Devotional Hyms - Devi

||ଶ୍ରୀଃ||

||ତ୍ରିପୁରସୁନ୍ଦରୀବେଦପାଦସ୍ତୋତ୍ରମ୍||

ବେଦପାଦସ୍ତବଂ ବକ୍ଷ୍ଯେ ଦେବ୍ଯାଃ ପ୍ରିଯଚିକୀର୍ଷଯା|
ଯଥାମତି ମତିଂ ଦେବସ୍ତନ୍ନୋ ଦନ୍ତିଃ ପ୍ରଚୋଦଯାତ୍||1||

ଅକିଂଚିତ୍କରକର୍ମଭ୍ଯଃ ପ୍ରତ୍ଯାହୃତ୍ଯ କୃପାବଶାତ୍|
ସୁବ୍ରହ୍ମଣ୍ଯଃ ସ୍ତୁତାବସ୍ଯାଂ ତନ୍ନଃ ଷଣ୍ମୁଖଃ ପ୍ରଚୋଦଯାତ୍||2||

ଅକାରାଦିକ୍ଷକାରାନ୍ତବର୍ଣାବଯବଶାଲିନୀ|
ବୀଣାପୁସ୍ତକହସ୍ତାବ୍ଯାତ୍ପ୍ରଣୋ ଦେବୀ ସରସ୍ବତୀ||3||

ଯା ବର୍ଣପଦବାକ୍ଯାର୍ଥଗଦ୍ଯପଦ୍ଯସ୍ବରୂପିଣୀ|
ବାଚି ନର୍ତଯତୁ କ୍ଷିପ୍ରଂ ମେଧାଂ ଦେବୀ ସରସ୍ବତୀ||4||

ଉପାସ୍ଯମାନା ବିପ୍ରେନ୍ଦ୍ରୈଃ ସନ୍ଧ୍ଯାସୁ ଚ ତିସୃଷ୍ବପି|
ସଦ୍ଯଃ ପ୍ରସୀଦ ମେ ମାତଃ ସନ୍ଧ୍ଯାବିଦ୍ଯେ ସରସ୍ବତୀ||5||

ମନ୍ଦା ନିନ୍ଦାଲୋଲୁପାହଂ ସ୍ବଭାବା-

ଦେତତ୍ସ୍ତୋତ୍ରଂ ପୂର୍ଯତେ କିଂ ମଯେତି|

ମା ତେ ଭୀତିର୍ହେ ମତେ ତ୍ବାଦୃଶାନା-
ମେଷା ନେତ୍ରୀ ରାଧସା ସୂନୃତାନାମ୍||6||

ତରଙ୍ଗଭ୍ରୁକୁଟୀକୋଟିଭଙ୍ଗ୍ଯା ତର୍ଜଯତେ ଜରାମ୍|
ସୁଧାମଯାଯ ଶୁଭ୍ରାଯ ସିନ୍ଧୂନାଂ ପତଯେ ନମଃ||7||

ତସ୍ଯ ମଧ୍ଯେ ମଣିଦ୍ବୀପଃ କଲ୍ପକାରାମଭୂଷିତଃ|
ଅସ୍ତୁ ମେ ଲଲିତାବାସଃ ସ୍ବସ୍ତିଦା ଅଭଯଂକରଃ||8||

କଦମ୍ବମଞ୍ଜରୀନିର୍ଯଦ୍ବାରୁଣୀପାରଣୋନ୍ମଦୈଃ|
ଦ୍ବିରେଫୈର୍ବର୍ଣନୀଯାଯ ବନାନାଂ ପତଯେ ନମଃ||9||

ତତ୍ର ବପ୍ରାବଲୀ ଲୀଲା ଗଗନୋଲ୍ଲଙ୍ଘିଗୋପୁରମ୍|
ମାତଃ କୌତୂହଲଂ ଦଦ୍ଯାତ୍ସଁ୍ ହାର୍ଯଂ(?) ନଗରଂ ତବ||10||

ପକରନ୍ଦଝରୀମଜ୍ଜନ୍ମିଲିନ୍ଦକୁଲସଂକୁଲାମ୍|
ପ(?)ଦ୍ମାଟବୀଂ ବନ୍ଦେ ଯଶସା ସଂପରୀବୃତାମ୍||11||

ତତ୍ରୈବ ଚିନ୍ତାମଣିଧୋରଣାର୍ଚିଭି-

ର୍ବିନିର୍ମିତଂ ରୋପିତରତ୍ନଶ୍ରୃଙ୍ଗମ୍|

ଭଜେ ଭବାନୀଭବନାବତଂସ-
ମାଦିତ୍ଯବର୍ଣଂ ତମସଃ ପରସ୍ତାତ୍||12||

ମୁନିଭିଃ ସ୍ବାତ୍ମଲାଭାଯ ଯଚ୍ଚକ୍ରଂ ହୃଦି ସେବ୍ଯତେ|
ତତ୍ର ପଶ୍ଯାମି ବୁଦ୍ଧ୍ଯା ତଦକ୍ଷରେ ପରମେ ବ୍ଯୋମନ୍||13||

ପଞ୍ଚବ୍ରହ୍ମମଯୋ ମଞ୍ଚସ୍ତତ୍ର ଯୋ ବିନ୍ଦୁମଧ୍ଯଗଃ|
ତବ କାମେଶି ବାସୋଯମାଯୁଷ୍ମନ୍ତଂ କରୋତୁ ମାମ୍||14||

ନାନାରତ୍ନଗୁଲୁଚ୍ଛାଲୀକାନ୍ତିକିମ୍ମୀଲିତୋଦରମ୍|
ବିମୃଶାମି ବିତାନଂ ତେତିଶ୍ଲକ୍ଷ୍ଣମତିଲୋମଶମ୍||15||

