অকিংচিত্করকর্মভ্যঃ প্রত্যাহৃত্য কৃপাবশাত্৷
সুব্রহ্মণ্যঃ স্তুতাবস্যাং তন্নঃ ষণ্মুখঃ প্রচোদযাত্৷৷2৷৷

যা বর্ণপদবাক্যার্থগদ্যপদ্যস্বরূপিণী৷
বাচি নর্তযতু ক্ষিপ্রং মেধাং দেবী সরস্বতী৷৷4৷৷

মন্দা নিন্দালোলুপাহং স্বভাবা-

দেতত্স্তোত্রং পূর্যতে কিং মযেতি৷

মা তে ভীতির্হে মতে ত্বাদৃশানা-
মেষা নেত্রী রাধসা সূনৃতানাম্৷৷6৷৷

তস্য মধ্যে মণিদ্বীপঃ কল্পকারামভূষিতঃ৷
অস্তু মে ললিতাবাসঃ স্বস্তিদা অভযংকরঃ৷৷8৷৷

তত্র বপ্রাবলী লীলা গগনোল্লঙ্ঘিগোপুরম্৷
মাতঃ কৌতূহলং দদ্যাত্সঁ্ হার্যং(?) নগরং তব৷৷10৷৷

তত্রৈব চিন্তামণিধোরণার্চিভি-

র্বিনির্মিতং রোপিতরত্নশ্রৃঙ্গম্৷

ভজে ভবানীভবনাবতংস-
মাদিত্যবর্ণং তমসঃ পরস্তাত্৷৷12৷৷

পঞ্চব্রহ্মমযো মঞ্চস্তত্র যো বিন্দুমধ্যগঃ৷
তব কামেশি বাসোযমাযুষ্মন্তং করোতু মাম্৷৷14৷৷

পর্যঙ্কতল্পোপরি দর্শনীযং

সবাণচাপাঙ্কুশপাশপাণিম্৷

অশেষভূষারমণীযমীডে
ত্রিলোচনং নীলকণ্ঠং প্রশান্তম্৷৷16৷৷

তত্র কামেশবামাঙ্কে খেলন্তীমলিকুন্তলাম্৷
সচ্চিদানন্দলহরীং মহালক্ষ্মীমুপাস্মহে৷৷18৷৷

শিবে নমন্নির্জরকুঞ্জরাসুর-

প্রতোলিকামৌলিমরীচিবীচিভিঃ৷

ইদং তব ক্ষালনজাতসৌভগং
চরণং নো লোকে সুধিতাং দধাতু৷৷20৷৷

কেশোদ্ভূতৈরদ্ভুতামোদপূরৈ-

রাশাবৃন্দং সান্দ্রমাপূরযন্তীম্৷

ত্বামানম্য ত্বত্প্রসাদাত্স্বযংভূ-
রস্মান্মাযী সৃজতে বিশ্বমেতত্৷৷22৷৷

কল্হারশ্রীমঞ্জরীপুঞ্জরীতিং

ধিক্কুর্বন্তীমম্ব তে পাটলিম্না৷

মূর্তিং ধ্যাত্বা শাশ্বতীং ভূতিমায-
ন্নিন্দ্রো রাজা জগতো য ঈশে৷৷24৷৷

পুংস্কোকিলকলক্বাণকোমলালাপশালিনি৷
ভদ্রাণি কুরু মে মাতর্দুরিতানি পরাসুব৷৷26৷৷

ষোঢান্যাসাদিদেবৈশ্চ সেবিতা চক্রমধ্যগা৷
কামেশমহিষী ভূযঃ ষোডশী শর্ম যচ্ছতু৷৷28৷৷

ত্বমেব কারণং কার্যং ক্রিযা জ্ঞানং ত্বমেব চ৷
ত্বামম্ব ন বিনা কিংচিত্ত্বযি সর্বং প্রতিষ্ঠিতম্৷৷30৷৷

