpadgandhalubdhālimālāṅ
vakulakusumamālāṅ kaṇṭhapīṭhē.rpayāmi৷৷102৷৷

dhūpaṅ tē.garusaṅbhavaṅ bhagavati prōllāsigandhōddhuraṅ

dīpaṅ caiva nivēdayāmi mahasā hārdāndhakāracchidam.

ratnasvarṇavinirmitēṣu paritaḥ pātrēṣu saṅsthāpitaṅ
naivēdyaṅ vinivēdayāmi paramānandātmikē sundari৷৷104৷৷

śimbīsūraṇaśākabimbabṛhatīkūśmāṇḍakōśātakī-

vṛntākāni paṭōlakāni mṛdunā saṅsādhitānyagninā.

saṅpannāni ca vēsavāravisarairdivyāni bhaktyā kṛtā-
nyagrē tē vinivēdayāmi girijē sauvarṇapātravrajē৷৷106৷৷

sitayāñcitalaḍḍukavrajā-

nmṛdupūpānmṛdulāśca pūrikāḥ.

paramānnamidaṅ ca pārvati
praṇayēna pratipādayāmi tē৷৷108৷৷

agrē tē vinivēdya sarvamamitaṅ naivēdyamaṅgīkṛtaṅ

jñātvā tattvacatuṣṭayaṅ prathamatō manyē sutṛptāṅ tataḥ.

dēvīṅ tvāṅ pariśiṣṭamamba kanakāmatrēṣu saṅsthāpitaṅ
śaktibhyaḥ samupāhārāmi sakalaṅ dēvēśi śaṅbhupriyē৷৷110৷৷

paṅktyōpaviṣṭānparitastu cakraṅ

śaktyā svayāliṅkitavāmabhāgān.

sarvōpacāraiḥ paripūjya bhaktyā
tavāmbikē pāriṣadānnamāmi৷৷112৷৷

dṛśyatē tava mukhāmbujaṅ śivē

śrūyatē sphuṭamanāhatadhvaniḥ.

arcanē tava girāmagōcarē
na prayāti viṣayāntaraṅ manaḥ৷৷114৷৷

cakṣuḥ paśyatu nēha kiṅcana paraṅ ghrāṇaṅ na vā jighratu

śrōtraṅ hanta śrṛṇōtu na tvagapi na sparśaṅ samālambatām.

jihvā vēttu na vā rasaṅ mama paraṅ yuṣmatsvarūpāmṛtē
nityānandavighūrṇamānanayanē nityaṅ manō majjatu৷৷116৷৷

gaṇādhināthaṅ vaṭukaṅ ca yōginīḥ

kṣētrādhināthaṅ ca vidikcatuṣṭayē.

sarvōpacāraiḥ paripūjya bhaktitō
nivēdayāmō balimuktayuktibhiḥ৷৷118৷৷

tāmbūlaṅ vinivēdayāmi vilasatkarpūrakastūrikā-

jātīpūgalavaṅgacūrṇakhadirairbhaktyā samullāsitam.

sphūrjadratnasamudgakapraṇihitaṅ sauvarṇapātrē sthitai-
rdīpairujjvalamannacūrṇaracitairārārtikaṅ gṛhyatām৷৷120৷৷

tāmbūlōdbhāsivaktraistvadamalavadanālōkanōllāsinētrai-

ścakrasthaiḥ śaktisaṅghaiḥ parihṛtaviṣayāsaṅgamākarṇyamānam.

gītajñābhiḥ prakāmaṅ madhurasamadhuraṅ vāditaṅ kiṅnarībhi-
rvīṇājhaṅkāranādaṅ kalaya paraśivānandasaṅdhānahētōḥ৷৷122৷৷

yathēpsitamanōgataprakaṭitōpacārārcitāṅ

nijāvaraṇadēvatāgaṇavṛtāṅ surēśasthitām.

kṛtāñjalipuṭō muhuḥ kalitabhūmiraṣṭāṅgakai-
rnamāmi bhagavatyahaṅ tripurasundari trāhi mām৷৷124৷৷

kvāhaṅ mandamatiḥ kva cēdamakhilairēkāntabhaktaiḥ stutaṅ

dhyātaṅ dēvi tathāpi tē svamanasā śrīpādukāpūjanam.

kādācitkamadīyacintanavidhau saṅtuṣṭayā śarmadaṅ
stōtraṅ dēvatayā tayā prakaṭitaṅ manyē madīyānanē৷৷126৷৷