ପର୍ଯଙ୍କତଲ୍ପୋପରି ଦର୍ଶନୀଯଂ

ସବାଣଚାପାଙ୍କୁଶପାଶପାଣିମ୍|

ଅଶେଷଭୂଷାରମଣୀଯମୀଡେ
ତ୍ରିଲୋଚନଂ ନୀଲକଣ୍ଠଂ ପ୍ରଶାନ୍ତମ୍||16||

ଜଟାରୁଣଂ ଚନ୍ଦ୍ରକଲାଲଲାମଂ

ଉଦ୍ବେଲଲାବଣ୍ଯକଲାଭିରାମମ୍|

କାମେଶ୍ବରଂ କାମଶରାସନାଙ୍କଂ
ସମସ୍ତସାକ୍ଷିଂ ତମସଃ ପରସ୍ତାତ୍||17||

ତତ୍ର କାମେଶବାମାଙ୍କେ ଖେଲନ୍ତୀମଲିକୁନ୍ତଲାମ୍|
ସଚ୍ଚିଦାନନ୍ଦଲହରୀଂ ମହାଲକ୍ଷ୍ମୀମୁପାସ୍ମହେ||18||

ଚାରୁଗୋରୋଚନାପଙ୍କଜମ୍ବାଲିତଘନସ୍ତନୀମ୍|
ନମାମି ତ୍ବାମହଂ ଲୋକମାତରଂ ପଦ୍ମମାଲିନୀମ୍||19||

ଶିବେ ନମନ୍ନିର୍ଜରକୁଞ୍ଜରାସୁର-

ପ୍ରତୋଲିକାମୌଲିମରୀଚିବୀଚିଭିଃ|

ଇଦଂ ତବ କ୍ଷାଲନଜାତସୌଭଗଂ
ଚରଣଂ ନୋ ଲୋକେ ସୁଧିତାଂ ଦଧାତୁ||20||

କଲ୍ପସ୍ଯାଦୌ କାରଣେଶାନପି ତ୍ରୀ-

ନ୍ସ୍ରଷ୍ଟୁଂ ଦେବି ତ୍ରୀନ୍ଗୁଣାନାଦଧାନାମ୍|

ସେବେ ନିତ୍ଯଂ ଶ୍ରେଯସେ ଭୂଯସେ ତ୍ବା-
ମଜାମେକାଂ ଲୋହିତଶୁକ୍ଲକୃଷ୍ଣାମ୍||21||

କେଶୋଦ୍ଭୂତୈରଦ୍ଭୁତାମୋଦପୂରୈ-

ରାଶାବୃନ୍ଦଂ ସାନ୍ଦ୍ରମାପୂରଯନ୍ତୀମ୍|

ତ୍ବାମାନମ୍ଯ ତ୍ବତ୍ପ୍ରସାଦାତ୍ସ୍ବଯଂଭୂ-
ରସ୍ମାନ୍ମାଯୀ ସୃଜତେ ବିଶ୍ବମେତତ୍||22||

ଅର୍ଧୋନ୍ମୀଲଦ୍ଯୌବନୋଦ୍ଦାମଦର୍ପାଂ

ଦିବ୍ଯାକଲ୍ପୈରର୍ପଯନ୍ତୀଂ ମଯୂଖାନ୍|

ଦେବି ଧ୍ଯାତ୍ବା ତ୍ବାଂ ପୁରା କୈଟଭାରି-
ର୍ବିଶ୍ବଂ ବିଭର୍ତି ଭୁବନସ୍ଯ ନାଭିଃ||23||

କଲ୍ହାରଶ୍ରୀମଞ୍ଜରୀପୁଞ୍ଜରୀତିଂ

ଧିକ୍କୁର୍ବନ୍ତୀମମ୍ବ ତେ ପାଟଲିମ୍ନା|

ମୂର୍ତିଂ ଧ୍ଯାତ୍ବା ଶାଶ୍ବତୀଂ ଭୂତିମାଯ-
ନ୍ନିନ୍ଦ୍ରୋ ରାଜା ଜଗତୋ ଯ ଈଶେ||24||

ଦେବତାନ୍ତରମନ୍ତ୍ରୌଘଜପଶ୍ରୀଫଲଭୂତଯା|
ଜାପକସ୍ତବ ଦେବ୍ଯନ୍ତେ ବିଦ୍ଯଯା ବିନ୍ଦତେମୃତମ୍||25||

ପୁଂସ୍କୋକିଲକଲକ୍ବାଣକୋମଲାଲାପଶାଲିନି|
ଭଦ୍ରାଣି କୁରୁ ମେ ମାତର୍ଦୁରିତାନି ପରାସୁବ||26||

ଅନ୍ତେବାସିନ୍ନସ୍ତି ଚେତ୍ତେ ମୁମୁକ୍ଷା

ବକ୍ଷ୍ଯେ ଯୁକ୍ତିଂ ମୁକ୍ତସର୍ବୈଷଣଃ ସନ୍|

ସଦ୍ଭ୍ଯଃ ସାକ୍ଷାତ୍ସୁନ୍ଦରୀଂ ଜ୍ଞପ୍ତିରୂପାଂ
ଶ୍ରଦ୍ଧାଭକ୍ତିଧ୍ଯାନଯୋଗାଦବେହି||27||

ଷୋଢାନ୍ଯାସାଦିଦେବୈଶ୍ଚ ସେବିତା ଚକ୍ରମଧ୍ଯଗା|
କାମେଶମହିଷୀ ଭୂଯଃ ଷୋଡଶୀ ଶର୍ମ ଯଚ୍ଛତୁ||28||

ଶାନ୍ତୋ ଦାନ୍ତୋ ଦେଶିକେନ୍ଦ୍ରଂ ପ୍ରଣମ୍ଯ

ତସ୍ଯାଦେଶାତ୍ତାରକଂ ମନ୍ତ୍ରତତ୍ତ୍ବମ୍|

ଜାନୀତେ ଚେଦମ୍ବ ଧନ୍ଯଃ ସମାନଂ
ନାତଃ ପରଂ ବେଦିତବ୍ଯଂ ହି କିଂଚିତ୍||29||

ତ୍ବମେବ କାରଣଂ କାର୍ଯଂ କ୍ରିଯା ଜ୍ଞାନଂ ତ୍ବମେବ ଚ|
ତ୍ବାମମ୍ବ ନ ବିନା କିଂଚିତ୍ତ୍ବଯି ସର୍ବଂ ପ୍ରତିଷ୍ଠିତମ୍||30||