দুষ্টান্দৈত্যান্হন্তুকামাং মহর্ষী-

ন্শিষ্টানন্যান্পাতুকামাং করাব্জৈঃ৷

অষ্টাভিস্ত্বাং সাযুধৈর্ভাসমানাং
দুর্গাং দেবী(ঁ্) (?) শরণমহং প্রপদ্যে৷৷32৷৷

নাহং মন্যে দৈবতং মান্যমন্য-

ত্ত্বত্পাদাব্জাদম্বিকে কুম্ভজাদ্যাঃ৷

যে ধ্যাতারো ভক্তিসংশুদ্ধচিত্তাঃ
পরামৃতাত্পরিমুচ্যন্তি সর্বে৷৷34৷৷

কল্যাণি ত্বং কুন্দহাসপ্রকাশৈ-

রন্তর্ধ্বান্তং নাশযন্তী ক্ষণেন৷

হন্তাস্মাকং ধ্যাযতাং ত্বত্পদাব্জ-
মুচ্চতিষ্ঠ মহতে সৌভগায৷৷36৷৷

মদ্বশ্যা যে দুরাচারা যে চ সন্মার্গগামিনঃ৷
ভবত্যাঃ কৃপযা সর্বে সুবর্যন্তু যজমানাঃ৷৷38৷৷

ভবানি তব পাদাব্জনির্ণেজনপবিত্রতাঃ৷
ভবামযপ্রশান্ত্যৈ ত্বামপো যাচামি ভেষজম্৷৷40৷৷

নো বা যাগৈর্নৈব পূর্তাদিকৃত্যৈ-

র্নো বা জপ্যৈর্নো মহদ্ভিস্তপোভিঃ৷

নো বা যোগৈঃ ক্লেশকৃদ্ভিঃ সুমেধা
নিচায্যেমাং শান্তিমত্যন্তমেতি৷৷42৷৷

বন্ধূকাভৈর্ভানুভির্ভাসযন্তী

বিশ্বং শশ্বত্তুঙ্গপীনস্তনার্ধা৷

লাবণ্যাব্ধেঃ সুন্দরি ত্বং প্রসাদা-
দাযুঃ প্রজাঁ্ রযিমস্মাসু ধেহি৷৷44৷৷

বাগ্দেবীতি ত্বাং বদন্ত্যম্ব কেচি-

ল্লক্ষ্মীর্গৌরীত্যেবমন্যেপ্যুশন্তি৷

শশ্বন্মাতঃ প্রত্যগদ্বৈতরূপাং
শংসন্তি কেচিন্নিবিদো জনাঃ৷৷46৷৷

যে সংপন্নাঃ সাধনৈস্তৈশ্চতুর্ভিঃ

শুশ্রূষাভির্দেশিকং প্রীণযন্তি৷

সম্যগ্বিদ্বাঞ্শুদ্ধসত্ত্বান্তরাণাং
তেষামেবৈতাং ব্রহ্মবিদ্যাং বদেত৷৷48৷৷

জগত্পবিত্রি মামিকামপাহরাশু দুর্জরাম্৷
প্রসীদ মে দযাধুনে প্রশস্তিমম্ব নঃ স্কৃধি৷৷50৷৷

ভণ্ডভণ্ডনলীলাযাং রক্তচন্দনপঙ্কিলঃ৷
অঙ্কুশস্তব তং হন্যাদ্যশ্চ নো দ্বেষতে জনঃ৷৷52৷৷

চঞ্চদ্বালাতপজ্যোত্স্নাকলামণ্ডলশালিনে৷
ঐক্ষবায নমো মাতর্বাহুভ্যাং তব ধন্বনে৷৷54৷৷

শরণং করবাণ্যম্ব চরণং তব সুন্দরি৷
শপে ত্বত্পাদুকাভ্যাং মে নান্যঃ পন্থা অযনায৷৷56৷৷

দরিদ্রং মাং বিজানীহি সর্বজ্ঞাসি যতঃ শিবে৷
দূরীকৃত্যাশু দুরিতমথা নো বর্ধযা রযিম্৷৷58৷৷

