akiṅcitkarakarmabhyaḥ pratyāhṛtya kṛpāvaśāt.
subrahmaṇyaḥ stutāvasyāṅ tannaḥ ṣaṇmukhaḥ pracōdayāt৷৷2৷৷

yā varṇapadavākyārthagadyapadyasvarūpiṇī.
vāci nartayatu kṣipraṅ mēdhāṅ dēvī sarasvatī৷৷4৷৷

mandā nindālōlupāhaṅ svabhāvā-

dētatstōtraṅ pūryatē kiṅ mayēti.

mā tē bhītirhē matē tvādṛśānā-
mēṣā nētrī rādhasā sūnṛtānām৷৷6৷৷

tasya madhyē maṇidvīpaḥ kalpakārāmabhūṣitaḥ.
astu mē lalitāvāsaḥ svastidā abhayaṅkaraḥ৷৷8৷৷

tatra vaprāvalī līlā gaganōllaṅghigōpuram.
mātaḥ kautūhalaṅ dadyātsaō hāryaṅ(?) nagaraṅ tava৷৷10৷৷

tatraiva cintāmaṇidhōraṇārcibhi-

rvinirmitaṅ rōpitaratnaśrṛṅgam.

bhajē bhavānībhavanāvataṅsa-
mādityavarṇaṅ tamasaḥ parastāt৷৷12৷৷

pañcabrahmamayō mañcastatra yō bindumadhyagaḥ.
tava kāmēśi vāsō.yamāyuṣmantaṅ karōtu mām৷৷14৷৷

paryaṅkatalpōpari darśanīyaṅ

sabāṇacāpāṅkuśapāśapāṇim.

aśēṣabhūṣāramaṇīyamīḍē
trilōcanaṅ nīlakaṇṭhaṅ praśāntam৷৷16৷৷

tatra kāmēśavāmāṅkē khēlantīmalikuntalām.
saccidānandalaharīṅ mahālakṣmīmupāsmahē৷৷18৷৷

śivē namannirjarakuñjarāsura-

pratōlikāmaulimarīcivīcibhiḥ.

idaṅ tava kṣālanajātasaubhagaṅ
caraṇaṅ nō lōkē sudhitāṅ dadhātu৷৷20৷৷

kēśōdbhūtairadbhutāmōdapūrai-

rāśābṛndaṅ sāndramāpūrayantīm.

tvāmānamya tvatprasādātsvayaṅbhū-
rasmānmāyī sṛjatē viśvamētat৷৷22৷৷

kalhāraśrīmañjarīpuñjarītiṅ

dhikkurvantīmamba tē pāṭalimnā.

mūrtiṅ dhyātvā śāśvatīṅ bhūtimāya-
nnindrō rājā jagatō ya īśē৷৷24৷৷

puṅskōkilakalakvāṇakōmalālāpaśālini.
bhadrāṇi kuru mē mātarduritāni parāsuva৷৷26৷৷

ṣōḍhānyāsādidēvaiśca sēvitā cakramadhyagā.
kāmēśamahiṣī bhūyaḥ ṣōḍaśī śarma yacchatu৷৷28৷৷

tvamēva kāraṇaṅ kāryaṅ kriyā jñānaṅ tvamēva ca.
tvāmamba na vinā kiṅcittvayi sarvaṅ pratiṣṭhitam৷৷30৷৷

duṣṭāndaityānhantukāmāṅ maharṣī-

nśiṣṭānanyānpātukāmāṅ karābjaiḥ.

aṣṭābhistvāṅ sāyudhairbhāsamānāṅ
durgāṅ dēvī(ō) (?) śaraṇamahaṅ prapadyē৷৷32৷৷

nāhaṅ manyē daivataṅ mānyamanya-

ttvatpādābjādambikē kumbhajādyāḥ.

yē dhyātārō bhaktisaṅśuddhacittāḥ
parāmṛtātparimucyanti sarvē৷৷34৷৷

kalyāṇi tvaṅ kundahāsaprakāśai-

rantardhvāntaṅ nāśayantī kṣaṇēna.