ପରାଗମଦ୍ରୀନ୍ଦ୍ରସୁତେ ତବାଙ୍ଘ୍ରି-

ସରୋଜଯୋରମ୍ବ ଦଧାମି ମୂର୍ଧ୍ନା|

ଅଲଂକୃତଂ ବେଦବଧୂଶିରୋଭି-
ର୍ଯତୋ ଜାତୋ ଭୁବନାନି ବିଶ୍ବା||31||

ଦୁଷ୍ଟାନ୍ଦୈତ୍ଯାନ୍ହନ୍ତୁକାମାଂ ମହର୍ଷୀ-

ନ୍ଶିଷ୍ଟାନନ୍ଯାନ୍ପାତୁକାମାଂ କରାବ୍ଜୈଃ|

ଅଷ୍ଟାଭିସ୍ତ୍ବାଂ ସାଯୁଧୈର୍ଭାସମାନାଂ
ଦୁର୍ଗାଂ ଦେବୀ(ଁ୍) (?) ଶରଣମହଂ ପ୍ରପଦ୍ଯେ||32||

ଦେବି ସର୍ବାନବଦ୍ଯାଙ୍ଗି ତ୍ବାମନାଦୃତ୍ଯ ଯେ କ୍ରିଯାଃ|
କୁର୍ବନ୍ତି ନିଷ୍ଫଲାସ୍ତେଷାମଦୁଗ୍ଧା ଇବ ଧେନବଃ||33||

ନାହଂ ମନ୍ଯେ ଦୈବତଂ ମାନ୍ଯମନ୍ଯ-

ତ୍ତ୍ବତ୍ପାଦାବ୍ଜାଦମ୍ବିକେ କୁମ୍ଭଜାଦ୍ଯାଃ|

ଯେ ଧ୍ଯାତାରୋ ଭକ୍ତିସଂଶୁଦ୍ଧଚିତ୍ତାଃ
ପରାମୃତାତ୍ପରିମୁଚ୍ଯନ୍ତି ସର୍ବେ||34||

କୁର୍ବାଣୋପି ଦୁରାରମ୍ଭାଂସ୍ତବ ନାମାନି ଶାଂଭବି|
ପ୍ରଜପନ୍ନେତି ମାଯାନ୍ତମତି ମୃତ୍ଯୁଂ ତରାମ୍ଯହମ୍||35||

କଲ୍ଯାଣି ତ୍ବଂ କୁନ୍ଦହାସପ୍ରକାଶୈ-

ରନ୍ତର୍ଧ୍ବାନ୍ତଂ ନାଶଯନ୍ତୀ କ୍ଷଣେନ|

ହନ୍ତାସ୍ମାକଂ ଧ୍ଯାଯତାଂ ତ୍ବତ୍ପଦାବ୍ଜ-
ମୁଚ୍ଚତିଷ୍ଠ ମହତେ ସୌଭଗାଯ||36||

ତିତୀର୍ଷଯା ଭବାମ୍ଭୋଧେର୍ହଯଗ୍ରୀବାଦଯଃ ପୁରା|
ଅପ୍ରମତ୍ତା ଭବତ୍ପୂଜାଂ ସୁବିଦ୍ବାଁସୋ ବିତେନିରେ||37||

ମଦ୍ବଶ୍ଯା ଯେ ଦୁରାଚାରା ଯେ ଚ ସନ୍ମାର୍ଗଗାମିନଃ|
ଭବତ୍ଯାଃ କୃପଯା ସର୍ବେ ସୁବର୍ଯନ୍ତୁ ଯଜମାନାଃ||38||

ଶ୍ରୀଚକ୍ରସ୍ଥାଂ ଶାଶ୍ବତୈଶ୍ବର୍ଯଦାତ୍ରୀଂ

ପୌଣ୍ଡ୍ରଂ ଚାପଂ ପୁଷ୍ପବାଣାନ୍ଦଧାନାମ୍|

ବନ୍ଧୂକାଭାଂ ଭାବଯାମି ତ୍ରିନେତ୍ରାଂ
ତାମଗ୍ନିବର୍ଣାଂ ତପସା ଜ୍ବଲନ୍ତୀମ୍||39||

ଭବାନି ତବ ପାଦାବ୍ଜନିର୍ଣେଜନପବିତ୍ରତାଃ|
ଭବାମଯପ୍ରଶାନ୍ତ୍ଯୈ ତ୍ବାମପୋ ଯାଚାମି ଭେଷଜମ୍||40||

ଚିଦାନନ୍ଦସୁଧାମ୍ଭୋଧେସ୍ତବାନନ୍ଦଲବୋସ୍ତି ଯଃ|
କାରଣେଶୈସ୍ତ୍ରିଭିଃ ସାକଂ ତଦ୍ବିଶ୍ବମୁପଜୀବତି||41||

ନୋ ବା ଯାଗୈର୍ନୈବ ପୂର୍ତାଦିକୃତ୍ଯୈ-

ର୍ନୋ ବା ଜପ୍ଯୈର୍ନୋ ମହଦ୍ଭିସ୍ତପୋଭିଃ|

ନୋ ବା ଯୋଗୈଃ କ୍ଲେଶକୃଦ୍ଭିଃ ସୁମେଧା
ନିଚାଯ୍ଯେମାଂ ଶାନ୍ତିମତ୍ଯନ୍ତମେତି||42||

ପ୍ରାତଃ ପାହି ମହାବିଦ୍ଯେ ମଧ୍ଯାହ୍ନେ ତୁ ମୃଡପ୍ରିଯେ|
ସାଯଂ ପାହି ଜଗଦ୍ବନ୍ଦ୍ଯେ ପୁନର୍ନଃ ପାହି ବିଶ୍ବତଃ||43||