মূলাধারাদূর্ধ্বমন্তশ্চরন্তীং

ভিত্ত্বা গ্রন্থীন্মূর্ধ্নি নির্যত্সুধার্দ্রাম্৷

পশ্যন্তস্ত্বাং যে চ তৃপ্তিং লভন্তে
তেষাং শান্তিঃ শাশ্বতী নেতরেষাম্৷৷60৷৷

ত্বদ্ভক্তানামম্ব শান্তৈষণানাং

ব্রহ্মিষ্ঠানাং দৃষ্টিপাতেন পূতঃ৷

পাপীযানপ্যাবৃতঃ স্বর্বধূভিঃ
শোকাতিগো মোদতে স্বর্গলোকে৷৷62৷৷

বিদ্বন্মুখ্যৈর্বিদ্রুমাভং বিশাল-

শ্রোণীশিঞ্জন্মেখলাকিঙ্কিণীকম্৷

চন্দ্রোত্তংসং চিন্মযং বস্তু কিংচি-
দ্বিদ্ধি ত্বমেতন্নিহিতং গুহাযাম্৷৷64৷৷

চক্ষুঃপ্রেঙ্খত্প্রেমকারুণ্যধারাং

হংসজ্যোত্স্নাপূরহৃষ্যচ্চকোরাম্৷

যামাশ্িলষ্যন্মোদতে দেবদেবঃ
সা নো দেবী সুহবা শর্ম যচ্ছতু৷৷66৷৷

কা মে ভীতিঃ কা ক্ষতিঃ কিং দুরাপং

কামেশাঙ্কোত্তুঙ্গপর্যঙ্কসংস্থাম্৷

তত্ত্বাতীতামচ্যুতানন্দদাত্রীং
দেবীমহং নিঃঋতিং বন্দমানঃ৷৷68৷৷

তারুণ্যোত্তুঙ্গিতকুচে লাবণ্যোল্লাসিতেক্ষণে৷
তবাজ্ঞযৈব কামাদ্যা মাস্মান্প্রাপন্নরাতযঃ৷৷70৷৷

কুর্বে গর্বেণাপচারানপারা-

ন্যদ্যপ্যম্ব ত্বত্পদাব্জং তথাপি৷

মন্যে ধন্যে দেবি বিদ্যাবলম্বং
মাতেব পুত্রং বিভৃতাস্বেনম্৷৷72৷৷

চক্রং সেবে তারকং সর্বসিধ্যৈ

শ্রীমন্মাতঃ সিদ্ধযশ্চাণিমাদ্যাঃ৷

নিত্যা মুদ্রা শক্তযশ্চাঙ্গদেব্যো
যস্মিন্দেবা অধি বিশ্বে নিষেদুঃ৷৷74৷৷

বিদ্যুদ্বল্লকন্দলীং কল্পযন্তীং

মূর্তিং স্ফূর্ত্যা পঙ্কজং ধারযন্তীম্৷

ধ্যাযন্হি ত্বাং জাযতে সার্বভৌমো
বিশ্বা আশাঃ পৃতনাঃ সংজযঞ্জযন্৷৷76৷৷

সিন্দূরাভৈঃ সুন্দরৈরংশুবৃন্দৈ-

র্লাক্ষালক্ষ্ম্যাং মজ্জযন্তীং জগন্তি৷

হেরম্বাম্ব ত্বাং হৃদা লম্বতে য-
স্তস্মৈ বিশঃ স্বযমেবানমন্তে৷৷78৷৷

কণ্ঠাত্কুণ্ডলিনীং নীত্বা সহস্রারং শিবে তব৷
ন পুনর্জাযতে গর্ভে সুমেধা অমৃতোক্ষিতঃ৷৷80৷৷

তবানুগ্রহনির্ভিন্নহৃদযগ্রন্থিরদ্রিজে৷
স্বাত্মত্বেন জগন্মত্বা ততো ন বিজুগুপ্সতে৷৷82৷৷