hantāsmākaṅ dhyāyatāṅ tvatpadābja-
muccatiṣṭha mahatē saubhagāya৷৷36৷৷

madvaśyā yē durācārā yē ca sanmārgagāminaḥ.
bhavatyāḥ kṛpayā sarvē suvaryantu yajamānāḥ৷৷38৷৷

bhavāni tava pādābjanirṇējanapavitratāḥ.
bhavāmayapraśāntyai tvāmapō yācāmi bhēṣajam৷৷40৷৷

nō vā yāgairnaiva pūrtādikṛtyai-

rnō vā japyairnō mahadbhistapōbhiḥ.

nō vā yōgaiḥ klēśakṛdbhiḥ sumēdhā
nicāyyēmāṅ śāntimatyantamēti৷৷42৷৷

bandhūkābhairbhānubhirbhāsayantī

viśvaṅ śaśvattuṅgapīnastanārdhā.

lāvaṇyābdhēḥ sundari tvaṅ prasādā-
dāyuḥ prajāō rayimasmāsu dhēhi৷৷44৷৷

vāgdēvīti tvāṅ vadantyamba kēci-

llakṣmīrgaurītyēvamanyē.pyuśanti.

śaśvanmātaḥ pratyagadvaitarūpāṅ
śaṅsanti kēcinnividō janāḥ৷৷46৷৷

yē saṅpannāḥ sādhanaistaiścaturbhiḥ

śuśrūṣābhirdēśikaṅ prīṇayanti.

samyagvidvāñśuddhasattvāntarāṇāṅ
tēṣāmēvaitāṅ brahmavidyāṅ vadēta৷৷48৷৷

jagatpavitri māmikāmapāharāśu durjarām.
prasīda mē dayādhunē praśastimamba naḥ skṛdhi৷৷50৷৷

bhaṇḍabhaṇḍanalīlāyāṅ raktacandanapaṅkilaḥ.
aṅkuśastava taṅ hanyādyaśca nō dvēṣatē janaḥ৷৷52৷৷

cañcadbālātapajyōtsnākalāmaṇḍalaśālinē.
aikṣavāya namō mātarbāhubhyāṅ tava dhanvanē৷৷54৷৷

śaraṇaṅ karavāṇyamba caraṇaṅ tava sundari.
śapē tvatpādukābhyāṅ mē nānyaḥ panthā ayanāya৷৷56৷৷

daridraṅ māṅ vijānīhi sarvajñāsi yataḥ śivē.
dūrīkṛtyāśu duritamathā nō vardhayā rayim৷৷58৷৷

mūlādhārādūrdhvamantaścarantīṅ

bhittvā granthīnmūrdhni niryatsudhārdrām.

paśyantastvāṅ yē ca tṛptiṅ labhantē
tēṣāṅ śāntiḥ śāśvatī nētarēṣām৷৷60৷৷

tvadbhaktānāmamba śāntaiṣaṇānāṅ

brahmiṣṭhānāṅ dṛṣṭipātēna pūtaḥ.

pāpīyānapyāvṛtaḥ svarvadhūbhiḥ
śōkātigō mōdatē svargalōkē৷৷62৷৷

vidvanmukhyairvidrumābhaṅ viśāla-

śrōṇīśiñjanmēkhalākiṅkiṇīkam.

candrōttaṅsaṅ cinmayaṅ vastu kiṅci-
dviddhi tvamētannihitaṅ guhāyām৷৷64৷৷

cakṣuḥprēṅkhatprēmakāruṇyadhārāṅ

haṅsajyōtsnāpūrahṛṣyaccakōrām.

yāmāśilaṣyanmōdatē dēvadēvaḥ
sā nō dēvī suhavā śarma yacchatu৷৷66৷৷

kā mē bhītiḥ kā kṣatiḥ kiṅ durāpaṅ

kāmēśāṅkōttuṅgaparyaṅkasaṅsthām.

tattvātītāmacyutānandadātrīṅ
dēvīmahaṅ niḥṛtiṅ vandamānaḥ৷৷68৷৷

tāruṇyōttuṅgitakucē lāvaṇyōllāsitēkṣaṇē.
tavājñayaiva kāmādyā māsmānprāpannarātayaḥ৷৷70৷৷

kurvē garvēṇāpacārānapārā-

nyadyapyamba tvatpadābjaṅ tathāpi.

manyē dhanyē dēvi vidyāvalambaṅ
mātēva putraṅ bibhṛtāsvēnam৷৷72৷৷

cakraṅ sēvē tārakaṅ sarvasidhyai

śrīmanmātaḥ siddhayaścāṇimādyāḥ.