ବନ୍ଧୂକାଭୈର୍ଭାନୁଭିର୍ଭାସଯନ୍ତୀ

ବିଶ୍ବଂ ଶଶ୍ବତ୍ତୁଙ୍ଗପୀନସ୍ତନାର୍ଧା|

ଲାବଣ୍ଯାବ୍ଧେଃ ସୁନ୍ଦରି ତ୍ବଂ ପ୍ରସାଦା-
ଦାଯୁଃ ପ୍ରଜାଁ୍ ରଯିମସ୍ମାସୁ ଧେହି||44||

କର୍ଣାକର୍ଣଯ ମେ ତତ୍ତ୍ବଂ ଯା ଚିଚ୍ଛକ୍ତିରିତୀର୍ଯତେ|
ତ୍ରିର୍ବଦାମି ମୁମୁକ୍ଷୂଣାଂ ସା କାଷ୍ଠା ସା ପରା ଗତିଃ||45||

ବାଗ୍ଦେବୀତି ତ୍ବାଂ ବଦନ୍ତ୍ଯମ୍ବ କେଚି-

ଲ୍ଲକ୍ଷ୍ମୀର୍ଗୌରୀତ୍ଯେବମନ୍ଯେପ୍ଯୁଶନ୍ତି|

ଶଶ୍ବନ୍ମାତଃ ପ୍ରତ୍ଯଗଦ୍ବୈତରୂପାଂ
ଶଂସନ୍ତି କେଚିନ୍ନିବିଦୋ ଜନାଃ||46||

ଲଲିତେତି ସୁଧାପୂରମାଧୁରୀଚୋରମମ୍ବିକେ|
ତବ ନାମାସ୍ତି ଯତ୍ତେନ ଜିହ୍ବା ମେ ମଧୁମତ୍ତମା||47||

ଯେ ସଂପନ୍ନାଃ ସାଧନୈସ୍ତୈଶ୍ଚତୁର୍ଭିଃ

ଶୁଶ୍ରୂଷାଭିର୍ଦେଶିକଂ ପ୍ରୀଣଯନ୍ତି|

ସମ୍ଯଗ୍ବିଦ୍ବାଞ୍ଶୁଦ୍ଧସତ୍ତ୍ବାନ୍ତରାଣାଂ
ତେଷାମେବୈତାଂ ବ୍ରହ୍ମବିଦ୍ଯାଂ ବଦେତ||48||

ଅଭିଚାରାଦିଭିଃ କୃତ୍ଯାଂ ଯଃ ପ୍ରେରଯତି ମଯ୍ଯୁମେ|
ତବ ହୁଂକାରସଂତ୍ରସ୍ତା ପ୍ରତ୍ଯକ୍କର୍ତାରମୃଚ୍ଛତୁ||49||

ଜଗତ୍ପବିତ୍ରି ମାମିକାମପାହରାଶୁ ଦୁର୍ଜରାମ୍|
ପ୍ରସୀଦ ମେ ଦଯାଧୁନେ ପ୍ରଶସ୍ତିମମ୍ବ ନଃ ସ୍କୃଧି||50||

କଦମ୍ବାରୁଣମମ୍ବାଯା ରୂପଂ ଚିନ୍ତଯ ଚିତ୍ତ ମେ|
ମୁଞ୍ଚ ପାପୀଯସୀଂ ନିଷ୍ଠାଂ ମା ଗୃଧଃ କସ୍ଯ ସ୍ବିଦ୍ଧନମ୍||51||

ଭଣ୍ଡଭଣ୍ଡନଲୀଲାଯାଂ ରକ୍ତଚନ୍ଦନପଙ୍କିଲଃ|
ଅଙ୍କୁଶସ୍ତବ ତଂ ହନ୍ଯାଦ୍ଯଶ୍ଚ ନୋ ଦ୍ବେଷତେ ଜନଃ||52||

ରେ ରେ ଚିତ୍ତ ତ୍ବଂ ବୃଧା ଶୋକସିନ୍ଧୌ

ମଜ୍ଜସ୍ଯନ୍ତର୍ବଚ୍ମ୍ଯୁପାଯଂ ବିମୁକ୍ତ୍ଯୈ|

ଦେବ୍ଯାଃ ପାଦୌ ପୂଜଯୈକାକ୍ଷରେଣ
ତତ୍ତେ ପଦଂ ସଂଗ୍ରହେଣ ବ୍ରବୀମ୍ଯୋମ୍||53||

ଚଞ୍ଚଦ୍ବାଲାତପଜ୍ଯୋତ୍ସ୍ନାକଲାମଣ୍ଡଲଶାଲିନେ|
ଐକ୍ଷବାଯ ନମୋ ମାତର୍ବାହୁଭ୍ଯାଂ ତବ ଧନ୍ବନେ||54||

ତାମେବାଦ୍ଯାଂ ବ୍ରହ୍ମବିଦ୍ଯାମୁପାସେ

ମୂର୍ତୈର୍ବେଦୈଃ ସ୍ତୂଯମାନାଂ ଭବାନୀମ୍|

ହନ୍ତ ସ୍ବାତ୍ମତ୍ବେନ ଯାଂ ମୁକ୍ତିକାମୋ
ମତ୍ବା ଧୀରୋ ହର୍ଷଶୋକୌ ଜହାତି||55||

ଶରଣଂ କରବାଣ୍ଯମ୍ବ ଚରଣଂ ତବ ସୁନ୍ଦରି|
ଶପେ ତ୍ବତ୍ପାଦୁକାଭ୍ଯାଂ ମେ ନାନ୍ଯଃ ପନ୍ଥା ଅଯନାଯ||56||