হ্রীমিত্যেকং তাবকং বাচকার্ণং

যজ্জিহ্বাগ্রে দেবি জাগর্তি কিংচিত্৷

কো বাযং স্যাত্কামকামস্ত্রিলোক্যাং
সর্বেস্মৈ দেবা বলিমাবহন্তি৷৷84৷৷

নূনং সিংহাসনেশ্বর্যাস্তবাজ্ঞাং শিরসা বহন্৷
ভযেন পবমানোযং সর্বা দিশোনুবিধাবতি৷৷86৷৷

দারিদ্রযাব্ধৌ দেবি মগ্নোপি শশ্ব-

দ্বাচা যাচে নাহমম্ব ত্বদন্যম্৷

তস্মাদস্মদ্বাঞ্ছিতং পূরযৈত-
দুষা সা নক্তা সুদুঘেব ধেনুঃ৷৷88৷৷

সাধকঃ সততং কুর্যাদৈক্যং শ্রীচক্রদেহযোঃ৷
তথা দেব্যাত্মনোরৈক্যমেতাবদনুশাসনম্৷৷90৷৷

ইষ্টানিষ্টপ্রাপ্তিবিচ্ছিত্তিহেতুঃ

স্তোতুং বাচাং ক্লৃপ্তিরিত্যেব মন্যে৷

ত্বদ্রূপং হি স্বানুভূত্যৈকবেদ্যং
ন চক্ষুষা গৃহ্যতে নাপি বাচা৷৷92৷৷

যস্তে রাকাচন্দ্রবিম্বাসনস্থাং

পীযূষাব্ধিং কল্পযন্তীং মযূখৈঃ৷

মূর্তিং ভক্ত্যা ধ্যাযতে হৃত্সরোজে
ন তস্য রোগো ন জরা ন মৃত্যুঃ৷৷94৷৷

বৈরিঞ্চোঘৈর্বিষ্ণুরুদ্রেন্দ্রবৃন্দৈ-

র্দুর্গাকালীভৈরবীশক্তিসংঘৈঃ৷

যন্ত্রেশি ত্বং বর্তসে স্তূযমানা
ন তত্র সূর্যো ভাতি ন চন্দ্রতারকম্৷৷96৷৷

পুষ্পবত্পুল্লতাটঙ্কাং প্রাতরাদিত্যপাটলাম্৷
যস্ত্বামন্তঃ স্মরত্যম্ব তস্য দেবা অসন্বশে৷৷98৷৷

বামাঙ্কস্থামীশিতুর্দীপ্যমানাং

ভূষাবৃন্দৈরিন্দুরেখাবতংসাম্৷

যস্ত্বাং পশ্যন্সংততং নৈব তৃপ্তঃ
তস্মৈ চ দেবি বষডস্তু তুভ্যম্৷৷100৷৷

ভক্ত্যাভক্ত্যা বাপি পদ্যাবসান-

শ্রুত্যা স্তুত্যা চৈতযা স্তৌতি যস্ত্বাম্৷

তস্য ক্ষিপ্রং ত্বত্প্রসাদেন মাতঃ
সত্যাঃ সন্তু যজমানস্য কামাঃ৷৷102৷৷

মাধুরীসৌরভাবাসচাপসাযকধারিণীম্৷
দেবীং ধ্যাযন্পঠেদেতত্সর্বকামার্থসিদ্ধযে৷৷104৷৷

যঃ পঠতি স্তুতিমেতাং-

বিদ্যাবন্তং তমম্ব ধনবন্তম্৷

কুরু দেবি যশস্বন্তং
বর্চস্বন্তং মনুষ্যেষু৷৷106৷৷

ত্বামেবাহং স্তৌমি নিত্যং প্রণৌমি

শ্রীবিদ্যেশাং বচ্মি সংচিন্তযামি৷

অধ্যাস্তে যা বিশ্বমাতা বিরাজো
হৃত্পুণ্ডরীকং বিরজং বিশুদ্ধম্৷৷108৷৷