nityā mudrā śaktayaścāṅgadēvyō
yasmindēvā adhi viśvē niṣēduḥ৷৷74৷৷

vidyudvallakandalīṅ kalpayantīṅ

mūrtiṅ sphūrtyā paṅkajaṅ dhārayantīm.

dhyāyanhi tvāṅ jāyatē sārvabhaumō
viśvā āśāḥ pṛtanāḥ saṅjayañjayan৷৷76৷৷

sindūrābhaiḥ sundarairaṅśubṛndai-

rlākṣālakṣmyāṅ majjayantīṅ jaganti.

hērambāmba tvāṅ hṛdā lambatē ya-
stasmai viśaḥ svayamēvānamantē৷৷78৷৷

kaṇṭhātkuṇḍalinīṅ nītvā sahasrāraṅ śivē tava.
na punarjāyatē garbhē sumēdhā amṛtōkṣitaḥ৷৷80৷৷

tavānugrahanirbhinnahṛdayagranthiradrijē.
svātmatvēna jaganmatvā tatō na vijugupsatē৷৷82৷৷

hrīmityēkaṅ tāvakaṅ vācakārṇaṅ

yajjihvāgrē dēvi jāgarti kiṅcit.

kō vāyaṅ syātkāmakāmastrilōkyāṅ
sarvē.smai dēvā balimāvahanti৷৷84৷৷

nūnaṅ siṅhāsanēśvaryāstavājñāṅ śirasā vahan.
bhayēna pavamānō.yaṅ sarvā diśō.nuvidhāvati৷৷86৷৷

dāridrayābdhau dēvi magnō.pi śaśva-

dvācā yācē nāhamamba tvadanyam.

tasmādasmadvāñchitaṅ pūrayaita-
duṣā sā naktā sudughēva dhēnuḥ৷৷88৷৷

sādhakaḥ satataṅ kuryādaikyaṅ śrīcakradēhayōḥ.
tathā dēvyātmanōraikyamētāvadanuśāsanam৷৷90৷৷

iṣṭāniṣṭaprāptivicchittihētuḥ

stōtuṅ vācāṅ klṛptirityēva manyē.

tvadrūpaṅ hi svānubhūtyaikavēdyaṅ
na cakṣuṣā gṛhyatē nāpi vācā৷৷92৷৷

yastē rākācandrabimbāsanasthāṅ

pīyūṣābdhiṅ kalpayantīṅ mayūkhaiḥ.

mūrtiṅ bhaktyā dhyāyatē hṛtsarōjē
na tasya rōgō na jarā na mṛtyuḥ৷৷94৷৷

vairiñcōghairviṣṇurudrēndrabṛndai-

rdurgākālībhairavīśaktisaṅghaiḥ.

yantrēśi tvaṅ vartasē stūyamānā
na tatra sūryō bhāti na candratārakam৷৷96৷৷

puṣpavatpullatāṭaṅkāṅ prātarādityapāṭalām.
yastvāmantaḥ smaratyamba tasya dēvā asanvaśē৷৷98৷৷

vāmāṅkasthāmīśiturdīpyamānāṅ

bhūṣābṛndairindurēkhāvataṅsām.

yastvāṅ paśyansaṅtataṅ naiva tṛptaḥ
tasmai ca dēvi vaṣaḍastu tubhyam৷৷100৷৷

bhaktyābhaktyā vāpi padyāvasāna-

śrutyā stutyā caitayā stauti yastvām.

tasya kṣipraṅ tvatprasādēna mātaḥ
satyāḥ santu yajamānasya kāmāḥ৷৷102৷৷

mādhurīsaurabhāvāsacāpasāyakadhāriṇīm.
dēvīṅ dhyāyanpaṭhēdētatsarvakāmārthasiddhayē৷৷104৷৷

yaḥ paṭhati stutimētāṅ-

vidyāvantaṅ tamamba dhanavantam.

kuru dēvi yaśasvantaṅ
varcasvantaṅ manuṣyēṣu৷৷106৷৷

tvāmēvāhaṅ staumi nityaṅ praṇaumi

śrīvidyēśāṅ vacmi saṅcintayāmi.

adhyāstē yā viśvamātā virājō
hṛtpuṇḍarīkaṅ virajaṅ viśuddham৷৷108৷৷