ରତ୍ନଚ୍ଛତ୍ରୈଶ୍ଚାମରୈର୍ଦର୍ପଣାଦ୍ଯୈ-

ଶ୍ଚକ୍ରେଶାନୀଂ ସର୍ବଦୋପାଚରନ୍ତ୍ଯଃ|

ଯୋଗିନ୍ଯୋନ୍ଯାଃ ଶକ୍ତଯଶ୍ଚାଣିମାଦ୍ଯା
ଯୂଯଂ ପାତଃ ସ୍ବସ୍ତିଭିଃ ସଦା ନଃ||57||

ଦରିଦ୍ରଂ ମାଂ ବିଜାନୀହି ସର୍ବଜ୍ଞାସି ଯତଃ ଶିବେ|
ଦୂରୀକୃତ୍ଯାଶୁ ଦୁରିତମଥା ନୋ ବର୍ଧଯା ରଯିମ୍||58||

ମହେଶ୍ବରି ମହାମନ୍ତ୍ରକୂଟତ୍ରଯକଲେବରେ|
କାଦିବିଦ୍ଯାକ୍ଷରଶ୍ରେଣିମୁଶନ୍ତସ୍ତ୍ବା ହବାମହେ||59||

ମୂଲାଧାରାଦୂର୍ଧ୍ବମନ୍ତଶ୍ଚରନ୍ତୀଂ

ଭିତ୍ତ୍ବା ଗ୍ରନ୍ଥୀନ୍ମୂର୍ଧ୍ନି ନିର୍ଯତ୍ସୁଧାର୍ଦ୍ରାମ୍|

ପଶ୍ଯନ୍ତସ୍ତ୍ବାଂ ଯେ ଚ ତୃପ୍ତିଂ ଲଭନ୍ତେ
ତେଷାଂ ଶାନ୍ତିଃ ଶାଶ୍ବତୀ ନେତରେଷାମ୍||60||

ମହ୍ଯଂ ଦ୍ରୁହ୍ଯନ୍ତି ଯେ ମାତସ୍ତ୍ବଦ୍ଧ୍ଯାନାସକ୍ତଚେତସେ|
ତାନମ୍ବ ସାଯକୈରେଭିରବ ବ୍ରହ୍ମଦ୍ବିଷୋ ଜହି||61||

ତ୍ବଦ୍ଭକ୍ତାନାମମ୍ବ ଶାନ୍ତୈଷଣାନାଂ

ବ୍ରହ୍ମିଷ୍ଠାନାଂ ଦୃଷ୍ଟିପାତେନ ପୂତଃ|

ପାପୀଯାନପ୍ଯାବୃତଃ ସ୍ବର୍ବଧୂଭିଃ
ଶୋକାତିଗୋ ମୋଦତେ ସ୍ବର୍ଗଲୋକେ||62||

ସନ୍ତୁ ବିଦ୍ଯା ଜଗତ୍ଯସ୍ମିନ୍ସଂସାରଭ୍ରମହେତବଃ|
ଭଜେହଂ ତ୍ବାଂ ଯଯା ବିଦ୍ବାନ୍ବିଦ୍ଯଯାମୃତମଶ୍ନୁତେ||63||

ବିଦ୍ବନ୍ମୁଖ୍ଯୈର୍ବିଦ୍ରୁମାଭଂ ବିଶାଲ-

ଶ୍ରୋଣୀଶିଞ୍ଜନ୍ମେଖଲାକିଙ୍କିଣୀକମ୍|

ଚନ୍ଦ୍ରୋତ୍ତଂସଂ ଚିନ୍ମଯଂ ବସ୍ତୁ କିଂଚି-
ଦ୍ବିଦ୍ଧି ତ୍ବମେତନ୍ନିହିତଂ ଗୁହାଯାମ୍||64||

ନ ବିସ୍ମରାମି ଚିନ୍ମୂର୍ତିମିକ୍ଷୁକୋଦଣ୍ଡଶାଲିନୀମ୍|
ମୁନଯଃ ସନକପ୍ରେଷ୍ଠାସ୍ତାମାହୁଃ ପରମାଂ ଗତିମ୍||65||

ଚକ୍ଷୁଃପ୍ରେଙ୍ଖତ୍ପ୍ରେମକାରୁଣ୍ଯଧାରାଂ

ହଂସଜ୍ଯୋତ୍ସ୍ନାପୂରହୃଷ୍ଯଚ୍ଚକୋରାମ୍|

ଯାମାଶ୍ିଲଷ୍ଯନ୍ମୋଦତେ ଦେବଦେବଃ
ସା ନୋ ଦେବୀ ସୁହବା ଶର୍ମ ଯଚ୍ଛତୁ||66||

ମୁଞ୍ଚ ବଞ୍ଚକତାଂ ଚିତ୍ତ ପାମରଂ ଚାପି ଦୈବତମ୍|
ଗୃହାଣ ପଦମମ୍ବାଯା ଏତଦାଲମ୍ବନଂ ପରମ୍||67||

କା ମେ ଭୀତିଃ କା କ୍ଷତିଃ କିଂ ଦୁରାପଂ

କାମେଶାଙ୍କୋତ୍ତୁଙ୍ଗପର୍ଯଙ୍କସଂସ୍ଥାମ୍|

ତତ୍ତ୍ବାତୀତାମଚ୍ଯୁତାନନ୍ଦଦାତ୍ରୀଂ
ଦେବୀମହଂ ନିଃଋତିଂ ବନ୍ଦମାନଃ||68||

ଚିନ୍ତାମଣିମଯୋତ୍ତଂସକାନ୍ତିକଞ୍ଚୁକିତାନନେ|
ଲଲିତେ ତ୍ବାଂ ସକୃନ୍ନତ୍ବା ନ ବିଭେତି କୁତଶ୍ଚନ||69||

ତାରୁଣ୍ଯୋତ୍ତୁଙ୍ଗିତକୁଚେ ଲାବଣ୍ଯୋଲ୍ଲାସିତେକ୍ଷଣେ|
ତବାଜ୍ଞଯୈବ କାମାଦ୍ଯା ମାସ୍ମାନ୍ପ୍ରାପନ୍ନରାତଯଃ||70||

ଆକର୍ଣାକୃଷ୍ଟକାମାସ୍ତ୍ରସଂଜାତଂ ତାପମମ୍ବ ମେ|
ଆଚାମତୁ କଟାକ୍ଷସ୍ତେ ପର୍ଜନ୍ଯୋ ବୃଷ୍ଟିମାନିବ||71||

କୁର୍ବେ ଗର୍ବେଣାପଚାରାନପାରା-

ନ୍ଯଦ୍ଯପ୍ଯମ୍ବ ତ୍ବତ୍ପଦାବ୍ଜଂ ତଥାପି|

ମନ୍ଯେ ଧନ୍ଯେ ଦେବି ବିଦ୍ଯାବଲମ୍ବଂ
ମାତେବ ପୁତ୍ରଂ ବିଭୃତାସ୍ବେନମ୍||72||

ଯଥୋପାସ୍ତିକ୍ଷତିର୍ନ ସ୍ଯାତ୍ତବ ଚକ୍ରସ୍ଯ ସୁନ୍ଦରି|
କୃପଯା କୁରୁ କଲ୍ଯାଣି ତଥା ମେ ସ୍ବସ୍ତିରାଯୁଷୀ||73||

ଚକ୍ରଂ ସେବେ ତାରକଂ ସର୍ବସିଧ୍ଯୈ

ଶ୍ରୀମନ୍ମାତଃ ସିଦ୍ଧଯଶ୍ଚାଣିମାଦ୍ଯାଃ|

ନିତ୍ଯା ମୁଦ୍ରା ଶକ୍ତଯଶ୍ଚାଙ୍ଗଦେବ୍ଯୋ
ଯସ୍ମିନ୍ଦେବା ଅଧି ବିଶ୍ବେ ନିଷେଦୁଃ||74||

ସୁକୁମାରେ ସୁଖାକାରେ ସୁନେତ୍ରେ ସୂକ୍ଷ୍ମମଧ୍ଯମେ|
ସୁପ୍ରସନ୍ନା ଭବ ଶିବେ ସୁମୃଡୀକା(?) ସରସ୍ବତୀ||75||

ବିଦ୍ଯୁଦ୍ବଲ୍ଲକନ୍ଦଲୀଂ କଲ୍ପଯନ୍ତୀଂ

ମୂର୍ତିଂ ସ୍ଫୂର୍ତ୍ଯା ପଙ୍କଜଂ ଧାରଯନ୍ତୀମ୍|

ଧ୍ଯାଯନ୍ହି ତ୍ବାଂ ଜାଯତେ ସାର୍ବଭୌମୋ
ବିଶ୍ବା ଆଶାଃ ପୃତନାଃ ସଂଜଯଞ୍ଜଯନ୍||76||

ଅବିଜ୍ଞାଯ ପରାଂ ଶକ୍ତିମାତ୍ମଭୂତାଂ ମହେଶ୍ବରୀମ୍|
ଅହୋ ପତନ୍ତି ନିରଯେଷ୍ବେକେ ଚାତ୍ମହନୋ ଜନାଃ||77||

ସିନ୍ଦୂରାଭୈଃ ସୁନ୍ଦରୈରଂଶୁବୃନ୍ଦୈ-

ର୍ଲାକ୍ଷାଲକ୍ଷ୍ମ୍ଯାଂ ମଜ୍ଜଯନ୍ତୀଂ ଜଗନ୍ତି|

ହେରମ୍ବାମ୍ବ ତ୍ବାଂ ହୃଦା ଲମ୍ବତେ ଯ-
ସ୍ତସ୍ମୈ ବିଶଃ ସ୍ବଯମେବାନମନ୍ତେ||78||

ତବ ତତ୍ତ୍ବଂ ବିମୃଶତାଂ ପ୍ରତ୍ଯଗଦ୍ବୈତଲକ୍ଷଣମ୍|
ଚିଦାନନ୍ଦଘନାଦନ୍ଯନ୍ନେହ ନାନାସ୍ତି କିଂଚନ||79||

କଣ୍ଠାତ୍କୁଣ୍ଡଲିନୀଂ ନୀତ୍ବା ସହସ୍ରାରଂ ଶିବେ ତବ|
ନ ପୁନର୍ଜାଯତେ ଗର୍ଭେ ସୁମେଧା ଅମୃତୋକ୍ଷିତଃ||80||

ତ୍ବତ୍ପାଦୁକାନୁସଂଧାନପ୍ରାପ୍ତସର୍ବାତ୍ମତାଦୃଶି|
ପୂର୍ଣାହଂକୃତିମତ୍ଯସ୍ମିନ୍ନ କର୍ମ ଲିପ୍ଯତେ ନରେ||81||

ତବାନୁଗ୍ରହନିର୍ଭିନ୍ନହୃଦଯଗ୍ରନ୍ଥିରଦ୍ରିଜେ|
ସ୍ବାତ୍ମତ୍ବେନ ଜଗନ୍ମତ୍ବା ତତୋ ନ ବିଜୁଗୁପ୍ସତେ||82||

କଦା ବସୁଦଲୋପେତେ ତ୍ରିକୋଣନବକାନ୍ବିତେ|
ଆବାହଯାମି ଚକ୍ରେ ତ୍ବାଂ ସୂର୍ଯାଭାଂ ଶ୍ରିଯମୈଶ୍ବରୀମ୍||83||

ହ୍ରୀମିତ୍ଯେକଂ ତାବକଂ ବାଚକାର୍ଣଂ

ଯଜ୍ଜିହ୍ବାଗ୍ରେ ଦେବି ଜାଗର୍ତି କିଂଚିତ୍|

କୋ ବାଯଂ ସ୍ଯାତ୍କାମକାମସ୍ତ୍ରିଲୋକ୍ଯାଂ
ସର୍ବେସ୍ମୈ ଦେବା ବଲିମାବହନ୍ତି||84||

ନାକସ୍ତ୍ରୀଣାଂ କିନ୍ନରୀଣାଂ ନୃପାଣା-

ମପ୍ଯାକର୍ଷୀ ଚେତସା ଚିନ୍ତନୀଯମ୍|

ତ୍ବତ୍ପାଣିସ୍ଥଂ କୁଙ୍କୁମାଭଂ ଶିବେ ଯଂ
ଦ୍ବିଷ୍ମସ୍ତସ୍ମିନ୍ପ୍ରତି ମୁଞ୍ଚାମି ପାଶମ୍||85||

ନୂନଂ ସିଂହାସନେଶ୍ବର୍ଯାସ୍ତବାଜ୍ଞାଂ ଶିରସା ବହନ୍|
ଭଯେନ ପବମାନୋଯଂ ସର୍ବା ଦିଶୋନୁବିଧାବତି||86||

ତ୍ରିକଲାଢ୍ଯାଂ ତ୍ରିହୃଲ୍ଲେଖାଂ ଦ୍ବିହଂସସ୍ବରଭୂଷିତାମ୍|
ଯୋ ଜପତ୍ଯମ୍ବ ତେ ବିଦ୍ଯାଂ ସୋକ୍ଷରଃ ପରମଃ ସ୍ବରାଟ୍||87||

ଦାରିଦ୍ରଯାବ୍ଧୌ ଦେବି ମଗ୍ନୋପି ଶଶ୍ବ-

ଦ୍ବାଚା ଯାଚେ ନାହମମ୍ବ ତ୍ବଦନ୍ଯମ୍|

ତସ୍ମାଦସ୍ମଦ୍ବାଞ୍ଛିତଂ ପୂରଯୈତ-
ଦୁଷା ସା ନକ୍ତା ସୁଦୁଘେବ ଧେନୁଃ||88||

ଯୋ ବା ଯଦ୍ଯତ୍କାମନାକୃଷ୍ଟଚିତ୍ତଃ

ସ୍ତୁତ୍ବୋପାସ୍ତେ ଦେବି ତେ ଚକ୍ରବିଦ୍ଯାମ୍|

କଲ୍ଯାଣାନାମାଲଯଃ କାଲଯୋଗା-
ତ୍ତଂ ତଂ ଲୋକଂ ଜଯତେ ତାଂଶ୍ଚ କାମାନ୍||89||

ସାଧକଃ ସତତଂ କୁର୍ଯାଦୈକ୍ଯଂ ଶ୍ରୀଚକ୍ରଦେହଯୋଃ|
ତଥା ଦେବ୍ଯାତ୍ମନୋରୈକ୍ଯମେତାବଦନୁଶାସନମ୍||90||

ହସ୍ତାମ୍ଭୋଜପ୍ରୋଲ୍ଲସଚ୍ଚାମରାଭ୍ଯାଂ

ଶ୍ରୀବାଣୀଭ୍ଯାଂ ପାଶ୍ର୍ବଯୋର୍ବୀଜ୍ଯମାନାମ୍|

ଶ୍ରୀସଂମ୍ରାଜ୍ଞି ତ୍ବାଂ ସଦାଲୋକଯେଯଂ
ସଦା ସଦ୍ଭିଃ ସେବ୍ଯମାନାଂ ନିଗୂଢାମ୍||91||

ଇଷ୍ଟାନିଷ୍ଟପ୍ରାପ୍ତିବିଚ୍ଛିତ୍ତିହେତୁଃ

ସ୍ତୋତୁଂ ବାଚାଂ କ୍ଲୃପ୍ତିରିତ୍ଯେବ ମନ୍ଯେ|

ତ୍ବଦ୍ରୂପଂ ହି ସ୍ବାନୁଭୂତ୍ଯୈକବେଦ୍ଯଂ
ନ ଚକ୍ଷୁଷା ଗୃହ୍ଯତେ ନାପି ବାଚା||92||

ହରସ୍ବରୈଶ୍ଚତୁର୍ବର୍ଗପଦଂ ମନ୍ତ୍ରଂ ସବିନ୍ଦୁକମ୍|
ଦେବ୍ଯା ଜପତ ବିପ୍ରେନ୍ଦ୍ରା ଅନ୍ଯା ବାଚୋ ବିମୁଞ୍ଚଥ||93||

ଯସ୍ତେ ରାକାଚନ୍ଦ୍ରବିମ୍ବାସନସ୍ଥାଂ

ପୀଯୂଷାବ୍ଧିଂ କଲ୍ପଯନ୍ତୀଂ ମଯୂଖୈଃ|

ମୂର୍ତିଂ ଭକ୍ତ୍ଯା ଧ୍ଯାଯତେ ହୃତ୍ସରୋଜେ
ନ ତସ୍ଯ ରୋଗୋ ନ ଜରା ନ ମୃତ୍ଯୁଃ||94||

ତୁଭ୍ଯଂ ମାତର୍ଯୋଞ୍ଜଲିଂ ମୂର୍ଧ୍ନି ଧତ୍ତେ

ମୌଲିଶ୍ରେଣ୍ଯା ଭୂଭୁଜସ୍ତଂ ନମନ୍ତି|

ଯଃ ସ୍ତୌତି ତ୍ବାମମ୍ବ ଚିଦ୍ବଲ୍ଲିବାଚା
ତଂ ଧୀରାସଃ କବଯ ଉନ୍ନଯନ୍ତି||95||

ବୈରିଞ୍ଚୋଘୈର୍ବିଷ୍ଣୁରୁଦ୍ରେନ୍ଦ୍ରବୃନ୍ଦୈ-

ର୍ଦୁର୍ଗାକାଲୀଭୈରବୀଶକ୍ତିସଂଘୈଃ|

ଯନ୍ତ୍ରେଶି ତ୍ବଂ ବର୍ତସେ ସ୍ତୂଯମାନା
ନ ତତ୍ର ସୂର୍ଯୋ ଭାତି ନ ଚନ୍ଦ୍ରତାରକମ୍||96||

ଭୂତ୍ଯୈ ଭବାନି ତ୍ବାଂ ବନ୍ଦେ ସୁରାଃ ଶତମଖାଦଯଃ|
ତ୍ବାମାନମ୍ଯ ସମୃଦ୍ଧାଃ ସ୍ଯୁରାଯୋ ଧାମାନି ଦିବ୍ଯାନି||97||

ପୁଷ୍ପବତ୍ପୁଲ୍ଲତାଟଙ୍କାଂ ପ୍ରାତରାଦିତ୍ଯପାଟଲାମ୍|
ଯସ୍ତ୍ବାମନ୍ତଃ ସ୍ମରତ୍ଯମ୍ବ ତସ୍ଯ ଦେବା ଅସନ୍ବଶେ||98||

ବଶ୍ଯେ ବିଦ୍ରୁମସଂକାଶାଂ ବିଦ୍ଯାଯାଂ ବିଶଦପ୍ରଭାମ୍|
ତ୍ବାମମ୍ବ ଭାବଯେଦ୍ଭୂତ୍ଯୈ ସୁବର୍ଣାଂ ହେମମାଲିନୀମ୍||99||

ବାମାଙ୍କସ୍ଥାମୀଶିତୁର୍ଦୀପ୍ଯମାନାଂ

ଭୂଷାବୃନ୍ଦୈରିନ୍ଦୁରେଖାବତଂସାମ୍|

ଯସ୍ତ୍ବାଂ ପଶ୍ଯନ୍ସଂତତଂ ନୈବ ତୃପ୍ତଃ
ତସ୍ମୈ ଚ ଦେବି ବଷଡସ୍ତୁ ତୁଭ୍ଯମ୍||100||

ନବନୀପବନୀବାସଲାଲସୋତ୍ତରମାନସେ|
ଶ୍ରୃଙ୍ଗାରଦେବତେ ମାତଃ ଶ୍ରିଯଂ ବାସଯ ମେ କୁଲେ||101||

ଭକ୍ତ୍ଯାଭକ୍ତ୍ଯା ବାପି ପଦ୍ଯାବସାନ-

ଶ୍ରୁତ୍ଯା ସ୍ତୁତ୍ଯା ଚୈତଯା ସ୍ତୌତି ଯସ୍ତ୍ବାମ୍|

ତସ୍ଯ କ୍ଷିପ୍ରଂ ତ୍ବତ୍ପ୍ରସାଦେନ ମାତଃ
ସତ୍ଯାଃ ସନ୍ତୁ ଯଜମାନସ୍ଯ କାମାଃ||102||

ବାଲିଶେନ ମଯା ପ୍ରୋକ୍ତମପି ବାତ୍ସଲ୍ଯଶାଲିନୋଃ|
ଆନନ୍ଦମାଦିଦଂପତ୍ଯୋରିମା ବର୍ଧନ୍ତୁ ବାଙ୍ଗିରଃ||103||

ମାଧୁରୀସୌରଭାବାସଚାପସାଯକଧାରିଣୀମ୍|
ଦେବୀଂ ଧ୍ଯାଯନ୍ପଠେଦେତତ୍ସର୍ବକାମାର୍ଥସିଦ୍ଧଯେ||104||

ସ୍ତୋତ୍ରମେତତ୍ପ୍ରଜପତସ୍ତବ ତ୍ରିପୁରସୁନ୍ଦରି|
ଅନୁଦ୍ବୀକ୍ଷ୍ଯ ଭଯାଦ୍ଦୂରଂ ମୃତ୍ଯୁର୍ଧାବତି ପଞ୍ଚମଃ||105||

ଯଃ ପଠତି ସ୍ତୁତିମେତାଂ-

ବିଦ୍ଯାବନ୍ତଂ ତମମ୍ବ ଧନବନ୍ତମ୍|

କୁରୁ ଦେବି ଯଶସ୍ବନ୍ତଂ
ବର୍ଚସ୍ବନ୍ତଂ ମନୁଷ୍ଯେଷୁ||106||

ଯେ ଶୃଣ୍ବନ୍ତି ସ୍ତୁତିମିମାଂ ତବ ଦେବ୍ଯନସୂଯକାଃ|
ତେଭ୍ଯୋ ଦେହି ଶ୍ରିଯଂ ବିଦ୍ଯାମୁଦ୍ବର୍ଚ ଉତ୍ତନୂବଲମ୍||107||

ତ୍ବାମେବାହଂ ସ୍ତୌମି ନିତ୍ଯଂ ପ୍ରଣୌମି

ଶ୍ରୀବିଦ୍ଯେଶାଂ ବଚ୍ମି ସଂଚିନ୍ତଯାମି|

ଅଧ୍ଯାସ୍ତେ ଯା ବିଶ୍ବମାତା ବିରାଜୋ
ହୃତ୍ପୁଣ୍ଡରୀକଂ ବିରଜଂ ବିଶୁଦ୍ଧମ୍||108||

ଶଂକରେଣ ରଚିତଂ ସ୍ତବୋତ୍ତମଂ

ଯଃ ପଠେଜ୍ଜଗତି ଭକ୍ତିମାନ୍ନରଃ|

ତସ୍ଯ ସିଦ୍ଧିରତୁଲା ଭବେଦ୍ଧ୍ରୁବା
ସୁନ୍ଦରୀ ଚ ସତତଂ ପ୍ରସୀଦତି||109||

ଯତ୍ରୈବ ଯତ୍ରୈବ ମନୋ ମଦୀଯଂ

ତତ୍ରୈବ ତତ୍ରୈବ ତବ ସ୍ବରୂପମ୍|

ଯତ୍ରୈବ ଯତ୍ରୈବ ଶିରୋ ମଦୀଯଂ
ତତ୍ରୈବ ତତ୍ରୈବ ପଦଦ୍ବଯଂ ତେ||110||


ଇତି ଶ୍ରୀମତ୍ପରମହଂସପରିବ୍ରାଜକାଚାର୍ଯସ୍ଯ

ଶ୍ରୀଗୋବିନ୍ଦଭଗବତ୍ପୂଜ୍ଯପାଦଶିଷ୍ଯସ୍ଯ

ଶ୍ରୀମଚ୍ଛଂକରଭଗବତଃ କୃତୌ

ତ୍ରିପୁରସୁନ୍ଦରୀବେଦପାଦସ୍ତୋତ୍ରଂ

ସଂପୂର୍ଣମ୍||